^^••^^تجمع لجميـع حوامل سنـــه 2013** ^^••^^

[Baby_Blue]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يسلمكم ؛*

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

حمدلله على سلامتكم ويتربون بعزكم يارب



انا حاليا ب37 اسبوع و6 ايام

موعدي بعد شوي افحصني الدكتورة ولا مشيت وولا شي سويت الله يسهل يارب

 

[قاعدة على الشط]

رد: ^^^تجمع مواليييييييد شهر ديسمبر12//2013... إن شااااااءالله^^^

السهالة من الله ريانة اتكلي على الله
والله يسهلها عليك انتي والبنات الصامدات أن شاء الله

بنات نصيحة أكثروا من الدعاء والصلاة على النبي والله يسهلها صدقوني

 

[قرة عيونه]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمممدلله ع سلامتكم لمووش وبيبي بلوو

والله يخليلكم عيالكم يااارب ويبلغكم فيهم

لمووش حيل ارتحت من قصتج يعطيج العافيه انج كتبتي بالتفصيل

لان حيل كنت احاتي انا ان شاء الله ناويه اولد بالعرف وعند منتهى بعد وارتحت من كلامج حييل

والله يسهل عليكم باقي الصامدات يارب

 

[سيكولوجية]

رد: ^^^تجمع مواليييييييد شهر ديسمبر12//2013... إن شااااااءالله^^^

قصتي بالتفصيل


اراجع بمستشفى رويال حياة عند دكتوره نجلاء الزعفراني

يوم الاحد كان تاريخ 8-12-2013

عندي مراجعه وتخطيط فحصتني الدكتوره كنت 2 سانتي

سبحان الله جنها كانت حاسه قالتلي الاربعا تاريخ 11-12-2013 تعاليلي من 10 الصبح انتي عندي

اخترعت يوم قالت جذي حسيت بالصجيه لان انا مراجعتي من دخلت التاسع كل اسبوع ! اشمعنى هالمره قالتلي تعاليلي بعد 3 ايام ولا 10 الصبح ! وانا كل مواعيدي عندها 7 او 8 المغرب

المهم الثلاثا بلشت معاي طلوق عوار بظهري جنه اول يوم الدوره بس كنت قادره اتحمله وكان مو منتظم
طلعت وتسبحت ومشيت وتغديت برا
ومازال في عوار
عالليل حسيته زاد قمت ودقيت على دكتورتي وقلتلها كيت وكيت

قالتلي دامج قادره تتحملينه لاتروحين المستشفى نطري وانا اتوقع الفجر بيزيد عليج ان زاد روحي وانا راح يكلموني الطواريء
وان ظليتي قادره تتحملين نطري لي باجر موعدنا 10 الصبح


وفعلا كلامها كان صح الفجر بلش يزيد معاي بس مو منتظم ونزل علي دم وردي اخترعت وطرنا انا وزوجي للمستشفى وكان هالحجي عال 1 وشي

سولي تخطيط تقريبا طلع معاي 10 طلقات بس مو منتظمه وفحصتني دكتورة طواريء 2 سانتي

قالتلي ردي لين يحمى طلقج لان بارد واتوقع لي باجر بيزيد

ردينا وياريت مارديت
من وصلت شقتي بلش يزيد وصار يذبح
وقاعده اتحمل اقول مالي خلق ارد وانا توني راجعه منهم وعندي موعد ساعه 10 الصبح
وهالحجي كان عال 2 ونص الفجر

شوي شوي بلش يصير كل 5 دقايق والم ما اتحمله
قمت اون واصرخ وابجي
انصدمت من عمري لول قبل عبالي قويه واتحمل وما اصرخ
المهم قعدت ريلي وكانت الساعه 5 الفجر
والاخ عباله استعبط مو مصدقني انا اطلق واهو راهي بيروح يتسبح !
قمت اصرخ بولد مو وقت سباحه والله ادق عالاسعاف
اهني حس ان صج وطرنا للمستشفى

سبحان الله مع طلقي اشتغلت ترجيع عزكم الله
رجعت بالسياره وعلى ملابسي
دخلت المستشفى كلي ترجيع موقادره اتحكم بعمري
سولي تخطيط مامداهم دقيقتين جان يقولولي ولاده
فصخوني ولبسوني لبس الولاده وقطيت ملابسي بالزباله

فحصوني وله هم 2 سانتي بس طلق حامي والم ما اتحمله
وسعوني لي 3
طلبت ابرة الظهر ماتحملت العوار صرت جني ياهل اون وابجي

قالولي نطري تطلع نتيجة التحاليل 5 دقايق والدكتور المناوب قاعد يعطي الابره حق وحده ثانيه يخلص وايلج
قمت اصرخ موقادره اتحمل ابي الحين شينطرني
وريلي معاي بغرفة الولاده توتر مسكين
جان يقولولي بنعطيج كمام على ماتطلع نتيجة تحاليلج ويخلص الدكتور
عطوني كمام بس ماجني ماخذه شي واتوقع اهم مخففينه حيل
حسيت الدنيا تدور فيني بس قاعده احس بالالم والطلق
واقولهم تقصون علي انا مابي احس بالعوار
اهني ريلي راح حق دكتور التخدير بنفسه قاله تعال ضروري الحين
كسرت خاطره لول
وصج يه وغزني
ومن غزني ارتحت ماجنه في الم ولا طلق جني كنت اجذب
شوي وله امي واختي يايين عال 6 وشي الصبح

ويت دكتورتي نطرتني لين صرت 4 ونص مادري 5 سانتي وبطت لي الماي
خف تأثير ابرة الظهر ومن يخف اقعد ابجي اخلي زوجي ينادي السسترات اقولهم تكفون ما ابي احس ابي اتخدر لايقل المفعول مابي عوار
ويردون يزيدون عالمخدر

دخلت الولاده 5 وشي الفجر وماولدت الا 4 العصر
طولت لان رحمي علق على 5 سانتي والدكتوره ماولدتني الا 10 سانتي

امي وزوجي واختي معاي بالولاده وانا اولد
للامانه ياحلو ابرة الظهر نعمه من الله
ماحسيت بشي وانا اولد كلش واسوي بوش وانا مادري مو حاسه بشي طلعوا بنتي وانا مادري اصلا
وامي والدكتوره سوالف وانا مندمجه معاهم عادي ماجنه قاعده اولد

لان من الحوض وتحت كله متخدر ما احس بشي

و ولدت بتاريخ 11-12-12013
نفس ماتوقعت الدكتوره وكانت داريه بولد بهاليوم سبحان الله

كان لي 39 اسبوع ويوم بالضبط

وقمنا بالسلامه والف الحمدالله

تقيمي للمستشفى ممتاز
ودكتوره نجلاء الزعفراني فوق الممتازه
كل ولاداتي بأذن الله ناويه عندها

 

[قرة عيونه]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمدلله ع سلامتج سيكيلوجية وتتربى بعزززكم البنوته

 

[((shoOoshoOo))]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمد الله على سلامتكم بيبي بلو وسيكلوجيه

 

[((shoOoshoOo))]

رد: ^^^تجمع مواليييييييد شهر ديسمبر12//2013... إن شااااااءالله^^^

بنات البيبي كل ٣ساعات يشرب حليبه ولا ساعتين

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

حمدلله على سلامتج سكيولوجيه


تتربى بعزكم ان شاءالله


بس سؤال اغلب البنات اهلها وريلها معاها حزت الولادة
انتو متخذين غرفة خاصة ولا غرفة الولادة عادي يدخلون وياج

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

بنات قبل شوي طلعت من مراجعتي فحصتني الدكتورا 1 سانتي وتقول وسعتج شوي احس بعوار باخر عنق الرحم يروح ويرد واحس حيل دخلت ايدها شي عورني من داخل عادي هالشي



وقالت شربي دارسين و خروع يوم وترك نص قفشة او قفشة صغيره بصراحه خفت لانه الرحم عندي مو مفتوح وانا بجر وتوني اخر موعد لي 5/1 يعني مطولة
وغير جذي بأخر مراجعه حجم البيبي صغير

وماسوتلي سونار من شهر قالت مولازم بس نشوف النبض


احس مضايقتني الدكتورة وطلعت وانا معصبه منها حيل وودي ابجي


شرايكم شسوي مثل ماقالت ولا مااسوي شي

انا اهلي كل مااكلمهم كل وحده تقول كلمه غير ومو ذاكرين كلش

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

فققققققدت مررررررت الغلااااا



احد يطمنااااا علييييييها

 

[بشـاير]

رد: ^^^تجمع مواليييييييد شهر ديسمبر12//2013... إن شااااااءالله^^^

ريانه اختي دشت وياي عادي غرفة الولاده العاديه
والبيبي المفروض كل ساعتين بس بنتي عوبه والله ما تقعد من النوم عشان تشرب جنها امها واذا شربت وربي حاسبتلها ٣٥ دقيقه ترضع اخر شي نص الرضعه بس
حيل مأذيتني من هالناحيه والكل يزف ماترضعينها ولا رضعوها قالو الله يعينج

بنات شسويتو بلصفار ؟!

 

[سيكولوجية]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يسلمكم من كل شر


ريانه
انا برويال حياة يدخلون معاج 2


شوشو كل ساعتين

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

هلا بنات شلونكم

بعدني صامده ماكو شي الله كريم دعواتكم

احتمال كبير قيصريه البيبي مونازل بالحوض

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

ي حياتي الله يهون عليج
ويكتب لج الخيره



بو صفار بولدي
وحاليا اعطيه ماي سكر نبات

 

[((shoOoshoOo))]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا


الله يسهل عليج ياااااارب

 

[Lifalif]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا لا اتحاتيين يدخل ان شاءالله مع الطلق ،،انا ولدي الاول مفتوحه ١٠ سم و ماكان بالحوض بس مع البش و السسترات يضغطون على بطني الحمدالله طلع مشفوط ،، لا اتحاتيين ان شاءالله سهالات،، انا باجر موعدي الله يستر لا اتقولي للحين الرحم مسكر جد احباااط

 

[((shoOoshoOo))]

رد: ^^^تجمع مواليييييييد شهر ديسمبر12//2013... إن شااااااءالله^^^

مجنونه الكويت

بوصفار شنو علاماته

 

[# غنوجة بيبي #]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا تفاءلي بالخير


و لا تستعيلين عشان ما يشقون بطنج

ان شاءالله باقي وقت و يمدي ينزل بالحوض و في امل كبير تولدين طبيعي

بس كثري مشي

و القلب داعيلج ربي يسهل عليج

 

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

مرحباااا

شلونكم اسمحولي لهيت مع ولدي


وكل الي دعى لولدي ماقصرتو


الحمدلله بفضل ربي ودعاكم ولدي حرك ايده ويرفعها ربي لك الحمد والشكر


وديته دكتور رافي وقالي الحمدلله مافيه شي وحولني على العلاج الطبيعي عشان اطمن


والله يكتب الخيره لي يارب






برب اكتبلكم قصه ولادتي