^^••^^تجمع لجميـع حوامل سنـــه 2013** ^^••^^

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا

الله يسهل عليج يارب وان شاء الله تتيسر وياج ماتدرين


لبي خشتك
تمام بس جنا معاه بوصفار
وما ادري اللي اعرفه سكر نبات
غيره نا اعرف ولا شير
وما ادري
والرضاعه ناويه ارضعه بس خايس ماقاعد يرضع
تهقين من بو صفار
لان ماقعاعد يرضع شي ويرجع
ان رضع كاسر خاطري


بس شريت شفاط الكتروني
عجيب حبيته صراحه

 

[لما ضاقت]

رد: ^^^تجمع مواليييييييد شهر ديسمبر12//2013... إن شااااااءالله^^^

بكم اخذتي و من وبن و حلو مثل مال المستشفيات يعني تحسين يطلع و الا صعب مثل اليدوي

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

ليى خشتك باول ولاده مافهمت عقب ماقررتي عمليه يعني وانفتح١٠ نزل وولدتي طبيعي ولا كملتي قيصري!؟

 

[لما ضاقت]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا كم وزن البيبي. اختي عندها ضيق في الحوض و الدكتورة مفهمتها ان طفل اكثر من ثلاثة كيلو ما تقدر تولد و كانت بنتها ثلاثة و ميتين. بس الدكتورة قالت حرام اسويلها عملية و الحمد الله بعد المحاولات أولدت طبيعي بس الدكتورة حذرتها أنها تنتبه في المرات الياية و الا ماراح تجازف. بس اختي كانت مستخيرة وولدوها بغرفة العمليات علشان اي طارىء يسوون عملية على طول و احنا ما هدينا القران و الاستغفار من دخلت الولادة لحد ما بشرونا بولادتها. استخيري و ماخاب من استخار علشان ما تسوين عملية و اتحسفين لان ممكن يولدونك. و استخيري بعد على اكثر من دكتور و اكثر من مستشفى مو علشان هذي دكتور تك تظلين ماسكة فيها مما تدرين الله وين كاتب الخير. و الله يسهل عليك انا دائماً متابعة اخبارك سوي اللي قلتلك عليه الاستخارة و ماراح تندمين. ملاحظة اختي والدة حكومة

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

لما ضاقت مشكوره حبيبتي البيبي وزنه ٣ قالتلي قبل يومين
مادري قلت يمكن اشوف دكتوره ثانيه احتياط تفحصني واشوف رايها
بس المشكله اهو مو راضي ينزل بالحوض يعني حتى لو توسعت شلون ينزل

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا


ترى ناهده ماشاءالله عليها شاطره
وفاهمه، ومبين من كلامج ان الحوض ماتفكك عندج
انا كنت احس مفككه واي حركه يطققق ويالله امشي

ودام قالت قيصريه توكلي على الله
ليش بتعزربن بنفسج، وتنطرين الماي
ينبط لان بيشتغل الطلق وبتتعبين

وانتي قايلين قيصريه


والله يهون على الجميع
ويعينا على السهر والتعب


ريحي بالج واتكلي على الله

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

بنات شرايكم نسوي قروب الانستغرام لتجمعنا
لان نحط صور الادويه الشغلات والسوالف
شرايكم

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

لما ضاقتحلووو ويشتغل ببلاك وبطاريه
ويسحب ويعور شوي مو وايد
ارتحت عليه وايد
اخذته ب ٣٠ دينار الا ربع
ميديلا وفي مع رضاعه نفس الماركه شكله بروح ايبها

 

[لما ضاقت]

رد: ^^^تجمع مواليييييييد شهر ديسمبر12//2013... إن شااااااءالله^^^

شكرًا لاموش. مرت الغلا البيبي ممكن ينزل بآخر لحظة في الولادة. بس انتي سمعي الكلام و استخيري. و الله يكتب اللي فيه الخير

 

[بشـاير]

رد: ^^^تجمع مواليييييييد شهر ديسمبر12//2013... إن شااااااءالله^^^

حلو الانستغرام لموش وياج
والشفاطه مو يقولون مو زينه بصراحه ماكانت عاجبتني احس مالها داعي
بس صدري قام يعورني لما ما ارضع بنتي شكلي بشتريها
بس مو تخرب الجسم وشكل الصدر

 

[لما ضاقت]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا أنصحك تروحين أميرة بهبهاني بالفروانية دكتورة وايد شاطرة و الله كريم. بانتظار اخبارك

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

مجنونه عظامي اطقطق جني عيوز حتى عظام الحوض اسمعها تخرع

بشوفلي دكتوره اروحلها قبل عمليتي بيوم تفحصني عشان اذا اكدتلي كلام ناهده اتوكل على الله لان مفتوحه ٣ اخاف الفحص ياثر عالاقل قبل العمليه واكون مستعده
واذا قالت مجال طبيعي بكنسل العمليه وادش طلق صناعي اجرب

 

[sh-q8]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم بنات
ومبرووك لكل وحده ولدت ويتربى بعزهاا المولود او المولوده صج فرحت لكم يا خواتي

طبعا اخر اللي اهو قبل اسبوعين يمكن قلت لكم ان الدكتوره قالت اني مفتوحه 2 سانتي لان نزل علي ماي وعقب مافحصت نزل الدم
المهم مع انها قالت هاليومين ولاده بس شوفوا حكمة ربكم لي الحين ماولدت يمكن بالتأخير هذا خير لي

المهم رحت الاسبوع اللي طاف وهالاسبوع طوارئ هادي وكلن دكتور ف ماخليته يفحصني بس سوالي سونار وقال ان البيبي اوك وراسه تحت بالحوض

وقال تاريخ 19 تخلص التاسع ييبها لنا ونعطيها يومين ان ماولدت نعطيها طلق صناعي لان البنت البكريه بارده على قولته

امس ياني فجأه عوار بالحوض والبنت كانت تحوش تحت وتخيلوا من العوار مااقدر اوقف على حيلي الم موطبيعي وظهري وعمودي الفقري واخر بطني يعني صج حالتي حاله
تخيلوا اجندس وامشي خطوه وايدي عالسرير مسندتها من كثر العوار اللي مومخليني امشي

وتم العوار لي الحين بس اخف من امس بليل واليوم الصبح الحمدلله

مارحت الطبيب مادري ليش مابي اروح والحين احس ببنتي اطق من تحت وظهري عوار خفيف بس من صوب واحد اليسار يعني


اي والدكتور قالي شربي دارسين والخروع ان حسيتي الم بالحوض شربي

بس الصج ينقال شربت دارسين وينسون وبس


يعني الحين هالعوار اهو الطلق وصج ان بارد ولا شالقصه
وفي احد منكم يايها هالعوار اللي ماتقدر تمشي

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

بشاير صار راح اسوي اكاونت حقنا

واحطه لكم


اس اح كيويت


ممكن الالم طلق
انا حاشني وراح ولما رحت طلح متوسع الرحم
يعني ممكن تكونين الحين ٣ سانتي
انصحج بالعسل

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

مبرووووك فاقده حنان ابوها ولدت ويابت احلا بنوته
الحمدلله على سلامتها

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

صباح الخير شلونكم بنات


باجر عندي امتحانين فاينل الله يسهل يارب


وللحين مااحس بشي ولا مشيت ولا شي
والبيبي متكور بجهة اليمين ولحركة بجنبي اليمين حيل تعور وتحت عظام صدري متعبه وتبجي


مرت الغلا الله يسهل لج يارب استخيري والله يكتب لج الي فيه الخير يارب


اش

الله يهون عليج يارب يمكن العوار الرحم يتهيأ للولادة بس روحي شيكي تطمني اذا رد لج العوار

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

قوووووه شلوووونكم
من زمان مادشيت و طافت جم صفحه بس عيزانه اقرا
منووو ولدت عقبي غير لبى خشتك
؟؟؟؟


انا نفسيتي بالنفاس زيروووو
حده ملل بيت ابوي و النومه معفوسه و مسويه شفتات بيني و بين امي واختي
و ليلحين ماتعلمت انام مع نومة بنتي واهي يمي لأن تتنهوص فلازم اطل عليها
و اكثر شي ابيه اهو ريلي احس فاقدته معنه كل يوم اييني بس حاسه بضغط
و نفاسنا بلشتا يعني لازم متدفيه و غير جذي الوقت طويييييل و ملللل قاتل و البيبي مايونس بهالفتره بس ياكل و ينام و يوصخ

و غير جذي ليلحين مارضعت من صدري كله اشفط و نفسيتي تعبت من هالشي و قاعده احاول كل يوم احطها على صدري بس تبجي ماتبي حلمتي تعودت عالمميه لأن بالمستشفى ماكانت بارزه حلمتي و مع عوار الخياط مو عارفه اقعد عدل وامسكها و مع الشفاط الالكتروني صارت حلمتي زينه بس بحاول بحااااول لأن راح استسلم واعطي صناعي معني كنت ميته وارضع بس استغفر الله مادري شاللي صار

على كثر حنتي ابي اولد الا ان صج لو ليلحين حامل اهون
التربيه والامومه تخوف

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

افا ام هوبي

ليش جذي تقولين


اولا النفاس اول مره شوي ع التفسيه صعب
والاكثر تحسين ان انتي ضايعه وشنووهذا وتحاتين الخياط
والامور معتفسه
عادي كلا طبيعي
حتي فقدج لريلج طبيعي تبينه عندج ولو ينام عندج بعد احسن
وان ياي اتناجرين وياه ههههه وان طلع تبينه عادي


بس جوفي بخصوص الرضاعه اذا حاسه ان خياطج خف عليج
واهون وعندج استعداد خلاص
يوعي البيبي ان بت حزت رضعتها عطها صدرج
مارضت حاولي ماتبي ملتقبلت خلاص نزليها
نطري عليها ربعزياعه ردي حاولي فيها
راح تيوووع وترضع
اهم يستسهلون الرضعه ماتعبهم
ويتعودون بس لما ايوع يحاول بعمره يرضع


والشفتات والملل
سهله لاتحكرين عمرج بمكان ومجابل البي بي وخلاص
لا اولا ضبطي المنهبه كل ساعتين حلو من تنتظم الرضعات يصير الوضع سهل
دفي عمرج عدل مدل وقعدي بالصاله
امشي بالبيت قعدي ع التي في شوي
وتيمعووو
لاتفكرين بالاسياء السلبيه كلش
فكري بالوناسه بالبيبي
وكلمي ريلج يقعد عندج يطول شوي
وخل يتقبل نفسيتج حسسيه انه مهم
عشان يبلدرج هالاحساس


وجد بعدي الافكار السلبيه قد ماتقدرين
عشان نفسيتج

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

مبروك فاقده حنان ابوها

يتربي بعزكم ان شاءالله

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

لمووش الف مبروووك حبيبتي

والله امس خليته ينام عندي و اهو دوام مسكين و بيتنا بعيد على دوامه عشان جذي بس بالويكند يقدر
و الله حتى التلفزيون مالي خلقه مادري صايره سلبيه صج و ريلي يزفني لا تفكرين وايد
بس افكر اني تعبت و ان شبسوي بعد الاربعين بروحي عالسهر و هم حده ابي ارد شقتي بس ماقدر
امي زين قالتلي بعد اسبوع عالاقل يعني اكون معديه اسبوعين اروح شقتي مع الخدم ينظفونها
يعني اطلع شوي
و الحمدلله دكتورتي منظفتني عدل فمن 5 يوم و الدم بلش يخف و الحين صاير بني يعني مابقا شي و انظف

الخياط ما احاتيه بس كان يعور المكان كله من الولاده وقت المستشفى و الحين خلص المسكن و احتمال على قولة امي الجرح ينشف فقام يعورني


بحاول بالرضاعه والله وانا حامل دعيت اني ارضع و يارب يارب اقدر بس تبجي فما اتحمل بجيها لأن متضايقه من مسكتي لها لأن لي عطيتها المميه ماتشرب بسرعه يعني مبين بجيها مو يوع