[____أبـــيـــك و مـــا أبـــيـــهــــم____] ** قصة كويتيه واقعيه

[elfarawla]

thanxxxxxxxxxxx 3al part oo yalla la et6awleen 3alina plzzzzzz

 

[الصبر له حدود]

أفووولكم شي ماادري شاكه بشي .. بس ان شاء الله يطلع اهو .. يعطييييييييييييييييييييييييج العافية خوووووووووووش قصة يمكن اني اعرف وحددده من أبطال القصة يلا كملي نبي نشوووووف​

 

[cute princess]

أفووولكم شي ماادري شاكه بشي .. بس ان شاء الله يطلع اهو .. يعطييييييييييييييييييييييييج العافية خوووووووووووش قصة يمكن اني اعرف وحددده من أبطال القصة يلا كملي نبي نشوووووف​

لوووووول منو ؟ قولي عادي نستقبل انا والبنات

 

[SoOsOoTi.96]

خخ غريبه نفس اسلوب قصه بالمنتدى,,,انتي كاتبتها ولا ناقلتها من منتدى؟؟

واسلوبج نفس اسلوب اختي خخخخ

ثانك يو ع القصه اسلوبهاا حلو وحتى بطريقة الكلام ههه:eh_s(1):

 

[ღ TőOőma ღ]

بنااات حوووبي

انا كنت اطفرها

بس لان عجبني اسلوبها احسها قريبه مني مو يعني نفس الروايه يعني جني اعرفها من زمان

وبالعكس انا متابعه الروايه وحدها تينن وكيب ات اب

لاتفهمون غلط لوول

امموااااااااااح فديتج حووبي كيب ات اب وسووري:tek:

 

[cute princess]

حياتي توما :*
والله مستانسين احنا انج قاعده تقرين قصتنا :*

 

[ღ TőOőma ღ]

فدييتج حووووبي مي اكثر والله

كيب ات اب ناطرينكم خخخ

اموااح

 

[SoOsOoTi.96]

ترى انا كتبت جذي لأن عاجبتني و احس اسلووبج يوووونس نفس اختي مو نفس الطريقه و لا تفهمين غلط :ggdw::dddds::tek:

 

[cute princess]

عادي تاتي حياكم بالقصه ثانكيو لانكم متابعين :*

 

[Engineero-q8ya]

واااي ونااسه القصه مو صج عجيبه

شوقتوني احب لوولز

وزيوون وينها وينها شنو هذا ليش جذي كسووله خل تكتب معااكم

يلا نبي باارت لا تخلونه الفير نزلوه الحين

 

[cute princess]

واااي ونااسه القصه مو صج عجيبه

شوقتوني احب لوولز

وزيوون وينها وينها شنو هذا ليش جذي كسووله خل تكتب معااكم

يلا نبي باارت لا تخلونه الفير نزلوه الحين

لالالالا ما انصحج والله
باجر تحبين وذنوبج برقبتي لوول لا تحبين

 

[UNiQe^PRiNceSs]

اي والله لا تحبيين لووول :dddds:​

 

[cute princess]

بارت 15


( ثاني يوم الظهر )
فجر قعدت من النووم .. و دقت اول شي على ابراهيم ..
ابراهيم : الوو ..
فجر: الو .. حبيبي يلا قوووم .. ابي اكللمك
ابراهيم : فجوره حبيبتي خليني بعد ساعه ..
فجر: بس ساعه ..
ابراهيم : اي اي .. فجوووور يلا لا تطير النومه ..

فجر: هههههه .. باي ..
ابراهيم: باي ..
لما صكت الخط من ابراهيم .. دقت على لولو تشوف شصار معاها ..



لولو: الووو
فجر: نايمه ؟؟
لولو: لا قاعده .
فجر: شلونج الحين ؟؟
لولو: مااادري .. احاسيس غريبه !!!
فجر: ما دق علييج كلش ؟؟
لولو: لا .. له عييين بعد يدق !! لا و طالع العذر !! يقولي لأن دانه الي شافتني عشان جذي انتي معصبه .. لا والله ؟؟!!!
فجر: امبييه !! اهم شيي .. مو من صجه !!!
لولو : خليها على الله !!
فجر: الله كريم حبيبتيي .. تبيني اييلج البيت ؟؟
لولو: ايييييييييييييي جان زييين ..
فجر: خلاص المغرب اييلج انشالله ..
لولو: اوووكي ..





( مطعم ماكي )
صقر: حبيبتي شراييج نحجز غرفه بفندق اليوم .. نغير جو باجر سفرتنا بعد
زينه: اوكي حبيبي على راحتك .. الي تشوفه ..
صقر: زهبتي كل شي ؟؟
زينه : اي كلللللل شي .. بس راح اشتاق حق رفيجاتي وايد .. و المشكله ما يمديني اودعهم .. ماكو وقت !! راح ادزلهم مسجاات اني بسافر ..
صقر: اي ميخالف لما نرد انشالله بتشبعيين منهم ..
قامت زينه و دزت مسج حق فجر و ديما و لولو انها بتسافر باجر و راااح تشتاقلهم وااايد .. و ثلاثتهم ردو عليييها بمسج كل واحد احلى من الثاني .. يعبر عن حبهم حق بعض ...




( بيت ديما )
ديما قامت ولا تشوف مسد كول من سعود و من فجر و مسج من زيون ..
اول شي ردت على زيون بعدين دقت على سعوود ...
ديما : الوو
سعود : خدج حلوو
ديما : هلا حبيبي.. بقولك شييي صراحه مو قادره اخليه بقلبي اكثر من جذي
سعود : شنو قولي
ديما : ممم .. شوف ... امس بالليل دش علي عزوز بالمسنجر وو قالي ( ...........................................)
وهذي كل السالفه
سعود : اممممممممممممم وقالج احبج ها
ديما ( واهي خايفه ) :اي
سعود : خلاص بابا يصير خير يلا عيل اكلمج بعدين
ديما : اوكي
سعود : باي
ديما : باي
صكته من سعود و دقت على طوول على فجر .... و قالتلها سالفة عزوز ..




فجر: وي وي وي وي وي ... امبيييييييييه !! في قلة ادب اكثر من جذي بعد !!!!!
ديما: شفتي شلووون !! انا كنت مصدووومه ..
فجر: وشقال سعود لما قلتيله .. اكييد عصب و شب نار ؟؟؟؟
ديما: قالي خلاص يصير خير وانا بعدين اكلمج ..
فجر: امممممممممممم .. الله يستر لا يذبحه ..
ديما: واااي لا .. لا تخرعيني ..
فجر: هههههههه .. يعني اكيد ما راح يذبحه !! وااااااااي
ديما: مليقه .. شبتسوين اليوم ؟؟
فجر: ماكو بروح عند لولو .. حلاتها كسييييفه
ديما: ليش شفيها؟؟
و قعدت فجر تقول حق ديما سالفة لولو ....



( المغرب )
طلعت فجر من البيت عشان تروح حق لولو ... كانت لابسه نفنوف ماكسي بنفسجي و فوقه جاكيت خفيف قطن ابيض لي الصدر .. فاله شعرها و لابسه باند نفس النفنوف ... و تكلم ابراهييييم ...
ابراهيييم : شهالحلاااااة ..
فجر: ههههههههههه .. يما منك يالعيار .. لان طويل و مستر .. مو عشان شي ثاني ..
ابراهيم : اي عشان جذي و عشان طالعه حلوه بعد يعني شفييها اذا لبستي طويل و وسيع ... هاا .. انتي حلوه ماله داعي تسويين هالاشياء .. جذي ولا جذي الناس بيطالعوونج ...
فجر: هههههههه .. زين زين خلاص فهمنا .. انا مغيره لبسي كله عشانك ..
و حركت فجر من بيتهم ... و تحرك السياره الي واقفه بعيييد وراهاااا !!!!!!!!



وصلت بيت لولو ....
فجر: قوه خالتي شلونج ..
ام لولو: هلا حبيبتي .. شلونج ؟؟ و شلون امج ؟؟
فجر: تمام الحمدالله تسلم علييج ..
ام لولو : الله يسلمها . سلمي عليها ..
فجر: يوصل .. خالتي لولو فوق ؟؟
ام لولو : اي يما فوووق صعديلها ...
صعدت فجر غرفة لولو ...
فجر : هاااااااااااااااااااااي ..
لولو تلمها : فجوووووووور اهئ اهئ ..
فجر: يا خايسه .. جب يلا بلا دلع ..
لولو: احنا ليش جذي حظنا ؟؟
فجر: عوي ؟؟
لولو: اي
فجر: عاااااااااااااادي الحياة سعيده .. ( وتطلع لسانها )
قعدو يسولفوووووووون ...





( سيارة مشعل )
عيسى : اموت و اعرف شنو راح تستفييد من الي قاعد تسويه ؟؟ البنيه هادتك صارلها 3 سنين !!! و انت ليلحين لازق فيها .. شتبي منها خلها تعيش حياتها يا اخي !!!
مشعل : اففففففففففففففففففففف .. مادري مادري ... مو قادر اشيلها من بالي .. ابيها ابيها .. كل ما اتذكر انها لغيري انقهر ..
عيسى: يا سلاااااام .. وايد حساس الاخ !! ووينك عنها يوم سافرت و ما تدق عليها .. و كلمت و خربطت و خنتها !! ووووو ....... خلني ساكت بس ...
مشعل: ................ ما لقيت مثلها !!! شفت شكثر عرفت بنات .. ولي يومك هذا ما لقيت مثلها ..
عيسى : و هذا الي معلقك فيها ؟؟
مشعل : مادري ..... اسكت كاهي كاهي طلعت ..
عيسى : مادري شفايدت الي قاعد تسوي والله لاحق البنيه من مكان لي مكان .. الله يهدييك و يفكها من شرك !!
مشعل: اكرمنا بسكوتك لو سمحت ....




فجر كانت تكلم بيبي و مو حاسه بولا شي .. و شنو قاعد يخطط له مشعل النذل !!!

( بيت ديما )
دق سعود على ديما وقالها ان تفاهم ويه عزوز و عزوز قاله ان كل شي قاله لها كان غشمره ماكان قصدج شي صج !!
بس ديما حست بتأنيب الضمير قالت معقوله كان يتغشمر وانا ما ادري !! ممم يمكن ليش لأ....




الصبح في فندق الشيراتون )
زينه و صقر قعدوا مبجر عشان سفرة شهر العسل طبعا اهما مزهبين اغراضهم وجناطهم

زينه كانت توه طالعه من الحمام ماخذه شور ولابسه نفنوف قصير حرير لونه وردي فاتح وقاعده تسوي شعرها
صقر كان توه مبطل عيونه والتفت مالقاها على السرير قام ولا تطلع بويه زينه نزلت عيونها مستحيه صقر يقول بقلبه فديتج على هاللون

صقر: صباح الورد ياورديه ويحرك حواحبه
زينه واهيا ماسكه ضحكتها: صباح النور يلا قوم غسل وبدل عشان لانتأخر على الطياره
صقر: ان شاءالله حبيبتي
صقر دخل ياخذله شور وزينه قعدت تتزهب حق المطار سوت شعرها ستريت وكان وايد حلو واصل لي آخر ظهرها ولبست نفنوف قصير اصفر في ورود بالابيض وحطت عسدتها الرماديه اللي ماتستغنى عنهم خخخخ ومكياج برونز قلوس وردي كانت طالعه تهبل وكيوت وحطت بشعرها تاج اصفر فيه فينوكه صفره ولبست كعب اصفر وجنطه صفره حدها ناعمه وقعدت تنطر صقر على مايخلص الشور
طلع صقر ولبس تي شيرت لاكوست اسود مع جينز وجوتي سبورت
صقر اول ماشاف زينه بهلاناقة : بتروحين جذي
زينه اطالعه مستغربه : اي في شي؟
صقر: لا بس انا اغار مابيه احد يشوفج وانتي حلوه
زينه بعصبيه: وليش انا مرات اصير جيكره
صقر: هههههههههه لامو قصدي بس طالعه وايد حلوه وانا اغار وقرب يمها
زينه استحت ونزلت راسها
صقر رفع راسها بيده: زينه ترى صج اغار انته ملكي انتي حلالي مابي احد يطالعج حتى الهوى اللي حولج اغار منه
زينه واهيا حدها مستحيه وموقادره تحط عينها بعينه: زين
صقر وخر عنها وقالها ها زاهبه
زينه : اي
صقر: يلا خل ننزل تحت نتريق
زينه: انا ابي كوفي مابي آكل
صقر: ولا يهمج كوفي كوفي يلا مشينا
نزلوا تحت اخذلوهم كوفي ونطروا عبدالله اخوي زينه يوصلهم المطار
عبدالله اخو زينه وصل الفندق ودق على صقر
عبدالله: هلابالنسيب يلا انا برا
صقر: هلافيك اوكيه يلا طالعين
زينه وصقر اركبوا السياره ويا عبدالله وراحوا المطار ودشو الطياره وطاروا بسلام الى فرنسا


( بعد مرور يوم )

ما حاول يوسف انه يدق على لولو واهيه كانت تمسك نفسها عشان ماتدق عليه....
شبكت لولو مسنجر ولقت يوسف شابك ودش كلمها
يوسف: هااااي
لولو: نسيت اعطيك بلوك!!!
يوسف: خلاص اوكي
لولو: بغيت شي ؟
يوسف: كنت ابي اكلمج عن الموضوع بس دام تبين تعطيني بلوك... خلاص على راحتج
لولو: ليش عندك شي تقوله بعد ؟؟؟ لك عين تقول شي ؟
يوسف: لولو انتي فاهمه غلط!
لولو: قول الي عندك اسمعك....
يوسف: هذي وحده اعرفها من زمان مابيني وبينها شي.... ذبحتني واهيه تحن خل نروح سينما وخل نروح سينما وقلتلها يلا اوكي... صدقيني مابيني وبينها شي..... انا مادري دانه شنو قايلتلج! بس الي صار اني كنت ناطر البنيه بره لانه التذاكر معاها اهيه الي حاجزه! ودشيت الفلم لقيت دانه داخل.... وشافتني مع البنيه وبس!! طول الفلم انا دايخ ومغمض عيني ومتملل... مالي خلق أي شي... ولما خلص الفلم طلعنا وصلت البنيه سيارتها ومشيت رديت البيت! صدقيني لولو حتى ايدها ما لمستها!!!
لولو: ليش ما قلتلي دام مابينكم شي؟
يوسف: لانج راح تزعلين!! وتدرين انج غاليه عندي وماحب ازعلج!!! ادري فيج بتعصبين وتسوينها سالفه...
لولو: مو تقول مابينا شي؟ مو تقول انا وياك بس فرندز ؟ ليش ماتقولي ؟ حتى لو بعصب! اخرتها انا فرند عندك بس!
يوسف: لولو انتي غير انا وايد اعزج وانتي تدرين.... اسف وحقج عليي... سوي الي تبينه بس انا الي عندي قلته....
لولو:.........
يوسف: لولو انا بقوم الحين.. فكري بالموضوع عدل... انتي تعرفيني وعارفه غلاتج عندي... والي بتسوينه انا راضي فيه....


قعدت لولو تفكر بالموضوع ودقت على فجر تقولها....
فجر: مادري لولو انتي شرايج!
لولو: انا مابي اصير غبيه واصدقه!!!! بس فجور انا اعرفه! الحجي الي قالته دانه لج وقالت انه صار مستحيل اصدقه عن يوسف!! فجور شوفي صارلي شكثر معاه مايفكر يلمسني! بس يبوس ايدي ولا راسي! الحجي الي قالته دانه مايتصدق!!
فجر: مااااادري والله سالفتهم تعقد!
لولو: هفففففففففف صدعت!!
فجر: لولو انتو علاقتكم مادري شلون صايره... لاهي حب ولا صداقه... حددو وضعكم!!!!
لولو: شكله هذا الي بيصير.... خلاص خل ادق اكلمه...

دقت لولو على يوسف
يوسف ( مستانس) : هلا لولو
لولو: هلا فيك... يوسف بكلمك عن الموضوع.....
وقعدو ربع ساعه يتحجون عن الموضوع واتفقو انهم بس فرندز محد يتدخل بحياة الثاني بس بشرط كل شي يقولون حق بعض عشان لا يتكرر هالموقف مره ثانيه...

( بيت فجر )
فجر: اقول ترى مصختوها نبي نتيمع !!!
ديما: دقي على لولو و انشوف نتيمع عند منو !!
فجر: عننندي . تعالو عندي .. ؟؟
ديما: انا ما عندي اي ماااااانع ... بس تدرين راح نفتقد زيون ..
فجر: اي حياتي اول مره نتيمع بدونها ..
ديما: انتي دقي على لولو و اتفقو و عطيني خبر عشان ابدل و اييلج ..
فجر: اوكي ..
دقت فجر على لولو ... و بعد ما طحس التلفون ردت ..
لولو : هاااا
فجر: لا غلطانه انا اقول نطري عقب باجر ردي علييه ..
لولو: فجرووو شتبين مالي خلقج ..
فجر: ويعه حتى ويعه .. المهم سحيله سمعي .. قومي بدلي و تعاليلي . نبي نتيمع !!
لولو: اي والله يبيله ّ.. كل وحده لهت بروحها !! الا قوليلي ما تدرين عن زيون ؟؟
فجر: نووووو .. ما دزتلي مسج .. معنى قتلها لما توصلين دزيلي .. شكلها نايمه بالعسل مع صقر
لولو : ههههههههه .. الله يهنيها .. يلا ابدل وايييلج ..
فجر: اوكي مو تطولين .. باي
لولو : باي ..
دزت فجر مسج حق ديما : (DaYo0M YaLLa CoME 7uBi lo0lo0 btbadel o0 tyey )
و دقت على ابراهيم تسولف معاه على ما اييون البنات .....





( فرنسا )
وصلوا زينه وصقر العاصمة باريس وكان الجو حده يهبل السماا كله غيوم ويطق مطر خفيف والهوا بارد
وصلوا الفندق واكدوا حجزهم وصعدوا غرفتهم عشان يرتاحون
زينه: وااااااااااااااااااااااااااااااي الجو اينن موصج موصج
صقر: اي والله الصراحه خوش جو وخاصة وياج ويغمزلها بعينه
زينه: هههههههه ونزلت راسها واستحت وراحت تبدل وتاخذلها شور
زينه: صقر انا بروح اخذ شور تبي شي؟
صقر: لاحبيبتي سلامتج وحمام الهنا بس خلصي بسرعه عشان انا بعد آخذ شور وننزل ناكلنا شي
زينه: اوكي
مثل ماتلاحظون زينه وااااااااايد تستحي حتى ماتقول حق صقر لا حبيبي ولا حياتي ..الخ لانها حييييييل خجوله بس مرات تفصل خخخخخخخ





( بيت فجر )

وصلو البنات بيت فجر ... تصادفو بره ديما مع لولو ..
لولو: والله لو متواعديين ما وصلنا مع بعض ..
ديما: ههههههههههههه .. شفتي شلون .. خل اييب الحلو و ادش ..
لولو : خلاص انا اسبقج عيل ..
ديما: اوكي ..
خذت ديما الحلو من ورا و لما سكرت باب السياره و رفعت راسها .. ولا تلمح السياره الي واقفه من بعييد .. بس ما حطت ابالها شي ..
فجر : حبيبي البنات وصلو انا اكلمك بعدين..
ابراهيم: اوكي حبيبتي باي ..
فجر: باي ..
فجر: اهلييييين ..
لولو: هلا فيييج .. وباستها ..
فجر: ديوم ليلحين ما يت .. هفففف
لولو: كاهي تحت وصلنه مع بعض ..
ديما: هالووووووووو
فجر: هلوييين ..
ديما: امي مسويتلج الحلو الي تحبيينه ..
فجر: اللله .. فديتهااا خالتي عاد تدرين من متى مشتهيه ...
ديما: هههههههههههه ادري





( فرنسا )
خلصت زينه من الشور وقعدت تسوي شعرها وتبدل وبهالوقت صقر دش ياخذله شور ويغني بالحمام بأعلى صوته
أنا عاااااااااارف انووووووو موجود هناااااا ومايحس بياااااا لوووحدوووووووو مش قادر خلاص هموووووووت انا همووووووووت انا هوووووو فييييييييييييين
زينه ميته من الضحك على صوته
زينه سوت شعرها ويفي وكان حده اينن ولونه ولبست جينز سكني مع قميص ابيض وحزام D&G ولبست جاكيت بيج عشان يدفيها من البرد مع انه ماكو برد وااااااايد بس اهيا تستبرد
طلع صقر من الشور وشاف زينه واهيا مبدله وخالصه
صقر: الللللللللله طالعه شحلاتج بقلدج
زينه: عيونك الحلوه .. تقلدني بشنو؟
صقر: بلبس مثلج شرايج ياعسل
زينه: اوكيك ياقيمر
صقر: ههههههههههه حلوه بس لاتعيدنها (وده يذبحها)
زينه: تبتسم له
صقر لبس مثل زينه بالضبط جينز وقميص ابيض وجاكيت بيج وطلعوا حدهم يهبلووووووووووون
زينه اول ماشافت صقر:هههههههههههههههههههههههههههههههههههههههههههههههههههههههه امبيه لا لا شنو هذا
صقر واهوا شاق الحلج: شنو شفيج
زينه: واااااااااااي نفسي بالضبط انته شلون سويت جذي
صقر: شنو مسوي الذره انا كلها جينز وقميص وجاكيت
زينه متحبطه: اي حلو
صقر: ههههههههه عيونج الحلوه حبيبتي يلا مشينا
زينه يلا




( بيت فجر )

وتمو البنات سولفون لين صارت الساعه 11 .. و مشو ..
طلعت ديما و لولو برا .. وصلتهم فجر لي الباب و ردت ..
ديما لمحت السياره الي شافتها اول ما يت ..
ديما: لولو .. هذي السياره كانت واقفه من اول ما دشينه .. و فيها واحد ..



تم بارت 15....
يتبع......

 

[cute princess]

ما قدرت انطركم لي الفير
اذا شبكت الفير راح انزلكم بارت غيره اذا كان جاهز
ناطرين ردودكم....

 

[UNiQe^PRiNceSs]

فديتنـــا
:ggdw::ggdw::ggdw::ggdw:​

 

[Engineero-q8ya]

اي اي بلييز نبي بارت الفير بعد <<حدي طمااعه لوولز

 

[Engineero-q8ya]

لالالالا ما انصحج والله
باجر تحبين وذنوبج برقبتي لوول لا تحبين

لوووووول لا احب زوجي بالمستقبل خو شفيج لوول

 

[Ms_sWeeTaa]

thxxx aloot
yalla yalla kmlee plzz ;p

 

[مدام فاشن]

روووعه الباااررت :tek:

:ggdw::ggdw::ggdw::ggdw::ggdw::ggdw:

كــــــــــــــمـــــــــــــــلــــــــــــــــي نــــــــــــاطـــــــــــريــــــــــن

 

[kity]

ثاااااااانكس يسلمو حبيبتي على هالبااارت

حدكم تيننووون عسى الله لايفرقكم عن بعض يارب


وهاذا مشيعلوووووووو لو انا بدااال سميتي جان مرتبكه فيه جريمه


يحر ويبط الجبد


ناااطرينكم بناااات على احر من الجمر