[____أبـــيـــك و مـــا أبـــيـــهــــم____] ** قصة كويتيه واقعيه

[kity]

القصه ابداااع تين

مشكورة حبيبتي وماقصرتي وناطرين البارت

والورقه هاذي صج ورقته ؟؟؟

 

[cute princess]

القصه ابداااع تين

مشكورة حبيبتي وماقصرتي وناطرين البارت

والورقه هاذي صج ورقته ؟؟؟

اي ورقته.... كانت فجور مصورتها اول ما شالتها من سيارتها ودازلياها ام ام اس وانا ناسيه امسحها قلت احطها لكم
البارت انشالله راح ينزل باجر....

 

[MeeMeeYoo_2]

الورقه نرفزتني @@
لوووووووووووووووول

يعطيج العافيه

ناطريين

 

[al-thweeqa]

el qe8a 7adha etyaaaaaaanen wayed e3jebatny

yala na6renech 7aboba

 

[Ms_sWeeTaa]

Raw3aa el89a mashallaa
wayed 7elwa
waiting eltkmla l e6wlen 3lena plzz
y36ech el3afya;*

 

[princess besho]

يعطيج العاافية على القصة الروووووووعة



وناااطرينج

 

[cute princess]

مشكوريييييييييييييييييييييييييييييييييييييييييييييييييييييييييييييييييييييييييييييييييين بنوتاااات

 

[UNiQe^PRiNceSs]

ناطريـــــــــــــــــــــــــــــنج على نــــــــــــــــــــــــار

 

[[لين]]

يللا شوقتيينا حدج ترى لا تبطييييييييييييييييين علينا

​

 

[استكانة جاي]

هااااااااي حبيبتي القصة روعة ماتوقعت راح اقراها ووصل لكم بسرعة :eh_s(6): بس في سؤال محيرني شلون عرفتي الكلام إلي دوور بين سعود و رفيجه مثلا او براهيم ..!

 

[cute princess]

هااااااااي حبيبتي القصة روعة ماتوقعت راح اقراها ووصل لكم بسرعة :eh_s(6): بس في سؤال محيرني شلون عرفتي الكلام إلي دوور بين سعود و رفيجه مثلا او براهيم ..!

هااي تاااتي
في شي ما قلته لكم اول ما كتبت القصه... قلت اني وحده من ابطال القصه بس الي ماتعرفونه انه كل بنيه قاعده تكتب قصتها وقاعدين نيمعهم على بعض ونحطهم ابارت واحد... وعلى فكره الحوارات المكتوبه صارت صج.... اي حوار تشوفينه يكون صار بالصج وقاعدين نحاول انا والبنات انه مانزيد او انقص باي شي من الحوار عشان مايصير خيالي زياده عن اللزوم... والحوار الي يصير بين سعود ورفيجه له سالفه بتصير بعدين على جذي ديوم تدري عنها وابراهيم وفجور اسمالله عليهم على طول مجابلين بعض يعني حتى الاشياء البسيطه الي جذي تنقال

 

[cute princess]

ويييي نسيت اقول بعد :> ترا البنات قاعدين يدشون المنتدى ويقرون القصه معاكم ويقرون ردودكم...
نبي تشجيع منكم حقهم عشان ما يملون ويكملون معاي ولا ترا بيصير حرب بيني وبين البنات عشان يكملون القصه..

 

[غيغوو]

لااااا بنااات امبييي قصه حدهااا حدهاااااا اتينن واسلووبكم بعد وااااايد يشوق


نـــــاطريـــــــــن البــــــــارت

 

[dlo3t^baba]

يالله مشكووووووووووووووووووووووووووره على البارت تسلم ايدج
نتفطر وننطرج ^_^

 

[cute princess]

( بأبل بييز البحر )
دشو البنات .. و قعدو و طلبو ..
دانه : لولو شوفي هذا واي يزوغ ..
لولو: دانو بلا هالسوالف .. قعدي لا يلاحظ انج قاعد تخزينه و يلزق .. مالنا خلق ..
دانه: واااي ستايلييج ويييع
علياء: ها فجور شلونكم هالايام ؟؟
فجور: حمدالله تمام .. بس انا وايد وايد خايفه من سالفة مشعل ..
علياء: من شنو خايفه !! هذا مو ريال جبان بس يهدد !
فجور: مادري اخاف يوصل حق ابراهييم و يسويلي سالفه .. ابراهيم ليلحين مو ناسي هذيج السالفه .. مع ان صارلها سنتين !!
علياء: شلون بيوصله .. ما يقدر ..
ديما: اي والله !! شلون بيقدر يوصله لا يعرف لا رقمه ولا شي ..
لولو و زيون : اي صح !!
ساره : انتو شفيكم تتساسرون ؟؟
دانه: خليهم خليهم ما تعرفينهم يعني كله هذي سولفهم ..
الكل: ههههههههههههههه
فجر: زيون ما قلتيلي شصار معاج ؟؟
زيون: شقول و شخلي ..
ديما: قولي قولي كلنا اذان صاغيه ( وتطلع لسانها )
لولو : هههههههه يلا قولي نسمعج ..
و قعدت زيون تقولهم السالفه و اهمه حدهم مندمجيين و قاعدين ياكلوون ..
فجأه ولا ينقلب ويه فجر !!!
فجر: امبييييييه !! لا مستحيييل !!
الكل : شفيييييييييييج ؟؟
فجر: مـــ,,,شـــع,,,,ل !!!!!!!!
لولو: وينه ؟؟؟؟؟؟؟
فجر: كاهو على الطاوله الي هناااك!!
ديما :قومي قومي بدلي معاااي جذي اكيد راح يشوفج قومي مالنا خلق مشاكل ..
فجر: اوكـ,,ي
فجر كانت قاعده على عصابها طول الوقت ... بس الحمدالله ان ما انتبه عليها .. ولا شافها ..
خلصو البنات .. و راحو بيت ديما ..
و كل وحده ركبت سيارتتها و راحت بيتها ..



فجر توها داشه البيت ...
فجر: هااااااااااي
الكل: هلا
ابو محمد: ليش يايه بعد .. انتي وينج من الصبح ما ندري عنج ..
فجر: يبا انا قايله حق امي اني بروح بيت خالتي اليوم بقعد مع ديووووم و بعدين رحنا السينما ..
ابو محمد: المهم استانستيي
فجر: اي الحمدالله ..
محمد: يبتيلي شي ؟؟؟
فجر: اي يبتلك تيك اواي معاي !! بعد اخاف تاكلني
ام محمد : لا تقولين جذي عن اخووج و روحي بدلي و تعالي قعدي معانا يالله ..
فجر: هههههههههه .. انشالله يماا ..
ابو محمد: انا بقوم وايد دايخ و تعبان .. مو تقعدون تتناجرون انتي و اخوج جنكم يهال
فجر: انزييين .. يلا انا صاعده فووق ..
و صعدت فجر فووق .. و دقت على ابراهيم .
ابراهيم: هلا هلا بالزيين كله ..
فجر: هلا حياتي .. بيبي ازعاااج هففف
ابراهيم: حبيبتي بالقهوه شسوي .. ويت اطلع بره
اوكي ...




( سيارة زينه )
بالطريج وزيون راده البيت كانت قاعده اسمع اغنية راشد الماجد ( ناوي ترجع)


[.. ناوي ترجع [حبيبي]تعتذر عن كل شي
بس انا خايف تجيني ما تلاقي فيني شي
لا ايدين تمسها ولا دموع تحسها
لا تحاول يا حبيبي عندي كل شي انتهى

انسى اني كنت احبك
وكل حاجه بالمحبه وكل لحظه عشتها
كنت فرحه بس راحت
ولكـ انا قدمت روحي وانت رحت وخنتها

لا تفكر اني بجيك اعتذر لك ما ابيك
شوف نفسكـ يا حبيبي انت من كرهني فيك
http://www.4shared.com/file/77512773/8a3b1492/__-__.html?s=1


غورقت عيون زيون.... حست نفسها مختنقه وماتقدر تشوف الطريج حاولت تلف يمين عشان توقف السياره وتهدى شوي..... بس !!!!
لفت سيارتها بدون لا تنتبه انه السايد الثاني كان فيه سياره ثانيه وانقلبت السياره....

يو الاسعاف وخذوها.... كان مغمى عليها مو حاسه باي شي حولها... خذو اغراضها وودوها المستشفى.....




( بيت لولو )
لولو توها داشه البيت....
لولو: ماما انا رديت!
ام لولو: ها انشالله استانستي؟
لولو: اييي يلا بروح غرفتي تعبانه
دشت غرفتها لقت خواتها قاعدين.....
نوف: عشتو... شنو هالساعه الي بايدج ؟ بجم شريتيها ؟
لولو: وييييي ساعة زيون!! عجبتني عليها وقلتلها خل اجربها يمكن اخذ مثلها ونسيت افصخها لهينا!! خل ادق عليها اقولها انها عندي لا تخترع عبالها ضاعت!

دقت لولو على تلفون زيون.... بعد جم رنه رد عليها واحد: الوووو ؟؟
لولو: الووو؟! اسفه بس مو هذا تلفون زينه ؟
........: أي اختي... معاج ادارة مستشفى الاميري... الاخت سوت حادث ويبناها اهني وماعرفنا ندق على منو....
لولو: شنوووووووو؟ حادث ؟؟ خلاص خلاص انشالله الحين ابلغ اهلها!!!
دقت لولو على فجور و لقت عندها ويتنق ...
فجر: لحظه حبيبي .. لولو قاعده تدق علي ...
ابراهيم: اوكي
فجر: اللو
لولو: فجووووووووووووووووووووووووووور
فجور : ها اشفيج يالحنه تصارخين؟؟؟
لولو: زيون بالمستشفى!!! دقيت عليها ورد علي واحد وقالي انها سوت حادث!! بليز قولي حق اهلها انا الحين بطلع من البيت بروح اشوفها!
فجور: شنووووووو ؟؟ اوكي يلا يلا الحين ادق على امها .. و ردت على ابراهيم ... ابراهيم انا لازم ادق الحيين الحيين على ام زيون زيون بالمستشفى سوت حادث ..
ابراهيم: اففف .. لا يكون صاير فيها شي .. زين يلا روحي و طمنيني باي ..
دقت فجر على ام زيون و قالتلها ... نزلت تحت ..
فجر: يما انا بروح المستشفى حق زينه ..
ام محمد : ليييييييييييش؟؟؟ شفييييها ؟؟
فجر: يما مسويه حادث يلا بااااااي ..
ام ممحمد : ديربالج يما عن السرعه ..




( بيت ديما )
ديما : لا والله !! اوكي انا زعلانه لا تحاجيني ( بدلع )
سعود : افا تزعليين علي انا ؟
ديما : وانا اقدرر ههه .. سعود لحظه فجر معاي خط ثاني .. اللو
فجر: قومي بسرعه تعالي مستشفى الاميري زيون سوت حااادث !!!
ديما : شنوووو ؟؟ شلووون ؟؟
فجر: مو وقت اسأله يلا تعالي باي .
( بيت لولو )
لولو: يماااا انا رايحه المستشفى حق رفيجتي مسويه حادث
ام لولو: وين رايحه هالحزه!!! شوفي الساعه جم! لا ماكو طلعه
لولو: يما البنيه مسويه حادث!! اهلها مو معاها مايدرون انها اهناك!!!
ام لولو: مالنا شغل باحد قعدي مالي خلق سوالف اخوانج وابوج!!!
لولو: بس يما....
ام لولو: اوووو لا تعورين راسي!!

لولو دزت مسج حق فجر ( ماما مو راضيه اطلع... ما اقدر اروحلها! بليز طمنيني عليها لما توصلين اهناك)
راحت فجر المستشفى ولقت ديما بعد توها واصله... سالو عنها أي غرفه وقالولهم
دزت فجر مسج حق ابراهيم .. تقوله انها وصلت ..
توهم بيبطلون باب الغرفه وسمعو صراخ زيون.........



زيون: لا والله؟؟؟ أي شي صح ؟؟ واحد ياهل كبر هذا يفحصني ؟؟؟ ما لقيتو دكتور اكبر ؟؟ لالالالالالالا لو شيصير مايحط صبع علي!!! ولا اقولكم!! مابي فحص انا خلاص بطلع... عطوني ادويتي وبطلع....
الدكتور: شلون اعطيج ادويه وانا مو فاحصج ؟
زيون: خلاص خلاص انا بطلع مافيني شي!!
الدكتور: يلا انا ابيج تقومين!!!
زيون: أي كا الحين بقوم ليش ما اقوم!
الدكتور: يلا قومي... اذا قدرتي تطلعين من الغرفه بروحج ماراح نفحصج ولا نعطيج ادويه... بيصير الي تبينه
زيون: أي اقدر اطلع!! الحين اقوم
الدكتور: ماتقوميييييين ؟
زيون: ايييي انزين هففففف
حاولت زيون تحرك ريلها ماقدرت حست بعوار قوي وصرخت: آآآآآآآآآآآآآآآآآآآآآآآي


الدكتور ماقدر يمسك نفسه وقعد يضحك عليها: ما قلتلج ما تقدرين تقومين ؟
زينه: هففففففف يعني على حظي ماكو الحين الا طلبة طب !!! دكتور كبر يدي بيموت ماكو ؟؟
الدكتور: لا ماكو... واذا ما تبيني انا بييلج غيري وكلهم كبري!! الدكاتره الكبار حق الحالات الخطره... الحالات البسيطه الي مثلج يخلونها لنا!! خلصينا عاد لا تخليني انزف بسبتج!!
زيون شافت عيونه واهوه يقولها جذي ساحت.... : خلاص خلصنا!



دشو فجور وديوم واهمه ميتين من الضحك
زيون : ويعه انشالله!!!! ليش تضحكون؟؟؟ انا مسويه حادث وانتو تضحكون؟؟
فجر: نضحك على هبالج... صراخج هز المستشفى هز
ديوم: انتي وانتي متعوره جذي صوتج عالي وتناجرين الدكتور... لو مافيج شي جان شسويتي ؟
الدكتور: هههه تاثير الحادث ليلحين مو مستوعبه.... بعد شوي تستوعب..... بناخذها حق الاشعه الحين نتاكد انه ريولها مو مكسوره... وماكو شي ثاني الحمدلله
زيون: اكيييييد ؟؟ ولا ماتعرف!!!
الدكتور: الاشعه بتطلع كل شي! حتى لو ما اعرف في ناس يجيكون وراي!
طلعت الاشعه طلع فيها بس رضه وشوي قويه لفولها ريلها ولا اخوها عبدالله توه ياي....: السلام عليكم
ديوم و فجور: وعليكم السلام
عبدالله: انتو رفيجات زينه عدل؟
فجور: أي... لا تحاتي مافيها شي... بس لفولها ريلها والحين تطلع
عبدالله: الحمدلله... وينها الحين؟
فجور: كاهي الحين تطلع من الغرفه
زيون طلعت بعكازات وماسكه جيس الدوا بايدها....
دقت لولو على فجر ..
فجر: الووو
لولو : فجروو وويعه مو قايلتلج طمنيني عليها !! ليش ما تدقيين
فجر: امبيييه نسيتج هذه صراخها شايل المستشفى جنها دلاله !!
لولو: لييييييييش شفيييها ؟؟؟ لا يكون متعوره وااايد ؟؟
فجر: كاهي ما فيها شي جنها ينيه
زيووون : وااااااااي سمالله علي لا تقولين جذي عننيييي
ديما : هههههههههههههههه .. ما قالت شي غلط ..
لولو: وووي اخترعنه عليها والله
فجر: اي والله حبيبتتيي .. المهم يالله اكلمج بعديين ..
الكل راح البييت ..
( بيت زينه )
ام عبدالله : وي وي وي سمالله على بنتيي .. يما شفييج ؟؟ شصار ؟؟
زينه : وااي يما انا حدي تعبانه و مادري شلون لفت فيني السياره ..
ام عبدالله: روحي حبيبتي روحي ارتاحي ..
عبدالله : تعالي اصعدج ..
محمد: وانا اساعدك ..
صعدو عبدالله و محمد زينه .. و امها ساعدتها عشان تبدل خذت دواها و ناااااااااااااامت ..



( بيت ديما )
ديما وصلت البيت قطتها فجر .. دشت سلمت و صعدت فوق ..
بدلت لبست بيجامه صفره .. و فلت شعرها و لا يدق سعود عليها ..
يرن تلفون ديما ( حبيبي وانا جمبك .. تعرف بحس بإيه .. وانا فحضن ألبك .. ببئى عايز اقولك ايه .. يا محلا الدنيا وانا جمبك )
ديما : هلاااا هلااا بالطش والرش
سعود : هلا حبيبي انتي.. شالاخبار ؟
ديما : تمام والله ولهانه عليك .. وينك حبيبي؟
سعود : ماكو قاعد بالدوانيه
( عزووز يمه ويقوله : عطني عطني بكلمها )
سعود : ههههه هاج يبي يكلمج عزوز
ديما : وييي فشله
عزووووز مسك السماعه وسمعها جان يقول حق سعود
عزوز : واو سعودو صوتها حلو !
سعود : جب جب عطني تلفوني مو كفو
ديما : وااي حبيبي فشله مادري شلون مو حلوة اكلمه
سعود : هههه لا ديوومتي هذا عزوز اخو دنيا اخوووي والله
ديما : الله يخليكم حق بعض..
سعود : آمين .. يلا انا اخليج تيك بلعب كوت
ديما : اوكي باي..
(بيت فجر )

دشت فجر البيت .. كان الكل نايم .. بس امها تنطرها ..
فجر: قوه يما
ام محمد : ها ماما .. قوليلي شلونها ؟؟
فجر: زينه الحمدالله .. ما فيها شي ..
ام محمد: يلا زين الحمدالله .. قومي بدلي لا يقوم ابوج و يشوفج انا مو قايلتله انج طالعه مالي خلق لساننه ..
فجر: يلا يلا اوكي ..
صعدت فجر الغرفه .. بدلت .. لبست بيجامه فووشيا فيها فيونكا سووده كبييره .. ر بطت شعرها عنقووص .. و دقت على اببراهيم .
ابراهيم : اشتقت لج !
فجر: مو كثري ..
ابراهيم: شلونها الحين ؟؟
فجر: الحمدالله احسن ..
ابراهيم: فجوور بشوفج ترى ما يصير جذي ! يا هايته مع رفيجاتج يا لاهيه معاهم يا مع اهلج .. لي مت يعني ..
فجر: بيبي .. شســـ ..
ابراهيم : لا تقولين شسوي .. تقدرين تسويين !! تقدرين كل يوم تكونين معاي بس انتي ما تبين !
فجر: ابراهيم شهالجحي انا مابي اشوفك و اكون معااك !!
ابراهيم : اي هذا الي مبين !!
فجر: خلاص احنا مو اتفقنا يوم السبت !! انطر لي عقب باجر ..
ابراهيم: وليش مو باجر؟؟؟؟؟؟؟
فجر: باجر يمعتنا !! ببيت يدتي اشفيييك ؟؟
ابراهيم : انزييين .. امري لله انطر لي باجر
فجر: شدعوا هالنفسيه ..
ابراهيم : مو منفس ..
فجر: لي متى بتقعد بالقهوه خلاص عاد يلا اطلع ! بحاجييك على راحتي ..
ابراهيم: اوكي ربع ساعه اطلع و ادق عليج .. اوكي حبيبي؟؟
فجر: اوكي حبيبي ناطرتك مو تطول باي ..
ابراهيم: باااااي قلببببببببي ..
بطلت اللاب توب فجر و شبكت و قعدت تلهي روحها على ما يدق عليها ابراهيم ..




( بيت لولو )
لولو قعدت تسولف مع خواتها شوي وماحست بنفسها غفت..... خواتها طلعو وخلوها
قامت لولو عقب ساعتين ونص: وييييييييي نسيت ادق على يوسف ودقت عليه على طول
يوسف: لا والله ؟
لولو: شنووووو
يوسف: انـــتــــي ويــــــنـــــــج!!!!


تم بارت 9.....
يتبع.....

 

[eng.7oor]

ميرسي حبيبتي على البااارت

ناطرييييييين البارت اليديد

 

[عاشقة البحر 93]

واااااااااي ان شاء الله ما يصير بفجوورة شي من مشعل هذاك وما يخليلها ابراهيم

الباااااارت عجيييييييييييب تسلمين فديتج

جكجكجكجكجكجكجكجكجكجكجك
جكجكجكجككجكجكجك


ناطرينج حبوبة

 

[MeeMeeYoo_2]

يعطيج العافيه

ناطريين

 

[استكانة جاي]

ترى حده شوي البارت ياليت لو تزيدين... لا يوقف:eh_s(6):

 

[غيغوو]

آآمبيييييه خفت زيوون صار فيها شي اشوه طلع ما فيهاا شي لووول

يلآ بلييييييييز كملي كملي نااطريييييييييين