Guess Who's Back

[بـ سـ كـ وتـ ة]

اليوم تريقت خبزة لبنانية كاملة بجبن كرافت + كوب شاي وحليب لأني وراي شغل وايد ويحتاج تركيز

ومافي مجال سناكس بين الأكل

بعد شوي ان شالله نازلة أتغدا بحاول أشوف لي شي خفيف لأني ما حضرت شي في البيت للأسف

ما مداني

 

[بـ سـ كـ وتـ ة]

صباح الخير

غداي أمس كان تركي ساندويتش بصمون أسمر مع سلطة جكن سيزار وعصير برتقال تروبيكانا

والعشا شاورما وفتوش مع ماي

واليوم تريقت من فطاير الشويخ فطيرة الجبن مالتهم صغيرة وخفيفة مع كوب شاي وحليب

الغدا ان شالله راح يكون سلطة وشوربة عدس عشان أعوض بدال الفطاير

والعشا احتمال كبير روب وفواكه

 

[عاشقة الككاو]

حلووو خوووش شي
وحاولي تخلين الاسمر على طوول ف البيت


انا يبت معاي اليوم توست شريحتين اسمر
وجبنه سلفايد وباكلها واشرب حليب لو فات مع هيل وعسل قفشة صغيره

وميني درابيل يبت لي حبتين عشان مع القهوة
لان دوامي لي 3 ف ايووع وايد


الله المستعان


وعندي جهاز سير بالبيت بس اول ما شريته كنت العب فيه يوميا 30 او 40 دقيقة ونزلت 4 كيلو ماشالله
الحين صايرة كلللللللللللللللش مااحبة وتحول الى تعليق فوط وغبر


وهم شي ثاني يخليني ماامشي فيه انه ولدي يبي يلعب فيه وانا امشي اخاف يتعور ولا يطيح ع ضروسه


شسوي ، لو انتي مكاني شبتسوين والله متحسفة ع ال150 دينار الي قطيتها "(

 

[بـ سـ كـ وتـ ة]

تكملة يومي أمس

انشغلت في الدوام ما قدرت أتغدى

تعشيت في هارديز كان بخاطر ريلي فطلبت جكن تندرز وكليت شوي من الفرايز بس بصراحة السفن أب شربته كله لأن صار فيني هبوط

 

[بـ سـ كـ وتـ ة]

آنا ما أحب الخبز والتوست الأبيض أصلا ... أحس طعمهم مو حلو يبين فيهم طعم الطحين هههه

دايما أشتري أسمر

بالنسبة حق جهاز المشي آنا ما أحبه ههههه أحسه يعور الركب لأن مو مثل الأرض الطبيعية

بس ما كو إلا تستخدمينه بعد صلاة الفجر مثلا أو أي وقت ثاني يكون ولدج نايم

النصر سووا عروض على أجهزة المشي في رمضان بس ما شريت لأن طرت على بالي بنتي عبثية اسم الله عليها

أخاف لا قدر الله يعورها ولا يطيح عليها ما يسوى

أسوي رياضة بروحي وخلاص

إذا ما في أمل تستخدمين الجهاز عرضيه للبيع وايد ناس يبونه مستعمل لأن يدرون إنه مستعمل بالاسم فقط ههههه

موفقة حبيبتي والله يحفظ لج وليدج

 

[بـ سـ كـ وتـ ة]

اليوم قبل الريوق خذيت لي سناك موزة

وريوقي زدت الكمية صراحة لأني ما أضمن أقدر أتغدى وما أبي يصير فيني نفس أمس تعبت وهبوط وحالتي حالة

تريقت حبتين توست أسمر بجبن شيدار وحبة كرواسون زعتر الفيصل مع كوب شاي

 

[بـ سـ كـ وتـ ة]

الضحى شربت كوب هوت جوكليت وبس

والعصر حبة وحدة برينجلز بالملح

وبس

برجع البيت أشوف شنو أتعشى ان شالله

 

[بـ سـ كـ وتـ ة]

http://www.up-king.com/

تعشيت عيش ودياي ما كان في غيره في الكافتيريا


خذيت صحن صغير تقريبا ملاس واحد مع عصير برتقال فريش


وما سويت رياضة

 

[بـ سـ كـ وتـ ة]

اليوم ريوقي



حبتين توست أسمر مع قفشة جبن جوكا

وعصير أناناس كي دي دي

بعد شوي بشرب شاي وحليب

احتمال أتغدى واحتمال ما يمديني كالعادة هههه

بحاول أشرب ماي أكثر ... هالأيام ما أقدر أشرب ماي على راحتي لأني ملتزمة مع مديري ما أقدر أتحرك وايد من مكتبي

 

[بـ سـ كـ وتـ ة]

حبيت هالصورة ... حسيتها تسهل الأمور وتعطي دافع

قلت أشارككم فيها يمكن غيري بعد يستفيد

 

[بـ سـ كـ وتـ ة]

تكملة يومي أمس


تغديت الساعة 4 إلا ربع تقريبا فيليه سمج وودجز من 5 إلى سبع حبات
وسلطة جكن سيزرز مع ماي


ورحت معرض الكتاب مشيت أكثر من ساعتين وآنا شايلة كتب يعني
تمرين آيروبيكس وتمرين قوة في نفس الوقت


طبعا غير الركضة ورا بنتي الكتكوتة


وفي الدوام طول اليوم كنت أستخدم الدرج


والساعة 12:30 بالليل تقريبا حسيت بيوع كليت طاسة روب مع خيارة وحدة ونتفة ملح




والحمدلله عدى اليوم على خير

 

[بـ سـ كـ وتـ ة]

اليوم الصبح



نازلة 700 جرام


طبعا الأسبوع اللي طاف كان مخربط وفي أيام كنت أخورها بالأكل
فالنتيجة مرضية جدا جدا جدا بالنسبة لي بصراحة


والويكند باخذ راحتي شوي بالنهار وبالليل ان شالله أخفف


والأحد بداية يديدة بإذن الله


http://www.up-king.com/

قمت امبجر اليوم وزهبت أكلي




صمونتين بتوست أسمر وعلبة روب


تريقت ساندويتش وحدة


والغدا بشوف الكفتيريا شمسوين ... إذا مافي شي صحي معاي

ساندويتش وعلبة روب


وإذا تغديت من الكفتيريا بخلي اللي معاي عشا


يعني هالأكل back up عن الوهقة

 

[نيرفان]

مبرووووووك حبيبتي ع النزول

موفقه متابعتك

 

[بـ سـ كـ وتـ ة]

شكرا حبيبتي نيرفان عالمتابعة


الله يوفقنا احنا الثنتين ويوفق الكل ويوصلنا أهدافنا يا رب


أمس كان يوم مفتوح خذيت راحتي


واليوم بعد راح يكون مفتوح لأن أمس بنوتي الكتكوتة ما خلتنا نتعشى مثل الناس فمعانا بيتزا خذيناها تيك أوي

وشكلها مقربة الجميلة فبخاطري ككاو أمس ما كليت


ومن باجر ان شالله ببدا نظام قاسي شوي بس عشان أحرك الميتابوليزم


ومنها تنظيف حق جسمي من السموم لأن صاير يطلع لي دمامل


راح يعتمد نظامي عالماي والخضرة والفواكه واللبن كامل الدسم كمصدر للبروتين والدهون


ومن ثاني أو ثالث يوم راح أسمح حق نفسي بوجبة عدلة بحدود المعقول عالغدا بس

 

[بـ سـ كـ وتـ ة]

تغيرت الخطة اليوم

تريقنا برة البيت رحنا بوفيه السوليدير

اعتمدت عالسلطات والعصاير الفرش بشكل كبير وعموما الأكل كله كان مفيد وصحي ما عدا الهوت دوج

ما تغديت ولا تعشيت ... ليلحين أحس نفسي شبعانة

اي وتذكرت قبل شوي اشتهيت جيلي الكولا كليت واحد

العشا ان شالله راح يكون شي خفيف ما قررت شنو

 

[عاشقة الككاو]

عوافي ان شاءالله
وبالعكس اكلج معقول والحلويات عندج شبه معدومة ماشاءالله
هالشي بحد ذاته ينزل يسرع ف نزول الوزن

جم هدفج
احسج مو بطة حيل وجسمج متناسف بس مليانه حبتين


انا حاليا 60 وخاطري 55
لانه سمنتي مركزة تحت بالفخوذ وطولي 154

 

[بـ سـ كـ وتـ ة]

الله يعافيج حبيبتي

آنا مو ذاك الزود مع الحلو الحمدلله ... نادر ما أشتهي حلو

بس وزني زايد وايد للأسف لكن طبيعة عايلتنا سمنتنا ملمومة يعني ما تصير بالعرض

وزني 75 وطولي 152 لول

بس أحلى وزن على شكلي بين 60 لي 64

لأن حوضي وايد عريض ولما أضعف أكثر من جذي يختفي الصدر وأصير تحفة فنية هههههه

حاليا ودي قبل بداية السنة أكون كسرت الـ 75 وما توصل 2014 إلا وآنا واصلة الوزن المثالي يا رب

 

[بـ سـ كـ وتـ ة]

اليوم أعتبر نفسي الحمدلله سويت إنجاز

ما تريقت

للساعة 9 الصبح شربت بطلين ماي صغار 300 مل

الغدا شوربة عدس مع خبز محمص قطعتين صغار دياي تقريبا ربع دياية وسلطة فواكه

رمان وبرتقال وكيوي وكوجة

قبل شوي حسيت بهبوط كليت حبة فيريرو روشيه وحدة

وان شالله عالعشا بعد ما أخربط ... يمكن آكل سلطة فواكه مع لبن مراعي صغير

وإذا حسيت نفسي ما شبعت بفوح لي بيضة

 

[عاشقة الككاو]

ممتاز حلوو يومج وانجاز عظيم


انا امس ريوقي كان 2 بيتزا قيصر وقطعتين مربع صاج فلافل باللبنه.. و 3 مني كبة كانوا مسوين بالدوام ريوق جماعي ف اخذت راحتي شوي

واخذت اكلير الي داخلها كاستر قلت اكلها مع القهوة وشربت برتقال كي ديدي


والسناك بعدها شرب برتقال فرش


والغدا
خبزة ايرانية مع شوووية سمج مفتفت بس ما كثرت لانه كانت مالحه حيل

بليل اكلت الاكلير بروحها وشربت كوب شاي اخضر


وبس


اليوم ريوق توست بالحليب الي جيسة ازرق ما حصلت اسمر للاسف

وشريحه جبن لابت بحبة البركة من وفرة لانه عندي نقص كالسيوم ف تعمدت اكل هالجبنه الفرش مع اني من ربع جبن قلاص وكيري ومثلث بس شسوي


واكلت ربع فطيرة فلافل باللبنه وكوب حليب قليل الدسم

والحين حاسة بقرصة جووع لاني تريقت مبجر ومو عارفة شاكل !!


واليوم بنروح حفله ومسوين بوفية وودي اكل من هناك السلطات والمشاوي والصحي بس الله يقدرني
شكلي بشرب قهوة تركية بدون سكر وحبة دايجستف



موفقه

 

[بـ سـ كـ وتـ ة]

بالعافية ان شالله

إذا ما تحبين الجبن الأبيض في بدائل

شربي حليب ككاو ما دام عاشقة الككاو ترى كي دي دي قليل الدسم مو كامل الدسم

أو شربي لبن إذا تحبينه

والروب هم مفيد وايد وفيه كالسيوم بنسبة كبيرة

وعشام ما تقيدين نفسج بالألبان اكلي سبانخ وبروكلي ومكسرات وحب شمسي وبقول ترى كلهم فيهم كالسيوم

والسردين إذا تحبينه فيه نسبة كبيرة من الكالسيوم

وحاولي تقللين قهوة إذا كنتي تشربين وعرضي جلدج حق الشمس كل ما قدرتي لأن فيتامين دي وايد ضروري لامتصاص الكالسيوم

وذكرت بعد شغلة

حمصي سمسم شوية وطحنيه واكلي منه قفشة وحدة أو خلطيها مع السلطة أو الروب أو الشوربة إذا ما تحبين طعمه

ترى مصدر ممتاز للكالسيوم

وان شالله ما تشوفين إلا العافية