☼ ☼ الهنوف في ربوع ماليزيا 2012 ☼ ☼

[*الهنوف*]

رحلة الانتقال من بينينق الي كوالالمبور

12يونيو

قعدنا ٧:٣٠
تريقنا وسوينا شيك اوت


وصل التكسي ٨ ورحتا للمطار
وصلنا ٩


اول ماوصلنا طلعنا البوردنق من هالجهاز ورحنا للكاونتر


كاهو البوردنق/جان زين كل البوردنقات جذي







لكل راكب ٩ كيلو مجانا وكل كيلو زياده ٢٠ رنجت
انا جنطتي بليه فدمجتها مع وزن اخوي ووفرت من
٢٥٠ رنجت زياده الي ٦٠ رنجت ،،شفتوا الفرق!!!!


لان وزني طلع ٣٢
بصراحه مادري شلون حسبها بس حسيت انه نصب علي فنشبت بحلجه واخر شي قالي ادمجج مع اخوج قلت اي
عاد انا مشغله الحاسبه معاه واطقطق يعني اني فاهمه وانا اساسا ضايعه بالطوشه
لان اختي طلع الوزن الزايد بعد 250 معن جناطها اصغر مني بس شكله حب يودرنا ويضيعنا ولما شافني نشبت له قال خلاص بدمج وزنكم مع بعض

خلصنا عال ٩:٤٥ قعدنا بماك

س ١١ رحنا نركب الطياره طلعنا اخر ناس ومن اليوم ينطرونا خهخهخخ




خوش موقع كراسينا/اخخخخ بس لو كنا بالرحله الطويله بهالمكان



الطيران حلو ويقدمون سناك بفلوس
وصلنا خلال ٣٥ دقيقه الرحله خفيفه




اخذنا تكسي من المطار (قصينا تكت ٣اشخاص من داخل للتكسي،،وطلعنا عطونا تكسي كبير )
نظامهم حلو ومرتب وتكسي المطار ارخص من اللي بره

بره ب 120 المطار ب 100


​

 

[*الهنوف*]

اول يوم كوالالمبور
12يونيو

وصلنا الفندق س ١:٤٥
فندقنا اسمه دورست رجنسي



طبعا عشان مايتكرر معانا موضوع الفندق الوصخ ما بينيق
وبما اني قريت عن الدورسيت بموقع بوكينج كلام مايسر
فقررنا نشوف الغرفه قبلها وننشب لهم يعطونا اطلاله سنعه


ورانا غرفتين وبالاخير استقرينا علي وحده
وحرصنا عليهم ينظفون الغرفه قبل لا ندشها


مو هينات :eh_s(15):،،خو دافعين فلوس لازم نحضى باحسن اقامه


المهم طلع الفندق حلو ونظيف وقريب من مجمع برجايا التايم سكوير


هذي غرفتنا بالدور 23













الاطلاله








جمام السباحه عادي ومو عميق


الجيم صغير




​

يتبع...​

​

 

[*الهنوف*]

تابع اليوم الاول بكوالالمبور

عال ٥:٣٠ طلعنا مشي للتايم سكوير


مرينا على محل نفانيف سهره لفتت نظري هالباربيه



وهذي مصغبه(لاندري)للشنط والشوزات


بيين برجايا التايم سكوير( بل عليهم كل هذا اسم مجمع..يا حلت اسامي مجمعاتنا افنيوز- 360 )



دشينا المجمع كبييييييييييييييييييرويضيع
وماتخلصونه وفيه ملاهي
ماصورت فيه وايد لاني كنت لاهيه بالتسوق

بس شو الطوابق يا بوووووووووووي







سالنا اللي يشتغلون بالمحلات وين المطاعم محد يعطي ويه قطيعه تقطعهم
وقفنا واحد ومرته فلبن مادري صينيين قلنا لهم نبي المطاعم الريال قال مافهمتكم ومرته تقول بالطابق الثالث جان يقولها لا لا
حقدنا عليهم
طلعنا للطابق الثالث ولا كله مطاعم
الحقير الفلبيني ليش قالno no حق مرته

هناك صج مو متعاونين اللي يبيعون بالمحلات ولا شعبهم قليل تلاقون ناس متعاونين
كلهم يسوون نفسهم مايفهمون انجليزي

تغدينا بساب وي( وصادفنا مرتين ساب وي يقولون الجيز خالص..اشدعواااااا عليكم ازمة جبن)
بعدها بدت رحلة التسوق



بعدها رحنا لمجمع البافلون
طلع نظام ماركات

نافورة البافلون


تقلب كل شوي لون




اول مادشينا جيوردانو مسوي عرض



شوزات فنسي تهبل ورخيصه


شنط ماركه سمبونيا ماليزيه



شارع الماركات


اهني بوتيك ال في من بره المجمع

من داخل المجمع


سيفورا مقابل مجمع البافلون





خذيت جناط لهل الكويت ماركة كارلو


اهم بماليزيا عندهم (Parkson باركسون) تلاقون فيه كل الماركات..هذا اللي خذيت منه الجناط


وهالباركلسون باغلب المجمعات موجود بكل انحاء ماليزيا


طلعنا نتمشي بشارع العرب




خلصنا قعدنا ندور علي تكسي هندي لان الصينيين تعاملهم مو شي
الهندي ياخذ ويعطي
فلقينا هندي خذانا لمكتب قصينا تذاكر للاكواريم عشان باجر ندشها علي طول

ردينا للفندق ميتين تعب من التسوق والمشي
من نافذة غرفتي




اليوم الحمدلله خلصت الهدايا وخلصت فلوسي اهييييييييي:eh_s(16):



​

 

[*الهنوف*]

باجر اكمل لكم
تصبحون على خير:eh_s(17):​

 

[غاليه بغلاها]

تلاقين الخير حبيبتي

رووعه التقرير تسلم ايدج صراحه عالمعلومات الحلوه

 

[*الهنوف*]

اليوم الثاني كوالالمبور
13يونيو

​

رحلاتنا اليوم
اكواريوم- البرجين- حديقة الحيوان نيجيرا-حديقة الطيور والزهور-قصر الملك- السوق الصيني- السوق الماليزي ( التاون داون)​

قعدت عالراحه ٩
نزلت اتريق،،ريوقهم حلو حاطين حمص ومتبل ​

​

​

عال ١١ خذينا تكسي ولد حلال هندي
التكاسي بماليزيا حيل متعاونين وينزلون معاكم يعلمونكم شلون تقصون التذاكر
وخاصتا الهنوود او ماليزي اصله هندي
خذينا جوله الساعه ب 25 رنجت​

نبدي رحلاتنا
رحنا اول شي الاكواريووم
طبعا قاصين تذاكرها من امس(وماتفرق تري لو تقصونها من الاكواريووم نفسها)
فيها قسم للزواحف والحشرات​

​

الهيكل العظميي مو صج ههههه
​

سمج فيه زري سبحان الله
​

نجوم البحر بحوض مكشوف
​

كلب البحر وداخل معاه وحده تخليه يسوي حركات
​

نظره مرعبه
​

​

سمجه غريبه
​

هذي سبحان الله لونها نفس لون الشعب المرجانيه جويتي
​

دشينا الممر عجيييييييييييييب



​

فوقنا يمرون
​

​

هذي غريبه فيها اضاءه حمره جنها ليزر
​

​

هذي سميتها الاناناسه
​

 

[*الهنوف*]

قنديل البحر شوفوه مع الاضاءه يونس






حصان البحر ..حنها حامل هني هههههههخخخخ
شوفو شصغره


ربيانه شفافه


شعب مرجانيه باشكال والوان




منتجر السوفونير للاكواريوم






خصلت رحلة الاكواريوم​

يتبع....​

 

[*الهنوف*]

تابع اليوم الثاني كوالالمبور​

خلصنا رحنا للتوين تاور(البرجين التوأم)
نبي نسأل نقدر نقص تذاكر للدخول لباجر​

وفعلا تغير النظام بدال لاتنباع التذاكر بس س ٨ ص ..صار في فترات وانتي تختارين الوقت اللي يناسبج
احنا اختارنا الدخول جق باجر من ١١- ١١:١٥
واساسا عادي لو تروحون بنفس اليوم وتقصون التذاكر بالوقت اللي يناسبكم
( طبعا بالعرب المسافرون خرعوني وقالو لازم من الساعه 7 تروحين تقصين تذاكر للبرجين وتنطرون لانهم يدخول بس عدد معين من الزوار)
طلع الموضوع متغير واشوه اننا سالنا وما مشيت على كلامهم الا 3/4 غلط وودرني بسفرتي​

بعدها قررنا نروح حديقة الطيور
حلوه بس الجو كان فطيسه وريحة الطيور :cxxxp:
تلثمت بملفعي ومشيت​

نقص التذاكر
​

استقبلونا الكنارايات شكبرهم
​

بغبغاءات
​

​

شكو السمج بحديقة الطيور مادري
ملاحظه ان يحطون بحيرات سمج بأي مكان
​

​

طاع الكافيتيريا
​

​

احلى مكان شفته بالحديقه
​

​

​

​

​

​

​

http://www.q8yat.com​

​

​

ديج الرومي
​

محل السوفونير

جدام حديقة الطيور في حديقة الزهور ابلاش فرينا فيها شوي ومالقينا غير وردتين..فطلعنا ماكملنا​

خلصنا جولة حديقة الطيور​

يتبع...​

 

[*الهنوف*]

تابع ثاني يوم كوالالمبور

رحلتنا لقصر السلطان و حديقة لحديقة الحيوان (نيجيرا)


بالطريق نحمي نفسنا من حرقة الشمس



رحنا لقصر السلطان بس تصورنا عالمدخل( سخافه)
احس في اماكن سخيفه ومالها اي معنا والجو مايساعد










وطلعنا علي حديقة الحيوان نيجيرا



اللي ماعجبني ان قصينا تذكره عالدخله ب ٣ دنانير تقريبا وداخل قالو تبون الباص بعد ادفعوا لان المشي فيها يتعب واحنا تونا ماشين ومنهد حيلنا ..فما ركبنا الباص

وطلعت الحيوانات باقفاص مو مهدوده انا عبالي نظامها سفاري
( وهذي غلطه اخري خذيتها من العرب المسافرون سالتهم ابي حديقة حيوان نظام سفاري قالو لي نجيرا نيجرا..وانا صدقتهم رحنا لقينها جنها حديقة العميريه اقفاص)




واحنا نمشي لقينا صوت موسيقى ولا اثاري حوض عرض للفقمه وبعض الحيوانات



وفي وحده تقدم العرض تقرقر بالماليزي( بفهم يعني سواح من كل اقطار العالم تتكلمين ماليزي لييييييييش!!!!!!!!! في لغه اسمها انجلش يفهمونها كل الناس)


وورانا حوض سمج
وفي اكواريوم مصغره داخل
ماصورت بصراحه وايد بالحديقه لان الوضع كلش ماكان عاجبني sorry






ردينا للفدنق نرتاح ونتغدا واحلى شور بعد هالشوووووووووووب

مازال لليوم بقيه.....انتظروني​

 

[.]

متابعينج ..

الله يعطيج العافيه..

 

[جروح ودموع]

روووووووووووووووووووووووووووعه

 

[خوووخه w]

روووووعه يجنن موضوعج ماشاءالله

 

[نياره]

اب اب

 

[اللولو97]

تقرير حلو مشكوره الهنوف

وتعليقاتج حلوه متابعه

 

[مـ ع ـزوفة حز*ن]

لآتطولييييين هنووفه


بإنتظآآرج


............

....

.

 

[*الهنوف*]

انشالله بس هاليومين انشغلت شوي
باجر بنزل

 

[نياره]

ناطرينج

 

[** آية من الجمال **]

تابعت كل إللي فاتني من الصفحة 6 لي الأخير

حبيبتي يعطيك ألف وستمية عافية على هالتقرير الحلو مثلك

أنا رحت ويت وبعده تقريرك ما خلص ... عساك ع القوة

ما قول حسافة اقول قدر الله وما شاء فعل ... لأن بيننج فيها وايد مجمعات عرفتها منك لما قريت موضوعك بس حمدالله أصلا ما كنا بنشتري شي لأن ورانا طيران داخلي ونحاتي يزيد عن 25 كجم للشخص!

بس سؤال صغنن:

ليش خذتو ليلتين بهوتيل ولليلتين بهوتيل ثاني؟!!

البي فيو 3 ستار وأنا سألت السايق عنه هناك لأن شفته وتذكرتك أيضا ذمه وما مدحاه ... عندي أهم شي الراحة ... الله يعوض عليكم حبيبتي إحنا 5 ستار وهم يا يعجبني أو ما يعجبنا

بانتظار البقية وبقوة

يعجبني نظامك بالكتابة وترتيبك للصفحات واختياراتك للديكورات البسيطة ببداية ونهاية كل يوم

 

[مـ ع ـزوفة حز*ن]

،،،،


بالإإإإإنتظآآآآآر

............

........

...

 

[أم ركووووووو]

وووووووووواااااي الهنوف ذكرتيني بالدار الي قعدت فيها بدورست رجنسي

جنها الدار الي كنت قاااااعده فيها انا وريلي وولدي:

تدرين انا ماعجبني هالفندق صرااااااااحة

بس للامانه ريوقهم كان وايد حلو

لا والي يضحك احنا حاجزين الفندق مع الريوق تصدقين مرة وحده نزلنااااااااات وتريقناااااا
لان كنا انقوم عالا11ومانلحق عليه


ويلا لاطوللللللللللين ناطرين باااااجي التقرير بلللللللللللييييييييييييييييز:eh_s(9):