بنات بقولكم شغلة عن رجيم دشتي ..
مع احترامي لكم أنا ( ضده ) ..
سبحان الله جسم الانسان آلة عجيييبة .. !!
أول مصدر للطاقة فيها اهوا الكربوهيدرات .. عشان كل خلية تقوم بعملها على أكمل وجه ..
اذا صار حق الانسان " مجاعة " وفقد هذه الكربوهيدرات ولا لقى هالمصدر المهم حيييييييييييل للطاقة فوق ما تتوقعون ..
ينتقل إلى المصدر الثاني اهوا الدهون .. وهني الجسم يحرق الدهون عشان يبي طاقة ! " هني مربط الفرس "
نظام اتكنز أو دشتي حيلة على الجسم .. خذا المصدر الثاني للطاقة .. وهذا شي متعب ومجهد وعلى المدى البعيد راح يسبب لج أمراض وبلاوي .. وإلي يقرى بتاريخ النظام مات صابحه بذبحة قلبيه " على حسب معلوماتي المتواضعة " ..
صج انج تفقدين دهون ووزن .. بس قاعدة تفقدين صحتج معاها .. وقاعدة تخربطين نظام جسمج ..
وعلى فكرة " الجسم ذكي حيل " ..
والعيب بهالنظام .. إن مجرد يدخله كربوهيدرات .. لو قطعة حلاوة صغيييرة تغيرين فيها ريجج ..
اخترب نظامج .. !!
لان الجسم هجم على الكربوهيدرات والنشويات الي فيها ..
وغير هذا وايد ناس بالهنظام خصوصا الحريم تتخربط دورتهم وتنعفس .. تتأخر ووتجدم ..
ارتفاع كلسترول والاملاح وهالسوالف .. من كميات الدهن واللحم الي عايشين عليها !
والعيب الأكبر .. إن رغم هالشهور كلها الي سويتي فيها هالنظام وخسرتي كيلو غرامات .. ما تعلمتي عادات غذائية صحية تمشين عليها طول حياتج !
ما تتقارن إلى " تخدع جسمها " بلي " تحترم نظام عمل جسمها "
الله سبحانه خلق الأكل بأنواعه ومجاميعه لان الانسان يحتاج لهم كلهم .. وهذي نعمة ..
والاكل هذا سعرات حرارية تدخل الجسم ..
اما سعرات حرارية تفوق الي يحتاجه الجسم فيتخزن ويصير سمنة ..
او ان يعادل احتياجات الجسم و يثبت الوزن وتحافظين عليه ..
او ان اقل من احتياجات الجسم فينزل وزنج " بطريقة صحيحة " ..
نصيحة : كل وحدة ضعفت اتبعت نظام واتعبت فيه انزلت 10 كيلوات او 20 او 30 .. حسافة يروح كل هالتعب وتردينهم ورى جم شهر .. او طول عمرج تعيشين بصراع مع هالوزن .. هذا اذا ما مليتي وهديتي كل شي ورى ظهرج ..
درسي موضوع السعرات الحرارية وحسبيها ..
مثل ما درستي نظام دشتي وقاعدة تحسبيله ..
مع الوقت بدون تفكير راح تعرفين شنو لازم تاكلين وشنو مو لازم والكمية الي تمتنج والكمية الي تضعفج ..
وحتى لو ما تبين تضعفين تعرفين شلون تثبتين وزنج ..
علماء ومختبرات وشركات تغذية كلها تنادي بنظام السعرات الحرارية .. " لان هذا الصح " ..
لا تاخذين طرق ملتوية وغلط اتعبين نفسج وجسمج وصحتج معاها ..
وتخسرين وقتج على الفاضي والنتيجة إما انج ما تضعفين شي وتملين .. او تضعفين وتستانسين بالوزن فترة محدودة وبعد جم شهر تردينهم وفوقهم الدبل ..
وسامحوني اذا قرقت عليكم وايد ..
بس حبيت أفيدكم لأن عورني قلبي عليكم ..
وناس مفكرة تدخل فيه بعد 
