✔✔تجمــ؏ لحوامــل التــوأأأم✔✔

[glby7sas]

يتليت حبيبتي بس على بعد الولاده الخووف من اثناء الولاده
كل شي خطر وممنوع وممكن تتعرضين لولاده مبكره الله لايقوله بس دام ربي رزقني فأهو اخبر اني اقدر اتحمل والحمدالله على كل حال

 

[Hambaa]

السلام عليكم بنات ربي لك الحمد والشكر على نعمته
اليوم سويت سونار وربي لك الحمد كل شي تمام ولقوا دم اشوي متجمع. بس لازال ينزل علي بني مره يخف ىمره يزيد والدكاتره بالصباح ماقصروا حيل حيل اعتنوا فيني ًواليوم سوالي سونار قاسو عنق للرحم قالوا زين والعنق مسكر ربي. لك الحمد بس قالوا باجر دكتوري يقرر اذا اسوي ربط او لا بس كل شي تمام ربي يفرح قلبي فيهم ادعولي بنات. ويثبتهم. ويتم علي نعمته

 

[أمورته]

همبه اللهم امين ي رب العالمين ربي يحفظ الي ببطونا وبطنج ي رب ويفرح قلوبنااا بشووفتهم

 

[glby7sas]

حبيبتي همبه الف الحمدالله والشكر لله يارب يتمملج على خير ماادري انصح بالربط من تجربتي احس أأمن نفسيا ترتاحين في ربط يسمونه احتياطي يكون مافيج شي بس احتياط يسوونه

 

[أمورته]

همبه صح كلام القلب الحساس استشري دكتورج واستخيري وتوكلي ع الله

 

[Hambaa]

باجر راح اييي الدكتور ويقول شنو. لان سونار اهم قالولي يمكن ماتحتاجين. بس قالت لا انا ولا نتي انقرر الدكتور يقرر بشوفه اذا قال ماتحتاجين رحت حق دكتوري

 

[جوزائيه مغروره]

قلبي حساس اليوم رحت حق دكتوري لانه امس نازل علي بني مع الافرازات قالي ارتاحي وقالي راح يعطيني ابره رئه بس ماعرفت اي اسبوع

 

[glby7sas]

سلامتج جوزائيه البني مامنه خوف ان شاءالله بس لازم راحه تامه عشان يوقف انا بروح للدكتوره السبت ان شاءالله بسألها بعد عن ابره الرئه

 

[أمورته]

همبه وجوزائيه ماتشوفون.شر ان شاءالله والله يطمن. قلبي وقلوبكم يارب

 

[أمورته]

القلب حساس شلونج حياتي
متي عرفتي جنس البيباااات ي غاليه?
وهل اذا بجيس واحد يتشابهون وتذا جيسين مايتشابهون?

 

[جوزائيه مغروره]

الشر ما اييكم يارب

اي عفيه قلبي ساليها متى ناخذها بالضبط

اهو قالي هالابره تزيد من عمرهم ١٠ ايام تقريبا علشان ما يحتاجون الشيشه اذا انولدوا قبل موعدهم

امورته اذا بجيس واحد يتشابهون واذا جيسين لا

 

[أمورته]

حلو انهم مايتشابهون ههههههه
انزين جوزائيه انتي بين معاج جيسين ولا واحد بدايت الحمل
ربي يحفظهم لج وتقو عينج بشوفتهم بالسلامه يارب

 

[glby7sas]

اموورته مثل ماقالت جوزائيه اذا بجيس يتشابهون بجيسين مايتشابهون عرفت الجنس اخر الشهر الثالث



اي جوزائيه بسألها بس استغربت في ناس مايعطونهم ابره الرئه ليش مادري

 

[Hambaa]

انا الي اعرفه على حسب المشيمه اذا جيسين مشيمه وحده يتشابهون واذا جيسين وكل واحد ومشيمته يختلفون

 

[جوزائيه مغروره]

الله يحفظهم لنا يارب

قلبي اي انا كنت بساله واهو قالي بعد اسبوعين يقولي الاكيد

 

[glby7sas]

ان شاءالله خير ياارب وانا بعد موعدي السبت ان شاءالله بسألها عنهم واقولج

 

[جوزائيه مغروره]

اوكي حبيبتي

 

[أمورته]

انزين بنوتات
منو صارله مثلي اول ماسوت سونار اطلعو لها جيسين
واحد واضح انه فيه ياهل والثاني مو مبين?
الله يطمن قلبي وقلوبكم يارب ي حبيبي

 

[glby7sas]

انا اطلعو جيسين بس اثنين واضحين بس ترا عادي يمكن الثاني متأخر يعني مثلا انا في ياهل متأخر عن الثاني خمس ايام قعدي لي الموعد الياي وراح يبين اكثر

 

[أمورته]

انا كنت حزتها بالاسبوووع الخامس
بنطر شوي بعدين بسوي سونار