يوم الاحد20/11/2011يا اداريات التربية

[كيفي^كويتيه]

يوم الاحد انشالله اعتصام عن العمل ولاتسوون ولاشي ولاتمشون المعاملات ووقفوا كل شي علشان نعلم اللي يستهزأ فينا الاداريات ويقولون احنا مانستاهل تكفون خلونا كلنا ايد وحده ومع بعض نعم للاعتصام لكل موظفات وزارة التربية والمناطق التعليميه والمدارس كلها من الروضة الى الثانويه ومن الاداريه الى المنفذه والمجهزه والاخصائية وامينة المكتبه والتقنيات والمخزن نبي الكل اضرااااااااااااااااااااااااااااااااااب طول الاسبوع من الاحد الى الخميس والحاضر يبلغ الغايب ودزوا برود كاست
(((((((((((((((((ومايضيع حق وراه مطااااااااااااااااااالب))))))))))))))

 

[Miss May]

مرت خالي ادارية ورفيجاتي اداريات واعرف بنات اداريات يقولون ماعندنا شغل وكراف
وشغلنا خفيف ومرات نمل من الفراغ !!
وأكثر من مدرسة ادخلها القى الاداريات مسوين قروب وقاعدين يسولفون
مو حاسدتهم بس وظيفتهم مافيها شغل وكراف

اللي صج يتعبون ابلات التقنيات ويستاهلون الزيادة على تعبهم !!

ليش الطمع والجشع !!
كل واحد يعرف مستواه

خريجة معهد سنتين تقارن نفسها بجامعية اربع سنين
وتبي نفس معاشها !!

شلون نشجع الطلبة يجتهدون اذا شافوا الجامعي نفس معاش الدبلوم !!

فكروا بعقل ولا يعميكم الحسد والطمع !!

أتمنى تقبل رايي برحابة صدر !!

شكـرآآآ ..

 

[رحيل المرافيء]

مابقى احد ماسوى اضراب
ياترى لو الخدم عندك بيسووون اضراب بترضوووون
انتو داوموا قبل عشان تاخذون كادر
الاداريات روحي الوزارة الساعة 11 ولا 12 ماكو احد

 

[المحافظه]

تكفووووون يالاداريات مانبي نسكت عن حقنا شنوووووو ماعندنا شغل والله حرام عليكم حنا مو حااااااااسدين المدرسات بس والله هادين بيتنا وعيالنا ومقااابلين هلمدرسه علي شنو علي ست امئه والله ان مرة اخوي نفس معااااشي بشؤن وهي موووو ماخذه الا الثنويه
المحاسبه دبلوم بوزارت التربيه معاااشهم اكثر من نعاااشاتنا والله يشتغلن نفس شغلنا يوم كنت بالمنطقه علي الاجاااازات والدوام
والحين صرت بمدرسه
منوابات الفرص علينا بيع مقصف علينا مناوبة نهائة دوام علينا اعطي ولي امر طبيه طلعي بنت لهله دقي علي اهله اخذي غياب صوووف خوووامس ودخليهم اسحبي الاحصائه دخلي درجات خوووووامس صووووري لكل شي تبه المدرسه يخص خاااامس انا اتكلم عن شغلي جيكي علي الملافات وزعي الطااالبات والله لو اعد مااااااخلص
حرررررام والله المنفذات الخدمه فرقها عني 50 دينار ليش الظلم ليش 

 

[الملح كله عندي]

اناا مدررسه حوولت ادارريه ابي الرااحه ماكوو رااحه لا والمعااش ضعيف وكااني جامعيه طاح حظ التربيه الخايسه والناظرات المتشدداات والله شسالففه حبيبتي


ليش ما نشتغل انا حولت عشان ارتاح وما شفت راحه


المدرسات يستاهلون بس هم احناا نستااهل والا نقعد في ابيوتنا احسن وانتي اشتغلي وبيعي بالمقصف ومناوبه باصات واطبعي كتب


يا هاانم خنشووف لا وابله الكونترول المصرريه شايخه علينااا تجيب الاوراق وسوي وحطي ورتبي ولصقي

ليش تااخذ زياده 600 دينار الله ياخذ الناظرات اللي تشيخ المصريه على الكويتيه



وانا جامعيه ترا ومدررسه حوولت من الظلم والقهر برتاح لكن ماشفت راحه والمعاش ضعيف الله يرزقني الجننه ياررب

 

[love^angel]

انتو مو الخميس اضربتو؟؟ ترى المعلمين اضربو يوم واحد ليش الخميس والاحد يعني متى الناس تخلص اشغالها؟؟؟
اذا لكم حق بتاخذونه و من حقكم تطالبون بس مو تعطلون شغل الناس ترى الناس مالها ذنب مايصير كل يوم الواحد يروح الوزاره ويطق درب و زحمه و اخرتها والله في اضراب اذا بالايام العاديه الواحد غصب يحصل موظفين هالمره اضراب!!!

 

[تكفى يا حظ ركز]

اللي يقولون مانشتغل انتي قاعده متكيه وتألفين من عقلج. لا حبيبتي نشتغل والمعلمه تشتغل وعلى راسنا. بس حنا بعد نستحق كااادر. ونطالب بالعدل مو بمساوات الرواتب. فرقوا حبايبي. شوفوا شنبي.وبعدين حطي تعليقج. نشيل كل شي عن المعلمه. هي مالها شغل الا بفصولها ولا حنا اشراف ٥ دقايق ومناوبات فرص وصباحيه ونهاية دوام نخلص السجل المدرسي والغياب للمعلمات والطلبه ونسهل امورهم ونصور ونطرش لها لي صفها. هي لاهيه طول وقت الفراغ وبس تجي حصتها تجي صوروا وطرشولي الاوراق. لولانا ضاعوا الابلات حبيبتي وكل شي نسويه بالمدرسه الا الشرح للطلبه هو اللي على الابله وتقولون ما نشتغل وما نستاهل. اجل منو اللي يستاهل ؟؟
يالله ياجماعه اتفقوا وحنا معاكم.وعن الحسد ياجماعه حنا طلبنا حقنا والعدل. ماطلبنا نفس رواتبهم وثلاث ارباعهن مايستاهلون هالزياده لي جيتي للحق. ماكو ذمه وضمييير وتحسب بالطبيات ولا همها تدريس

 

[ريانا]

خريجات الجامعه يستاهلون بس خرجات الدورات والتجاري يبون زياده ؟؟؟؟

انتو لوزادوكم افضل يزيدون كل طالب خريج متوسطه بعد

استغفر الله طمع وجشع واهم والله ولامره رحت المنطقه ماشفتهم ضحكهم الي واصل لي برا والبلاكبيري والريوق ويبون كادر ولا الوزاره الي كل وحده تحولج عالثانيه

انا مع زيادة طالب الابتدائي

 

[ريانا]

وبعدين ماصار في ولاء للدوله ماسمعتو كلام صاحب السمو حفظه الله ورعاه

مانبي فتنه وشوشره فالبلاد والي يسوي جذي الداخليه بتوقفه عند حده

المعلمين اضربو يوم واحد لا ومو الكل انا اولهم كنت مداومه وضد الاضراب
وانتو كان الثلاثا والخميس وشفتو الشغل ماشي بدوكم بتكملون الاحد الحمدلله بس

 

[أميرة 22]

اللي صج يتعبون ابلات التقنيات ويستاهلون الزيادة على تعبهم !!

..

والله انتي صاجه
تقنيات اساعد الابلات واسوي لوحاتهم والوسائل تبع دروسهم نموذجيه
وهم يشجعونهم ويحيونهم على تقديم الدرس وتنويع الوسائل

وانا ما جني سويت شئ ولا ذكروا اسمي حتى في انجاز الدرس
من عمل لوحات + تركيب الداتاشو + تركيب شاشة العرض + توصيل
اللابتوب بالداتاشو + اجيب اشتراكات عشان نركب لها الاجهزة + اصور لها درسها بالكاميرا
+ احط صور من كاميرا للكمبيوتر ( عشان هي تاخذ صورها وتسوي تقريرها )

مو اغلب نجاح المعلمة في درسها يرجع للتقنيات اولا قبلها
مووووووووووووو ظلم ........... !!! :eh_s(16):

التقنيات فئة منسيه ... !!!!!!!!!! :eh_s(4):

حتى ان ناظرة والوكيلات مرات يطلبن مني شئ اصلا مو من لضمن شغلي
واللي اهو شغل منفذه الخدمة بس سويت اللي يقولن عنه ... لأنهن تعودن يطلبن
هذا العمل للتقنيات .. ورفيقتي اللي معاي تنفذ مطالبهن ولو اني ودي ارفض !!!



كيفي كويتية

ما اعتقد اذا داومت الاحد ارد وارفض اللي يطلبون مني اسويه
راح يشتكون علي ويجيون وكيلات والناظرة وتصير هوشه وخنقه :eh_s(4):
وبيقولون ليش مداومة ؟؟؟ جان غبتي ......... !

يعني يا تغيبين او تداومين وتسوين اللي عليج ...

والله ينصرنا ويرزقنا .. :rerrerek:

 

[من هالسنين]

ادريه وستاهل الكادر
زادوا علينا الشغل والمعاش نفسه ماتغير
اداوم قبل الساعه سبع الصبح وناوب عند الباب وبعدين اسجل الطلبه المتاخرين يععني واقفه ليما الساعه 8 وبعدين اخذ الغياب من الفصول وسجله بالكمبيوتر وبعدها اتابع الوجبات الغذائيه غير الاشراف على الاجنحه والبيع بالمقصف
والصباعه والتصوير للمراحل والصيانه الجزئيه ومتابعة الغياب وطباعة الرسائل والتوجيهات لاولياء الامور وطباعة اجتماعات الناظره والوكيله شبه يومي وهم ناخذ مناوبة الهده ليما اخر طالبه مرات ارد البيت الساعه 3 ونص وهم النقل وستقبال الطلبه للعام الجديد وطباعة اسامي كل ثلاميذ المدرسه والصاقها ع الفصول
وبالامتحانات نطبع الاسامي ونلزقها ع الادراج ونفتح الفصول وناخذ غياب الطابات وندق ع المتاخره عن الامتحان ونقفل للصفوف وناخذ مناوبه بعد الامتحان . وندخل درجات الامتحانات ونقعد مع الكنترول ونسوي احتساب بالكمبيوتر ونتابع دفاتر الدرجات من قبل المشرفات كل هذا براتب 600 دينار

 

[صلفا]

:bbbiu::bbbiu:انا بس عندى سوال واحد للمدرسات لا طالبنا بالزياده انتم اللى تعطونا ولا الدوله مثل ما انتى كويتيه تقولين أنا اشتغل بعد أحنا نشتغل بعد يمكن باخلاص اكثر منج انتى اغلب وقتج ما تفهمين تدرين ليش روحى شوفى اولياء الامور اللى خليتنى الناس تتجه للمدرسين الخاصين الله يرحم ايام المدرسات المصريات الفلسطينات هم اللى صح درسونا مو انتى تجيين تسحبين تقولين ذيبه اخر شى الاداريات أشحقه تاخذون زياده ما تسكتين احسن لج ولا قالو شى قالت تعبت كم مره غيرو المنهج عشانج عشان يفهمونج انتى ما تفهمين جايه رازه وجهج تقولين اشحقه الزياده اقول ترى ما نا موظفات عندج فهمتى

 

[DEEMA]

^







^




^





^


صح لسانج



الله يسعدج ردج موتني من الضحك

 

[ريانا]

صلفا

انتي موموضفه عند الدوله حللي معاشج مومسوين اضراب اسبوع

وابشرج مالكم زياده

 

[أميرة 22]

وينكم بنااااااااااااااااااات ؟؟؟

 

[ياا راسي التعب]

الملح كله عندي صااااجه بكل كلمه حولنا اداريات نبي الراحه مامن راحه انا شؤؤن طلبه جامعيه مو كلهم دبلوم والكل يتعب ويستاهل

 

[ياا راسي التعب]

انا ضد الكوادر بكل اشكالها
بس مادام عطوا المدرسات وافتحوا مجال يتحملون
كلنا جامعيات ونتعب والله مانقعد

 

[سنعوسية]

انا بعرف المدرسات شحارهم هذا اهم اعتصموا ولا اهتموا بطلبه ولا شي ومحد قال عنهم شي شمعنى علينا اعترضوا شهالحسد شلون لو مو ماخذين الكادر احب لاخيك ماتحب لنفسك. ترى ماقلنا نبي مثل كادركم نبي بس حقنا معاشاتنا اقل من مايليق بوظايفنا صارلنا سنييييين ومعاشاتنا محلك سر شسالفه ترى احنا كويتيين وحتى انتوا خذتوا زياده خييييييياليه محد اعترض عييييييب والله احسد اللي بقلوبكم
كاه اداريين البترول زادوهم مع المهندسين وكلهم فرحوا لبعض وازروا بعض ...... واللي تقول بسكم اضرابات شمعنى الحين بسنا وقفت علينا احنا بسسس
لو الكل مساوينهم وزايدين كل موظفين الدوله كلا على حسب شهادته وتخصصه ودرجته جان ماعترضنا بس الشرهه على الدوله اللي تكافئ اللي يعترض واللي يشتغل وهو ساكت تهضم حقه!

 

[dantella]

والله انا اعتقد ان مدرسات هالوقت شارين شهايدهم مشترى اشكرا وذلونا جامعيات وجامعيات و4 سنين و5 سنين خو اقصاج شاريه الشهاده واكبر دليل عيالنا صرنا لهم مدرسين بالبيت
والله ان اختي تقول مدرساتها الرياضيات والعلوم تصفح الكتاب تصفح ولا تعطي مجال من الطالبات تسال وان وحده بطلت حلجها تقولها هذا خذتوه السنه الي طافت مراجعه
بالذمه هذا تدريس؟
بسكم نصب وواضحه شهايدكم خرطي ذبحتونا يارواعي مصر


انا لا اداريه ولا مدرسه ولا لي علاقه بالتربيه انا مجرد وحده مستاءه

 

[@ DLOO3TAH@]

أب .