ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

[نهى الأحمد]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

يارب السنة الياية تكون احلى سنة في حياتكم
ويحقق لكم امنياتكم

 

[*الهنوف*]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

اهم الاحداث
شريت السياره اللي كنت اتمناها هذي اول امنيه تحققت
ورحت عمره برمضان كان بخاطري من زمان اروح برمضان هذي ثاني امنيه تحققت
عشت احلي ايام عمري شهر 7-8 اما باقي ايام السنه مثل مثل
ثالث امنيه ماتحققت وهي الاهم انشالله ب2012 ربي يكرمني فيها وتحقق

 

[*الهنوف*]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

راقيه بذوقها

قطعتي قلبي حتي ماقدرت اكمل كلامج
اذكري الله ادري يمكن ماراح تقرين ردي من كثر الردود بس ماقدرت ما اعلق

 

[عواشه =)]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

2011 سنه إحتوت كثيييير من ذكريآت حلوه ومره ’
تخرجت من الثآنويه وبنسبه حلوه
الحمد الله حجية وصرت حجيه
وهذآ آهم حدثين صآر لي ب سنه 2011
وكل عآم وأنتم بخيير ,’ وآلله يجعلهآ سنه خير ع الجميع إشآءالله
ويطول بعمر الغوآلي ويخليييهم لي ي رب

يسلموؤ نهى ع الموضوع =)

 

[Tom ♥ Jerry]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

يابعد قلبي قلبج يانهوي دايما مميزه ومواضيعج حلوه وعسى قلبج وروحج للفرح دووم

عاد هالموضوع يطلع المستخبي خخخخ ويطلع الكلام عدل وياحلو هالسوالف تقلب المواجع :eh_s(11):


بس عدت

بالاول بسويهم بنقاط سنه 2011 سنه مليئه بالاحداث والله من امه مع الثورات صرت انا :eh_s(9):هههههههه


- زواجي وطلاقي بنفس السنه

- انصدمت من ناس واجد موصدمه ادري انهم جي بس بينوا على وجوهم الحقيقيه

- تجربه مريت فيها مره بعد وانصدمت منها بس همن مومهمه بالنسبه لطلاقي


- عرفت انه كل شي بيد الله وكل شي قسمه ونصيب

- انه طعم الطلاق مر مهما كان ولو تبينه همن لحظتها مر

- فرحت فرح مامثله فرح صراحه واقولها بكل صراحه

- عمرتي واااي ترطب القلب مع ابوي الله يطول عمره واميمتي وكانت رحله جميله جدا مرينا عليها على كل مكان :eh_s(22):

- حسيت بحب اختي لي حييل خصوصا بمشكلتي

- ولاده اختي الكبيره وفرحنا فيها صراحه واهي بجرها


- مساعده خواتي حبيباتي بتفسير الاحلام والله انه لفرح وخصوصا لما اشوف الوحده طايره من الفرحه من التفسير

واتمنى من الله العلي الكريم انه يعوضني ويعوض اختي ويعوض كل مشكينه انظلمت حييل او حست بقهر والم اي كان اهوه الظلم

هالسنه كانت صحيح مره بس نهايه كل مر عندي وانتهاء كل مشكله كنت اعاني منها

هالسنه نهايه كل شي بنسبه لي

وانتهاء اوجاع والام لناس بعد واجد ولي

هالسنه انطوت وراحت ومضت وعسانا يارب نكون احسنا النيه واخلصناها لله واننا نختمها بخير الاعمال وانه تكون فيها خير الايام

اسال الله ان تكون السنه الجديده سنه خير وبركه وفيها كل شي جميل ومفرح على الامه الاسلاميه والعربيه وعلينا يارب وعلى كل مسلمه وانتهاء لهم كل مسكينه يارب يارب يارب :eh_s(7):

عسى الله يوفقج يانهوي ويسعدج ياعمري وييسر امورج اللهم امين

،



الله يعوضج خير يا قلبي ، الطلاق مو نهايه الدنيا
و كل انسان ياخذ نصيبه
سبحآن الله مآتدرين وين نصيبج بهالدنيا

( عسى آن تكرهوو شيئا و هو خيرا لكم ) :eh_s(7):

و الله يخليلج آهلج يارب و يطول بعمر آبوج و امج
و عسى البيبي يترربى بـ عز آختج و ريلها و عزكم كلكم يارب

مبروك مآ يآكم ، و آن شاء الله سنه 2012 تصير آحلى وآحلى عليج :rerrerek:

 

[Tom ♥ Jerry]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

,


نهى الأحمد


وين آحداثج مآ شفتهم ؟!
هل انا حوله ؟ أم انتي لم تكتبٍ بعد ؟!

 

[صب القفشه]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

ما في احداث تذكر بس كانت سنه حلوه و ان شاء الله 2012 احلي و احلي و اكييييييد راح تصير فيها اكشنااات و مناسبات سعيده و حلوه : )

 

[الصبر مفتاح]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

آعتبرها سنة مفاجأه

عطتني صفعه و كف جآيد خلآني مااعرف انام وتغيرت حيآتي فوق تحت

صرت مو آنآ للأسف

وفآة آبوي

يمكن الشي الى مصبرني آهو صبري ماتوقعت بصبر واتجلد جذي بعد اربع شهور وإلا قبل آربع شهور من وفاة ابوي كنت راح ....
الحمدلله الله عوضني بحبيبتي امي واخواني
الله يخليهم لي ولا يحرمني منهم

الباجي من السنه الله لايعيده :eh_s(2):

الله لايعيدها ويارب يتييب السنه اليديده على خير غيــر فآقدين ولا مفقودين

ذبحني الفرآق والله


آتمنــى السنه اليديده تبث روح الفرح بقلب آمي وبقلبـــي

نهى الاحمد

مشكــوره على الموضوع

 

[نــggر]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

اللي فات راح وما ابي اذكره

لكنني كلي تفاؤل في السنه الجديده راح تكون سنه مليئه بالاحداث السعيده

وتغير جذري في حياتي

 

[رقـة الاحسـآس]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

سنه بشعه بشكل عام
تطلقت فيها
ومشاكل وايد صارت فيها ما اذكر اي شي حلو للاسف
و عسى تنطوي هالسنه و تاخذ معاها همومي و تتغير حياتي و اذوق طعم السعاده و تتحقق احلامي
متفائله خير ان شاءالله من السنه اليديده

 

[رقـة الاحسـآس]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

راقيه بذوقها

صيحتيني ):
الله يرحمه و يسكنه فسيح جناته و ينور قبره
يارب يسعدج انتي و امج و اخوانج و كل من يعز ع قلبج

 

[جنزبيلا]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

ممممم في احداث شكثر اغلبها مو زين

بس بأخر شهر بهالسنه الله عوضني وملجت :$

الفال لكم ويكون اخر شهر تعوض لكل اللي راح

 

[اميره1980]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

اهم شي حلو صارلي هالسنة اني سويت عملية التكميم و ان شاء الله اضعف بصحة و عافية يا رب و هم شي حلو ان مرت حماي حامل عسى ربي يتمم عليها و يفرحها يا رب
و الشي اللي مو حلو صار لاختي عسى ربي يفرج عنها همها يا رب العالمين

 

[نهى الأحمد]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

,


نهى الأحمد


وين آحداثج :d مآ شفتهم ؟!
هل انا حوله ؟ أم انتي لم تكتبٍ بعد :d ؟!

تمتم

اسم الله عليج ياقلبي

ليش الحنه هههههههههههههه

والله رح اكتب الاحداث

من كثرها مو عارفه شنو اكتب


خليني اسجلهم بالاول علشان اكتبهم

 

[Tom ♥ Jerry]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

تمتم

اسم الله عليج ياقلبي

ليش الحنه هههههههههههههه

والله رح اكتب الاحداث

من كثرها مو عارفه شنو اكتب


خليني اسجلهم بالاول علشان اكتبهم

.


looooooooooool !


لانه قلتي آن شاء الله رآح آكتب الآحداث من زمان
آمس قلت آكيد كتبت ، دخلت الموضوع و لا مو كآتبه :eh_s(10):

لزوووم آبلغ الشيخ بالسالفه :eh_s(4): ،


آخذي رآحتج حبيبتي ، :eh_s(7):
كل مآفي الآمر اني آهتم لـ قراءه آحداث الناس المهمه بالنسبه لي :$

 

[نهى الأحمد]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

السلام عليكم


شلونكم يا خواتي



عساكم بخير



اليوم رح اكتب لكم اهم الاحداث اللي صارت في حياتي




في كل سنة لازم تصير في حياتنا احداث ومواقف حلوة او حزينه


هذي الدنيا

يوم لك ويوم عليك




في هذي السنة التقيت مع وايد بنات في المنتدى

بنات اصل وجووود


ونعم الخوات


وسبق ونزلت تقرير عن لقائي معاهم


والله يجمعني معاهم على خير يااااارب



الحياة فيها فراق ولقاء


وانا احب اللقاء اكثر من الفراق


والناس اللي فارقوني اتمنى لهم الخير من كل قلبي

لاني ما احب اشيل على احد لانه الدنيا فانيه


والحمدالله ياااارب الله عوضني خير في بعض الامور


تعرفت على خيرة البنات سواء في المنتدى او خارج المنتدى


واكو انسانه عزيزه على قلبي

اخت دنيا


الله لا يحرمني منها


مارح انسى وقفتها معاي


واهي ويانا في المنتدى والحمدالله دوم متواصلين

والاخوة ماهي بقضاء حاجته او مصلحة


الاخوة اهي بكلمة طيبه

بالمواقف الحلوة




ثاني حدث صار في حياتي


سويت عملية بايدي اليسار
كان عندي ضغط كبير بالعصب لدرجة ايدي وقفت وماكنت اقدر احركها

احتجت لعملية عاجلة لايدي وسويت لها جلسات علاج طبيعي

اقدر اقول انه الامور ماتحسنت بايدي مثل اول


لكن

الله كريم

اهو المشافي والمعافي





ثالث حدث ،،،


اني صرت مساعدة مشرفة

هههههههههه


كل الشكر للادارة الغاليه على الثقة الكبيرة


وانا الحمدالله دوم متواصله مع الكل سوء بالخاص او العام
وفي المشاركة في المواضيع



موضوعي المميز اللي احبه


لمن يهمها الأمر
طرحت فيه عدة مشاكل مع بعض الحلول المقترحة لها

والحمدالله حاز على رضا الجميع




موضوعي المميز نجوم اضاءت سماء منتديات كويتيات

طرحت فيه اربع دفعات من النجوم المتألقة في سماء منتديات كويتيات

ومازال البحث جاري على نجووووم اخرى




أسست قروب رباط الأخوة

قروب الخير والانسانية


وقريبا رح تشوفون نشاطات لنا في معظم اقسام المنتدى

ويضم القروب حاليا 10 عضوات مميزات ذوات العقول الكبيرة والاقلام المميزة




الحدث المؤلم


اكتشفنا انه ولد اختي الصغير عمره سنة ونص
في نوع من انواع الاعاقة

يعتبر الحين من ذوي الاعاقة


عسى ربي يشافيه ويشافي كل مريض

فديته والله



اهم حدث في حياتي ،،،،


اني كفلت يتيم بمصروفه في نهاية كل شهر


ماتدرون شكثر مستانسه مرتاحة حييييييييييييييييييل



لانه طبعي احب الخير للكل بكافة اشكاله






هذا اللي قدرت اتذكره الحين



عندي امنيات كثيرة وان شاءالله تتحقق



اهم شي راحة البال والصحة والعافيه

 

[جولينار]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث


ماشاء الله نهوي


احلى شي في هالحياة الصداقة الحقيقة برغم الاختلافات برغم البعد تبقى متأصلة


الله يرزقنا كلنا بمن هم أصلح وأصدق وأفضل منا يارب




وألف لاباس عليكـ بخصوص يدك



وماشاء الله بخصوص الكفالة الله يكتب لك الاجر تبارك الرحمن





الله يجعل سنة 2012 سنة سعادة ع الكل

 

[xxx]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

كل عام وانتو بخير :eh_s(17):

سنة 2011 فيها الاحداث الزينه والشينه

الزين ان الله رزقني بولدي أحمد عسى الله يحفظه

الشين وفاة أبوي الله يرحمه


عسى الله يجعل سنة 2012 سنة خير على الجميع

:yaaaaaarb:

 

[/ سوما /]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

الله يجعلها سنة خير وسلام علي الجميع
أتمنى وبعد أتمنى بسنة 2012 أعتمد علي نفسي أعتماد كلي : )

مشكوره نهى على الموضوع المميز ​

 

[Tom ♥ Jerry]

رد: ஜ .¸¸ ﬗm شنو أهم الأحداث اللي صارت في حياتج في سنة 2011 ؟؟ ¸¸. ஜالجزء الثالث

.



نهوووي ما تشوفين شر حبيبتي
و انجازات حلوة الي سويتيها بالمنتدى :eh_s(22):

فديته ولد خالتج كسر خأطري عسى الله يشفيه
و يصبر امه يارب :eh_s(11):

همسه : ( قلت لج انقل الموضوع ليه النقاش مآ رضيتي )
( شفتي الحين نقلوووه

)


.