^^••^^تجمع لجميـع حوامل سنـــه 2013** ^^••^^

[قرة عيونه]

رد: ^^^تجمع مواليييييييد شهر ديسمبر12//2013... إن شااااااءالله^^^

الف مبروووك مجنونه ويتربى بعزكم عبووود

والفال لكل الصامدات الله يسهل عليكم

 

[amonitta]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمدلله على سلامتج مجنونه ومبرووك ماياج بتربى بعزكم عبوود

انا بعد بسميه عبود ان شالله :eh_s(9):

والحمدلله انها كانت ولاده سهله عسى دعيتيلنا بالولاده السهله :eh_s(7):

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يبارك فيكم حبيباتي...


ببدأ من روحتي لعيادة الدكتوره
رحت لها العصر وعلى طول دخلت غرفة الفحص فحصتني قالت انتي ماتمشين قلت اي قالت الرحم 1.5 سم وانا وسعتج اللحين من قلب ان شاءالله 70% اليوم او باجر تولدين، واذا ما صار شي تعالي الثلاثاء، قلت اوك، طلعت ورحنا عيادة ولدي عليه حراره هذا على الساعه 6 الا العشاا، وطولنا ولا دخلنا قعدنا ساعه ونص والدور توه، وانا شغال الالم معاي، طلعنا 8 ورحنا مستوصفنا وانا مو قادره امشي او اطول بالقعده بطني مثل الطابوقه، المهم واروح للبيت واسوي مثل ماقالت الدكتوره زنجبيل وزعفران واشرب، ( طبعا قالت اشرب دارسين وزنجبيل ووهيل ومسمار وزعفران) بس انا اكتفيت بالزنجبيل والزعفران*
طبعا الالم شغال احسب كل 4 د وصااااامده وامي خايفه تقول دقي على زوجج، ترى انا خايفه وماعرف اتصرف هذا على 10
قلت لا بنوم محمد واعطيه ادويته واتسبح واروح
وفعلا نومته وغسلت جسمي خفت اغسل شعري وامرض
وامشط شعري والفه واكل ملعقة عسل و7 تمرات وكوب ماي
وادق على زوجي 12:30 قلت نص ساعه، او ساعه الا وانت عندي
قال زين، جت 1:10 الفجر وما جا وادق قال فيج شي قلت اي قال صج والله خخخخ خايف مدري مو مصدق هعهع
المهم 1:30 طلعنا من البيت ووصلنا دار الشفا 2 الا واسوي اوراق الفحص الاولي، وانا كنت اقرا قران واوراد الولاده والالم ذابحني
وادخل عند السستر وتقيس ضغطي وحرارتي ووزني جان تقول يالله مشينا واقوم بمشي الا ينبط المااااااااااااااااااي*
واقعد اضحك انا وزوجي ويجيب كرسي والماي يصب صبببب*
ويجي الدكتور قال فحص عشان نعرف اذا دخول او لا قلت ابي دكتورتي، قال خلص اصعدي الولاده خل تفحصج الدكتوره تالي سوي اجراءات الدخول، بعدين شاف الخباري قال هذا ماي البيبي قلت ايه قال من متى قلت توووه قال لا اللحين سوو اجراءات الدخول مالج طلعه باذن الله الا والده، ويصعدوني الولاده وتجي دكتوره مصريه وتفحص الا 2 سم، وتكلم دكتورتي، وانا مع كل طلقه اذكر الله واقول دعاء سيدنا يونس، المهم دخلوني غرفتي حقت الولاده فخمه وراهيه 3 الفجر واطلب ابرة ظهر قالو ساعه وتطلع النتيجه وانا احسسس احترق، جت 4 واسال قالو الدكتور ف عمليه اصبري يخلص ويجي قلت البيبي بيطلع، انا قلت البيبي بيطلع الا انعفست الدنيا، يتراكضون وتجي الدكتوره المصريه وتفحص الا 7 سم وتكلم دكتوره ناهده وتقول اميرجنسي، والمريضه الثانيه للحين 1سم*
المهم والمصريه عند راسي تبي تولدني لان اقول بيطلع بيطلع*
والسستر تقول لا لا اخذي نفس دقيقتين الا دكتورتي مقتحمه الغرفه
وترفع رجولي وتقول يالله شدي مع كل طلقه، 3 طلقات وشد وطلع الحلووووووووو، شفته ونمت*
طبعا ولدته 4:45*
والحمدلله بدون ابرة ظهر، كنت مستخيره فيها*

والساعه 8 الا صعدوني غرفتي


وسلامتكم، وجعل ربي يهون عليكم
مثل ماهون وسهل علي*
مرت الغلا قلبي معاج


وبسس*

 

[قرة عيونه]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمدلله ع سلامتج حلوه قصتج انا ودي اولد بنفس حزتج اروح بالليل اولد الصبح

بس عطوج كمام ولا لا ؟؟

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

مجنونه الف مبروك ويتربي بعزكم


وانا ابشركم
ولدت والف حمد وشكر لك يارب
بس لي الحين ماشفت الزبوط


والقصه لاحقا باذن الله تعالي

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

الف الف مبروووووك مجنونه و لموووش


وحمدلله على سلامتكم



مجنونه ماشاءالله قصتج حلوه


وحمدلله سهله وميسره


بنات انا حيل خايفه من سالفه البوش شلون الطريقه ياليت الي ولدو يقولون شلون علمووني قبل لاولد

 

[لايت مون]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمد لله على سلامتكم مجنووونة الكويت ولموووش


مبرووووك ماجاكم ويتربى بعزكم


والله يسهل لنا يارب ونولد بالسلامه (=

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

قرة عينه..

ان شاءالله قصة ولادتج
تكون احلى من قصتي :*


لمووووووش
مبرووووووووك حبيبتي
ماجبتي




ريانه
سبحان الله، حززة الولاده
لمن يحمى الطلق البيبي يدفع نفسه
كانج بتخرجين من جدام مو من ورا
ف تضغطين من جدام، يعني لا جتج
الطلقه تسوين بوش قوي
راحت الطلقه تاخذين نفس
وجذي

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

مبروووك لموووش ان شاء الله تشوفينه واطمنينه عليه


مجنونه يمه رهبه قصتج بس اخترعت ليش ناهده تاخرت عليج!؟
ومنو المصريه الي فحصتج شسمها!؟


عاد كل احاتي اروح فيني طلق ويستعبطون اجراءات الطواري ضغط ووزن ومادري شنو عاد انا وريلي نتوتر ابي سيده ادش تفحصني وادخلني ولاده مابي انطر

باجر موعدي ان شاء الله تفحصني ونشوف

 

[لايت مون]

رد: ^^^تجمع مواليييييييد شهر ديسمبر12//2013... إن شااااااءالله^^^

ريانه ماعندي خبره ولادتي الاولى كانت قيصريه


البنات فيهم الخير ان شاء الله يخبرونك من تجاربهم

 

[Lifalif]

رد: ^^^تجمع مواليييييييد شهر ديسمبر12//2013... إن شااااااءالله^^^

مبروك لمووش الحمدالله على سلامتج ،، ما شاءالله مجنونه قصه ولادتج ريحتني بس خذيني كمام ولا ولا شي ؟

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

ثنكيو مجنونه


طمنتيني


بنات بقولكم
انا قاعة رجلي اليمين من تحت تحككككككنيييي حيييل موقادرة كلش احكها بزولية وكل مكان حيل تحكني ماادري ليش
ادري احس ماله داعي بس حييييييل يحكني

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يبارك فيكمحبيباتي والله


الحمدالله ربي سهلها علي
حيل انصحكم باثنن
الدعاء طول حمالي وانا ادعي ربي
بالسهاله وان اولد طبيعي
واثنين العسل
كل يوم قفشتين ٣
والاحسن حليب زعفران وحليه بعسل
باليوم مرتين ثلاث


والاهم الاهم
ان تحسنين الظن بالله تعاله
(( انا عند ظن عبدي بي ))


وانا دعيت وقلت ان الله راح يسهلها علي
وراح اولد طبيعي
علي كثر خوفي قلت لا الله كريم وراح
اولد باذنه طبيعي


سبحان الله بنات والله
ماحطولي حتي طلق صناعي
تخيلووو
سبحان الله والله الف حمد وشكر لك يارب
راح اقولكم كل التفاصيل باذن الله
بس بنصحكم تحسنون الظن بالله

 

[مذهلة2013]

رد: ^^^تجمع مواليييييييد شهر ديسمبر12//2013... إن شااااااءالله^^^

مجنونه الف الحمدلله على سلامتج

ماشاءالله قصتج حلووووه ان شاءالله الكل يولد نفسج

واولهم انا ان شاءالله لووول

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

ماشاء الله لموووش اي عسل لازم طبيعي ولا عادي مال الجمعيه!؟ عاد ماحب العسل كلش

ريانه ماله شغل بالحمل يمكن احد ذكرج او بتمشي رجلج وايد هههههه خرافات ؛)

واي بنات زايده الرقعه بقلبي وعوار منطقه العانه مو طبيعي وشد بعصعصي ذبحني يروح يرد وعوار دوره خفيف
مليت من التجاديم بدش ٣٨ اسبوعبعد يومين ان شاء الله ياخوفي اعوشر

 

[chocolateBon]

رد: ^^^تجمع مواليييييييد شهر ديسمبر12//2013... إن شااااااءالله^^^

ألف مبرووك لكل إلي ولدوا والله يسهل على الباجي :eh_s(7)::eh_s(7): ..
أنا توني أدش الإسبوع ال 37 .. وقاعده أحس بضيق تنفس وخصيصا بليل والربو ذابحني ،
والتوتر قاعد يزيد الله يسهل يارب :yaaaaaarb: .​

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا منو هالفاضي يذكرني صارلي يومين والله رجلي احكلها بزولية واي مكان اقعد علييه حييل تحكني اول مره جذي ولاني قادرة ادنق احكها بايديي




وعلى عوار منطقة العلنة يعوور حييل موقادرة اتحمله وشد اذا انسدحت موصج والافرازات

وللحين مااحس بشي لا عوار ولا تجاديم الله يسهل
كنت اتوقع اولد اول اسبوع


انا الحين ب37 و 4 ايام والاربعا موعدي بتفحصني الدكتورة




بنات صارلي 3 ايام بس اكل احس بدوخه ورجفه وضيق بنفسي ليييش ؛((((

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلايفضل طبيعي بس انا والله مال الجمعيه
وشفتو يم اقولكم احس بالم شنو اسوي
مسكني ٣ او ٤ ساعات اللي قلت بس بولد
بس مابي اروح بنطر علي عمري
وراح كل شي عقبها من اتحرك شوي احس بالم خف
ضاق خلقي اصلا
قلت بس انذار كاذب
ههههه بس
طيحت اخر يومين بالزعتر الورق اغلي واخلي يطبخ من قلب عادي نص ساعه
واخليه واشرب منه حتي لو برد
وكل ماصار منقوع احسن
وبالضبط شربت مايقارب ٨ علي ثلاث ايام
بس مر ويحرق مثل الزنجبيل طبخته من قلب وكميه كبيره احط
والعسل لا كل يوم طيحت فيه من قلب مع حليب زعفران


بس فادني حيل
طلع الالم اللي حاشني توسع عنق الرحم زياده
وانا ما ادري
اكتشفت لما دشيت اليوم الا ماشاء الله
كنت ٤ سانتي وانا مادري
لا بكتب لكم القصه
الحمدالله الحمدالله سهاله من الله

 

[((shoOoshoOo))]

رد: ^^^تجمع مواليييييييد شهر ديسمبر12//2013... إن شااااااءالله^^^

لمووووش

مجنونه


الف الحمدلله على سلامتكم

والفال للباقين ان شاللله

بنات شرايكم نفتح تجمع لنا امهات مواليد ديسمبر

 

[amonitta]

رد: ^^^تجمع مواليييييييد شهر ديسمبر12//2013... إن شااااااءالله^^^

لمووش الحمدلله على سلامتج ومبروك ماياج

منو اللي صامده معااي ريانه ومرت الغلا ومنو بعد :d