[____أبـــيـــك و مـــا أبـــيـــهــــم____] ** قصة كويتيه واقعيه

[kity]

البااااارت روعا بعد نبي نبي بااارت

ومشكورة حياتي وماقصرتي وهاذا مشعل باااااط جبدي:eh_s(14):


شنو قصته مع فجوووراا ؟


ّ~~

أحلى مافي القصه انج كاتبها وانه في وحده سميتي :eh_s(22):


مشكورة حبيبتي والقصه واااااو


Waiting

 

[cute princess]

هااااي بنات انا نمت عقب ما حطيت البارت على طول كنت حدي مقفله سوري دقايق وانزلكم البارت
واذا البارتات قصيره اسفه هذا الي اقدر عليه قلتلكم مجابلين بعض انا والبنات عشان كل وحده تكتب قصتها...
واليوم كلهم طالعين بس انا الي بالبيت يعني المفروض اكون متوهقه بس افا عليكم امس خليتهم يواصلون لي ال8 عشان نكتب بارتين حق اليوم ومانخليكم تنطرون وايد دقايق والبارت ينزل....

 

[cute princess]

بارت10


قامت لولو عقب ساعتين ونص: وييييييييي نسيت ادق على يوسف ودقت عليه على طول
يوسف: لا والله ؟
لولو: شنووووو
يوسف: انـــتــــي ويــــــنـــــــج!!!!
لولو: اسفه هههه... رديت البيت قاعده اسولف مع خواتي وغفيت ماحسيت بنفسي
يوسف: هففففففف وانا قاعد اهني على اعصابي!!
لولو: الله الله شدعوه!
يوسف: والله... قاعده بالدوانيه وبالي معاج اقول متى تدق!! وماعندي رصيد ادق عليج! ماسك تلفوني اطالعه اقول الحين يدق الحين يدق... مرات اطقه اقوله دق دق!!
لولو: هههههههه الله كل هذا ولهان علي ؟
يوسف: قلتلج تعودت عليج! انتي انا بغير اسمج بتلفوني بحطه drugs
لولو: ههههههه ليش يعني ؟
يوسف: لانه صج انتي ادمان هههه اذا مرت اكثر من ساعه مو مكلمج استخف
لولو: وااااي منو قدي!! انته وينك من زمان هههه
يوسف: انا من زمان ناطرج بس انتي ما تعطين ويه!!
لولو: شتبيني اسوي يعني ؟ ههه
يوسف: يعني تدرين اني كنت اطالعج! ابتسميلي عالاقل! طالعيني شوي مو كله مطنشه
لولو: عشان تقول عني خفيفه ؟
يوسف: يعني كل يوم مجابلج واشوفج شتسوين وشتقولين وكل شي... ادري انج مو خفيفه!
لولو: أي عبالي بعد!!


( يوم السبت الساعه 1 الظهر )
( بيت فجر )
فجر: يلا يما انا طالعه ..
ام محمد: مع منو بتتغدين مع لولو ؟؟
فجر: اي يما .. بتغدا و ارجع ما اطول انشالله ..
ركبت فجر السياره و دقت على ابراهيم ..
ابراهيم : هلا بالحب ..
فجر : هلا حبيبي .. وينك ؟؟
ابراهيم : كاني عند الكوت .. انتي ؟
فجر: انا توني طالعه .. الحين اييلك انشالله ..
ابراهيم : اوكي ..



( بيت لولو )
قعدت لولو على صوت التلفون الساعه 2
لولو واهيه دايخه: الووو
يوسف: قومي قومي.... خيااااس نووووووووووووم
لولو: هههههه صباح الخير
يوسف: أي صباح الخير صار الظهر!! قومي قومي
لولو: شمقعدك انته؟ كل يوم انا الي اقعدك حتى لو ويك اند
يوسف: بنروح بيت يدتي نتغدا يمعتنا اليوم
لولو: امممممممم غدا الحين؟ وايد مبجر
يوسف: ههههه على ما نتيمع كلنا ونسولف شوي ويحطون الغدا تكون الساعه 2
لولو: امممممممممممممم
يوسف: قووووومي اصحييييييييي
لولو: واااي لا تصارخ! قعدت قعدت
وتمو يسولفون ليما وصل بيت يدته
يوسف: يلا بابا انا وصلت.. ماقدر اكلمج الا عالمغرب لما نطلع لانه اهلي بيكونون يمي
لولو: اوكي يلا باي خل اقوم اغسل
يوسف: تسبحي تسبحي! مو بس تغسلين
لولو: ههههههه أي مو الحين! باكل بعدين اتسبح عشان لا اطيح من الماي الحار! بعدين شعليك انته شام ريحتي مثلا ؟
يوسف: لا ما يبيله... قاعده من النوم بعد وامس كنتي طالعه يعني لازم تتسبحين الحين!!
لولو: ههههههه حتى وانا توني قاعده من النوم اهبل!! يلا يلا باي
يوسف: باي يالخبله ههه

بعد ساعتين.....
وصل حق لولو مسج من يوسف ( كل اهلي اهني.... بس ناقصنا انتي! )
ابتسمت لولو ودزتله ( وانا ليش بعد اكون موجوده؟ )
رد عليها ( مرتي! )
ابتسمت وما ردت عليه





( الكوت )
ابراهيم كان ناطر فجر بالسياره .. لابس للوزه GAP كحلييه مع جينز و كاب GAP
وصلت فجر ... ونزلت على طوول حقه و كااانت مشتاقتله حيييييييل ..
كانت لابسه سكيني جييينز مع قمييص اسود مخطط بفوشيا م حزام فيوونكا تحت الصدر لونه فوشي و فلات فوشياا ز جنطة ليز كليبورن فوشي .. شعرها كانت فالته مسويته ستريييت ولابسه تااج فوشي علييه فيونكا كبييره .. وحاطه ميك اب خفيييف .. شكلها كان وايد كشخه و جذاااااب ..
ابرهيم : ما بغيييت انشوف ام علااااااوي ..
فجر:هههههههههههه كيفي اتغلى عشان تشتااااااقلي ..
ابراهيم : انا اشتاقلج حتى وانا معاااج ..
فجر استحت : زين يلا امش انا يوعانه ما تبي تغديني ..
ابراهيم: ههههههه امبله يلا يلا امشي ..
وراحو المطعم و قعدو ياكلون ويسولفوون و كانو وايد مستانسييين ..





( بنفس الوقت بالفنار )


ديما طالعه ويه اختها رايحين الفنار كانت ديما لابسه جينز سكيني مع توب اوف وايت و اكسسوارات ذهبيه ومكياج برونز ناعم وفلات ذهبي
عليا كانت لابسه قميص ابيض طويل مع حزام الخصر بني مع شيلة آيس بيرج و جينز سكيني و مكياج العين سموكي بني خفيف مع حمره ورديه فاتحه وكعب وجنطه LV
كانوا عند ماك يشوفونهم النيو كولكشن اللي منزلينه
عليا : ديووم .. شوفي لون هالحمره !! يهببل لونها
ديما : اييي اتينن لونها فااااااااقع يبرد ع القلب
عليا : هههههه ايي خل ناخذها عيل
يرن تلفون ديما ( حبيبي وانا جمبك .. تعرف بحس بإيه .. وانا فحضن ألبك .. ببئى عايز اقولك ايه .. يا محلا الدنيا وانا جمبك )
سعود: حبيبتي ويينج ؟؟
ديما :انا بالفنار نتمشى انا و اختي ..
سعود: اها بتطولين ؟؟
ديما: مادري والله حبيبي
سعود: خلاص عيل حياتي ديربالج على نفسج .. باي
ديما: اوكي حبيبي باي ..




( الساعه 5 العصر )
دقت زينه على لولو ...
لولو : هلا هلا بالمنكسره ..
زيون: جبي جبي .. وين رفيجتج ؟؟
لولو: منو ؟؟
زيون: فجووور في غيرها ..
لولو: حبيبتي فجوور نايمه بالعسل طالعه مع ابراهيييم .
زيون : اي عدل عشان جذي ما ترد علي ..
لولو: ليش شبغيتي فيها ؟؟
زيون: بغيتها توديني الطبييب بيغيرولي ..
لولو: خلا انا اوديييج .. نطري ابدل و اييلج و نروح ..
زيون: اوكي حبيبتي ثانكس ..
لولو: ولو حياتي يلا لما اطلع ادق علييج باي ..
مرت لولو زيون و مشو راحو المستشفى .. لولو كانت لابسه سبورت و مسويه عنقوص .. و زيون كانت لابسه نفنوف ابيض ناااااعم فيي ورود حمره من تحت .. اريحلها حق المشي عشان ريلها ..



( بالمستشفى )
زيون ولولو دشو عشان يجيكون عليها ويشوفون اذا تقدر تمشي ولا لا
دكتور صقر: ممكن اجيك على ريلج ولا ممنوع ؟
زيون تعصب وتلف ويهها
لولو: دكتور ترا اهيه شوي مو صاحيه.... اخذ راحتك
دكتور صقر: هههههه ناطر الاشعه بس عشان نشوف ريلها
ويابو الاشعه....
دكتور صقر: اخت زينه ممكن اطالع الاشعه؟ لا هم ممنوع
زيون: هففففف أي أي!
دكتور صقر: ههههههه..... ( طالع الاشعه ) لا الحمدلله وايد احسن الحين اقولهم يشيلون الجبس الحين تقدرين تمشين وبدون عكازات بعد...
لولو: صج ؟ اخيرا
زيون: ايييي بنفتك
دكتور صقر: عاد انا كنت بقولك بفقدكم.... بس يلا دام تبين الفكه على راحتج

طبعا هالفتره الي كانت زيون تروح وترد فيها عالمستشفى صج انها ماكانت تعامل الدكتور عدل بس كان عاجبها ودش قلبها... والدكتور حبها وايد حس انه اهيه البنيه الي يبيها.........

...................................................................


( بعد مرور شهر )
خلص الكورس الثاني و دشت علينا عطلت الصيف ..
( علاقة سعود و ديما كانت .. مممم نقدر نقول انها علاقه بيرفكت بمعنى الكلمه !! مشاءلله علاقتهم تطورت بصوورة رهيبه !! كان حبهم من اول يوم تعرفوا فيه على بعض .. قالها أحبج !! واهي قالتله انا بعد ... يمكن هالشي مقدر لهم من الله ....... المهم كانوا عايشين ايام كلها عسل بعسل ومافي شي يخرب عليهم ومتهنيين ............ )
تقوم ديمه من النوم على صوت المنبه الساعه 8 الصبح.. وتدق على سعود.....
ديمه : الووو
سعود: خدج حلووو
ديمه : وااي فديتك حياتي صباحك ورد و فراوله
سعوود : صباحج عسل يا عسل
ديمه : نمت عدل حبيبي؟
سعود : شلون ما انام عدل وانا نايم على صوتج واقعد على صوتج
ديمه : عسى الله لا يحرمني منك يارب
سعود : آميييييييييييييييييييييييييييييييييييين
ديمه : يلا حبيبي عشان وراك موعد المستشفى ويه اختك
سعود : اي حياتي يلا بقوم اصلي واغسل واروح
ديمه : اوكي اول ما تخلص طمني عليك
سعود : ان شاااااااااءلله تامرين على شي بعد؟
ديمه : سلامتك حبيبي .. باي باي
سعود : باي ام عزوووووووز
( منى اخت سعود كان فيها لوكيميا والحمدلله تعالجت منه والحين رايحين يسوون فحوصات )
بالمستشفى وسعود واخته طالعين منه ..
سعود : يالله الحمدلله هذي سفرتنا الاخيره حق امريكا وان شاءلله الله يبعد عنج هالمرض
منى : آمييييييين ان شاءلله
ويدق سعود على ابوه عشان يحجزون تذاكر كلهم للسفر .

سعود يفكر شلون يقول حق ديمه هالخبر ان راح يسافر عنها واهو ما وده يفارقها .. بس بنفس الوقت ما يقدر يخلي اهله مسافرين بروحهم لازم يكون وياهم....
سعود ( ماكو الا اقولها ) : هلا حبيبي
ديمه : هلا فيك حياتي .. ها خلصتوا ؟
سعود : اييي الحمدلله
ديمه : شفيه صوتك ؟!! فيك شي
سعود : حبيبي ابي اقولج ترى انا بسافر ويه الاهل امريكا عشان نكمل فحوصات اختي
ديمه ( بقلبها حزن ) : اي حبيبي ان شاءلله تروحون وتردون بالسلامه
سعود : الله يسلللللللمج يا احلى ام عزوووز بهالدنيااااا .. يلا عيل انا اخليج عندي جم شغله لازم اخلصها اكلمج بعدين ماشي عمري؟ يلا باي
ديمه : اوووووووكي باي حبيبي .



فجر مثل ما اهي علاقتها قاعده تكبر بابراهيم اكثر و اكثر .. والحمدالله تخرج و ناطرين يتوظف عشان اييلها ..
و ليلحيين مشعل كان يأذيها و يدزلها مسجات تهديد .. ويكتبلها عبارات غريبه و يحطها على باب سيارتها ..
وكانت ساكته ما تبي تقول حق ابراهيم عشان لا يصير شي ...
و تتذكر ...
مشعل: اهي الي تبي مني مو انا !!
ابراهيم : شتبي منك اهي ؟؟؟ ما تتحجى !!
مشعل : اسألها ...
........
ابراهيم : شتبيييين منا انتي يقول انتي تبين منه شي؟؟؟؟ شنو قوووووووولي
فجر تبجي : .......
ابراهيم: فجججججر لا تطلعيني من طوري ترى ما تعرفيني اذا عصبت خلصي تحجي ..
فجر: صورتي عنده ....
ابراهيم : ................ ماشي انا اعرف اتصرف باي
فجر : ابراهـــ ....
وتسكر الخط ....
صحت فجر على صوت موبايلها ... ( وجودك عندي بالدنيا يا غالي )
فجر: هلا بدنيتي ...
ابراهيم : هلا حبيبتي ها شتسوين .؟؟
فجر: شابكه ...
و تمو يسولفوون .. و سايحين على بعض كالعاده ..
................................................




( بيت زينه )
زينه: يماااا انا بطلع مع رفيجاتي اليوم
ام عبدالله: لا لا ماكو طلعه.... يايينا ناس اليوم يخطبونج
زينه: يماااا ! وبعدين مع هالموضوع!!
ام عبدالله: انتي شوفي الريال بعدين تحلطمي.... خوش ريال ترا
زينه: انزين هفففف

وصلو الناس بيتهم.... ام عبدالله نادت زينه عشان يشوفونها....
دشت زينه: السلام عليكم ( كانت تهبل لابسه نفنوف ذهبي قصير مخصر على الجسم و شعرها مسويته ويفي و حاطه ميكب برونز .. )
طالعت الريال ولا دكتور صقر!! استحت وقعدت... وطول الوقت منحرجه


........................................



اما لولو علاقتها مع يوسف قاعده تكبر شوي شوي ...
يوسف: لولو انا بسافر
لولو: وييييييييين ؟
يوسف: دبي مع ربعي ولا تحاتيين... بدق عليج على طول
لولو: انته اهني وكله رصيدك طاير هالمره بره ؟؟؟
يوسف: ههههه احمدو رفيجي يشتغل بزين يعني خطه ابلاش... بدق عليج منه ونسولف على راحتنا.... واذا تبيني دزي مسج على تلفوني وانا ادق عليج اوكي ؟
لولو: ( بدلع يعني مو عاجبها ) خلاص انزين
يوسف: هههه وااي فديته يعني زعلانه ؟ يلا عاد لا تضيقين خلقي وما اروح!
لولو: هذا الي انا ابيه ههههه.... وينك انته الحين؟


يوسف: تووني واصل البيت... لما دقيتي كنت طالع من الدوانيه
لولو: بتنام؟
يوسف: لا الحين اهلي اكيد قاعدين بقعد معاهم شوي بعدين انام.... انتي نامي مبين من صوتج دايخه
لولو: خلاص اوكي.... قبل لا تنام دق علي
يوسف: لا لا مابي اقعدج بابا نامي
لولو: خلاص تصبح على خير
يوسف: وانتي من اهله.... باي
لولو: باي.
................................



تمر الايام و قرب موعد سفر سعود... امه وابوه واخته سافروا قبله واهو وراهم بيومين .
سعود بالسياره ويه عزوز رايحين المطار..
دشوا المطار و خلص شغل التذكره والجناط وراحوا قعدوا بستار بكس طلبوا لهم فرباتشينو وقعدوا شوي ...
سعود : بو سعييد
عزوز : ها سعودو
سعود : ابي منك طلب
عزوز : افااء .. انت تامر
سعود : امممم .. ابيك تدير بالك على ديما بغيابي.. يعني ع الاقل تعرف وين تطلع و وين تروح وتسأل عنها اذا تبي شي لان انا هناك ويه اهلي بالشقه ماقدر اكلمها بالتلفون وايد وما يندرى اكو نت ولا لا
عزوز : ممم خلاص ان شاءلله ديما بعيوني
ويدش سعود الطياره ويدق على ديما يودعها واثنيهم محد وده يفارق الثاني...
فمان الله يا مسافر .. عسى اللع يسمح دروبك و ترجع بالسلامه ..
اذا بتطول الغيبه امانه لا تقاطعنه .. ودوم ابعث سلامك
اذا انت تنااااام بالغربه .. ومتهني في منامك .. انا ليلي ما انامه ..
http://www.youtube.com/watch?v=5SlGO_BaTrg


تم بارت 10...........
يتبع.......

 

[cute princess]

البااااارت روعا بعد نبي نبي بااارت

ومشكورة حياتي وماقصرتي وهاذا مشعل باااااط جبدي:eh_s(14):


شنو قصته مع فجوووراا ؟


ّ~~

أحلى مافي القصه انج كاتبها وانه في وحده سميتي :eh_s(22):


مشكورة حبيبتي والقصه واااااو


Waiting

هاااي تاااتي
ثانكيو واي على ردج ونستيني :eh_s(6):
بالبارتات اليايه انشالله راح يبين شسالفة مع فجوره مابي اقول الحين واخرب القصه ....
بس البارتات اليايه حدها بتكون تشوووووووق _03BA:

 

[* Na3oMa *]

القصه موطبيعيه حدها تشووووووووق ياريت عندي رفيجات جذيييييي يونسون وكول وناسه ..
ناطره التكمله ...........

 

[UNiQe^PRiNceSs]

واااااااااااااااااااااااااااااااي
كمـــــــــــــــــــلي بليـــــــــــــــز .. متى راح ينزل البارت الياي ؟؟

 

[kity]

وااااااي القصه روعا

لأنه صاحبتها اروع

وحبيبتي نااااطرين القصه على احر من الجمر


وبنطر البارت الي ورااه شسالفه مشعل مع سميتي

ومتى راح تنزلين الباارت ؟؟


~~

ومشكورة حبيبتي وماقصرتي على هالقصه الحلوه

 

[كاتي البرينسيسه]

البارت يونس حياتي مشكوره وكملي كملي لا يوقف لووووول ابصراحه القصه واو واطرينج حياتو

 

[غيغوو]

لآيوقف لآيوقف لآيوقف
لآيوقف لآيوقف

نــــــــاطريــــــــن على أحـــــــــر من الجـــــــمــــــــــــر

 

[Fatma_A.m]

واااااااااااااي لا تعلقينااااا الي بعدوووووووو نبي بارتين

 

[MeeMeeYoo_2]

^^^^

اي والله نبي بارتين

لووووووووول
يعطيج العافيه

 

[MeeMeeYoo_2]

انشالله حبيبتي
ولا يهمج على راحتج كتبي بالوقت الي تبينه

 

[cute princess]

بنات قلتلكم البنات طالعين انا بروحي مايصير اكتب كله عني!!
وبعدين الحين العشر الاواخر يعني حدنا لاهين
انشالله اليوم الفير انزل بارت واذا ماقدرت انزله باجر العصر!
سوري بحاول اسوي الي اقدر عليه

 

[eng.7oor]

ميرسي على الباااااااااارت

ايي نزلي الباارت بسرعه

حدي اندمجت فييها

 

[Miss Golden]

القصه قاعده تصير احلى واحلى و الاحداث اكشنات كلها تشويق ^_^



ناطرين حبيبتي

​

 

[مدام فاشن]

امبي شقيت الحلج لمه الدكتور خطب زينه >> لوووووووووول حد امي اندمجت

يالله كملـــــــــــــــــــــي والله القصه اتينن

:ggdw::ggdw::ggdw::ggdw::ggdw::ggdw::ggdw:

لايوقف
لايوقف
لايوقف
لايوقف
لايوقف
لايوقف
لايوقف
لايوقف
لايوقف _03BA:

 

[miss law]

يعطيييييج العافيه القصه حدها عجييييييييييبه

 

[Ms_sWeeTaa]

wnasa 7dhaa mo 9j el89aa 3jeeba mashalla
oo ela7dth kel malha oo tser a7laa
na6reen elnew parts

 

[UNiQe^PRiNceSs]

ناطرين بارت قووووووي ... اخذي وقتج حبيبتي

 

[حور العيون]

لاطوليين عليناا حبووبه