✔✔تجمــ؏ لحوامــل التــوأأأم✔✔

[حوريه ...]

سمو انتي ليش تبين ربط

قالوا لج تحتاجين

 

[سمو النفس]

حوريه

لا ماقالوا لي بس استغربت انه اغلب حوامل التوم ربط

ربي يتمم علئ خير

 

[حوريه ...]

لا سمو موشرط يربطون للي اجهضت من قبل يخافون يتكرر الاجهاض

صديقتي حملت بتوم ولاربط ولاشي
بس كانوا خايفين من ولاده مبكره عشان كذا عطوها ابرة الرئه من السابع وكانوا مهتمين فيها
مع انها بكر
وجابتهم طبيعي ع التاسع

الله يتمم لكم ع خير ان شاءالله

 

[مس عبيطه]

السلام عليكم

ششلونكم بنات ؟


بغيت اسأل تعرفون تاجره تبيع أو تطلب سرير التوائم من بره

محتاجته ظروووور ي

اللي تعرف بلييييز ترد ظروري

 

[toosh]

مس عبيطة ما ادري اذا مسموح ولا لأ بس هاذي وحدة تبيع سرير توأم
دشي عليها بالإنستغرام

boyorgirlkwt

وشوفي بروفايلها

و الله الشاهد انا لا اعرفها شخصيا ولاشي بس لاني حامل بتوأم استفدت منها ...

 

[Australia girl]

قوه بنات شلونكم اليوم رحت العياده وفحصتني الدكتوره واي بغيت ابجي عوار مو طبيعي. قالت مفتوحه سانتي واحد وقالت اشرب خروع مع عصير مانجا توني شاربه وانشالله خيرً وعطتني موعد عالاسبوع الياي ووزن البيبات نفس ماهو كيلوين ونص وانشالله نولد بصحه وسلامه

 

[سمو النفس]

حوريه مشكوووره ياقلبي



استراليا ربي يسهل عليج

 

[خمريه حلوه]

استراليا الله يسهل عليج ياقلبي وتقومين بسلامه انتي وبيبياتج
سمو هاا شلون عقب مادخلتي بمرحله التعب ولارهاق يلاا سهاالاات بس ديري بالج والربط مو شرط انا بچر ماسويت ربط لان دكتورتي قالت مومحتاجه يوم كنت بالثالث والحين الحمدالله بنهايه السابع بس قاعده تعذيني الدكتوره ابر اسبوعيًا عشان اتحاشى الولاده المبكره لاني دايم احس يتقلصات خفيفه اسفل البطن
والله كريم انشاءالله

 

[مس عبيطه]

مس عبيطة ما ادري اذا مسموح ولا لأ بس هاذي وحدة تبيع سرير توأم
دشي عليها بالإنستغرام

boyorgirlkwt

وشوفي بروفايلها

و الله الشاهد انا لا اعرفها شخصيا ولاشي بس لاني حامل بتوأم استفدت منها ...

يابعد راسسسي :eh_s(22):

تسسلمين حبيبتي ماقصرتي والله


الله يقومج بالسسلامه يارب :eh_s(7):

 

[سمو النفس]

خمريه حلووه ايه والله بدا التعب والثقل باقيلي كم يوم وادخل السادس بإذن الله وربي يحفظج انتي وبيبياتج وتولدين بالتاسع يارررب ياكريم

 

[Your Dream]

الله يهون عليكم حاسه بالتعب اللي فيكم والله

انا حملت بتوأم ولدتهم طبيعي الحمدلله لا تيأسون من الطبيعي

والله رحمه من الله احسن من العمليه

بس نصيحه من تحسون بعوار الطلق لو كنتي بالسادس علئ طول للدكتور تطمني على نفسج وعالبيبيات

واي سؤال انا موجوده

 

[شيخه_البيض]

شخباركم بنات

الله يسهل علينا ياااارب


بنات انا المشيمه نازله واحد فوق الثاني

مادري ليش ماوقفوا يم بعض هالتونز يحبون الاذيه

تتوقعون المشيمه تصعد ولا لا

 

[Your Dream]

الله اعلم

انتي استغفري والله كريم

 

[Australia girl]

يور دريم انا ودي بالطبيعي بس ماكو طلق ولا شي ودشيت اسبوع ٣٨ احس جني طولت وايد ومفتوحه بس ١ سم

 

[سمو النفس]

يور دريم قولينا تفاصيل ولادتج ولاعليج امر ،، وولدتي بالتاسع ،؟؟ عيالج احتاجو شيشه واي مستشفئ



والتونز كانوا البجر وشلون وقت النفاس قضيتيه تعب ولا عادي

 

[سمو النفس]

استراليا احس انج طوولتي ربي يسهل عليج يارب لازم تمشين واشربي خروع

 

[Your Dream]

صباح الخير

طبعا طول الحمال اللي متعبني الثقل والوسواس لانه البيبيات ماكانوا يتحركون باستمرار

فكنت كله احاتيهم وعلئ طول اراجع وكنت اتعب حييل فالدكتور وصف لي ابرة الرئه بآخر السادس

وكنت خايفه واقوله تو الناس قال خلينا مستعدين

وباخر اسبوع من السابع جاني طططططططططططلق يذبحني والله وسكت عنه لين ماقدرت اتحمله

ورحت والا انا مفتوحه ودخلوني ولاده علئ طول وجا دكتوري

وكنت حدي خايفه لاني انصدمت وماكنت مخلصه شغلي حيييل تأخرت

واحد راسه تحت والثاني فوق وكنت خايفه حيل

وعطوني الكمام بعد معاناه معاي وسويت فيلم والله

والحمدلله ولدت طبيعي الاول من راسه بس الثاني رحمه من الله وطلع من رجوله

وكلهم بالشيشه

والحمدلله

 

[سمو النفس]

يور دريم ربي يخليلج عيالج ويحفظهم يااااارب

 

[شيخه_البيض]

يور دريم الحمدلله ع سلامتج

والله يطلعهم من باجي الشر يارب

 

[Australia girl]

سمو النفس اي والله طولت وصرت طرشي بناتي ماكو مايبون يطلعون بشوف موعدي الاثنين الياي شتقول الدكتوره والله يعين

يور دريم جم صارلج. والده وشلون البيبات الحين