^^••^^تجمع لجميـع حوامل سنـــه 2013** ^^••^^

[lawyara]

رد: ^^^تجمع مواليييييييد شهر ديسمبر12//2013... إن شااااااءالله^^^

الف مبروووك ♡

 

[((shoOoshoOo))]

رد: ^^^تجمع مواليييييييد شهر ديسمبر12//2013... إن شااااااءالله^^^

امونيتا

الحمدلله على سلامتج خيتووووووو

 

[لذه السكر]

رد: تجمع جديد لمراجعات الدكتوره معصومه مخصيد 2013

امي ماتحبها خخخخ لان كانت بتحمل وقالتلها عندج عيال ليش تبين بعد وحطتها ببالها

انا اعشقها رحت لها مراجعه لخربطة الهرمونات وكنت بروح الحج ماعندي الا هالشهر يعطيها الف عافيه تلاحقتني من الاستحاضه حسيتها شااااااااطره وتتكلم فاهمه تدري شتقول وتحلل الفلس اللي تاخذه

واعرف ناس ولدو عندها حييل يمدحونها حته بالقيصري

انا اللي رادني اسعارها صلخ كل مراجعه اقط فوق ال 100

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمدلله على سلامتج امونيا
ومبروك المعرس
ربي يخليه لج

اخر ولادات التجمع كلها قيصريات
ربي يسهل عالكل

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

مبرووووك امونيتا
و الله يسهل عليج يارب
و يتربى بعزكم الشيخ


انا بنتي كان يقل نبضها يطلع صوت بالتخطيط فحطولي اكسجين اشمه و كنت احاول اشفط قد ما اقدر و الحمدلله عدت

 

[قرة عيونه]

رد: ^^^تجمع مواليييييييد شهر ديسمبر12//2013... إن شااااااءالله^^^

مابقى شيء ويخلص ديسمبر وتخلص ٢٠١٣ ع خير

الله يهون ع باقي الصااامدات يارب

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

مبرووووووووك امونيتا


والله عاز علي يتصكر التجمع
حبيتكم كلكم، حتى بنات التجمعات
الثانيه اللي شاركونا :'(



علمونا وين بتجمعون عشان اكون معاكم :$

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

الف مبروك امونيتا

والله يسهل عالباجي مابقى شي هانت

وبنات التجمعات الثانيه يايكم الدور والازعاج هههه
باجر بروح البيت يمه احس مسووليه وتعب الله يستر

 

[قاعدة على الشط]

رد: ^^^تجمع مواليييييييد شهر ديسمبر12//2013... إن شااااااءالله^^^

ألف مبروك امونيتا ويتربى بعزكم عبود
بشاير أنا بعد اقولج الحكومة أحسن
لا تحاتين أنا واحد من عيالي جذيه اكتشفت الدكتورة من اول ما ولد انه فيه صوت وراجعت الصدري وشافها الدكتور فتحه في القلب
والله قعدت ادعي ربي وأتصدق والحمد الله بالمراجعة الثانية بشرني الدكتور أنها بدت تتسكر
والحمد الله اللحين مافيه شي

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

مجنونه وكل بنات التجمع

فتحنا تجمع بقسم التربيه والطفل .

خلونت نشوفكم هناك :**

 

[amonitta]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يبارك فيكم حبيباتي

صج والله التسع شهور مرت بسلام وكنت احسكم مثل خواتي :eh_s(22)::eh_s(17):

ام هوبي انا حطولي اكسجين وشفطت كثر ما اقدر بس ماكو فايده التخطيط مو عاجب الدكتوره ومو راضيه انفتح اكثر من 5

قصتي باختصار..

الساعه 1 بالليل نمت وقعدت عقبها 3 الفير اتقلب بالفراش مافيني نوم شوي اشوف التلفون واروح الحمام وارد

عالساعه 5 فجأة حسيت بطقه تحت طقه غريبه ماتعور بس مثل شي طق

رحت الحمام ولا ينزل ماي وايد .. قعدت ريلي وقلتله جان يقولي اوديج الطبيب قلتله مادري اهو اذا ماي جنه اي لازم والماي اللي نزل مو شوي.. وانا اكلمه وقفت ومشيت ولا ماي ينزل واااااااايد تقولون حنفيه مفتوحه بس على ما ابدل يمكن 3 مرات غيرت تحت

ويصلي ريلي الفير ونطلع طبعا ماكو زحمه رحت وصعدت الطواري وبالطريج دقيت على دكتورتي ولا اهيا موجوده اصلا بالمستشفى

صعدت الدور الخامس ودخلوني يت الدكتوره فحصتني الساعه 5ونص مفتوحه سانتي واحد بس عنق الرحم رفيع يعني شي زين على قولتها

حطولي طلق صناعي وانا ماكنت ادري ويبلش العوار كل 5 دقايق طلبت ابرة ظهر على ما يت الدكتوره كانت الساعه 8 وصج ابرة الظهر رحممممه عقبها مافيني شي اسولف وعادي

فحصتني بعد ابرة الظهر ولا مفتوحه 2 سانتي

صارت الساعه 10 يت فحصتني مفتوحه 4 ساتتي والبيبي مو نازل بالحوض راسه تحت بس مو راضي ينزل ومبين بطني صاعد.. ونبض البيبي بدا يقل بالتخطيط فا حطتلي اوكسجين وقالتلي انام على جنبي وهيأتني انه اذا ترا مانفتحت اكثر ونبض البيبي مو راضي يصير اسرع ممكن قيصريه

صارت الساعه 11 ولا مفتوحه 5 ... حماتي يتلي قعدت عندي وانا منسدحه مو بوعيي بس احاول اركز على نبض البيبي

وسمعته بدا يقل وحماتي اخترعت ولاحظت نفس الشي وتنادي الدكتوره وتشوف النبض ومو عاجبها التخطيط قالتلي احنا مانبي نخاطر امثر نبض البيبي مو زين وانا على الطبيعي يبيلي تقريبا 6 ساعات زياده عالولاده الطبيعيه ونبض البيبي لي ذاك الوقت ماراح يتحمل.. عاد وقعنا على القيصريه ويدخلوني العمليات كانت الساعه تقريبا 1 وزادولي جرعة ابرة الظهر وعال 1 وثلث طلع الحلو عبودي :eh_s(22): لبسوه وانا يخيطوني يابوه عند راسي وبسته وعقب طلعوه عند امي وريلي ناطرين برا

بس عاد حطوني تحت الملاحظه وقعدت ساعه ونص فيها وودوني غرفتي

طبعا مع ابرة الظهر وقت العمليه الحمدلله ماحسيت بشي بس كنت بوعيي

ولين رحت غرفتي ابرة الظهر للحين مفعولها موجود

بس مرت جم ساعه اشتغل العوار شي استغفر الله خايس حيل الم مو طبيعي ويعطوني مسكنات بس ماكو فايده

بس الحمدلله اليوم حسيت نفسي احسن والحمدلله على كل حال اهم شي البيبي طلع سليم معنه ماكنت متوقعه اولد قيصري بس الحمدلله اكيد انها خيره لي وللبيبي

سوري يعني هذا بختصر هههههه

باجر اليمعه الصبح ان شالله ارد البيت

 

[عزاااه]

رد: ^^^تجمع مواليييييييد شهر ديسمبر12//2013... إن شااااااءالله^^^

ابشركم ولدت تاريخ 22/12 قيصريه سوري لهيت

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

مبرووووووك حبيباتي


بنات تجمعنا ختموها قيصريات
الحمدلله على سلامتنا كلنا
وعلى سلامة بيبياتنا

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

عزاااه الف مبروووووك


واااي عقب كل هالتعب اخرتها قيصريه
و مشكله اللي تطلق و بعدين يثولون قيصريه

وااي اكره الطلق

اليوم الصبح رحنا ودينا بنتي دار الشفا لأن شكلها منشوله و خشمها يتسكر و يطلع صوت
عاد اقول حق ريلي وييع اكره هالمستشفى
كل ما اتذكر او اروح اتذكر لما يابني وحطوني بالويل جير و انا اطلق ويييع
ولا لما وصلوني لي اخر مرحله بالعوار يالله قزوني الابره

بس بنات جد انا سمعت وايد ناس تنقد ابرة الظهر
بس الحمدلله الحمدلله ولا عرض صارلي
قالو ريلج تتخدر فتره
قالو شلل
قالو ظهرج يعورج
قالو اييج صداع مؤقت

بس الحمدلله الحين مو حاسه بولا شي
و الاكيد ان بكل ولاداتي باخذها

 

[lawyara]

رد: ^^^تجمع مواليييييييد شهر ديسمبر12//2013... إن شااااااءالله^^^

اختي ومرت اخوي ياخذون الابره وما اشتكو منها ،، ابرة الرحمه

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ابرة الظهر تعتبر افضل مخدر للولاده الطبيعيه
مالها اي تأثير الا واحد بالمليون
وعةار الظهر اللي يجي بعدها
يكون من الحمال والثفل الي قطيتيه
عشان جذي سنصحون بالراحه فترة الاربعين

 

[chocolateBon]

رد: ^^^تجمع مواليييييييد شهر ديسمبر12//2013... إن شااااااءالله^^^

الحمدلله كثيرا ولدت تاريخ 22/12 والحمدلله ولاده طبيعيه ♡

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

مبرووووووك حبيبتي

شوكلت بون


ويتربى بعزكم..


بالنسبه لابرة الظهر كنت
مستخيره فيها والحمدلله ما اخذتها
وولدت طبيعي 100%

 

[آنثى طآغيه]

رد: ^^^تجمع مواليييييييد شهر ديسمبر12//2013... إن شااااااءالله^^^

الف مبروووووك والحمدلله ع سلامتكم

 

[سيكولوجية]

رد: ^^^تجمع مواليييييييد شهر ديسمبر12//2013... إن شااااااءالله^^^

اي والله ياحلو ابرة الظهر

عقب الطلق والعذاب من عطوني ياها جني جذب مافيني شي

والحمدالله ماحاشني شي بعدها

وكل ولاداتي باخذها. ولا عذاب الطلق