law love في ايطاليا 2011 :)

[هاديهـ&مطيعهـ]

ماشالله تبارك الرحمن عليكم بالعافيه رووووووعه التقرير
بس سؤال صريح اي الأحلى لندن والا ايطاليا

 

[law love]

نكمل

بعد ما رجعنا من اوت لت سيرفالي و تعشينا ماكدونالد :ch12:

قعدنا نتشاور نروح باجر اوت لت سيرفالي ولا لا نقضي اليوم بميلان بالدومو (الساحه الرئيسيه)

و من كثر ما عجبنا فوكس تاون و توفقنا ببعض الاشياء باسعار حلوه :eh_s(15): قررنا نتوكل على الله ونروح الاوت لت الثاني اللي اسمه سيرفالي :eh_s(9):


معلومات جمعتها قبل السفر

اوت لت سيرفالي يفتح يوميا من 10 الصبح ليه 8 بليل

يبعد عن وسط ميلان ساعه

طريقة الوصول عن طريق شركة zani viaggi اللي مكتبها موجود بالدومو

التكلفه 20 يورو للشخص روحه ورده (اعتقد الاطفال ارخص بس مو اكيد)

الباص ينطلق من ميلان كل يوم الساعه 10 الصبح و الساعه 11.20 يوصل الاوت لت

و يرجع من الاوت لت الساعه 5 و يوصل 6.30 المغرب

مكان انطلاق الباص عند قلعة كاستلو اتروحون لها بالمرور بشارع دانتي

الوصف خلي كنيسة الدومو ورا ضهرج ايج شارعين اخذي الشارع الكبير اللي على اليسار اسمه دانتي اخر الشارع دوار و بعده القلعه من بعيد اتشوفونها .




من الليل كلمنا الرسبشن عن طريقة الحجز و قالنا لازم تروحون و سئلنا اذا في احتمال ما نلقى تذاكر قالنا مو مشكله اهوه بيحجز لنا بالتليفون اول ما يفتح المكتب الساعه 9 الصبح :eh_s(9): و احنا انروح ندفع :eh_s(15):


قعدنا من صبااااح الله خييير و طلعنا على طول نتريق

سئلنا الفندق عن الشارع وقالنا اخذو يسار و خطرو الشارع و انتو عنده :eh_s(15):


و رحنا للشارع المطلوب وطلع شارع طويييل كله كفتريات و مطاعم و محلات متنوعه و تمينه ندخل و نطلع من الكفتريات اندور لنا وحده و لانه طالعين مبجر في كفتريات توها تفتح و كفتريات ما فتحت و المحلات ليلحين ما فتحت تقريبا الساعه 8 كنا نحوس بهالشارع و برررد


هذا الشارع





اسمه




شوفو القلعه من بعيييد الضباب مغطي عليها










و مشينااااا لين اخترنا كفتيرا تشووووق نسيت اسمها تلقونها يم محل لش مال الصابون و مجابله سيفورا مال المكياج


و قعدنا نتريق


شوفو اكلها



























​

 

[law love]

بعد الريوق الحمدالله :eh_s(22):

وصلنا ليه المكتب مال الرحلات طبعا هالمكتب نفسه اللي قلت لكم عنه يروح الفوكس تاون و يروح فنيسيا بعد كرحله سياحيه و الباص السياحي اللي يلف المدينه و وااايد اماكن تقدرون تاخذون البروشور من الفندق


هاذي الشركه





وصلنا قبل لا يفتح بدقايق وقفنا عنده و بسم الله صار دوور ورانا من الاجانب :eh_s(10): احنا اووول ناس

دخلنا وحجزنا وقالنا 9,30 راح تلقون الباص واقف عند المكتب


رحنا نتمشى عند القلعه و نصور على ما يجهز الباص وكان برررررررد :eh_s(16): بس الله يعافي الكوتات و البوتات

هاذي القلعه














هذا الباص





ورحنا الباص مبجر و قعدنا بخوش مكان 4 كراسي متجابلين و بالنص طاوله

طبعا نصيحه ركبو الباص مبجر لانه بدقيقه يفول و ممكن ما تلقون يم بعض كراسي

الباص نظييف و ممنوع الاكل فيه بس ماي


و انطلقنا :eh_s(9):

يتبع .....​

 

[law love]

و انطلقنا بالوقت المحدد :eh_s(15):




و الجو بررد و ضباااب يهببببببل




وصلنااااا




الاوت لت بالبنيان والشكل نفس اوت لت بستر فلج لندن و ذا فلج فباريس و اوت لت برشلونه ....الخ

بس هذا اكبر اوت لت شفته باوربا :eh_s(1):

صور متفرقه

واي هذا جنه مركب بالصوره :bbbiu:













شوفووووو برادا شلون الطابور لانه مووو طبيعي :eh_s(11): ابي ارددددد








هذا الباص جنه مال المدينه الترفيهيه ايب الناس من مواقف السيارات بس الباص يوقف عند المدخل :eh_s(15):



يتبع .....






​

 

[law love]

بعد اللويه و التفرفر قعدنا نتغدى ببرجر كنج







و رجعنا نكمل تسوق و حووسه لين صارت الساعه 4.30 تقريبا و رحنا للمكان اللي وقف فيه الباص عشان نلقى مكان زين

و الحمدالله قعدنا نفس مكانه و انطلق الباص الساعه 5 المغرب

طبعا الوقت حييل مناسب للتسوق و يكفي و يزييد بعد


الباص بالروحه كانت الاوادم مصحصحه و قررررقه صكو روسنا خاصه امهات عيون مشششخطه ما يسكتون :rgewrg:

بالرده الكل ناااايم صكو ليتات الباص و الناس شخخخخري

و بالرده كاااااان برررررررررررررررررررررد حيييييييييل وقف الباص عند الشركه نفس المكان و رجعنا الفندق مشي و ما يمنع دشينا جم محل مع انه كنا دايخيييين لووول

و احلى شي يوم شفنه علم الكويت مرتز بهالشارع








وصلنا الفندق و رتبنا اغراضنا للانطلاق غدا الى فنيييييييسيااااااااا :eh_s(22):



​

 

[law love]

مشكوووورين بنات اسم اسم وجودكم يشجعني اكتب بس والله الدنيا تلهي


هاديه و مطيعه

سؤالج حييل صعب ممممم

شوفي انا لندن حافظتها عدل يعني قبل لا نقرر نروح ايطاليه لندن كانت على البال بس قعدنا نتخيل اذا رحنا لندن شنو راح نسوي !!

و الله حافظينها عدل و قعدنا نقول بنرد حق نفس الاماكن اللي كل مره نروحلها

نبي نغير حرام كل مره نسافر و نحدد ميزانيه و اخر شي ما نشوف شي يديد !

ليلحين اقول لندن تهبل و احس فيها براحه مو طبيعيه و امان و اللي ما راح لها لازم يزورها

لكن احنا شبعنا منها نبي نشوف اماكن يديده


ايطاليا حلوه حبيتها لكن انا شفتها بالشتا فماكو زحمه و على راحتنا و اهيا بالصيف حرر و في اشياء تسكر شهر 8

يعني ميلان حدها 4-5 ايام اذا بتروحين الاوت لت اذا لا 3 ايام كفايه

فنيسيا ليلتين كافي عليها اذا تحبين السوق

المره اليايه ان شاء الله نروح روما و نابولي


و مممممم و بقولج شي ترى ولهت على لندن و موجوده الرحله باللسته !

 

[نووووونا]

حمدالله عالسلامه لف لو

تقرير روعه تبارك الرحمن عليكم بالف عافيه


متابعه

 

[om-Jana]

وااااااي ابي ارجع الاوت لت خخخخ
بس امهات العيون المشخطه يااااااااا ربي عليهم بدون تعليق خخخخخ

ناطره حبي الاول والاخير فينيسياااااااا

 

[om-Jana]

اطالع تقريرج واطالع صوري ههههه حلوه الذكرات

 

[عزاااه]

اب اب حلو كملي

 

[Hello_kitty]

واااااااااااو ماشالله البارت الأخير موو طبيعي عيشتينا جوووو

حيل حبيت الأوت لت حسيته يستاهل العنوه يشوووووووق

عليكم بالعافيه

كملي متابعينج

 

[الدلال]

تقرير حلو مثل صاحبته

الف الف شكر يالغاااليه

 

[كويتية82]

اب اب

كملي نااطرينج

 

[rawona]

يستاهل التثبيت

rawona
مشرفة قسم السياحة والسفر

​

 

[ام مهاوش]

وااااااااااااااااو مبروك على التثبيت خوش تقرير يستاهل الصراحه
ناطرين التكمله لا تتأخرين علينا

 

[عزاااه]

اي والله لا تاخرين علينا

 

[هاديهـ&مطيعهـ]

مبروك التظثبيت تستاهلين
ناطرين التكملة

 

[law love]

نكمل

بعد ما رجعنا من اوت لت سيرفالي قعدنا و رتبنا اغراضنا عشان من باجر بنروح فنيسيا :eh_s(7):

و كالعاده كنت عارفه الطريقه اللي بروح فيها فنيسيا

من ميلان الى فنيسيا : مدة الرحله 3 ساعات تقريبا او اقل شوي مو مثبته

القطار من محطة ميلان الرئيسيه milano centrale نفسها اللي رحنا منها ليه اوت لت فوكس تاون
الى محطة القطار في فنيسيا سانتا لوشيا (لازم اتقولون اسم هالمحطه اذا ييتو تحجزون تذاكر لانه فيه 2 وحده في اليابسه و الثانيه مائيه اللي اهيا سانتا لوشيا ) و هاذي المحطه اللي كلنا نبيها

سعر التذكره يختلف باختلاف الوقت بس تقريبا 65-70 يورو للشخص

اتصلت على الرسبشن و بلغته انه احنا باجر بنطلع من الفندق و بنخلي جناطنا الكبار عندهم و بناخذ الهاند باج و بعد يومين بنرجع ناخذهم و طبعا ما مانع هالشي و احنا متعودين على هالطريقه بكل دول العالم نخلي اغراضنا اللي ما نحتاجها دام انه راجعين للفندق .:rerrerek:

و سئلته عن مواعيد القطار ليه فنيسيا و سئلني متى بنروح و متى بنرد و استئذني انه راح اييني الغرفه ! :eh_s(1):


مسكيييين طلع طابع جدول الرحلات من النت و صاعد اراويني ياه و يفهمني عليه :ggdw:

و هذا الجدول للروحه



الاوقات اللي داخل المستطيل الاحمر هاذي الاوقات اللي يتحرك فيها القطارالصبح باليوم اللي اخترنا طبعا في بعد هالاوقات وايد بس احنا قلناله الصبح فطبع اوقات الصبح قلناله نبي من 9 و طالع


اللي بالمستطيل الاسود هاذي اوقات وصول القطار الى فنيسيا


اللي بالمستطيل الاخضر مدة الرحله من ميلا الى فنيسيا و لا حظو في اختلاف


اللي بالمستطيل الازرق رقم الرحله تحتاجونها بالمحطه عشان اتعرفون اي قطار تركبون


اللي بالمستطيل البنفسجي سعر التذكره للدرجه الاولى ولاحظو الاختلاف


اللي بالمستطيل البرتغالي سعر التذكره للدرجه السياحيه ولاحظو الاختلاف


طبعا في قطار بطيئ و راح تلاحظون مدة الرحله 3 ساعات و يكون ارخص :eh_s(10):

و هذا جدول الرجعه بعد يومين





مبدئيا اخترنا الرحله اللي الساعه 9,35 الصبح :ggdw: و نشوف على قومتنا الصبح


قعدنا مبجر و على طول دقينا عليهم خذو جناطنا الكبار و خذينا الهاندباج بيدنا و انطلقنا للمحطه عن طريق المترو بنفس طريقة روحتنا للفوكس تاون


و صلنا المحطه و نفس المكان اللي حجزنه منا تذاكر الفوكس تاون حجزنا منه حق فنيسيا

ملاحظه : اذا حجزتو الروحه و الرده بنفس اليوم التذكره تطلع عليكم ارخص فسئلو عن هالشي بس لازم تنقون موعد القطار للرجعه و طبعا تكونون ملزومين فيه احنا اخترنا العصر كحل وسط

ولاااااازم اتقولون انكم تبون تذاكر لفنيسيا محطة سانتا لوشيا مو بس فنيسيا ولا بتعطيكم بكيفها الموظفه و تتوهقون :eh_s(4):


المهم بعد الحجز رحنا نتريق على ما ايي موعد قطارنا وهذا ريوقنا







خلصنا و قرب موعد القطار و قعدنا نقرا الشاشه عشان نعرف قطارنا على اي رقم واقف و اهني اتي فايدة رقم الرحله اللي قلت لكم عنه و تلقونه طبعا بالتذكره

و طبعا كنا حاجزين على الدرجه السياحيه و هاذي الكراسي








يتبع .....

​

 

[عزاااه]

اب اب

 

[عزاااه]

كملي متابعين