رد: ^^^تجمع مواليييييييد شهر ديسمبر12//2013... إن شااااااءالله^^^
الله يبارك فيكمشوشو وامونيتا ونيو بيبي
مجنونه و لفاليف و كيميائيه و بشاير
قرة عيونه و شموخ
بقولكم قصة الولاده بالتفاصيل
طبعا من الحين اقولكم اسفه جدا ع الاطاله
بس بكتب كل كل شي
عشان يكون عندكم بالم ان الله سبحانه كريم
وان السهاله منه بس ادعوه
،،
طبعا انتو عارفين وضعي
وان نحاتي وزن البيبي
عشان جذي من دشيت التاسع فحصتني الدكتوره
وكنت واحد سانتي وسوت لي توسعه
طبعا الاسبوع ٣٦
معن مايفحصون عادتن بس عشان نسوي تحريض
ان عل وعسي اولد طبيعي
اول فحص كان ١٢/٨ يوم الاحد وسوت توسعه وقالت الحين ٢ تقريبا
وقالت لي ايي الخميس ونجيك علي وزن البيبي
واذا زاد ادش طلق صناعي واذا تعت او البيبي
نسوي قيصريه
يوم الاثنين نزلت مني خيوط مخاطيه لونها اصفر علي اخضر
وطبعا توصيت بالعسل وحليب الزعفران واحليه بعسل
طبعا يوم الاربعا بالليل استخرت
وحتي دشيت وقلت لكم ادعولي وكنت خايفه
وحاشتني الالم ورحت الا ٢ سانتي بس
وضاق خلقي المهم يوم الخميس ١٢/١٢
رحت الصبح جان تقولي بسوي سونارج تحت مو عندي تحت ادق
قلت اوك ونزلت وسويت الا مو زايد
جان تقولي وزنه دام مازاد ماتدخلين اليوم
وردت فحصت قالت من ٢ وسوت توسعه وقالت راح ينزل دم عادي
و ناجل دخولج ونستشير مدحت قلت لها ابي منتهي
قالت لي منتهي استشاريه بعد وتقدر تدخلج
وقالت لي الاحد اتيي حاولي تمشين وع السبت اخذي خروع
قلت لها لا وقالت تبخري بالقسط الهندي يمكن ايج طلق
واخذت موعد عند منتهي الاحد
طبعا مشي مشيت و طيحت بمنقوع الزعتر اغلي واخليه يدفي واشرب
وماتركت العسل
صارت تنزل متي خيوط بنيه ومرات ورديه بس ماكوو بوادر
اتعب واحس بي شي خفيف اتحمله
رحت الاحد عند منتهي وسبحان الله هم استخرت قبلها
دشيت عليها ومريحه شرحت لها الوصع وقرت الملف
وقالت لي اي مكتوب وسالتني عن بنتي وشونها الحين وشون ايدها
وقالت لي ماتبين قيصريه قلت لها لا
قلت لها دكتوره بصراحه انا سامعه عنج كل خير
وابي اولد عندج عشان تصبرين علي
مابي ادش طلق صناعي واتبهدل بعدين علي طول قيصريه
قالت لا تاخذين حقج ان شاء الله
بس انا شفط ترا ماراح اشفط ان شفت الموضوع فيه شفط
علي طول قيصريه عشان البيبي مايتاذي ولاتتعبين
قلت خلاص
وسوينا سونار الا البيبي زايد شويه
وقاست جان تقولي من ٢ لي ٣ زين
ان شاء الله في مجال طبيعي
امشي اليوم كله
وباجر ان شاء الله تعالي الصبح ع ال٦ او ٧
تدشين نعطيج حقنه شرجيه ومنها البيبي ان شاء الله يدش بالحوض
اكثر وطبعا طلعت منها وقعت اوراق دخولي حق ثاني يوم
ورحت وبعدها تقريبا بساعتين حسيت ان في شي رطوبه زايده او شي
الا دم خفيف نزل علي ورطوبه رديت البيت خفت ان يصير وياي شي وبا طلق
المهم رديت تخرت بعود اصلي واحس بمغصات خفيفه
نمت الساعه ٣ قعدت الم مو طبيعي ومسك معاي لي ٦ او ٧ اللي شعره واروح
بس مارحت لان ادري انها ماراح تكون موجوده وقلت دام اقدر اتحمل بتم
خو باجر الصبح داشه وكتبت لكم احس بالم شنو اسوي
بعدها خف ضاق خلقي قلت لا بس انذار كاذب
طبعا شربت منقوع الزعتر وعسل
بس ماكوو شي رديت تبخرت بعود اصلي
ماكوو ونمت بالليل وقعدت ع ال٥ صليت الفير واستخرت
واخذت شور وتمكيجت واستشورت شعري
وكل ظني بالله خير وادعي ربي
وان الله راح يسخرها لي باذنه
ع ال ٧ رحت علي ما اخذت الورقه من الاستقبال وجذي ويتني السستر ودتني
فوق عند باب غرفة العمليات
ودخلت طبعا حاشني توتر وذكرت ربي
واهدي نفسي وعادي
بدلت وسوينا تخطيط الطلق ولا شي من ٦ لي ١٥ او ١٤ بعد هههه
واخذت الدم وحطت الابره مالت الدرب واسولف مع السستر تهبل وايد
واصلا ذكرتها كانت معاي بولادتي الاولي بس ماذكرتني طبعا
ونفس غرفة الولاده رقم ٣ ههه
المهم عطتني الحقنه و نطرت شوي ودشيت الحمام
وبعدها طلعت وانسدحت ع السرير تقريبا ع ال٨ وشي
يت الدكتوره وكانت معها دكتوره ثانيه ماعرفتها بس جن مارينا
المهم شافو بطني وان راس البي بي تحت قالو لا ان شاء الله خير
الصدمه لما فحصت الا ٤ سانتي قالت لا الحمدالله في مجال
طلع العوار اللي حاشني توسع وانا مااردي
وطبعا لما فحصت اخذت الكمام وماحسيت الحمدالله بشي وبطوو جيس الماي
وقالت ننطر شوي وان شاء الله سهاله
وحسيت بالماي ينزل وجذي كنت شبه خدرانه من الكمام لان تنفست من قلب عشان الفحص هههه
ومن انبط جيس الماي شوي الا يبلش مغصات وطلق خفيف
المهم ع ال٩ وشي سبحان الله بلش الطلق الصجي واحس بالطلقات وكل ما احس اخذ كمام
والحمدالله الرحم يفتح بسرعه والله يخلي الكمام كل ماحسيت بالم شفطت
ماكوو احس بتعب والم علي اذان الظهر انا والده
والف حمد وشكر لك يارب طبيعي ومن غير شفط
والتعب يهون حيل والكمام عجيب
فرق كبير بولادتي ابجري
واصلا محد توقع اولد مجر ههههه توقعو نفس بجري اطول حيل
وطبعا الدكتوره تهبل
والسسترات بالولاده يهبلون والسستر كل ماتشوف المونتر والطلق يزيد تسالني
ها في الم اقولها اي تعطيني ابره بالدرب وكنت اغط احس انااام
الله يجزاهم خير اهتمام الحمدالله
جد الف حمد وشكر لك يارب
والله بنات حطو في بالكم انها سهاله والله تصير سهله من الله
والحمد الله ان شاء الله باجر اطلع
ودكتورتي دعاء يت تطمنت علي وطلعت يايتي بالولاده وانا مادري هههه جيكت علي
ودكتوره منتهي هم اول يوم وثاني يوم مرتني
والامور طيبه الحمدالله
طبعا اسفه طولت عليكم حييييل
بس حبيت اتكلم بتفاصيل التفاصيل لان في بنات يحاتون
ودعيت لكم بالولاده السهله ودعيت لولد لبي خشتك
والله يتقبل مني ان شاء الله
واتوقع العسل ومنقوع الزعتر اهم اللي ساعدوو وسوو شغل
والله يسهل عليكم يارب
وتفرحون بعيالكم
