ي/ صبايا قروب التشجيع والحماس لوزن مثالي!!

[ام سكرتين]

مسا الخير عالحلوات
معليش انقطعت كنت تعبانه ويلا من بكرة ارجع نظامي
والنظام مرة روعه ياذبحني بغيابه ومع الوقت تتعودين زي ماتعوت انا
والله يوفقنا يارب

 

[ذبحني بغيابه]

هلا مجنونه
لا تخربطين ياروحي ولازم نوصل اللي نبغيه
ام السكرتين سلامتج حبيبتي
بليز خبريني باكلاتج اللي في نظام البروتين

انا اليوم فطرت كوب شاي وقطعه خبزه
والظهر مرق دجاج بنص خبزه وجرجير
العصر ماي فقط
والمغرب برتقاله
وبعد صلاه العشاء صحن صغير سلطه بخل التفاح
وطبعا الماي تقريبا موزع على اليوم
لكن قبل شوي البنات اللي بالبيت عملوا بسبوسه
وحلفوا علي بمعلقتين اذوقها وطعمتها والحين ندمانه

تصبحون على خير

 

[ام سكرتين]

تعشيت مسقعة خضار مع لحم مفروم مقلقل في زيت زيتون ومشوحه الخضار وبس وبكرا اقولكم اول باول

 

[ذبحني بغيابه]

اولا الحمدلله وزنت صار وزني 101،6
تقريبا نازله ثلاثه كيلو واحد جرام


عقبالكم صبايا لكن وزني بطي تقريبا في اسبوع نص كيلو
برغم الحرمان

 

[ذبحني بغيابه]

اليوم كان يومي
الصباح ماي بماء الزعتر وكوب شاي بالحليب مع خبزه اسمر
والغداء كان سندويشه وحده وحاطه فيها جرجير وشوي من الدجاج وبيضه مسلوقه وبس
والعصر شاي اخضر
وتقريبا على ساعه 7 المغرب كليت سندويشه فيها بيضه ومايونيز وخيار مقطعه وشطه

بكره يوم مفتوح بحاول ما اخبص كثير

 

[ذبحني بغيابه]

مسآلخيير

تعبت من الامساك من بديت رجيم وش الحل برغم اشرب ماي

 

[ام سكرتين]

سلامتك كثري خضار خصوصا ملوخيه

 

[ام سكرتين]

فطوري بيض مع شاي بسكر دايت
الغدا كباب لحم مع ملفوف
عشاي ان شالله مرتديلا مع خيار وشاي
كله بروتين وخضار مافي نشويات

 

[ذبحني بغيابه]

مسآلخييير

هذي اليومين شرفت العزيزه وتخربط نظامي
من بكره ببدأ في نظام البروتين

موفقات بنات

 

[ذبحني بغيابه]

مسالخيير

اليوم فطوري ماي بس
والغداء شويه دجاج ومرق بالخضار ونص خبزه اسمر
والعصر شاي بالحليب
والعشاء بدري سندويشه محشوه بيضه مسلوق ومايونيز ودشوي دجاج وجرجير
كليتها مع عصير مشكل
وشربت ماي بالزعتر حوالي كوبين
بحاول اخلي الخبز بس ما قدرت الله المستعان

 

[ذبحني بغيابه]

ام السكرتين وينج ؟؟
مجنونه وينج؟؟
يلاااا شدوا الهمه

يومي كان الصباح بيضه وشاي
والغداء صدر دجاج وجرجير
والعصر برتقاله
والعشاء بيضتين ومايونيز وخياره
واليوم كامل تقريبا لتر ماي شربت
ورقصت شوي تقريبا ربع ساعه

 

[ذبحني بغيابه]

مسآلخيير

اليوم نظامي بروتين
اول ما صحيت شربت كوبين ماي
وفطوري حليب بس
والغداء صدر دجاج مشوي وجرجير
والعصر عصير برتقال بدون سكر
والمغرب برتقاله
والعشاء لبن فيتال
اليوم اكلي خالي من الخبز الحمدلله

 

[ذبحني بغيابه]

صباااح الخير

اللهـم إنـي أصبـحت أشـهدك ، وأشـهد حملـة عـرشـك ، وملائكتك ،
وجمـيع خلـقك ، أنـك أنـت الله لا إله إلا أنـت وحـدك لا شريك لـك ،
وأن محمـدا عبـدك ورسـولـك..

وزنت اليوم تخيلوا صار وزني ١٠٠ الحمدلله
عقبال اشوف الرقمين قريبا

 

[السـ بنت ـعوديه]

مساااااااء الخيير

ياليت تقبلوني معكم وياليت يكون الدخول يومي

عشان يكوون التحدي قووي

يوم الميزان متى يكون..