✔✔تجمــ؏ لحوامــل التــوأأأم✔✔

[روج كرزي]

استغفري ربج نعمة من الله خلاص تيبيهم ممره وحده ووقفي لو ماتحملين تربيه بس استغفري ربج لاتفكرين جذي غيرج يبي ضنا وبالعكس وناسه تيبين 2 ويصيرون 3 وتوقفين لو ماتبين تخلصين بحملة وحده ..


من ناحية التعب تعب انا كرهت نفسي بالنساة كله بجي يمكن 3 اشهر والله بس ابجي نمت بالمستشفى تقريبا شهر من النساة ولما خفت وصرت ارجع مرتين باليوم بس تكرمين صار كله بعد الاكل يعني اكل وجبتين باليوم بس وهالوجبتين اطلعهم وكله بجي لان اموت يوع وابي اكل بس مايقعد الاكل وغير الحارج والصداع بس كله يخف ان شاءالله بالاسبوع 16 يخف حيل الترجيع يصير مرة او مرتين بالاسبوع انا نساتي من اخر الشهر الاول لي الرابع نصه ونفسيتي اكس لا اطلع ولا اروح والحين بلشت اطلع من اسبوعين تقريبا واروح حدي كافيه ماشرب غير عصير واطالع الناس ورحت الافنيوز بويل جيل لان كنت وقتها لو ماطلعت راح اموت طلعاتي خفيفه وقبل جم يوم رحت مطعم هندي والاكل كله رجعته لان كان دسم وكله دهن مع انه عجيب بس ماتحملته معدتي هذا قبل جم يوم وكرهت نفسي لان كليت هالاكل فعادي انا بالنساة قلت حق امي مابي احمل مرة ثانيه وانهرت من البجي من كثر ماكنت ارجع حتى العصاره من غير ماكل شي امي قالت لاتقولين هالكلام انتي كنتي ميته تبين تحملين ولما حملتي قلتي جذي قتلها ابي احمل واحب اليهال بس النساة كبرتني 20 سنه فمو بس انتي فترة وتعدي والله استغفرت ربي على كلامي وحمدته وشكرته على هالنعمه

اي والله استغفرالله واتوب اليه كل شي نحس فيه دبل الله يعينا انا من اول ماحملت وانا عند امي قبل ببنتي كنت كله ببيتي يعني هالتوام بس يكبرون بكفخهم ههههه ان شاءالله بنقدم خدامه ثانيه لاني حساسه وحيل احاتي ،. حبوب اوندا ماخليهم صبح وليل اشوه خففو الترجيع بس يدوخون كاني ميته بس طايحه ربي يهون علينا وتصير ذكرى من الزمن ،.. صج متى ولادتج وبأي مستشفى ؟ انا قبل 3 سنوات ببنتي ولدت بمستشفى الامومه قيصري وكانت حلوه عنايتهم بس الحين عشان توم دكتوري قالي اولد بالصباح وخاف يكون حجمهم صغير ويحتاجون شيشه ومادري،.

 

[katrina90]

انا بنساتي ماكو حبه حق الترجيع ماكليتها ماكو فايده لا اوندا ولا بريمران ولا نافوداكسين كنت متعذبه كله دربات والله ايدي فيها رضوض من الابر ماراحت تخيلي صارلي شهر ونص تقريبا ومو راضين يروحون بقع خضر وايدي قار فيها بقعه سوده جني محترقه بالشمي ماتروح..


انا اخر موعد ولادة قالو لي4/10 بس ماعتقد اللي توام يدشون العاشر الثامن ويالله نكمله بعد ان كملناه وان شاءالله اكمله


وبالنسبة للولادة انا محتاره يا عند حيان بالمواساة او الصباح على حسب متى اولد لو حيل مبكره بروح الصباح وان شاءالله ماتكون مبكره لان ودي بالمواساة ودكتور اعرفه احسن من ما اقط روحي عند اي دكتور ؟

 

[Dream_hope_love]

بنات أدعو لي قاعده بنزل علي دم

 

[katrina90]

حبيبتي دريم روحي عند دكتورج لاتقعدين خل يشوف لج حل..

وارتاحي لاتشتغلين كلش كله منسدحه عسى الله يثبتهم يارب ويبلغج بشوفتهم سليمين معافين بتمامه

 

[Dream_hope_love]

انا عند الدكتوره طقتني ابرتين
ابره مثبته وابره في الوريد
سوت سونار تقول زين وطبيعي تكون المشيمه
نازلهً هل وقت
وان الشي هذا وارد للتوام مادري بنات صار معاكم
جذي انا الحمدالله متوكله علي الله وعندي ثقه
بالرحمن
بس بعرف اذا وحده مرت بنفس الشي

 

[katrina90]

انا قالت لي الدكتوره من قبل قالت لا تحاتين لو نزل دم التوام بيواجهون هالشي فلا تخافين بس تعالي عندي اعطيج كذا ابرة ..


دام تطمنتي الحمدالله انا رفيجة اختي كانت المشيمه نازله باول حملها وعادي الحين دشت التاسع ماكو الا العافيه دام تطمنتي بس انا عن نفسي وسواسيه ما اخذ كلام دكتور واحد ! اراجع عند دكتور ودكتوره عشان اتطمن اخاف يكون واحد فيهم ما شاف شي الثاني يشوفه

 

[Dream_hope_love]

مالي خلق اوسوس وانا دكتور تي شاطره وتحتها دكاترة كل شوي اروح أكلم وحده
والحمد الله السنوار زين بس مادري شمس ألفه الإفرازات والدم تقولي التوأم واحد فوق الثاني
يمكن من جذي مادري
الله يمتد الي فيه الخير يارب دعواتكم والله يقوم الكل بالسلامة

 

[روج كرزي]

دريم ان شاءالله ماكو الا العافيه وربي يطمنج عالتوأم ،.. اقري يوميا عليهم سورة مريم والبقره والمعوذات ،.. وطمنينا وانتي بأي شهر!

 

[Dream_hope_love]

ان شاء الله
انا توني داشه الثالث

 

[katrina90]

بنات من امس وانا ارجع مادري شفيني ماكو شي يقعد وبس بجي

 

[Dream_hope_love]

سلامات كاترينا اتوقع لانه توام الهرمونات دبل عشان جذي
للحين ترجيع وإذا عن النفسيه كلنا جذي ميخالف أقرئ قران
انا نزل مره ثانيه علي دم والدكتوره قالت اييها باكر
نفسيتي اتعبت من السدحه علي الظهر
الله يثبتهم يارب ويعدي الثلاث شهور علي خير
كاترينا جربي تغيرين أكلك وقفي الدهون والأكل الثقيل
حاولي تاكلين أشياء خفيفه روب خالي الدسم سلطات
وشوفي يمكن معدتك تعبانه

 

[جوزائيه مغروره]

بنات حمال التوام صعب

النساه مو بس دبل تلقونها دبلاااات

ماراح تفج عنكم الا باول الرابع او اخره

ونصيحه اللي بالثالث تسوي ربط علشان ترتاح نفسيا

جيكوا عالمشيمه للياهل

والمراجعات كل اسبوعين او 3

 

[Dream_hope_love]

دكتورتي قالت لي راح تفحصني بعد اسبوعين وتشوف
احتاج ولا لا وتقولي لي اذا ينزل عليج دم ما نقدر نسوي
ربط رحم
الله يستر

 

[Om.Frs]

الله يوفقكم ويتمم عليكم

 

[katrina90]

دريم نصيحه روحي للدكتورة فوزيه القطان اهيا سوت لي الربط احس دكتورتج مو شي مادري ليش


وبالنسبة للنساه انا دشيت الخامس وتييني ايام ارجع فيها وايام اوك واكلي عسر مو اي شي اقدر اكله واتقبله بس بالحمل جذي صار اكلي قبل شحلاتي

 

[Dream_hope_love]

بالعكس كاترينا شاطره دكتوري ماجدهً اليتامي
اهيا قالت راح تفحص عنق الرحم وتقول احتاج ولا
لا ..
انا مو حاسه بوحام بس صايره أشتهي عظااام ههه
أمي تقولي شفيك صرتي كلب ???

 

[katrina90]

مادري والله انتي ابخص بدكتورتج..


هههه عظام مرة وحده شلون تاكلينه ههه

الوحام غريبه ماحسيتي فيه فيه ناس وحامهم متاخر وفيه ناس ما اييهم الوحام اعرف وحده اجنبيه نفسنا حقن مجهري وتوام سالتها شتاخذين حق الوحام قالت ماتوحمت كلش والحين اهيا بالسابع ماشاءالله

 

[Dream_hope_love]

انا ماحسيت بوحام او لوعه الحمدالله بس من حملت وانا ما أتحرك
اول شي عشان حملي عمليه وبعدين نزول المشيمه
ان شاء الله يارب فتره وتعدي وتثبت لي حملي يارب

 

[glby7sas]

اشلونكم بنااات ناموو ناموو بتتمنون النومه بعدين

على طاري الوحام ترا انا ماتوحمت بس صادني شي واحد اللي اهو ابحارج يماا منه عن اميه وحاام عندي الترجيع ارحم طبعا من الرابع لي بعد الولاده بأسبوع وانا حارج خخخخ حالتي كانت صعبه


جوزائيه اشلونج واشلون كتاكيتج

 

[Dream_hope_love]

بنات ضايق خلقي صايره كل يومين ينزل علي شوي دم
وإفرازات سويت سونار البيبيات زينين ًو عطوني مثبتات
وأخر سونار قالت لي الدكتوره تحت المشيمه دم
مادري احد صار معاه جذي