✔✔تجمــ؏ لحوامــل التــوأأأم✔✔

[katrina90]

حبيبتي دريم جربي تروحين دكتور او دكتوره ثانيه انا ماتطمن الا لما اروح حق اثنين وانا اراجع عند فوزيه وحيان انتي سوي مثلي ولما صارتلي مشكله رحت حق الاثنين عشان يرتاح قلبي

 

[katrina90]

قلبي حساس الحمدالله انتي شلونج وشلون بنات للحين بالحضانه ولا طلعو ؟ وشلون التربيه صعبه مثل ما يقولون ؟

الله يشافيهم يارب ويحفظهم وتشوفينهم عرايس يختي

 

[Dream_hope_love]

كاترينا انا أخاف احوس وايد وماجده تحتها يمكن
4 دكاتره كلهم سألتهم و كم مره سويت سونار
كلامهم ياربي غير ماجدهً تقول المشيمه نازله
والدكتوره الثانيه تقول شلون نازله وإنتي أصلا توك
والمشيمه أصلا ما تكتمل الا بالأسبوع 12
انا الحين كلا منسدحه وأخذ مثبتات والله يثبتهم
يارب

 

[glby7sas]

دريم حبيبتي انا صار معاي قالولي تجمع دم بس عادي مثبتات وكله منسدحه والحمدالله راح صارت فيني مرتين

كاترينا الحمدالله انا بخير تعب بشي واحد اذا مافي احد يساعدج يعني تخيلي ياهلين يبجون مع بعض يوصخون مع لعض يعني من تولدين لي بعد خمس شهور احتمال ماتطلعين من البيت خخخخ واذا بتسافرين يبيلج سنه ههه الله المستعان بس على التعب يهبلون وحلوين وعسل على قلبج سبحان الله تدرين ليلحين مو مستوعبه انه هذيل عيالي خخخخ


الحمدالله اطلعو من الحضانه بس خدج تعب نتاتيف مو اي احد يقدر يشيلهم ولازم مااطلعهم على الناس ومحد يبوس ولازم على طول تعقيم اهو تعب معاهم حتى شربهم طريقتهم غير وياخذون معاي فوق الساعه بس عشان يرضعون

فناني انا اقول صج صج فيني فقره نوم مو طبيعيه من طلعو حبايبي وانا ماانام ساعتين على بعضها

 

[Dream_hope_love]

القلب الحساس الله يعينك ما طلبتي سستر ولا خدامه تساعدج
يتراوالي اول شهر ضروري عندج احد يساعدج

 

[katrina90]

دريم حبيبتي قتلج غيري ماجده ماتسمعين كلامي.. الله يثبت حملج وخلج كله منسدحه


قلبي حساس الحمدالله انهم طلعو اتصدقين امي تقولي لما يطلعون تمنين يرحعون بطنج بتاذين مع انه احس شعور حلو بس ماجربت فمادري شبصير هههه بس كلش ولا النوم انا ودي اخلي واحد عند اختي والثاني عندي بالاربعين بس يعني وانا في بيتنا لان ابي انام مابي يصير ويهي عيوز هههه كفايه القباقيب ( انتفاخخ تحت العين ) بس احس قلبي مايطاوعني اخلي احد ينومهم خوافه وايد راح اخاف عليهم حبايبي الله يقر عيني بشوفتهم سليمين معافين كاملين الخلق يارب من غير زياده ولا نقصان ويقر عين دريم وياي يارب ويخلي لج بناتج قلبي حساس قولو امين

 

[Dream_hope_love]

مشكوره كاترينا والله يثبت حمل الكل و يخلي لج ما يبتي
انا رحت لدكتوره ثانيه و قالت الدم متجمع تحت المشيمه
ريحتني شوي والله كريم ان شاء الله تعدي الثلاث أشهر
علي خير

 

[katrina90]

ان شاء الله تعدي وارتاحي لاتحوسين واقري عليهم وشغلي رقية التثبيت وربي يحفظهم ان شاء الله

 

[سمو النفس]

قلبي حساس الحمداالله ع السلامه ومبرووك البنوتات ربي يحفظهم ماعليج بيكبرون ولدي كان نتفه بس موخدج وترا فيه حليب للخدج يمتن





باقي البنات اللي يسهل عليكم وتولدوون بالسلامه يارب

 

[glby7sas]

اميين يارب

حبيبتي دريم وكاترينا ماتقصرون وان شاءالله بتشوفون كتاكيتهم بصحه وعافيه وبتنسون التعب كله

سموو النفس حبيبتي الله يبارك فيج
اي يعطوني سيميلاك بروشور للخدج
بس طلع معاي مشكله بنتي كانت ترجع وايد اكتشفت طلع من الدوا اللي يعطونها ياه امس سويت تجربه ماعطيتها الدوا الحمدالله مارجعت وقامت تتروع عادي لما كنت اعطيها الدوا ترجع نوافير واطقطقها ماتتروع بس مادري اخاف مااعطيها دواها واتحسف شينطرني لي موعدها

 

[Dream_hope_love]

كاترينا شنو رقيه التثبيت والله يجزاك خير

 

[روج كرزي]

شلونكم خواتي انا احس برطوبه تحت مدري اخاف واحس ماي بالكيرفري شسوي بنات ؟

 

[katrina90]

دريم حبيبتي كتبي رقية تثبيت الحمل باليوتيوب وشغليها كل يوم انا كل يوم اشغلها هذا رابط الرقيه بس عندج كذا قارئROQIA ROKIA ماهر المعيقلي الرقيه الشرعيه لتثبيت الحمل باذن الله بايات التثبيت و السكن و السكينه والقرار والرواسي - YouTube

 

[katrina90]

روج كرزي جيكي عند دكتورج تطمني شنو هذا

 

[katrina90]

امبيه انا امس تسبحت وطحت مريضه نشله وحرارة وبلاعيم ذابحتني مانمت الليل منها الله ياجرني والحين قعدت وسويت غرغره وكليت حبة مص الله يستر ويحفظ اجنتي خايفه من الادوية عليهم ادعولي الله يشفيني

 

[Dream_hope_love]

سلامات كاترينا
شوفي اذا حرارته أخذي مضاد أحسن مالهم الا العافيه
وشربي ماي حار وعصري في الكوب شويه ليمون
الله يحفظهم ويثبتهم يارب

 

[Dream_hope_love]

روج اذا ماكو لون عادي
بس هم تأكدي من الدكتوره

 

[Dream_hope_love]

كاترينا اذا استمرت الحرارة عاليه لازم مضاد ومايضرهم ان شاء الله
بس ساعدي نفسج عشان ما تييك الكحه
شربي ماي حار وليمون وعسل
والله يشافيج يارب

 

[katrina90]

الله يسلمج دريم حبيبتي والله الغلايه يمي كل شوي ماي حار ..


دريم انتي وين ناويه تولدين وعند اي دكتور ؟

 

[Dream_hope_love]

صباح الخير كاترينا شلونج والله في بالي اليوم
ان شاء الله صرتي أحسن
لا تخلين الماي الحار والعسل والليمون
ومالح الا العافيه
انا بولد بإذن الله برويال حياه ودكتورتي ماجده اليتامي