رد: ●•0☜قُـــــم للمعلـــــم وفّــه التبجيلا☜ كــاد المعلـــم أن يكــون رســـــولا ●•
و الله ألحين المعلم يعامل معاملة الخادم.
أذكر لما كنت طالبه قبل و الله عمري ما غلطت على أبله من أبلاتي, إي نعم ساعات كنا نتطنز على أبله بعينها بس مو جدامها أو نقل أدبنا و نخرب الحصه و نطفر الأبله.
و ألحين البنات بالابتدائي تقول حق زميلاتها جدام الأبله راح أقول حق أهلي يورونها شغلها! شنو يورونها شغلها احنا وين قاعدين؟
إذا هذا أسلوب الأهل ما بالج بالبنت, هذيك المره بنت قاله أدبها بثانيه و زميلتي موقفتها. جت أمها تصارخ بالإداره بنتي مو جايبتها توقف جايبتها تدرس, و البنت أصلا كسلانه. قلت حق زميلتي ليش ما رديتي عليها؟ إذا البنت معطله العمليه التعليميه و قاعده تخرب على نفسها و البنات آنا من حقي أوقفها عند حدها باستعمال أي أسلوب, ما دمت ما طقيتها و لا سبيتها محد له حق يتكلم!
و هاذي المرحله الإبتدائيه, يعني ما أقدر أطرد البنت بره الصف و أكمل درسي لأ. لازم أتعامل معاها و أكبحها داخل الصف.
و بالنسبه لمسألة المدرس الخصوصي, آنا أدرس ابتدائي, و رياضيات اللي تقريبا أصعب مادة على البنات, و أولى بالصف الواحد يحشرون 28 بنت يبيلهم تأسيس.
يعني شوفو الضغط. و في بعض البنات نهائيا ما تتجاوب معاج و لا تمسك القلم, و لي نص السنه تقعد تبجي جنه أول أسبوع.
مستدعيه أمهات بعض هالبنات قبل فتره أقول لهم لحقوا على بناتكم, البنات مشوا و دشينا بالجمع و اهم ما يعرفون حتى الأعداد. تقول لي البنت صغيره ما أبي أشد عليها و أكرهها بالدراسه! و البنت تقول لي ماما آنا صغيره!
رديت عليها قلت لها آنا ما قلت لج زفي البنت و الا طقيها, قعدي معاها بالبيت و علميها البنت ما تعرف حتى تكتب العدد 5 و هو بس دائرة!
شردت علي؟ قالت لي الكورس الجاي راح تشوفين إن شاء الله شلون راح يصير مستواها ألحين هاذي صغيره!
قلت لها الكورس الجاي راح ناخذ أشياء أصعب و انتي راح تعلمينها الأعداد!
ترى آنا أشكره إذا البنت مو ماشيه و أدري البنت مهمله و ساقطه أقول لها أشكره جيبي لها مدرس البنت مو ماشيه.
بالذات إن حالات الإهمال مو طبيعيه ببعض الأهالي. على أساس إن السالفه ملف إنجازي فعادي مو مهم البنت تمتحن و لا تعرف شي. توصل البنت رابع و خامس احنا نقوم نطق إصبع و الإداره تمشيهم و تنجحهم بالدور الثاني و المعاناة تبدأ فيها معلمات المتوسط.
شي يغث و يقهر الأبله هذا على فكره. صايره كأنها تشتغل بيبي ستر حق البنات مو مدرسه.
أدري شطيت شوي عن الموضوع بس من اللي أشوفه, أستغفر الله العظيم و أتوب إليه.
و الله ألحين المعلم يعامل معاملة الخادم.
أذكر لما كنت طالبه قبل و الله عمري ما غلطت على أبله من أبلاتي, إي نعم ساعات كنا نتطنز على أبله بعينها بس مو جدامها أو نقل أدبنا و نخرب الحصه و نطفر الأبله.
و ألحين البنات بالابتدائي تقول حق زميلاتها جدام الأبله راح أقول حق أهلي يورونها شغلها! شنو يورونها شغلها احنا وين قاعدين؟
إذا هذا أسلوب الأهل ما بالج بالبنت, هذيك المره بنت قاله أدبها بثانيه و زميلتي موقفتها. جت أمها تصارخ بالإداره بنتي مو جايبتها توقف جايبتها تدرس, و البنت أصلا كسلانه. قلت حق زميلتي ليش ما رديتي عليها؟ إذا البنت معطله العمليه التعليميه و قاعده تخرب على نفسها و البنات آنا من حقي أوقفها عند حدها باستعمال أي أسلوب, ما دمت ما طقيتها و لا سبيتها محد له حق يتكلم!
و هاذي المرحله الإبتدائيه, يعني ما أقدر أطرد البنت بره الصف و أكمل درسي لأ. لازم أتعامل معاها و أكبحها داخل الصف.
و بالنسبه لمسألة المدرس الخصوصي, آنا أدرس ابتدائي, و رياضيات اللي تقريبا أصعب مادة على البنات, و أولى بالصف الواحد يحشرون 28 بنت يبيلهم تأسيس.
يعني شوفو الضغط. و في بعض البنات نهائيا ما تتجاوب معاج و لا تمسك القلم, و لي نص السنه تقعد تبجي جنه أول أسبوع.
مستدعيه أمهات بعض هالبنات قبل فتره أقول لهم لحقوا على بناتكم, البنات مشوا و دشينا بالجمع و اهم ما يعرفون حتى الأعداد. تقول لي البنت صغيره ما أبي أشد عليها و أكرهها بالدراسه! و البنت تقول لي ماما آنا صغيره!
رديت عليها قلت لها آنا ما قلت لج زفي البنت و الا طقيها, قعدي معاها بالبيت و علميها البنت ما تعرف حتى تكتب العدد 5 و هو بس دائرة!
شردت علي؟ قالت لي الكورس الجاي راح تشوفين إن شاء الله شلون راح يصير مستواها ألحين هاذي صغيره!
قلت لها الكورس الجاي راح ناخذ أشياء أصعب و انتي راح تعلمينها الأعداد!
ترى آنا أشكره إذا البنت مو ماشيه و أدري البنت مهمله و ساقطه أقول لها أشكره جيبي لها مدرس البنت مو ماشيه.
بالذات إن حالات الإهمال مو طبيعيه ببعض الأهالي. على أساس إن السالفه ملف إنجازي فعادي مو مهم البنت تمتحن و لا تعرف شي. توصل البنت رابع و خامس احنا نقوم نطق إصبع و الإداره تمشيهم و تنجحهم بالدور الثاني و المعاناة تبدأ فيها معلمات المتوسط.
شي يغث و يقهر الأبله هذا على فكره. صايره كأنها تشتغل بيبي ستر حق البنات مو مدرسه.
أدري شطيت شوي عن الموضوع بس من اللي أشوفه, أستغفر الله العظيم و أتوب إليه.
التعديل الأخير:
