يوميـــــــــــات عروس في شهر العسل

[GhaiR_iLNaS]

ان شاء الله

 

[النوار]

يومـــــــــيات عروس في شهر العسل

الجزء الأول
http://www.q8yat.net/showthread.php?t=151031

الجزء الثاني
http://www.q8yat.net/showthread.php?t=151031&page=8

الجزء الثالث
http://www.q8yat.net/showthread.php?t=151031&page=12

الجزء الرابع
http://www.q8yat.net/showthread.php?t=151031&page=21

ام مضاوي بعض الصور صوري مو كلها .. او كاميرتي Canon EOS 400D Digital.
رونه
الياسمين
micro girl
M!SS CoFFee
دخـــــــــــــون
GAP
الشموخ
speed
Q8ya_nZ'3a
athora
بنت الفيحا
بنفسجية
Nonoo
far007a
Pink GirL
أمونة الحلوة
amooona82
meme33
bnt 7wa
orangeya
كويتيه تينن
بتبوتاااا
فبراير
فقدتك يانور عيني
wsts2005
غربــــــــة إحساس
ام شذى
شوق الكويت
V i o L e T a
Betty
قلب حساس
bint_looda
.. ملاكـ ..
كرندارو
(( بنت السعيدي ))
^حلاوه^
الكبر لله
rawona
Ghair_iLNaS
الحـ كويت ـب
دلوعة روحي
zlm
wsts2005
بنت الناس .. كويتيه انا
*سكون*
~MANARY~
om_marwah
سياسية
|-بنوته-|
غيوووض
a7la tooota
ضحى22
ام حسوني
meen_ana
بنت الفيحا
حبي كويتي
منورة الكويتيه
قلب راشد
foofo
دخـــــــــون
قطوة زوجها
bambena
فقدتك يانور العين
الشموخ
far007a
jumjum

شكرا


قعدني نور ضعيف داش من الدريشه متسلط على عيني ..
كنت شوي او اتهاوش وياه .. بلف عنه ينعكس بالمنظره او هم يرد علي ..
عفس مزاجي عالصبح .. لفيت او مالقيته طليت بتلفوني بشوف الساعه جم ولا 6 او ربع او فيه مسج
لي قعدتي جهزي او نزلي بنطلع لي الليل اليوم ..
دخلت سبحت او نشفت شعري عالسريع .. لبست لي بدله خفيفه او جاكيت طويل ..
او اخذت الكاميرا او تلفوني او نزلت .. كلمته قالي يايج بالمطعم
المهم قعدنا نتريق بنروح بباص او الباص يمشي الساعه 8 .. كلينا بســــــــــرعه او رحنا
الرحله حجزها يوسف عن طريج شركه موجوده قبال الفندق
هذي اهيا وايد رحلاتهم مرتبه او حلوه ..

البكج اللي خذاه يوسف ليوم واحد من الساعه 9
لي الساعه 6 تقريبا

طلعنا من جينيف 9 او نص
مواعيدهم بوطقه ..
بعد تقريبا ساعتين وصلنا
مصنع الجوكليت .. يوسف مختار هالرحله بالذات عشاني

يدري اني اموووت عالجوكليت
تمشينا فيـه او اهوا مصنع ماركه مشهوره عندهم ..
ورونا الجوكليت الخام اللي يصنعونه او يستوردونه من اماكن وايد فالعالم ...

بعد ماياخذونا تور فالمصنع يدخلونا صالة فيها مراحل الجوكليت لين اخر مرحله

كلينـــا لين حسينا خلاص مانقدر انتغدى .. لانه كل قطعه غير و طعهم فـــــــــــــــــــــرش .. اول مره اجرب جوكليت فرش توه مصبوب ..

رجعنا من هالرحله او كانت الشمس على وشك الغروب بس لليحين ماغابت .. يوسف كان معزم يشوف النافوره من قريب لانه باجر مامعانا وقت او كان لازم نودي السياره المطار .. اخذناها او رحنا بسرعه وقفناها عند الموفنبيك او مشينا لين النافوره ..
اول مامشينا بالجسر اللي اهوا نفس المارينا لليخوت .. ضنيت انه بتدت تمطر .. بعدين ستوعبت انه هذا ماي النافوره .. المنظر من اهناك كان خيالي ..

او شكل الماي او اهوا يطلع .. احس لو احد يحط إيده عادي يطير ..

المهم انا كان بطني او ظهري يعوروني .. بس كنت اقاوم .. رجعنا السياره او رحنا عالمطار .. عشان رجع السياره حق الشركه اهناك .. بعد ماوصلنا للشركه عرفنا انه كان ممكن نخليها بالفندق او اهما يستلمونها من اهناك ..
فرجعنا فيها وكان المشوار عالخالي ..
المهم .. رحنا الفندق .. اغراضنا كانت مرتبه او باقي بس اندخل هدوم اليوم او نسكر لشناط عشان مايبقى شي حق باجر ..
يوسف كان مسؤول عن الجوازات او اوراق الفنادق او التذاكر او لفلوس
انا مسؤوليتي كانت الجناط
لفيت عالادراج كلهم .. صكيت جنطتي مكياجي او دخلتها خليت الاساسيات بجنطت إيدي
يمعت الاجياس اللي ابيهم او سفطتهم بالجنطه ..
شلت اغراضي من الحمام او كلشي عالطاوله .. او لبست بجامتي او ييت بنام بعد اللويه
كنت ساهيه عن الاكل .. ذكرني يوسف انه من معرض الجوكليت ماكلينا شي .. قالي شرايج انتمشى لين ماكدونالدز ..
انا كنت وايد تعبانه بس كابرت او قمت ..
الجو كان بارد .. او ماكان لي خلق اردد افتح الجنطه .. لبست بنطلون بجامتي او الكوت ماله
اهناك محد يشوف احد او كوته طويل ينفع مع الحجاب ..
بس كان شكلي جني طراره ..
لكن دفيانه عدل كنت ..
المهم .. تمشينا لي ماكدونالد تقريبا 10 دقايق عن الفندق .. تعشينا او لزم يصورني .. الظاهر بيعايرني فيها لي كبرنا هالصوره!! .. بس مالي شغل تعبانه او ابي ارجع الفندق على طول انام مابدل بعد!!! والله تعب
المهم كلينا او خذتنا السوالف لي صارت الساعه 1 إلا شوي .. فرجعنا او نمنا ..

رن المنبه الساعه 6 .. انا بسرعه طقيته Snooze عشان انام زياده شوي
ترى يوسف ماخذ احتياطه او موصي الفندق بعد يقعدونه .. ثانيتيين بس توني برد انام ولا تلفون الدار رن
قام او دخل الحمام انا استغليت هالدقايق .. حطيت على راسي المخده عشان مااسمعه لين يه يقعدني
بس للاسف سمعته!! .. بعدين استوعبت اني نمت حوالي الربع ساعه لانه سبح .. المهم قالي بنزل اسوي الجيك اوت .. قلت له دز احد ياخذ لجناط بسرعه شلت اللي علي او دخلت التناتيف اللي بقت او حطيت الجناط عند الباب او دخلت سبحت ..
كنت وايد تعبانه .. تيمع علي تعب الايام اللي طافو .. المهم لبست عالسريع او نزلت ..
كان المؤتمر اللي بالفندق اخر يوم لهم اليوم بعد فاللوبي كان زحمه قالي تريقي بخلص او بييج قلت له ماشتهي بنتظرك ..
خلص او كنا متأخرين .. خذتنا سياره الفندق لي المحطه .. او بسرعه بسرعه ركبنا القطار
كلمت امي او خالتي اطمنهم .. او قعدت اطرش مسجات حق البنات او خالاتي ..
تعودت كل يوم اطرش حق امي صوره بالتلفون ..
المهم .. الكراسي كانت بالقطار شبه مريحه ..

طلبنا انا شاي او يوسف قهوه .. او خذينا انا بيقل او اهوا كوراسون تريقنا ريوق خفيف يعني ..
المسافه مو وايد طويله .. او المناظر بالطريج روعه ..
انا كان عندي Ipod
قعدت اسمع او اطالع المناظر .. يوسف نام شوي
المهم وصلنا باريس .. الظهر او لزمت على يوسف ناخذ الاندرقروند .. او طبعا هالشي غلط لانه بيدنا 3 شناط او بهالوقت الظهر يعني وايد زحمه عندهم .. او انا ظهري كان يعورني فماكنت اقدر اساعده
تعذب او كان الاندرقروند بينصك عني .. المهم اهوا ماتكلم لانه من الصبح على قولته عاقده النونه او تبين تتهاوشين مع اني والله كنت عادي ..
وصلنا محطتنا جارل ديقول .. او نزلنا بالشنازلزيه
اول مانطلع من المحطه بويهنا الماربل ارج ..

المهم .. احنا كنا نسحب بهالجناط لي الفندق ..
او انا اشوفه مسكين جنطتين او حاط جنطة ايدي لانها وايد كبيره بوحده من جناطه من برى ..
او انا اسحب الجنطه لصغيره
او قاعد يحاتي احد يبوق من جنطتي لانها جنها جيس مفتوحه ..
لزمت عليه يوقف ابي اصور الماربل ارج ..
قالي امشي كل يوم بنمر عليه
جان اندقر او امشي .. كنت ابي الصوره مع اغراضنا شكلنا يونس جنا يايين مشي
المهم وصلنا
وصلنا الفندق انا او اهوا او دقرتي ..
تعوذت من الشيطان ..
او قعدت عالكرسي على مايخلص check In
والحمدلله كان توه صاير الوقت اللي يقدرون يسلمونه الغرف ..
فدخلنا او ياني نشاط مفاجئ .. قلت له انت نام شوي .. بجهز كلشي او بلبس او بقعدك عشان نتغدى قالي اوكي ..
طلعت له ملابس عالسريع بدل او نام
او قعدت انا ارتب هدوم فرنسا ..
بفرنسا وايد يكشخون .. عكس جينيف اللي محد يطالع الثاني ..
فطلعت بلايزي اللي فيهم حركات شوي ..
و زهبت حق هالجم يوم كل بدله مع اكسسواراتها او كلشي رتبته ..
عطرت الكبت .. او رتبت حق يوسف اشياءه الاساسيه او دعست جنطتي تحت الطاوله مالت لجناط او خليت جنطته فوق ..
شنطة المشتريات دخلتها بالكبت ..
رتبت اغراض الحمام
او قعدت اضبط نفسي ..خطيت الكحل والحمره الورديه
او قعدته ..
نزلنا او قعدنا بالكوفي شوب اللي تابعه حق فندقنا نتغدى ..
حطينا برنامج حق اليوم الشانزلزيه او ضواحيه
او باجر او اللي عقبه اخر يوميين لنا في فرنسا كنا بنقضيهم بديزني او من اهناك بنروح لندن
المهم يوسف يحب يرتب كلشي من قبل عشان مايضيع علينا وقت نفكر وين بنروح او هالفكره يديده علي او صج حسيت انها زينه او فادتنا وايد في جينيف .. شفت اشيا ماكنت اشوفها بشهر كامل مع اهلي
المهم بعد ماخلصنا اكلنا .. انا دخت قالي بوصلج او بنزل اخذ لنا خطوط حق التلفون او اغراض من البقاله او بايي قلت له اوكي
رحت غسلت ويهي او نمــــــــــت
قعدت من النوم او كنت شايفه الظهر وايد خليجيين .. او طبعا البنات كلهم كاشخين فقلت اللحين لازم اكشخ ازيد شوي
حطيت لي مسك كنت يايبته وياي حق ويهي
او قعدت اصبغ اضافري احمر.. لبست بدله سوده جينز في لمعه خفيـــــــــــــــــــــــفه سكني
او قميص ابيض مع حزام احمر عريض او كوت اسود
لبست عقد لولو او حطيت لي شوي شدو او كحل او زودت المسكاره شوي او لبست كعب
يوسف كان مشغول مع التلفون شافني
قالي وين بنروح قلت له تحت قالي وايد كاشخه
الدقره الثانيه
انا اقول ليش ماحب فرنسا
اللحين عرفت السبب
قلت له انزين ببدل انتظر شوي
قالي ووووووووووين تعالي ليش تبدلين تهبلين ..
قلت له انت ماينعرف لك ..
قالي لا بس متغيره علي شوي
قلت له قبل حالتي حاله
قالي لي لااااااااااااا بس اهناك كله كنت فاتح تلبسيت اللحين عالطول اسود اقصد ستايلج صار غير
قلت له ماعرفت لك ابدل
قالي حبيبتي حلو .. يالله امشي لانتاخر خاطري اروح السينما
قلت له زين نتمشى شوي او نروح
الارض اهناك مثل الحصى الكبار, او انا اصلا ظهري يعورني فتعذبــــــــــــــت المحلات كلهم سكرو فقلت حق يوسف اللحين بروح السينما
قالي نتمشى لي الملاهي او نرجع

الملاهي باااااااااااااخر الشانزليزيه او كنت اشوفها من بعيد صغيــــــــــــــــــــره
اهني ماقدرت قلت له بموت من ظهري ماقدر اليوم باجر خل نروح بالليل
قالي اوكي نرجع قلت له لا بروح السينما
قالي اوكي ,, لكيو كان طووووووووووووويل
او كلهم كاشخين الفرنسيات والله في بنات كانو لابسين فساتين سهره يضحكون
المهم خلصنا الفلم او خذينا تيك اوي من مطعم فاست فود او رحنا فندقنا ناكل ..
خلصنا اكل او نمنا

 

[GhaiR_iLNaS]

واااي وأخيييرااا يلا يلا خل أقرااا ... الحمدالله عالسلامة نواااار :**

 

[دلوعة روحي]

و تسلمين و تعيشين

 

[بنت الناس]

الحمدالله عل سلامه
تو ما نور المنتدى حبيبتي

 

[^حلاوه^]

توني جيكت و طلعلي عند نيك نواار شاااب وردييي ونااسة يلااا ناطريينج نوااار :68_asmilies-com:

الله يبشرج بالخيير

عيل القمر قرب يكمل قصة ^_^

 

[بنت الناس]

وناسه
الافلام هناك اجنبيه و لا فرنسيه ؟؟؟ انا ما اعرف فرنسي
ما اتوقع اذا رحت فرنسا بدخل السينما

 

[M!SS CoFFee]

واااااااااااااااااااي فرنساااا نياااااالك خيتوووو

الله يوفقج ويهنيج ويحميج من العين اللهم آميــــــــــن

 

[a7la tooota]

الله يوفقكم يارب ويهنيكم ويسعدكم ...

 

[GAP]

الحمد لله على السلامه والله اشتقنالج وعلى هالنطره نبي بعد بارتين خخخخ

 

[bnt_7waa]

نااااااايس خووش بارت


انا استنتجت شي من البااارت لووول ماتشوفين شر نوار << اكون ذكيه يعني

وسالفه فرنسا لمه كشختي ضحكتني لوول


ومتابعين احداث فرنسا

 

[حبيبة أهلها]

هلاوغلا نوار الحمد الله على الســــــــــــــلامة حبيبتي فرحت لماشفت الاجزاء يعطيك الف الف عااافيهــ والله يوفقك ويسعدك يارب

 

[سيده ملعقه]

الحمدلله على السلاامه ..
عااد انا توني اتابع يوميااتج
والله يوفقج انشالله ويرزقج الذريه الصالحه يااارب
واسلوووبج ماشالله حلووو وفيي صور شغل عدل
والله يوفقج انشـــــــــــــــــــــالله

 

[amooon82]

الحمدالله عالسلامه وماتشوفيين شر


عوار الظهر امممممممم ان شاءالله يكون اللي في بالي ومبروك مقدما ​

 

[السولعية]

توو مانور المنتدى نواار =)

 

[غربــــة اِحساس]

متابعة كالعادة : )

 

[foofo]

ماتشوفين شر حبيبتي نواااار

متااااابعينج @@

 

[L a w y e R]

متابعة

 

[bnt_7waa]

الحمدالله عالسلامه وماتشوفيين شر


عوار الظهر امممممممم ان شاءالله يكون اللي في بالي ومبروك مقدما ​

لأ مو الي ابالج لانها كانت تحط صبغ اظاااااافر لوووووووول <<وهذا الشي الي استنجته من عوار الظهر

 

[zlm]

yalla na6ren next part