ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

[HeR HiGHNeSs 90]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

هلسنه كانت سنة لتغير الجذري بحياتي

بدايتها كانت سيئه جدا جدا تركت دراستي قعدت بالبيت لييي شهر 7 وكنت احس انه مستقبلي ضاع حياتي انتهت اعتزلت الناس بشكل موطبيعي يمر علي شهر شهرين انا بالبيت بغرفتي ما اكلم احد بس بشهر 8 سجلت بالجامعه بتخصص يديد ويارب يعدي على خير لانه للحين مايندرى شبيصير معاي للحيني غاصه بماده
مع اني المفروض اتخرج هل سنه بس توني باديه من يد ويديد الله كريم

هل سنه صار عمري 21 وطبعا تعرفون التغييرات الي مع هلعمر لازم اتحمل مسوليه كل شي البنك السياره وجذي وانا مو متعوده ...

اي صح احلى شي بهل سنه خذيت السياره الي ابيها كانت هديه من امي وابوي بعيد ميلادي كانت صج مفاجاه
وبهل سنه سويت اول حادث لي لوول بس الحمدالله على كل حال كانت سيارتي ماصارلها اسبوع عندي وانتلفت

شنو بعد؟ تعرفت على ناس غاليين بهل سنه وبنفس السنه راحو

هاذا الي ابالي او اهم الاحداث الي صارت لي عل عموم كانت Intersting year نشووف شبيصير ادعولي اتوفق بدراستي واتخرج بدون تاخير جود الله يستجيب واسفه عل اطاله

شغلات اتمنى تصير ب 2012
اتمنى اضعف بصحه وعافيه يصير جسمي نفس ما انا ابي عشان اقدر ارد اعيش طبيعيه مع الناس اطلع وارد :yaaaaaarb:

اتمنى اخلص دراستي بنجاح

اتمنى الخير والهدوء والسلام يعم العالم كله
اتمنى الصحه والعافيه لاهلي وكل النااس ياااارب امين

الله يحفظ كويتنا واميرنا والشعب الكويتي كله

وعساها سنة خير عليكم يارب
مشكور نهى مميزه دائما وابدا:eh_s(7):

 

[أم ريــــما 22]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

• اهم الاحداث الحلوه اللي صارت في حياتي هي تشريف ولية العهد الجادل ريما يارب تحفظها وتصلحها 2_تخرجي من الكليه ــ وفــــــــــــكه فــــــكـــــــــه الى ابد الاباد :eh_s(9): الاحداث السيئه جعلها ماتنعاد علي وع اخواني المسلمين وهي وفــــــاة خالتي الله يتغمد روحها في الجنه 2_اصابة عمي بالخبيث الله يشافيه وفوق هذا وهذا فيـــــــــــــــــــــــــــــــــه حاجه مقلقتني ومعكره صفو حياتي وهي ا كـــــــــــــــــــــــــــــــرشـــــــــــــــــــــتي سامحها الله وخففها

 

[دلع العتبان]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

يابعد قلبي قلبج يانهوي دايما مميزه ومواضيعج حلوه وعسى قلبج وروحج للفرح دووم

عاد هالموضوع يطلع المستخبي خخخخ ويطلع الكلام عدل وياحلو هالسوالف تقلب المواجع :eh_s(11):


بس عدت

بالاول بسويهم بنقاط سنه 2011 سنه مليئه بالاحداث والله من امه مع الثورات صرت انا :eh_s(9):هههههههه


- زواجي وطلاقي بنفس السنه

- انصدمت من ناس واجد موصدمه ادري انهم جي بس بينوا على وجوهم الحقيقيه

- تجربه مريت فيها مره بعد وانصدمت منها بس همن مومهمه بالنسبه لطلاقي


- عرفت انه كل شي بيد الله وكل شي قسمه ونصيب

- انه طعم الطلاق مر مهما كان ولو تبينه همن لحظتها مر

- فرحت فرح مامثله فرح صراحه واقولها بكل صراحه

- عمرتي واااي ترطب القلب مع ابوي الله يطول عمره واميمتي وكانت رحله جميله جدا مرينا عليها على كل مكان :eh_s(22):

- حسيت بحب اختي لي حييل خصوصا بمشكلتي

- ولاده اختي الكبيره وفرحنا فيها صراحه واهي بجرها


- مساعده خواتي حبيباتي بتفسير الاحلام والله انه لفرح وخصوصا لما اشوف الوحده طايره من الفرحه من التفسير

واتمنى من الله العلي الكريم انه يعوضني ويعوض اختي ويعوض كل مشكينه انظلمت حييل او حست بقهر والم اي كان اهوه الظلم

هالسنه كانت صحيح مره بس نهايه كل مر عندي وانتهاء كل مشكله كنت اعاني منها

هالسنه نهايه كل شي بنسبه لي

وانتهاء اوجاع والام لناس بعد واجد ولي

هالسنه انطوت وراحت ومضت وعسانا يارب نكون احسنا النيه واخلصناها لله واننا نختمها بخير الاعمال وانه تكون فيها خير الايام

اسال الله ان تكون السنه الجديده سنه خير وبركه وفيها كل شي جميل ومفرح على الامه الاسلاميه والعربيه وعلينا يارب وعلى كل مسلمه وانتهاء لهم كل مسكينه يارب يارب يارب :eh_s(7):

عسى الله يوفقج يانهوي ويسعدج ياعمري وييسر امورج اللهم امين

 

[شو حلوي]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

فكرة الموضوع جميله جدا
هذي السنه فيها ترقب لأنو أمي بتتزوج وأخوي بيتزوج وأنا اعالج من سحر أتعبني وخطبتي متعسره حيييييييييييييل
تركت الجامعه يوم تعبت من السحر وفصخت خطبتي السابقه
اممممممم خايفه حيل من المستقبل بس نيتي صافيه ان شاءالله ابي بس ربي يسعدني خلاص تعبببببت تعببببببببببت هذي السنه تعتبر أخف مصايب من اللي قبلها :\

الله يشفينا ويسعدنا ويحققلي مناي ويسعدني فيه .

 

[غداً القاك]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

الله يحقق لكم كل امانيكم ياكريم بالسنه هذي ويعجل لكم بكل خير

اممم على الصعيد الشخصي عادي جداً ماتغير شي

 

[ترانيم القصيم]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

يا هلا و غلا ,,

وشلونكن حبيبات قلبي ؟

هذي السنة الثالثة على التوالي آللي أكتب بها عن أهم الأحداث آللي صارت لي ,,

بدايتي كانت عام 2009 ,, مرورًا بـ 2010 ,, وصولاً لـ 2011

بصراحة هالسنة كانت مليئة بالمفاجئات ,,

يعني صارت لي فيها أشياء ما كنت متوقعتها !!

و طبعًا هالأشياء ما بين المفرحة و المحزنة ,, و للأمانة ,, المفاجئات المفرحة كانت أكثر !!

اللهم لك الحمد و المنّــة ..

ما أبي أتكلم عن أهم الأحداث آللي مريت بها ,, والله ودي لو تكون سر بيني و بين رب العباد ^^

لكن أبي أتكلم عن مفاجئة مفرحة يهمني الكل يعرفها .. ^ ^"

ألا و هي صداقتي العميقة للشقيقة الغالية ( نهى الأحمد ) ,,

الله يجزاها جنة الفردوس ,, ^_^

احترامي و تقديري

ترانيم القصيم

 

[طموحه بزياده]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

اهم الاحداث


ابوي الله يطول لي بعمره شرالي سياره وعجبتني حيل والحمدلله


وثاني شي حلو ان وبي فتح لي صفحه جديده بحياتي له الحمد وله الشكر


اهم حدث زاد وزني ههههههه اول مره اعدي ال٦٠



وبس

 

[نهى الأحمد]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

يا هلا و غلا ,,

وشلونكن حبيبات قلبي ؟

هذي السنة الثالثة على التوالي آللي أكتب بها عن أهم الأحداث آللي صارت لي ,,

بدايتي كانت عام 2009 ,, مرورًا بـ 2010 ,, وصولاً لـ 2011

بصراحة هالسنة كانت مليئة بالمفاجئات ,,

يعني صارت لي فيها أشياء ما كنت متوقعتها !!

و طبعًا هالأشياء ما بين المفرحة و المحزنة ,, و للأمانة ,, المفاجئات المفرحة كانت أكثر !!

اللهم لك الحمد و المنّــة ..

ما أبي أتكلم عن أهم الأحداث آللي مريت بها ,, والله ودي لو تكون سر بيني و بين رب العباد ^^

لكن أبي أتكلم عن مفاجئة مفرحة يهمني الكل يعرفها .. ^ ^"

ألا و هي صداقتي العميقة للشقيقة الغالية ( نهى الأحمد ) ,,

الله يجزاها جنة الفردوس ,, ^_^

احترامي و تقديري

ترانيم القصيم

من بعد اذن خواتي

رح ارد على أختي الغاليه ترانيم

بصراحة هالانسانه أكثر من أخت لي

ترانيم أهم حدث في حياتي بهذي السنة

والله لا يحرمني منها كل السنين


عسى ربي يوفقها في دراستها وفي حياتها ويسعدها يااااااااااارب

 

[دنياغريبه للاسف]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

اهم الاحداث :

*وفاة جدي الله يرحمه ويغمد روحه الجنه..

*زواج اختي الله يحفظها ويهنيها ويسعدها..


موضوع مميز..

دمتِ ودام عطائكِ..

 

[๓ίşś зśŏłả..!]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

بالنسبه لي سنه عاديه نفس باجي السنين
الشي الحلو فيها :ـ
اني يبت احلى بنوته الله يخليها لي + ملجه اختي وزواجها في اخر شهر 12 + ملجه اخوي
وان شاء الله تكون سنه 2012 سنه حلوه للكل

 

[راقية بذوقها]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

بسم الله مدري شقول طبعا اول اسبوع من 2011توفى ابوي الله يرحمه يعني شنو راح تكون السنة الحمدلله على كل حال كله على اجر ان شاءالله بس حبيت اقوله كلمه واتمنى يسمعني يبه ماباقي شي وتصير سنه على وفاتك يبه كل شي تغير صرت انا موانا كرهت اطلع للناس كرهت الدنيا بكبرها صابني نسيان موطبيعي يبه طفلتك كبرت يبه وصارت كانها عجوز يبه انت الامان لي صج انت كنت الامان والحب والحنيه فقدتك يبه حيل مثل مافقدت جدتي الله يرحمها يبه للاسف الحزن الشديد اللي صابني ماخلاني اعبر عن الحزن دموعي جفت من عقب مايسموني ام دميعه والشيطان تسلط علي اكثر مع الحكره والوحده بس الحمدلله استمريت على الرقيه وخفيت واجد يبه حتى وانت بالقبر مانسيتنا دايم احلم فيك وكانك عايش معانا وكل شي تعرفه عنه هذا دليل صلاحك يبه بنهايه السنه اوعدك راح اقوى راح اقوى عشانك وعشان امي واخواني يبه ماحترامي لكل الاباء في العالم انت غير والله غير ادخل واشوف المنتديات ومن مجتمعي اشوف دايم الزوجه تشكي من الزوج موشرط يصير مو زين ممكن تكون اخلاقه زينه وكل شي بس الاعتماد بالتربيه يكون دايم على الام والاكل والشرب والتنضيف لكن انت غير كنت تساعد امي في كل شي ماعمرنا احتجنا خدامه بالبيت تشيل صحون الغدى معانا تسوي لي شاي كل يوم تطبخ مع امي وبدالها يبه كنت تشيل البيت كله على راسك كنت تخاف علي حيل وبجنون كان فيك غيره علي انا وامي مو طبيعيه يبه سامحني ان غلطت عليك بيوم وسامحني ان في يوم فهمتك غلط يبه انت غير بكل شي يبه تدري شنو العجيب اللي عرفناه عقب مامت انك بسنتين ماكنت تستلم معاشك البنك كان ياخذه كله بس شنو الغريب ان ماحتجنا ريال واحد كنت مغطينا كلنا ومغطي الكل بكرمك وجودك وماعمرنا حسينا بقصور منك وتدري شنو الاعظم ان اكثر سبب ديونك كنت تتسلف عشان ناس طلبوك وانت ماعندك بس عشان تعودت انك ماعمرك رفضت طللب احد عرفت الحين ليش ينزلون صبعك وهم بيدفنونك موراضي صبعك ينزل متشهد وعرفت ليش كانوا يقولون وجهك منور وعرفت سر بكاء الصغار قبل الكبار وعرفت سر حزن اختك الوحيده عممتي يبه عمتي للحين ماجف دمعها كل يوم تبكيك الله يصبرها ويصبرنا امى اخواني يايبه مو احسن مني انت سندهم انت عزوتهم يبه مانسيتك ومانسيت ايامك ومانسيت يوم كنت تشيل شنطتي كل يوم بالمدرسه وحتى يوم كنت بالثانويه ومانسسيت فتحتك لي للسياره ومانسيت نصايحك ومانسيت حبك الكبير لنا مانسيتك وانت تعلمني حرف حرف وكلمه كلمه مانسيت دلعك لي واحلى الفساتين تشتريها لي ومانسيت والله مانسيت يبه انت اعظم واحن ابو بالدنيا واذا مافقدناك انت من نفقد يبه في كلمه ماراح انساها لو شنو يكون وانت تكلم صديقك وانا عمري 5 سنين وكان بينك وبين امي مشاكل كنت تقول لصديقك انا ممكن اطلقها بس بنتي هي نقطه ضعفي ماقدر اخليها واتركها يبه الله يجمعني فيك انت وجدتي وامي واخواني وعمتي وكل اهلي بجنات النعيم ادعيلك بكل صلاه هاذي سنه 2011 الم وفقدان للغالي وصراع مع الشيطان وتسلط العين علي والحمدلله خفيت مع الرقيه اسال الله 2012تكون فيها شفاء لي والله يخلي لي امي واخواني والله ينصر سوريا ويحفظ الخليج من ايران واتباعهم ويحفظ ديار المسلمين بكل مكان ويرزقني الله فرحه تعيد الحياه لي انا وبنات المنتدى وكل بنات المسلمين احبكم

 

[~✿ ارتـِوآآآء روح !]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

السلام عليكم ورحمه الله وبركاته
اهلين بحبيبة قلبي نهوووي شلونج اتمنى انج تكونين بصحة وعافيةة فديت روحج
اولا الحمدلله على كل حال
الاحداث اللي صج تألمت منه شوي
اهي تركي للدراسه بسبب ظروفي جدا قوية ولكن الحمدلله على كل حال
تقريبا انقطعت علاقاتي بأغلب صديقاتي وكثير ناس بان معدنهم
فقدت شخص عزيز على قلبي والى الان قلبي يتألم بفرقاه ولكن هذا القدر المكتوب والحمدلله
وشسمه فقدت خدامتنا
كانت عندنا 7سنين وهالسنه راحت دون رجعه صج بيتنا صار هادي من غير حسها
تعودت عليها وعلى طناقرها وعلى ضحكتها
واشياء كثيرة خلي اللي بالقلب بالقلب
ولكن متفائله بغد مشرق وحسن الظن بالله
وربما هالاحداث المالمه كانت لصالحنآ ونحن لا نعلم
كل مايكتبه الله لنا جميل
ربي يسعدج ويحفظج يانهوي جد لج وحشششة
وربي يعطيج العافيه ويكككثر من امثالج الطيبه

 

[*درر*]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

السلااااام عليكم :
2011
تزوجت في نصهااا من من بنيت أحلاامي معه سنين وتطلقت في آخرهااااا والمعوض لله
فقدت قريبه لي جعل مثوهااااا الجنه
أخذت عمره فيهاااا
والحمدلله على كل حااااااااااااااااااال

 

[om-s3oodi]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

الأسوأ :

حدث واحد مستحيييل أنسى فيه هالسنة 2011

وفاة حبيبي ونصي الثاني / زوجي



الأجمل :
قرّبتني الفاجعة من ربي أكثر ~


الحمدلله على كل حال​

 

[الزيـــــ^^ـــــن]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث



الاحدآث اللي صارت ب2011 اهي :

زوآج اول اخو لي ،،،
صدمه بخيآنه النآس ،،
سفرتي مع زوجي بعيد زواجنآ،،


أمآ الامنيآت اللي ابيهآ بــٓ2012 آهي:

حمااااااااااااااااااالي 
اني اتوظف
اطلع بيت بروحي
اسوق سياره
اسافر دوله اجنبيه


أتمنى لو امنيه وحده تتحقق 
والله يرزق كل وحده تبي الضنا الذريه الصالحه يااااااارب
ويرزق البنات العزابيه الزوج الصالح يااااارب ،،،

 

[هاديه احمد]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

اسوأ الأحداث اللي صار لي في ٢٠١١
وفاة جدتي الله يرحمها كانت صدمه قويه لي
والشي الثاني اكتشفت بعد 8 سنين ان اقرب الناس لي استغفلني وظلمني
والحمدالله على كل حال

ويارب تكون ٢٠١٢ سنه سعيده علينا وتتحقق كل امانينا

 

[~ بنت الهدى ~]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

سبحان من مزج بين الأفراح والأحزان ..
هذه السنة هي سنة المفاجآت والأحداث والإنفراجات ..
الحمدلله رب العالمين .. الحمدلله على عطاياه .. الحمدلله على كل حال ..
اللهم مثلما فرجت على عبادك الصابرين وقضيت حوائجهم .. فرج على أمة نبيك واقض
حوائجها جمعاً .. إنك قادرٌ كريمُ سميعُ قريبٌ مجيبُ الدعوات


احداث كثيــــــــره بكتب اهمهـا..

اخوي الغالي خطب اللي يحبها افتكينا من حنته هههههههـ

خالتي حملت بعد انتظار 9 سنوات الله يتمم عليها عقبال كل محرومه

بنت عممممي صارت ام ماشاء الله

بنت عمي الثانيه انخطبت الله يوفقها

و اخيرا .. الله جمع بيني و بين اللي احبه بالحـــلال .. هذا اهم حدث ..

ختام السنه مسك


شكراً اختي نهى عالموضوع الحلوووو مثلج

 

[أإلع ـشق دلع ـهـأإ]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

أهّمْ حدَثٌ صآرْ ليّ بسنةٰ 2011

7

7

زوآجِيّ *,^


وآتمنّى سنِةّ 2012 أكوْنٰ أم فيهٌآ يَ ربّ

وأتمنى لجّ يَ أختْي نهُى حيآة سعيٍدّه سنة 2012 وتتِحققّ فيهآ جميّعَ أمنيآتجْ

 

[رواااااح]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

الحمدالله كلها افرااح زواج اخوي خطوبت اختي و خالي اللي 15 سنه ماجاه عيال الله رزقه بنوته


و سنة 2012

انشالله تكون احلى و احلى

ويصيرون عرايسنا حوامل ونفرح فيهم ويعوضني ربي بصبري خير انشالله واشووف الفرحه

واتخرج انشالله

 

[ليمونه بارده]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

سنة٢٠١١ انقهرررررت فيها قهر وذل مو طبيعي
اصععب سنه مرت علي وأكتشفت فيها أشياء أخذها
عبره لي