[____أبـــيـــك و مـــا أبـــيـــهــــم____] ** قصة كويتيه واقعيه

[حور العيون]

واااي فديتكم الله لايفرقكم


كملي حبووبه

 

[^ The MooN FaCe ^]

شكلها تينن الرواية
ناااااطرين

 

[دنيتي غريبه]

ناااااااااطرييييييييييين

 

[الخياليه]

اّيشوق الّبارت بس حراّم كاّن واّااااااااااايد قصير !

يالله ننطر لا يوقف لايوقف لايوقف :ggdw:

شكلي عرفت منهو اّنتي لّووووووووووووول :eh_s(10):

:gr4uu:

 

[Daloooy]

yalla kamly

la ywa8f


na6renj

 

[rwanoo]

ناطرين اليوم قريتها كلهم وروعه والله

والله لايفرقكم لا تتأخرين ناطرتج ;***

 

[UNiQe^PRiNceSs]

Na6ReeeeeN _03BA:​

 

[* Na3oMa *]

لايوووووووووووووقف

يونيك برينسيس اهني هلا بالبطله خخخخ

 

[قلمر]

لا يوقف
لا يوقف
لا يوقف

ناطرينكم يلا

القصه وايد وايد عجيييييييييبه

 

[UNiQe^PRiNceSs]

هلا نعوومه هلا عيوني ​

 

[* Na3oMa *]

هلافييييج ..

شلونج ؟ صج صج انا متاثره حيل بقصتكم حتى احلامي صارت اكشن لووول

 

[كاسبرينوو]

NA6REEEEENCH oO Y36ECH 2LF 3AFYA >>>

 

[UNiQe^PRiNceSs]

لووووووووووووول
حبيبتي تسلمييين اهم شي انها عاجبتكم ​

 

[cute princess]

هاااي بنات....
ماشالله من امس سالتو كل هالاساله :| يلا بحاول اختصرلكم كل شي حاليا سالتو عنه:
اول شي فجر و مشعل : كانو يعرفون بعض ,وصارلهم ثلاث سنين هادين بعض لانه كان يخونها وحبت تتاكد من هالشغله ودزت عليه رفيجتها وكلم رفيجتها... كان يسكره من فجر عشان يدق على رفيجتها فـ لاعت جبدها وهدته واهوه احتر وغار لانها الحين مع واحد غيره ويبي يردلها
ناصر ولولو: هذي بروحها روايه فيها 100 جزء لوووول المختصر المفيد انه كان يعرفها من طرف رفيجتها (ميس) وظل مده طويل يحاول انها تكون له... طبعا 6 سنين يعرفون بعض بس ماكان بينهم علاقه الا باخر سنه بينهم.... اختربت علاقتهم لانه كان في وايد ناس يبون يفرقون بينهم... مرات ربعه مرات رفيجاتها... بس المره الاخيره كانت بسبة ثنتين من رفيجاتها كانو مع بعض 24 ساعه ووحده منهم كانت تبي ناصر حقها فـ راحت وتحجت عن لولو عنده واهوه اكيد بيصدق لانها معاها على طول... وافترقو...
لولو ويوسف: من كثر ما كانو معجبين ابعض ويبون بعض ما سالو عن بعض عدل اول ما تعرفو على بعض فـ بعد تقريبا شهر من علاقتهم بالصدفه درو انه اهوه شيعي واهيه سنيه وضاق خلقهم اثنينهم... اول شي كانو يبون يظلون مع بعض بس بعدين حسو انه ما منها فايده علاقتهم دام اخر شي اهمه مو حق بعض... فـ ظلو كـ فرندز بس داخل قلوبهم ليلحين في غيره وغلات زايده عن اللزوم شويه
اي اساله ثانيه؟
دقايق وانزل البارت وبنات حتى لو قصير قلتلكم زيون مطفرتنا :| غصب قاعدين نكتب ورمضان ولويه والعيد ياي
يلا اشوفكم عقب البارت عشان لا اطول عليكم.....

 

[* Na3oMa *]

الله يسلمجـ

اتينن بس حسافه مو كاتبين اعماركم

 

[cute princess]

اتوقع انج فجور معنى احساسي ديما على صوره ميريام فارس لووووووووووووووووووووووووول

مو من جهازي الصوره كنت لاهيه اكتبلكم البارت :eh_s(6):

 

[cute princess]

الله يسلمجـ

اتينن بس حسافه مو كاتبين اعماركم

انا انحولت وكل شوي ارد بنك ثاني :krkrkr:

المهممممممم حقج وحق الي ناسين
لولو وفجور 20
زيون وديوم 21
سعود وابراهيم 23
يوسف 21
صقر 25 <---- حصلت تهزيئه من زيون عشان اكتبه :$

 

[* Na3oMa *]

اوكييييييييي اظاهر ماثبت عالاعمار سووري

ميرسيييييييي تاتي تاتيي

وناسه يلا بنطر البارت ماني فاصلللللللللللله

ياحلوووكم

 

[cute princess]

بارت 14



( الممشى )
يالهم عزوز وقعدوا كلهم على الكراسي بالممشى
سعود : ياحلاتها اللي تعبت من المشي
ديما : بس عاد استحي :$ شسوي والله تعب روحه ورده مو شويه جم كيلو مشينا
عزوز : ديووم يا حلااااة الحيا عليييج
سعود : هههههههه اييي حياوية البنت ايي صج ما قلتلك حمني بعد توه ماخذله بلاك بيري
عزوز :الكل هب هبه بالبلاك بيري .. سعود تكفه ابي ريد بيري !
ديما : شنو ريد بيري بعد ؟
سعود واهو يطالع عزوز وفيه ضحكه: اي جهاز يديد بس للحين ما نزل بالكويت موجود بدبي
ديما : صج !!!!!!!!
سعود و عزوز يقلدونها بصوتها : اي سسسسسسججج
ديما : وااي بس خلاص مبين عيايره اثنينكم
عزوز يطالع شلون سعود وديما ماسكين ايد بعض ..
عزوز : ........




( بيت لولو )
يوسف: هلا لولوتي
لولو: شلونك؟
يوسف: تمام وانتي؟
لولو: تمام... بابا بروح التسهيلات عندي شغله اهناك بس ما ادله عدل.... ميخالف تدليني انته... خلك عالخط وانا بالطريج عشان ما ايننك كل شوي اروح مكان
يوسف: ما ادله عدل انا!!
لولو: ذاك اليوم رايح!
يوسف: أي مع حمود ولد عمي واهوه الي يسوق ماحطيت بالي عالطريج
لولو: هفففف زين اوكي... وينك؟
يوسف: انا طالع مع رفيجي عندنا شوية شغل
لولو: أي شغل! ما قلتلي!
يوسف: أي توه دق وقالي تعال معاي
لولو: اها اوكي اخليك معاه عيل مادري اشفيك مرتبك هههه
يوسف: ههه يلا باي




( ايكيا )
فجر: زيوووووووون هذه تهبل !!!
زيون : اييييييي صح وايد حلوه .. يعني احلى من الي شفناها مساع !!
فجر: اي وايد احلى و انعم ...
زيون: خلاص زين ..
رن موبايل فجر ... ( امل عمري )
فجر: ها بابا ..
ابراهيم: ها حبيبتي .. وينج ؟
فجر: ليلحين بايكيا .. زيون ما خلت شي ما شرته .. بس بقى تشتري الموظفيين ..
ابراهيم : ههههههههههههه .. زين انا بروح القهوه مع الصبيان ..
فجر: اوكي حبيبي.. بيبي لا تشيش اوكي ؟؟
ابراهيم : لا حياتي ماني مشيش احنا متفقين يوم و ترك وانا امس مشيش ..
فجر: فديت الي يسمع الكلاام ..
ابراهيم: ههههههههه .. يلا لما تطلعين دقي علي ..
فجر: اوكي وانت لما توصل دزلي مسج ..
ابراهيم : ماشي حبيبتي .. باي ..
فجر: باي ..




( بيت لولو )
طلعت لولو خلصت شغلها وردت البيت تغدت وانسدحت على فراشها شوي...
دقت عليها دانه....
دانه: الوووو
لولو: هلا دانه ( قلبها نغزها )
دانه: بغيت اسالج وين يوسف ؟؟
لولو: يوسف طالع!
دانه: مع منو ؟
لولو: مادري ما سالته... ليش تسالين؟
دانه: لا بس كنت بالسينما بالفنار وشفته قاعد مع وحده.... قلت اكيد انتي تدرين... تدرين؟؟؟
لولو ( تسوي روحها مو مهتمه): لا مادري ما سالته انا طالع مع منو... المهم بغيتي شي ؟
دانه: لا بس حبيت اقولج واعطيج خبر قلت مو حلوه بحقج انج ما تدرين يعني...
لولو: انا شكو فيه! مليون مره قلتلج انا مو حبيبته! احنا بس فرندز! وخل يطلع مع وحده عادي!
دانه: اوكي كيفج... باي
لولو: باي!




خلصو فجر و زيون من السوق .. ووصلو عند بيت فجر .. والسياره نفسها كانت وراهم .. وصفطت بنفس مكانها .. لا فجر ولا زينه منتبهيين ..
فجر: يلا جاااااااااااو ..
زينه: باي ..
فجر تدق على ابراهيم ...
ابراهيم : ها بابا ..
فجر: حبيبي انا رديييت .. بنسدح شوي اوكي .. ساعه و قعدني ..
ابراهيم : اوكي حبيبي نوم العوافي ..
فجر: يعافيييك حبيبي بايي ..





(بيت لولو )
دقت لولو على يوسف واهيه حدها متنرفزه
يوسف: هلا لولو
لولو: وينك ؟
يوسف: انا الحين راد البيت
لولو: وين كنت ؟
يوسف: طالع!
لولو: مع منو ؟
يوسف: رفيجي!
لولو: مع منو ؟؟؟؟ ( واهيه متنرفزه )
يوسف: اشفيج لولو؟
لولو: مع منووووووووووو!!!
يوسف: منو الي قالج؟
لولو: قولي مــع مــنـــو ؟؟؟؟؟؟؟؟؟؟
يوسف: مع وحده!
لولو: باي!
يوسف: لولو ليش متنرفزه انتي!
لولو: اقولك باي!!! وسكرته!!

لولو احترت ما تدري شتسوي.... جسمها كله يرجف من الحره! حست نفسها تبي تموت... دقت على فجر...
لولو: فجووور شبكي الحين!
فجر: اشفيج ؟
لولو: ماقدر اتحجى شبكي الحين الحين!
فجر: اوكي يلا كاني
لولو: باي

فزت فجر من النوم وشبكت على طوووووووووووووووووول ..
بالمسنجر:
فجر: اشفيج لولو؟؟؟؟؟؟؟
لولو: دانه دقت علي وقالتلي انه يوسف طالع مع وحده..... دقيت عليه سالته اول شي قالي رفيجي بعدين رد قالي وحده!!! امبيه فجور بموت من الحره!!!
فجر: لولو اهدي شوي حياتي انتي !!
لولو: امبيه مادري شسوي بموت !!!!!!
لولو دزتله مسج: هذي اخرتها؟؟ على كل الي كان بينا جذي تسوي فيني ؟؟ وتجذب تقول مع رفيجي ؟؟؟؟؟
رد دزلها يوسف: لولو اهدي ودقي خلينا نتفاهم
دزتله : ماني داقه عليك ولا ابي اسمع شي منك!!!!!!!
يوسف ( منو الي قالج؟ )
لولو ( لو شايل عينك عن الي كنت معاها جان عرفت منو الي قالي )

يوسف ( لولو ادري شفت دانه!!! انتي متنرفزه انه دانه الي قالتلج وانتي ما تواطنينها! اهدي الحين وبعدين يصير خير )
لولو ( لا والله ؟ يعني لو وحده غيرها جان ييت بست راسك يعني ؟؟؟ خلاص يوسف مابي منك شي بعد مشكور وماقصرت ايي منك اكثر! )

لولو ما بجت... وحاولت تمسك نفسها وتهدي اعصابها... بس قعدت طول اليوم مكتأبه لانها تعودت عليه وهذا اول يوم يمر ما تكلمه فيه قبل لا تنام......




( بيت فجر )
دقت فجر على بيبي و قعدت تسولف عن لولو لان كانت كاسره خاطرهاا حييييييل ....
و تمو يسولفوون لييييين نامووو ..

( بيت ديما )
قاعده ديما بالصاله لابسه بجاما سماويه على سنوبي..وشابكه
ام بدر : ديووومه ما تبين تتعشين ؟
دييما : لا ماما طلبتلي توه بيتزا
ام بدر : انزين طلبتي حق اخوانج بعد؟
ديما : اي توه سألتهم وطلبلتهم وياي
ام بدر : اوكي خلاص

ديما شابكه مخليه المسن away وقاعده تكلم سعود بالتلفون
ديما : ها حبيبي بتنام الحين ؟
سعود : اي والله حدي تعبت من الحداق اليوم
ديما : الله يعطيك العافيه.. اختك شلوونها الحين؟
سعود : الحمدلله كل شي تمام.. يلا حبيبي تصبحين على خير
ديما : وانت من اهلله حياتي
سعود : احبج
ديما : اموت فيك
سعود : باي
ديما : باي
راحت ديما الصاله اهي وعليا قعدوا يتعشون بيتزا ويطالعون ميرنا وخليل ..
عليا : واااي خلييل يهبل
ديما : اييي تحسين ريال من قلب
راحت ديما تشبك ولا تشوف وايد داشين عليها .. فجور .. عواش .. عزوز !!
وي شخباري عزوز من متى قام يشبك
عزووز : شلونج ديووم
عزوز : وينج ماتردين؟
عزوز : الووو ؟؟؟
ديما : هلا عزوز سوري ماكنت ع الجهاز كنت اتعشى
عزوز : اها .. وين سعودو عيل؟
ديما : نايم حبيبي
عزوز : امممممم انزين بغيت اكلمج بموضوع بس مادري شلون افاتحج فيه
ديما : وي قول شفيك صايرلك شي
عزوز : امممم خلاص انسي انسي
ديما : اذا فيك شي قول ؟
عزوز : ديما...
ديما : هلا؟
عزوز : انا معجب فيج واحبج
ديما ( مبققه عيونها .. نعمم !! شفيه هذا الحمدلله والشكر ين ولا شفيه لا لا اكيييييييد مو صاحي الولد)
عزوز : الوو؟
ديما : انت صاحي ولا مو صاحي؟
عزوز : والله من صجي ديووم والله احبج والله احبج
ديما : اقول عزوز بس عن هالخرابيط شقاعد تقول انته
عزوز : والله احببببببج صدقيني ..
ديما: ....
عزوز : تكفين هالكلام بيني وبينج مابي سعود يدري عنه
ديما : انت لو سعود يدري عن هالشي راح يذبحك ويذبحني وياك !
عزوز : ديوم انا احبج ومابي سعود يدري عن هالشي والله احلم فييييج واشوفج بأحلامي من اول يوم شفتج فيه عجبتيني .. وخلي هالشي بينا صدقيني لو في يوم سعود راح يهدج فيه راح تلقيني انا موجود لج
انتي الوحيده اللي بقلبي مابي احد غيرج...
( ديما تقرا الحجي ومصدومه .. شتسوي ؟ اهي راح تعطيه طاف بس شلون بتشوفه بعد هاليوم ؟ شلون بتقول حق سعود ؟ تقول حق سعود؟؟؟ لا لا لا انا مو ناويه اخرب صداقتهم .. بس اي صداقه هذي اللي رفيج يسوي جذي مع حبيبة رفيجه !!! يا الله شسوي يا ربيييي )
ديما : عزوز انا بفصل.. اتمنى تنسى كل الحجي اللي قلته لي.... باي..
عزوز : اتمنى انج تفكرين بكلامي زين .. باي
ديما راحت انسدحت بفراشها و صاكه فيها الدنيا
تفكر بسعود وبنفسها وبهالعله اللي طلعلها عزوز .. من صجه هالصبي ولا لا.. ليش قاعد يسوي جذي !! انا متعوده اقول كل شي حق سعود بس هالسالفه ماقدر اقولها ماااااااااقدر.. حرام اخرب بينهم ....
ونامت ديما و الافكار كلها براسها مو عارفه شتسوي..




تم بارت 14.....
يتبع......

 

[cute princess]

بنات البارت الياي بنزله الفير انشالله لانه ليلحين مو خالص وهم لازم نسوي تشطيبات وتدرون 3 بنات لازم يجيكون وراي يقرونه ويعلقون بعدين انزله يعني يالله يمدينا