يوميا @ سجلي حالتج النفسيه اهني@متزوجات حيااكم@

[ام الدرر]

باتشولي
حياتي القلوب عند بعضها
عسى الله يتمم عليج ويسخره ويهديه



طالبة انجلش
حبوبة طنشي
استمتعي باشهر الحمل
وحاولي تشوفين اللي صار نقطه لصالحج
انج مسببه لهم تعب نفسي
وقاعدين يحاولون يضغطونج
لو انا منج استاااااانس
حياتي عامليهم بما يرضي الله وكيفهم
لا تنطرين منهم اهتمام وتعاطف
الزم ما عليج زوجج
تكسبينه بتقديرج لهم



بيرفيوم
سلامات حبيبتي ماتشوفون شر


باقي النفوسات
شعلووومااااااا​

 

[Perfume]

الله يسلمج حبيبتي ام الدرر

 

[Patcholli]

بونااااسيرآآآآآآآآآآآآآ


شخباااركم حبيباتي عساكم بخيييييييييير



واااي اخيرا الخميس رااااااااااااااااااحه

اليوم وباجر واللي عقبه بقعد بالبيت ان شاء الله اذا ماصار ظرف طاريء بريح ماني طالعه

وذبحوني ارفيجاتي كلساعه وحده داقه وتحن خنطلع وخنطلع

واااي انا انطر الوكي اند عشان اريح وهذيل ماشاء الله حوسه طول الاسبوع

والمشكله يزعلون اذا قتلهم بقعد بالبيت :×



الاجواء مع ريلي ليلحينها لصالحي الحمدلله

طبعا امس واليوم معطته ريج حلو شوووي بس اقط خيط وخيط ان لاتستانس او احسسه ان هالظحك والغشمره مجامله

اليوم كنت مشتهيه سوشي حدي مصنفه عليه من امس بليل

وانصدمت انه طلع من الدوام وراح يابلي اول مره يسويها ويروح مكان عشان بطني لوول الظاهر حسباله حامل واتنسى خخخخ

عاد قتله مشكور حبيبي وبعد عمري ومن هالكلام

جان يقول اي عشان اثبتلج اني احبج :|

المهم مادري شنو ياب الطاري جان يقول اشلون اثبتلج ان ماشوف غيرج ولا تعجبني غيرج

قتله لو اتيبلي نجوم السما ماراح اصدق طبعا وانا ابتسم

قتله تدري شنو الصدمه الوحيده الي ليلحين ماصحيت منها ؟؟

ان قبل كنت اقول ريلي غييييييييييييييييييييير

ويقولونلي كل الريايييييييييييل نفس الشي

وكنت اصر لااااااااااااااا ريلي غيررررررررررررر

والبنات يحلفون كلهم مثلللللللللللللل

وانا اقولهم لا ريلي اعرف

قتله بس بعدين انصدمت ان اهما الصح وانا الغلطانه

طبعا يوم قلت هالجمله حسيته تحطم

وبس الحمدلله صاير يدلعني ويقولي كلام حلو حسسني جنه ايام الملجه لووووووول

عيايره الرياييل حسبالهم الكلام والهدايا بتسد حلوجنا مايدرون ان احنا انغرقهم بالبحر ونطلعهم ناشفين


بنات شتنصحوني فيه الحين اتخذ معاه اي سياسه ؟؟ انا امس واليوم معطته ريج حلو وكلام معسول

بس مابي استمر على هالنمط عشان لا يحط فباله ان رديت باتشو القديمه ؟؟

طبعا مكالمات واتصالات ماقمت ادق عليه كلش واهو بره الا اذا بغيت شي

وحتى لما اطلع من الدوام اسوي روحي ناسيه

وصايره انامقبله اذا تاخر ما انطره وعادي اتعشى بدونه وهالاشياء كانت من المستحيلات قبل

 

[وردة متفتحة]

ماشاء الله باتشولي..
إيوة قهههر والله إنه الرجال بطبع إنهم يطالعوا وإحنا لأ..إلا من رحم ربي..
مرة وحدة تبغى تقهرني ولا إيش قصدها المهم إيش سوت..
قالت لي أبغى أقولك شيلكن ماتزعلي ولا ولا..قلتلها لا عادي تكلمي..قالت أنا مريت وشفت زوجك وطالعت في عيونه وهو مانزل عيونه ضل يطالع فيني إلين أنا إستحيت ونزلت عيوني..قهرتني لكن أنا قلتلها وأنا أضحك: ههههههههههه ومين الرجال ده اللي مايطالع..حتى هو يحكي لي وأنا عادي لأنه إذا خاصمته ماراح يحكي لي وحيبين قدامي إنه حبيب ومن ورايا يعمل اللي يبغاه..عادي عادي وأنا مخليه الموضوع عاااااااادي..

صدق بنات واللهنرفزة لكن زوجي كدة طبعه مالي إلا الدعاء فقط لأني نصحته مانفع معاه وأنصحكم كمان بالدعاء..


سهام الليل لا تخطي ولكن
لها أمد..وللأمد إنقضاء

 

[Patcholli]

وردة منفتحه ترى والله اغلبهم جذي فيهم طبع الخز ..!!
وانتي فيج خير عاد خل تطيح ايدج لو على بنقالي بالشارع والله يوريج نجوم القايله

عادي شنسوي هاذا الحال ولازم نعيش الواقع احسن مانقص على روحنا ولازم الوحده تعرف تتأقلم مع زوجها واطباعها
وتمشي المركب بس مو حلو الوحده تتنازل بزياده اهو بعد لازم يتنازل عشانها

اتخيلي تتنازلين وتتنازلين وتتنازلين ولما يصير الوقت اللي لازم يتنازل عشانج يقولج الله معاج
راح تتحسرين على كل تضحياتج وتنازلاتج والله انا وحده وايد اخاف من المستقبل صج الواحد يتفائل بس لايكون غشيم
لازم الوحده تحط فبالها جميع الاحتمالات حتى لو يحبج ويموت فيج الزمن هاذا يخوف حييييييييييييييل وبنات ابليس حسبي الله عليهم يبوقون المتزوج قبل العزوبي


موقفج ذكرني بوحده اعرفها بعد

اتخيلي كل ماشافت زوجي بمكان تروح تسلم عليه هههههههههههههه
هالكلام باول سنه زواج حقي ..!!
يعني انا ليلحين ماتعودت على زوجي انتي اشلون يتلج الجرأه كل ماشفتيه بمكان رحتي رزيتي ويهج وسلمتي ..!
الله يستر عليها عاد اهي كان عندها سوالف هشك بشك والظاهر كانت تبيه يعطيها ويه عشان تسولفلي باتشو ريلج قالي وريلج سوالي بس الحمدلله اتزوجت وفكتنا قبل لا يصير الي فبالها
امبيه انا حمواني ليلحين استحي منهم والله مادري شلون بعض البنات فاصخين الحيا ..!! واشكره بعد يفشلون ..!!
!!

 

[Patcholli]

اي والله يا وردة اتصدقين انا اخر مره لما تعبت ذيج الايام من السالفه
كنت بس اتعب اطيح عالسجاده وابجي واشهق واقول يارب ياحبيبي ريحني انت تدري بحرة قلبي
وريلي كان يدش منفس ويعصب لما يشوفني ابجي
يعني لا يبيني اتكلم ولا يبيني اناقش ولا يبيني اتظايق حتى مع ربي مايبيني اناجي وادعي
والله وردة ماطاف يومين الا الامور كلها صارت صوبي الحمدلله يارب
وان شاء الله الوصخ اللي اهو سبب هالسالفه اشوف حوبتي فيه هاذا ماراح ارتاح ليما اسمع عنه خبر يبرد القلب جليل الحيا والشرف والغاريه ..!!

 

[Patcholli]

يوعانه بقوم اسويلي جباتي وجبن :|

بنات وينكم

تعالو بليز خل كل وحده تكتب مواعيد العمل متى تكون متواجده عشان انسق كلنا مع بعض ونحاول ندش الموضوع بنفس الوقت

 

[وردة متفتحة]

هلاااا باتشووو

إيوة كدة تعجبيني مالهم إلا برودالأعصاب هاذيلا البنات اللي فاصخين الحيا الله يفكنا منهم آمين..

والخز أكيد إحنا ممنوعين منه لو مين مايكون برة البيت وهو عادي لا ويقول شفي ديك إيش لابسة من باب الإنتقاد يعني مركز فيها

لوووووووووووووووووووول صدق من قال هم ضحك وهم يبكي

 

[وردة متفتحة]

بالنسبة للمواعيد أنا في البيت ماني موظفة لذلك نسقوا وأنا معاكم

 

[Perfume]

صباحو بنات
قاعدة من الصبح بسبة ولدي :/

باتشوو انا نصيحتي دامه حس على عمره
عطيه ريج حلو وكوني زوجته وصديقته
بس بنفس الوقت خلي نفسج رقم ١
يعني اذا تأخر عليج عادي تعشي ونامي
مو لازم تنطرينه
ودلعي عمرج على طووول عشان يحس انه الدلع
نقدر نقدمه لنفسنا مو لازم ننطره من احد

 

[وردة متفتحة]

وينكم بنات

 

[Patcholli]

مساء الخير حبيبات قلبي


الحاله النفسيه الحمدلله مستانسه اليوم كنت مسويه بوفيه غدا لحمواتي وزوجي حيل مستانس طبعا كله شغل ايدي وماشاء الله كلشي كان مظبوط والكل مدح فيه ..

طبعا الي عندي متشقق وقاعد جنه اسد لوووووووووووووووووووووووووووووووووول

ورده اتخيلي مره طالعين نتريق برا كنا تونا متزوجين

وجبالي كان في اثنين اجانب اشكالهم خايسه كانو اشباه رجال مطولين شعرهم وحافين الحواجب و لابسين لبس بنات

طبعا زوجي مو عاجبه انهم جبالي

مره وحده افتلت علي جان يقولي عاجبينج ؟ قومي قعدي معاهم بعد ..!!

صارلج ساعه تخزينهم ..!!

طبعا انا ماخزيتهم اساسا شخز فيهم اشكالهم تلوع الجبد يعني لو واحد مزيون له حق يعصب ويتكلم بس استغفر الله زباله شطالع فيهم ..!!
اهو من اول ماقعدنا مو عاجبه وينافخ وطلع الحره فيني ..!!

لووووووووووووووووووووووووووووووووووووووووووووووووول بعدين بالسياره قالي انتي المفروض تقومين وتقولين اقد مكاني ..!!

قتله ليش يعني ؟ جبالي ولا جبالك شعلينا من الناس ؟؟ لو بنات جان ماتكلمت ولو جبالك جان زعلت لو انا اعترضت بس انت حلال عليك وماتبيني اتكلم واناحرام ؟؟

المهم من يومها وانا كله مكاني جبال الطوفه هههههههههههههههههههههههههههههههه


والله ورده انا بعد يعني صج موظفه بس لابتوبي اخذه معاي و المغرب وبليل فاضيه لان الحبيب ديوانيه ..

فكيفكم متى تبون نحدد وقت ؟؟

 

[Patcholli]

بيري الله يعينج مع ان اليوم ويك اند حق الراحه بس شتسوين حاولي تنامين مبجر اليوم وتريحين انا الويك اند مهم عندي ارتاااح نفسيا وجسديا عشان اداوم نشيطه اذا مارتحت بالويك اند مستحيل انظبط بالدوام يا ما اقدر اداوم يا اداوم على تعب واعصاب

بيري هاذا اللي راح يصير حبيبتي والله الواحد شماخذ من هالدنيا ..!! ولااااااااااااااااااااااااااااااااااااااشي غير اعماله

اهم شي عندي رضا ربي وراحتي

والله ماقولج قبل يعني كنت عايشه بجحيم بس كنت عايشه عشان راحة الغير على حساب راحتي الحين لا

متى ما ابي اطبخ اطبخ متى ما تعبانه المطاعم مو قايله شي قبل لا كنت اجبر روحي واطبخ اقول حرام الحين محد حرام غيري

وحتى الطلعه كنت احرم روحي من يمعات صديقاتي اذا اهو بالبيت الحين لا .. ياما هدني وطلع ..مافيها شي لو طلعت

ياما سهرت عشانه واهو بس يرجع يقعد خمس دقايق وينام وانا سهرانه ومعذبه روحي حق خمس دقايق ماتسوى

ياما كان يعطيني وكنت اقول لا عشان مابي اكلف عليه ..!! ليش والله انا اولى من غيري يشتريلي ويحطلي ماراح اقول لا من اليوم ورايح ولا راح اجامل ..

انا الي كنت ماشيه غلط مو اهو السبب انا السبب

وسلامتكم وايد تحلطمت هاليومين

انا بعد شوي بروح مجمع دسمان في الوان اسمه فليكس ماركر وايد حلوين شكلهم الوان شينيه و التلوين مالهم جنه زيتي ..

 

[Patcholli]

بنات شنو اتابعون مسلسلات حلوه

ودي اتابع شي حلوووو

 

[Perfume]

عفيه عليج باتشوو
راح ترتاحين وايد ان شالله
انا من لما حملت كله انام عنه
ما كنت اقدر اتحمل السهر مع الحمل
حتى لو اهوا قاعد معاي اقوله تعبانة بنام

مسلسلات مادري ماشوف في شي يديد
نزلي من النت وتابعي

 

[Patcholli]

اي بيري الحمدلله مرتاحه وايد الله يتمم علي هالحال

بيري اتصدقين ماحب اتابع شي باللاب احس ادوخ لان لما ابطله اكون بالفرااش

 

[Perfume]

وتسلم يدج باتشوو عالبوفيه
عساج عالقوة

 

[Patcholli]

الله يسلمج بيري :**


بنات ابي نفانيف حفله راقيه وين اروح حدي متوهقه عندي عرس بعد شهرين

دشيت موقع اجنبي بس الخام مو واضح كلش اخاف اطلب ويطلعون مقلب

والمصممات اهني نفسياتهم خايسهم كلمت وحده زين ماسدته بويهي قطيعه بدون ما اذكر اسامي

اشرايكم وين تنصحوني ؟؟؟؟؟

 

[وردة متفتحة]

مساء الخير حبيباتي

 

[وردة متفتحة]

باتشوو ياريت أعرف أخدمك بعيوني تستاهلين ..
لكن راح أدعيلك ربي ييسر لك الفستان اللي يعجبك ويطلع فيك ويناسبك آمين