15 سنة في القفص الذهبي و ما فوق ... تعالي شاركينا

[كويتية نايس]

يسلموو قلبو على الموضوع الرائع وبصراحه استفدت اشياء وايد بس انا مو متزوجه داشه للاستفاده

وتم التقييم ممتاز

 

[شوق الحياة]

انا دخلت ال16سنة من شهر 12وللاسف تمنيتاني ما تزوجت ولا شي لانه على حاله مغازلجي ودخل الاربعين شهر3 وتقولون بيرجع كانة ابو 20 لا ما لقينا خير حاولت بكل الطرق اكسبة بس مسحور من الكاوليات اللي يبون فلوسة ما اقول الا الله ياخذ لي الحق وينتقم من الرجال الخاين الوصخ جبت لة اربع صبيان ما يدري عنهم ومن علاقاتة الوصخة جاتني امراض وصار فيني التصاقات بالرحم سويت كم منظار واخرتها فتحو بطني وخيطو الرحم لانه خرب خرب حسبي الله ونعم الوكيل فهل عندج علاج للالتصاقات ام خالد ردي ضروري لو الخاص وشكرا

 

[بـــــــــدور]

خبيرة اعشاب شفتي موضوعج هيج الجروح وطلع المستخبي الله يصبرهم يارب اللي صابرات ومحتسبات وان شاء الله ربي بيعوضهم بعيالهم يارب بس فعلا فيه حريم قوتهم وصبرهم عن الف رجال

 

[خبيرة اعشاب]

انتم الحين لا تعلقون

قلنا الحياة الزوجية بعد السنة العاشرة غالبا اتصير ماساة ..

و هذا الي لاحظناه بالردود

جم وحدة قالت انها سعيدة ..

و جم وحدة تتحلطم ؟؟؟:eh_s(10):

عشان بس اتعرفون ان كلامي صح

المسالة مالها علاقة لا بمال و لا بجمال و لا انوثة ...
كلها على بعض اتصير ملل بملل واحد يصبر على الثاني وواحد ماله خلق الثاني .. بس في امور واجد مشتركة و الي بينا اكبر ... بيت و عيال و اهل ... الامور هاذي اتصير اكبر من الحب و من العلاقة الزوجية في حد ذاتها

فلا تلومون الرجال اذا حب يجدد نفسه و يتزوج .. لانه في جميع الاحوال عنده الصلاحية هاذي و انتي مالج الا القهر تصبرين عليه

 

[ناتشوو]

انتم الحين لا تعلقون

قلنا الحياة الزوجية بعد السنة العاشرة غالبا اتصير ماساة ..

و هذا الي لاحظناه بالردود

جم وحدة قالت انها سعيدة ..

و جم وحدة تتحلطم ؟؟؟:eh_s(10):

عشان بس اتعرفون ان كلامي صح

المسالة مالها علاقة لا بمال و لا بجمال و لا انوثة ...
كلها على بعض اتصير ملل بملل واحد يصبر على الثاني وواحد ماله خلق الثاني .. بس في امور واجد مشتركة و الي بينا اكبر ... بيت و عيال و اهل ... الامور هاذي اتصير اكبر من الحب و من العلاقة الزوجية في حد ذاتها

فلا تلومون الرجال اذا حب يجدد نفسه و يتزوج .. لانه في جميع الاحوال عنده الصلاحية هاذي و انتي مالج الا القهر تصبرين عليه

خبيرة اعشاب
يعني شي مؤكد
بعد السنة العاشرة مشاكل؟
امم:eh_s(10):
تصدقين افكر باللي كملو عشر سنوات من معارفي ووضع اغلبيتهم
جنه ينطبق مع كلامج:eh_s(1):

 

[بـــــــــدور]

فلا تلومون الرجال اذا حب يجدد نفسه و يتزوج .. لانه في جميع الاحوال عنده الصلاحية هاذي و انتي مالج الا القهر تصبرين عليه



وشو وشو وشو <<<<<<<<<< حمقت واحمرن عيونها
خبيرة يعي انتي من مؤيدي الزوج انه يجدد حياته وشبابه ويتزوج بعد عشرين سنه خدمه وصبر

اتمنى انج ماتقولين نعم لانج عندي بسعدالعبدالله <<<<< ناويه تهجم عليها هههههههههههههههههه

 

[خبيرة اعشاب]

طبعا في نقطة معينة .. من قناعتي الشخصية ان بعد خامس سنة زواج تقريبا تتعودين على زوجج و اتعرفين اطباعه شنو يحب و شنو يكره ..

و شنو الامور الي ممكن تطلبينها منه

و شنو المواضيع الي مستحيل تطرينها قدامه :eh_s(10):

بس بعد السنة العاشرة سبحان الله يتغير ... يا انتي تفرضين السيطرة او انه يتغير حبا في التغيير

مثلا من تجربتي الخاصة ....

زوجي من اول زواجنا مستحيل عنده شي اسمه مرة تسوق سيارة

و كنت ازعل .. و اقول لييييش بس انا ما اسوق

و يرفض ... لدرجة بغينا نوصل للطلاق

و بعد عاشر سنة جاني يترجى .... يترجاااني اني اسوق .... رفضت لانه يبيني اسوق مو عشان متعتي الخااااصة ... عشان اودي و اجيب من المدارس و اتحمل مسؤولية البيت

و بعدها بفترة سقت بس بمزاجي .... و كان شرطي ... (اني ما اودي مدارس هههه )):eh_s(7)::eh_s(7)::eh_s(7):

 

[خبيرة اعشاب]

شوفي حبيبتي المسالة هاذي نسبية تختلف من مرة لمرة

بالنسبة لي انا مو ضد الزواج

لان فعلا انا احس بنفسي ان ما فيني قدرررة .... لما يصير زوجج انسان متطلب ..و يبيج 24 ساعة معاه ... و طلباته ما تخلص ... و انتقاداته

فمن الافضل اذا يلقا وحدة تهتم فيه غيرج يكون احسن ... قلعته

شرط انه بيتي لي .. و عيالي عندي .. و معاشي ماشي ... و سيارتي تحت رجلي ...

و غيره

الله يرزقه و يتمم عليه رايته بيضا ما قصر

ادري الحين بتكفخووووني ,, بس ترى بس سوالف لا جت الصجية استنفر :ggdw:

 

[خبيرة اعشاب]

ترى حتى الزوج صعب عليه ان يغيرج ... بعد 15 سنة

هم بعد هو تعود على روتين معين

حنا خدامة اذا تاخد عندنا 3 سنين و تسافر نخلج ... و نحس بالالم و الضياع بعدها


شدعوه عااد

 

[بـــــــــدور]

خبيرة بيتج اي قطعه <<<<<<< تبي تقرصها م ايدها تقولها انتي وش قاعده تقولين

حبيبتي الرجال لاغير مخدته غير قلبه ورجال هالوقت من غير زوجه ثانيه مايترقعون وانتي تقولين كيفه وقلعته لا والله مو قلعته
حبيبتي الرجاجيل والله مايكبرون ولايبين عليهم الكبر وليش ادفن روحي واكبر بعمري واخلي المسؤؤليه اللي على راسي تنسيني شلون اهتم بنفسي وشلون اعطي وقتي لزوجي يووووووووة ياخبيرة والله انااعرف حريم وهم جاراتي قسم بالله تحسينهم جدات لبسهم واهتمامهم بنفسهم تحسينها خلاص ركنت نفسها على جنب وودعت الانوثه
وفيه حريم ماشاء الله دلع وكشخه تحلفين انهم عرايس جديدات هي تعتمد على كل وحدة شخصيتها وذوقها
بس تكفين لاتقولين قدام زوجج من حقك وبكيفك ترى وربي بتندمين

 

[شمس 20]

ماشالله عليكم

 

[برنسيسة الشمال]

ام خالد على قولت اخوانا المصريين يانهار اسود

هاذا انتي جذي اجل على الدنيا السلام


مو صج اغلب الرجال بعد عشر سنين يبون اهتمام بالنظرات و بعض المكشخات مو شرط يومي
وبعض الحريم يتكشخون لا طلعو بس واهو ياحرام محروم من كل شي بحجه الجهال
اقولج شغله الحريم اذا يبون شي يوصلوله بطريقه او باخرى
والفتور يصيب كل انسان سواء بالحياه الزوجيه اوالدين او حتى الحياه الاجتماعيه
بس بنفس الوقت المره مايصير تعبد الرجال اهو مو كل شيء
والاحسن انج تطلبين منه اهو بعد يغير ستايله خو موبس احنا ترى يستانسون
قوليله احبك تصير نيو لوك لووووووول

 

[دمرت كياني]

عقدونا أكثر أكثر

 

[Tutti-Frutti]

٨
٨
حدده

اصلا انا من زمان مهونه عن الزواج :krkrkr:

الله يعينكم ويعوض صبركم خير

 

[خبيرة اعشاب]

يا بنات المسالة مو مسالة كشخة او لبس

اكيد واجد منكم يعرفوني شخصيااااا

فما له داعي اشرح بالنسبة للبس و الانوووثة المتفجرة هههه

 

[خبيرة اعشاب]

الي اقصده الفتووور و الملل في العلاقة الزوجية عموما

و ان الانسان تتغير اولوياته

اقصد انا قبل 10 سنوات كانت اولوياتي غير

و الحين بعد جم سنة زواج صارت عندي اولويات اخرى بحياتي

و اعتقد بعد ما يتزوجون بناتي و عيالي هم بعد بتصير عندي امور اخرى ....

فبسال هل بعد 15 سنة زواااج ممكن اتكون المرة نفس الشي مع زوجها ما تتغير ... ما تمل منه ... ما يمل منها

نفس الكلام
نفس الاسلوب
نفس الشي ..... ما يتغير

لا ها اليومين علقنا على سوالف ليبيا

و الباااجي نفس الروتين

 

[بدون ملح]

ام خالد .............يمكن انتي صار لج 15 سنه بس أنا صار لي 28 سنه من أيام كملنا ال28 سنه زواج والأولويات هي هي من ولادة اول طفل ,عالمي هو عيالي ثم عيالي ثم عيالي أو بالأحرى عالمنا هو عيالنا ثم عيالنا ثم عيالنا لاتقولين يكبرون ويتخرجون لا وحتى يتزوجون المسئوليه تبدا مع أول واااا واااا وااا (أقصد ولادة أول طفل وأظن تنتهي لي توسدنا يمينا يالله حسن الخاتمه :eh_s(7):

 

[bint_looda]

عسى الله يوفقكم جميعا وعساكم طول العمر بسعاده وراحه معبعض
احس كل فتره لها ضغوطاتها ومشاكلها بس اشوي شوي كل واحد يفهم الثاني والامور بتصير ان يتجاوةونها معبعض اسهل ان شالله

 

[Grass]

الي اقصده الفتووور و الملل في العلاقة الزوجية عموما

و ان الانسان تتغير اولوياته

اقصد انا قبل 10 سنوات كانت اولوياتي غير

و الحين بعد جم سنة زواج صارت عندي اولويات اخرى بحياتي

و اعتقد بعد ما يتزوجون بناتي و عيالي هم بعد بتصير عندي امور اخرى ....

فبسال هل بعد 15 سنة زواااج ممكن اتكون المرة نفس الشي مع زوجها ما تتغير ... ما تمل منه ... ما يمل منها

نفس الكلام
نفس الاسلوب
نفس الشي ..... ما يتغير

لا ها اليومين علقنا على سوالف ليبيا

و الباااجي نفس الروتين

ام خلوودي انا صارلي 20 سنه والحمدلله

اول خمس سنوااات كانت جحييييييييييم كنا جهال انا 17 سنه اوهو 20
لا اهو فاهمني ولا انا فاهمته لدرجة ان جبنا الولد العود الله يحفظه .. وقررنا ما نييب بعده من كثر المشاكل ... ثاني خمس سنوااات ضياااااااااع أهوو بصوووب وانا بصوووب ... اهو كله مسافر ومشغوول ونوادي وانا لهيت مع الصديقات والجارات ودوامي وشغلي الخاص ... لدرجة ان بالاسبووع يمكن نقوول جمله بس ... والحياة الجنسيه فااااااتره لابعد الحدود مع اني على قووولتج متفجره بالانوثه ههههههههه ... بس اهو كان ما يدانيني ويبيين عليه !!! وطبعا مافي غلط او طق للأمانه زوجي جدا يحترمني ... من بعد العشر سنيين صار شوي في تقارب لما بدينا نبني القسيمه ... الروحه والرده مع بعض خلتنا انصيير أصدقاء هههههههه ... ويصحى الحبيييييب !!!! ههههههههه وينتبه اني زوجته ومزيووونه ومافيني الا العافيه !!! بديت أح ان قام يهتم فيني ... لا!! شوي شوي قام يغار علي!! برووووحه سبحااان الهادي قام يطلعني ويسفرني وحتى العلاقه الجنسيه تغيرت بينا .... وشوي شوي شوووووووي لقيت اني حطيته كل اهتمامي لدرجة اني شلت كل مسؤلية البيت والعيال اشلون تغير الحال ؟؟!!! مادري
بس هم اقول الحمدلله المهم مجابلني ويحترمني ورايي اهو اللي ماشي بالبيت .. يعني مانصيير طماعيين الحياة أخذ وعطا ... وسلامتكم

 

[ملح بدويه]

موضوع روووعه

ونبي تفاعل اكثر