ييبي الولد ولج معزة خااصة عند ابوالشباب واهل ابوالشباب ^_^

[حب الرّمان]

أنا عندي ثلاث صبياان اسم الله عليهم يقولي بعد خمس سنين ماحملت

حملت ويبت توائم ماشالله ضاري وحمد وعقبهم بسنه كسرت راسهم بعذبي
\
وره جذي انسولف يقولي اذا انتي ماتبين يهال كيفج الحمد الله ربي رزقني بثلاث صبيان يشلون اسمي ويشيلون لمن اكبررر

بس تدرين ماشالله الصبيان تعب تربيتهم انا الحين مادري شلون اربيهم صح اهم فيهم عنف تخيلي لعبهم طق ومن يعور الثاني اكثررر
تلقيني بس اصرخ وكنت اطقهم بس خفيت ايدي عن اني اطقهم ’’’’’

بس الريال يبي صبي علشان ينقاله يابو فلااان ويكشخ في عند ربعه يارب يرزقج بالولد الصالح

 

[q8tyah]

اى صح كلامج الريال يستانس ويفز اذا زوجته يابتله الولد

بس بالنسبه للمعزته لاتزيد معزتها ولاتنقص

فى حريم خلفتهم كلها صبيان والريال مايحبها ولا يدانيها ويتزوج عليها

وفى حريم خلفتهم كلها بنات وياكبر غلاها عند ريلها

وبالنسبه للحموله اذا حبوا الجنه حبوها عشان اخلاقها وطيبتها مو عشان يابت بنات والا صبيان

 

[** باربي **]

عيل الحرمة الي ما رزقها الله بعيال شموقعها حرام المعزة انها زوجة الولد مو ام ولد او بنت هذا التفكير النظيف يعني مالها معزة الا لين يابت ياهل..!!

 

[* بنت المطر *]

جبنا الولد وجبنا البنت وماشفنا من اللي تقولين شي الله المستعان

بس جد ناس متخلفه عبالهم كل شي بيد المره كل شي بيد الله سبحانه وتعالي

ومشكوره ع الطرح

 

[~{.. روج احمر]

العقليه متخلفه الي تقول جيبي ولد ومن ها الكلام

الرزق من الله ان كان بنت ولا والله

المال والبنون زينه الحياه الدنيا <ماحدد بنت ولا ولد

مافيه احكم من كلام ربي

لاكن الله يهديهم الناس

واذا ع المعزة بالمعامله وللاخلاق

 

[summer's day]

رد : ييبي الولد ولج معزة خااصة عند ابوالشباب واهل ابوالشباب ^_^

وي انا عبالي هالعقلية مو موجودة ليلحين؟

 

[om_7amny 85]

رد : ييبي الولد ولج معزة خااصة عند ابوالشباب واهل ابوالشباب ^_^

انا اموت على الأولاد بس ما عندي نفس هالأعتقاد
يعنى من قبل لا اتزوج كنت دايما انجذب على الصبيان احس دمهم أخف مع ان الناس اغلبهم ينجذبون على البنات
انا اول ما حملت كنت ابي ولد و ريلي كان ميت على الولد والحمدالله طلع ولد مات من الوناسه الدنيا كانت مو شايلته و طلع من الدوام و يانى مو عارف شسوي طاير طاير
و المره الثانيه كانت بنت و هم فرح فيها بس بالولد كانت فرحته أكثر و انا كانت مو فارقه معاي بنت او ولد مع انى كنت ابي اخو حق ولدي
و الحمله الثالثه طلع ولد و اول ما قالت الدكتوره ولد ريلي تشقق حتى الدكتوره تقولي ما عندج اولاد ؟؟ ما تدري ان الثانى و طلع من غرفه السونار وراح يدق تلفونات على اهلى و على خالتى
و ألحين يموووووت على بنتى و أكثر وحده يوله عليها من بينهم و اول ما يسأل عنها يموت يموت عليها بس هم بعد لو احمل هم يبي اولاد ليش ؟؟؟ مادري
و أبوي لا يحب البنات يموت عليهم

 

[لاتكابر غلطتي]

لانقص على عمرنا
كل وحده فينا تبي الولد مو عشان شي
لاوالله الا عشان يكون ذخر وسند لامه وامه وخوااااااااته اهم شي عقب عين ابوه عقب عمر طويل
وهذا مو معناته قصوور باني ماحب البنات
لاحشى اموت فيهم واحبهم واهم شي حنونات
لكن الذريه الصالحه اهم شي والرزق من الله ..
لكن الولد ولا وحده فينا ترده لان مثل ماقلت سابقا انه ذخر وسند اذا رببي هدااه واصلح حاله
بس مو امووووووت واسوي امور غريبه عجيبه بس عشان اجيب ولد .. استحاله هالشي يصير ومو تتعب نفسيتي واكره بناتي اذا بس عندي بناااااااااااااااااات ..

العقد هذي لا

 

[روحي زوجي]

رد : ييبي الولد ولج معزة خااصة عند ابوالشباب واهل ابوالشباب ^_^

بنات شفيكم عالعقليه

الاسلام يفرح بالولد واكثر من فرحتة للبنت وعلما جزاء تربية البنات عظيم

تبون الصراحه بالفعل الولد ولادته تفرح اكثر من البنت ومستحيل احد ينكر هالشي

 

[sunshine22]

رد : ييبي الولد ولج معزة خااصة عند ابوالشباب واهل ابوالشباب ^_^

ما يفكر جذي الا الناس المتخلفه


المؤمنين والعقلانيين ما يفكرو بجذي


تبين اقولج شي

============

كل رفيجاتي اللي عندهن اولاد

ياازواجهن خاينيينهم
ياملوعين جبود حريمهم ويبين صراحه
طبعا العلاقه مع الحموله مثل العبد والجاريه صراحه نزله يومياااا لاهل الزوج شحقه انزلهم شالسالفه ماوراي اشغال
لا ولما بعد يزيد الطين بله نزلت الصبح ونزلت العصر ونزلت الليل حشىىىىىىى جهاد الله وكيلج
انا مااتحمل هالعيشه

وانا اللي عندي بنات
عايشه احسن من عيشتهم مليون مره
وعكسهم تماماااااا
واحترام الحموله

يبين من ثقل زوجت الولد للاسف كل ما كانت عزيزه احترموهاااااااااااا

 

[sunshine22]

رد : ييبي الولد ولج معزة خااصة عند ابوالشباب واهل ابوالشباب ^_^

تذكري

رسولنا محمد عليه الصلاه والسلام

كل خلفته بنات


يعني الله ما يحبه
دعوه وحده منه
تصير خلفته صبيان


بس هنيه يبين الانسان المتفتح
اللي يؤمن بأن اللي الله كاتبه يصير لازم يصير
======================

والانسان مسير لا مخير
يااختي





كبرو عقولكم

جان كل من عندها ولد مو مطلقه
جان كل من عندها ولد لها رصيد بالبنك
جان كل من عندها ولد انفتحتلها طاقه القدر



شاالسالفه

واذا ما جبتي الولد
شنو بيصير

بتروحين النار مثلااااا
والا بتطردين من رحمه الله

 

[honey lust]

جد استغرب من هالتفكير الحجري
اصلا والله البنت تفيد اهلها و تكون باره فيهم اكثر من الولد
الولد من يتزوج خلاااص ما يدري عن اهلها و حتى لو درى عنهم مو نفس البنت
والله حاله ناس مادري شلون عقولهم!

 

[sunshine22]

رد : رد: ييبي الولد ولج معزة خااصة عند ابوالشباب واهل ابوالشباب ^_^

صاجه والله لللاسف للحين هالتفرقه بين البنت والصبي عندي وحده من حمواتى يابنت بنتين ورا بعض حملت على طول وااى احسه صج تعبت نفسيا بحمالها كلما احد شافها انشالله صبي انشالله صبي ولا خالتى (امها) ملنا تشوفها ترفع ايدينها للسما وتدعي من قلب الله يزرقج بفلان امبيه خو ادعي لها تقوم سالمه واتسهل ولادتها.؟؟؟؟؟؟؟؟؟؟؟؟
حتى لو المرا والريال مو ابالهم هالشي وما تفرق معاهم غصب يحطونه ابالهم ويخلونهم يحاتون
مسكينه حماتى حتى خايفه تسوي سونار

والله اللي مسكينه خالتج
وصلت ترفع ايدها تدعي بالولد بدال انه يسهل عليها
الحمدلله انه الله عطاني ام مؤمنه
امي دم ضروسها التنبؤات والولد والبنت
كل امرهااللي من الله يجي ياحلوه

 

[tmtmt]

والله انا الي ميته اب يالولد
مو عشان شي بنتي نور عيني
بس عشان بسميه على اخوي

 

[بتبوتااا]

. الحمدلله ماعندناا هالعقليه بس الحسد موجود لانه انا اول وحده من حمواتي يبت الولد وريلي كان عاااادي عنده بنت ولا ولد المهم انه بصحه وعافيه , .

 

[دانة بعين بحاري]

فعلا اغلب الناس تفكيرهم جذي وفي بعض الحريم يكونون ميتين عالولد لان تخاف زوجها يتزوج عليها بحجه الولد وماتنلام بصراحه

 

[sunshine22]

رد : رد: ييبي الولد ولج معزة خااصة عند ابوالشباب واهل ابوالشباب ^_^

بس لو جبت الولد اكيد بتزيد معزتي

استغرب من تفكيرج صراحه
هههههههههههههههههههههه
شكلج ما شفتي من الدنيا شي

يعني انا اتخيل حملتي وجبتي ولد بيدخلون عليج بالذهب والالماسات والضحكه الشقاقه
واذا بنت راسهم بالارض ويكسرون الخاطر ومتفشلين من سواتج انج جبتي بنت!!!!!

ترا اهل الزوج وانا شخصيا ماافرح الفرحه اللي هيه اذا اخوي جاب ولد او بنت انا شدخلني اخوي ومرته الله يهنيهم وبس

 

[مذهــلــه]

ايه طبعا للحين ولي باجر بعد

مادري يعني الولد بشنو بينفع الناس ..أذا مانفع اهله بالاول !!

يعني حتى من اهلنا تلاقين اللي تييب ولد تشوف نفسها <<< الظاهر ريلها يكون مدلعها

واللي تكون حامل بولد تخش والا تقولج مو مبين والا تقولج بنت وبعدين لما تقرب تولد تقول لافيني ولد مادري ليش يعني

مع ان البنات وايد احسن من الصبيان اذا كبروا

بس مادري هذي عقليتهم ... الله المستعان

 

[جوري 2007]

وييييييييييييييييييييييييييييييييييييييييييييه هالشي يحرني وينرفزني وايد

بس صج هالعقلية منذ الازل ومنذ بداية الخليقة وحتى الممااااااااااااااااااااااااات

ماكو فايدة

 

[ام _خلودي]

اخيييه يااحلوو البنات انا الوضع عند حمولتي غير لانهم الاغلبيه شباب فيفرحوون بالبنات اكثر من الصبيان بس طبعاا حسيت ريلي استانس لما يبتله ولد مع انه يمووت بنته بس مو لدرجه انه تتغير معاملته لا بعدين هذي ارزاق والمره بكلا الحالتين مالها شغل الريال اهوو الا يب البنت واهو ا لا يب الولد