^^••^^تجمع لجميـع حوامل سنـــه 2013** ^^••^^

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

الف مبروك

امونيتا وعزاه وجوكلت

والله تعلقت فيكم

عفيه بنات لاتقطعون تعودنا ع بعض

 

[chocolateBon]

رد: ^^^تجمع مواليييييييد شهر ديسمبر12//2013... إن شااااااءالله^^^

​

قصة ولادتي ...

كل شي بدا من يوم الاربعاء 18/12 ماقمت احس بحركة البيبي وحاشني نغص مو طبيعي رحت المستشفى قالولي مافيه شي البيبي الحمد لله ومفتوحه 1 سم ف دقيت على أمي قتلها أنا بجيج ف رحت شقتي وشلت قشي كله ورحت عند أهلي . * كل شي كان تمام لي يوم السبت 21/12 نزلت علي افرازات بنيه الصبح وزادت اكثر على المغرب ف رحت المستشفى ويا امي سولي تخطيط طلع نبظ البيبي ينزل ويصعد ومفتوحه 2 سم ف قالتلي الدكتوره أحسن شي تظلين عندنا لان نبض البيبي كل شوي يتغير
سجلت دخولي على 10 بليل وقعدت وامي قعدت عندي فديتها على 4 الفجر سولي فحص وثابت على 2 سم عطوني ابره مسكنه عشان تهدي الطلق ويعطوني تحميله عشان ترخي الرحم نمت وقعدت على 8 عطوني التحميله وعلى 12 الظعر يوم الاحد 22/12 فحصوني طلع 3 سم ف قالةلي يالله بندششج غرفة الولاده دشيت ربع ساعه جت الدكتوره وبطت الماي وبدى العوار يزيد وظليت لي 4 العصر وماكو ولاده وامي بدت تحاتي دقت عليهم امي قالولها مافيها شي بس مفتوحه 6 سم جان ينزلولي خواتي يعني بيصمدون ويطالعوني بس سمعوني أون طلعوا ماتحملوا
على الساعه 5 ماقدرت أتحمل العوار خليتهم ينادون أمي قتلها أبي أخذ إبرة الظهر طبعا كله هلوسه لاني بالاساس انا مابيها
ف أمي قعدت عندي وتهديني وقالتلي ماكو إبرة ظهر وعليها وزاد العوار أكثر والكمام للامانه تحفه ههههههه خدرت عدل كل شي اسمعه 3 مرات على الساعه*5:56 ولدت
كل شي هان لما حطوها على صدري وبستها ♡

تعامل السسترات يهبل والدكتوره عسل طول الولاده والسسترات يمسحون على ويهدوني وأنا كل شي تحملته الا اخير شي اخير 3 بوشات كانوا دمار بس الكمام كان على حلجي طول الوقت ف كان يهون علي شوي والحمدلله على تمام النعمه ♡ قرقرت واجد ادري سووري :$ * أنا ولدت بالمواساه عند الدكتوره روبينا ♡

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم بنات شخباركم

وحمدلله على سلامة الي ولدو

قصة ولادتي


مافينيي شي كلش الاحد بليل عال12 حسيت جنا دااشني برد رحت انسدحت ونمت قمت عال3 بطني عورني اللهةيكرمكم اسهال واطلع اقعد زوجي اقوله بردانه لحفني الا الله يكررمكم ترجيع واحس ارتحت ومافيني شيي رحت الحمام غسلت وبدلت الا احس بشي دافي ينزل مني واقوم الا كله دم وعلى طول اروح المستشفى وطول الوقت ينزل الماي على طول فحصوني 2 سانتي ولبسوني ودخلوني غرفة الولادة كانت الساعه تقريبا 4 وربع ويحطولي تخطيط ونبض البيبي حيل نازل وطبعا دقو على دكتورتي ماوصلت نادو دكتوره فجايا هندية استشارية دخلت مثل ابرة عشان يزيد النبض ماكو نبض البيبي بين ال40 و 50 وانا 2 سانتي ومافيني طلوق وقالو لازم عملية الحين والحمدلله ولدت ساعه5 و38 دقيقة وحطوني بالملاحظة عال8 قعدت وودوني غرفتي امي وخواتي وزوجي عندي الحمدلله صج كل شي فجأة وماتوقعت بس سبحان الله سهاله من الله والحين انا بالبيت والحمدلله



مكان العملية لمن امشي او اقعد احس حار شويية ومرات لا
واهلي ضايعين فيني مايعرفون للعملية


ومن امس وانا ابجي وخواتي يزفوني كل مابجت بنتي بجيت معاها ليش ماادري بس حمدلله اليوم احس نفسيتي احسن

 

[Newbaby]

رد: ^^^تجمع مواليييييييد شهر ديسمبر12//2013... إن شااااااءالله^^^

مبروووك للي ولدو
حركه البيبي بدت اتقل ونبض ماشي اوكي بس حيل يحاتون بالتخطيط حركه الجنين



مافيني طلوق مانزل بالحوض




ومعاي ضغط وحيل احاتي ابي اولد طبيعي

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

مبروك للي ولدوا
والفال لج نيو بيبي انتي والصامدات

صج ابره الظهر نعمه ماتحسين باي شي

خياط القيصريه يحكني ببطله هالاسبوع ان شاء الله
بنات عقب ماشيل الخيط هم بيتم فيه عوار وحرقان وحكه!؟

 

[لبى خشتك]

رد: ^^^تجمع مواليييييييد شهر ديسمبر12//2013... إن شااااااءالله^^^

بنات

ولدي كحته تعور القلب

موشي ولادة الشتا

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

لبى خشتك حتى انا بنتي
و الاغلبيه جذي شسالفه انا عبالي عشان اهلي بالبيت مراضا فتعادت
انا فيها بلغم و كحه و خشمها مسكر
حطيت لها نص تحميله قالي عنها الدكتور تنزل البلغم مع الخروج انشالله تطيب

والله يطمنكم على عيالكم


نيو بيبي ديري بالج اهم شي صحتكم
ختولي الولاده الطبيعيه مو من زينها هههه


مرت الغلا
انا قبل 3 اسنين سويت عمليه و الحكه حوالين الجرح واايد كانت فكنت احط فازلين و اخذ حبوب حساسيه
انا الحين الحكه تحت حوالين الخياط ماتيي الا وقت النوم او يمكن بالسدحه واااي عذااب معاناة ليما تفج

 

[music_teacher88]

رد: ^^^تجمع مواليييييييد شهر ديسمبر12//2013... إن شااااااءالله^^^

حبيباتي بنات حمدلله على سلامتكم ومبروك ماياكم

والله ييهل للي مااااولدو يااااااارب


انا اتابعكم من بعيد لبعيد قاعده اراكض ببنوتي الدلووعه او الدعله بالاصح

عيونها مرمده وخشمها مسكر وصدرها بخشخش
مع ان ولله مدفيتها






مرت الغلا
صج اني ولدت بمستشفى الصباح الخايس لكن ولله شطار وكلمة الحق تنقال
خياط القيصريه بدون خيوط ولاغرز اختي كانت والده قيصريه بدار الشفا
قالتلي الله يعينج لما تشيلين السيم ( سلك ضعيف) من اخر جرح القيصريه بلطرف

يوم راجعت ولاتقول دكتورتي حبيبتي انا مسويتلج كبس تجميلي بدون غرز ولاخياط ولااااشي الحمدلله
والالم والحكة اسبوع 10 بلكثير الحمدلله

 

[شموووخ بدويه]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمدلله على سلامه كل اللي ولدواا.....


وان شاءالله نشوف بعض في تجمع عيالنااااا

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزيك صح انا عمليتي سويتها بالصباح و كان كبس مو خيوط
انا كنت شايله جيس لازق بالمبيض فشايله مبيضي اليمين و عمليتي الشق بالطول
بس انا مع الاسف ان جسمي على قولتهم في خلايا نشطه مادري شنو
فالندبه نشطه اللي الجرح اثره مبين غامج
بالبدايه كان منتفخ شكله بس الحين بمستوى بطني بس لونه غااامج و عريض يعني مورفيع نفس الشق مادري ليش صار اعرض

 

[sh-q8]

رد: ^^^تجمع مواليييييييد شهر ديسمبر12//2013... إن شااااااءالله^^^

الف الف مبروك للي ولدوا والله يسهل علينا احنا الباجين
احس بنتي بردانه تقول بقعد باحشااائج مابي اطلع الا براس السنه

صح الشتا مشكلته ان تخافين من الامراض اللي تترس الجو الله يكون بالعون والله الحافظ

ماولدت لي الحين واستغفرالله اي احد يشوفني يقول ها متى تولدين وما ولدتي لي الحين كرهت اشوف الناس والسبب هالسؤال

اي والله مو خوش خبر ان بيتسكر التجمع وين بنتجمع الحين



ريانه مبروك والحمدلله عالسلامه

لبى خشتك ماتشوفون شر ودفي البيبي عدل

ميوزك شلون كعنايه وغرف بالصباح ريلي يقولي ارسي على بر قلت له انت خيرتني فجأه وعفستني


لاني صج الحين اولد وين مادري الشفا ولا الصباااح

 

[music_teacher88]

رد: ^^^تجمع مواليييييييد شهر ديسمبر12//2013... إن شااااااءالله^^^

Om hobi حبيبتي حمدلله على سلامتج
ماعطوج شي للاثر او شي شيات؟؟؟ انا خط ضعيف بس هم غامج ترى


Sh-q8 اذا حالتج موتمام 100% انتي والبيبي سمله عليكم
روخي الصباح
كعنايه ممتاز
بس غرف ولله واسطة يالله احصل غرفه خصوصي
قطوني اول يوم غرفه عموميه جدامي هندية وسيلانيه كلهم عبيد الله لكن حمام مشترك
وامة محمد يزورونهم صدااااع عاد قعدي سمعي سوالف بلهندي شالي حادني وانا تعبانة


ثاني يوم من كلم زوجي واحد يعرفه دبر لنا غرفه وعرفو ان واسطة طبعا فلسسترات مباشريني ويعاملوني عدل
ولو انا والده بخاص جان تكاليغ ولادتي ماتقل عن 7000 الاف دينار

بنتي حطوها 13 يوم بلحضانة
بلخاص حسبي كل يوم150 يحسبون سعر الحضانة
وانا ولدت قيصريه
وقعدت 5 ايام بمستشفى


فمع وضعي الصباح وايد احسن لي

شوفي وضعج واختاري الي يريحج


طبعا حتى الغرفه الخصوصي مومال احد غير القراب حيل يزورونج
يوم ارتحت سويت استقبال بلبيت

 

[sh-q8]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يكون بالعون
اهو صح الخاص بسرعه يتهربون ان صار شي الله لايقول ويقطونج بالحكومه.
الله الحافظ انا الحمدلله لي الحين كل شي تمام يعني بس البيبي اللي ماقامت تتحرك وايد يمكن ضاج المكان عليها لاني طلعت من التاسع صارلي فتره

الله يكون بالعون واللي ربي كاتبه بيصير
صح جان طلع عليج وايد ان كنتي والده بلخاص لان طولتي بالمستشفى

يوم سويتي اسقبالج حطيتي سرير بالصاله ولا مايحتاج

 

[مناوووي]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يسهل عليكم يارب
والف مبروك للي ولدو
بنفس هاليوم ً28 /12 العام انااا والده بنوتي العسل

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

الايام تمشي بسررعه
باجي يمين ويتصكر التجمع
سبحان الله كأنه امس يوم حللت وطلعت حامل
ربي يخليلنا عيالنا ويرزق كل محروم ومحرومه
ويجمعنا على طاعته
احبكم في الله خواتي
و خلونا نشوفكم بقسم التربيه والطفل

 

[^ lamooosh ^]

رد: ^^^تجمع مواليييييييد شهر ديسمبر12//2013... إن شااااااءالله^^^

حبيباتي والله



جد اشتق لكم




والف مبروك اللي ولدوو


قريت قصصكم بس والله كل ما ابي ارد الها




الف مبرووك وحمد الله علي سلامتكم

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

ي سرع الاياااام باقي يومين
ويتقفل تجمعنا..

الله يخلي لنا ماعطانا
ويجمعنا على طاعته وعبادته


والله يهون على اللي للحين ماولدو
والله يرزق كل محروم بالذريه الصالحه

 

[سنيار البحر]

رد: ^^^تجمع مواليييييييد شهر ديسمبر12//2013... إن شااااااءالله^^^

صباح الورد
شلونكم بنات
والله لكم وحشه

انا لهيت حدي مع البيبي
نوم مخربط وسهر ومحاتاه
وباجر امتحاني مادرست الا جم صفحه بحاول اسهر عليه والله يسهل يارب

راح افقدكم اذا قفلوا التجمع
لو نسوي تجمع بي بي ام
او بقسم التربيه والطفل


ومبروووك لكل اللي ولدوا

 

[sh-q8]

رد: ^^^تجمع مواليييييييد شهر ديسمبر12//2013... إن شااااااءالله^^^

اي والله صج راح اوله عليكم صديقاتي وخواتي بهالتجمع

صح بي بي ام او اي مكان خلونا نكمل المشوار



والله يرزق الجميع بالذريه الصالحه



بنات انا حده ضايق خلقي ونفسيتي تعبانه تخيلةا ريلي مسافر وانا نفسيتي صفر المفروض السبت يرد بس طلع عنده امتحان تاريخ ٣١ توه الدكتور يقول لهم وفاينل وقعد هناك مارد وحجز تاريخ ١/١ الظهر يرد
ونفسيتي صارت اكس بس اقوله عادي ماراح اولد بنطرك بس انا تعبت والله نفسيااا مابي ابين له علشان مااخليه يفكر ومايدرس حرام بس امتحان واحد باجيله


بنات ابي اولد احس اني تعبت والحمدلله على كل حال

 

[sh-q8]

رد: ^^^تجمع مواليييييييد شهر ديسمبر12//2013... إن شااااااءالله^^^

سنيار يارب يكون سهل امتحانج