Make over Girls Diet عدنا من جديد

[عليـاء]

شربت من شوي
- عصير أناناس بالكيوي
وبعده بنص ساعة شاي أخضر بالزنجبيل
وسويت تمارين معدة وكتف

اشوفكم بكرة بنات

 

[كويتيهx5]

العفو حبايبي

هلا علويه لا باجر ان شاء الله بروح اقدم ما راح انا الا لما اروح اقدم والله كريييم

اخوي خذ السيارة اليوم وتوهقت.

انا توني راده من الممشى مشيت ساعه وقاعده اشرب شاي مع ما ي زعتر يخفف طعمه البديع.

انا عجبتني خلطه الشعر الصراحه.

علوي انا الافلام ما تطلع خير شر ما ادري ليش .

روزي ونشميه لورا لووو وينهم مو مبينين

 

[عليـاء]

هلا كويتية
حتى انا فكرت اسوي خلطة الشعر

كويتية
يمكن الريال بلاير محذوف عندج او ماعندج مشغل
الأفلام
انا لما احمل من ساحة اقلاع افلام عربية على طول تتحمل

 

[كويتيهx5]

هلا فييج

انا محمله واحد يديد بس ما اشتغل

 

[Eng_7asasa]

كويتية بطليهيم على winrar

وبطلي اخر بارت الثالث تلقين real player ضغطي عليها وبعدين يتبطل معاااج تجوفينا يكتمل لين يبطل على real player

 

[كويتيهx5]

مشكورة حساسه حبيبتي بجرب واشوف

 

[هـدوء]

السلام عليكم ورحمه اللع وبركاته ........

شخباركم يا حلوات ....كلكم وحشتوني ....

الحمدلله انا خلصت صيامي ومن بكره بإذن الله ببتدي الرياضه والتخفيف ......

حساسه ...احب اقرأ القصص اللي جذي تعطيني حماس ...إن شاء الله نضعف احنا بعد يا رب .......

 

[كويتيهx5]

هلا هدوء شلونج شخبارج ياله شدي حيلج

 

[هـدوء]

كويتيه ...هلا والله ...وحشتيني ....هالمره ناويه صج انزل وزني ...الله يقدرني يارب

 

[كويتيهx5]

اميييين

وانا بعد اشتقتلج

اي ابي هديه عيد ميلادي تضعفييين ياله باقي شهر شدي حيييلج

 

[Eng_7asasa]

هلا هدوء خبااارج ان شاء الله تضعفين معاناا وين لوو مو مبينه اليوم؟

 

[BiiShOoO]

اهليييين بنااات شلونكم شخباركم


حساسة طووول وقتي كنت نايمة و تنوي قعدت لاني رايحة الدوام مواصلة و اول ما رديت تغديت و نمت على طووووووول

 

[Eng_7asasa]

قوة بناات شلونكم

باجر الوزن ان شاء الله وباجر اخلص ديني والخميس ابلش شوال بأذن الله

 

[ليمونه79]

مرحبا بنات اشلونكم اليوم قعدت متاخره ماتريقت بس تغديت دجاج مشوي وسلطه وبس والعصر اسوي رياضه بس ريلي تعورني حيل ومتضايقه

 

[ليمونه79]

بنات تعرفون موقع ينزل افلام يديده لاني قاعد ادش على توموفيز ما يدش

 

[كويتيهx5]

هلا لووو وحساسه وليمونه بالعافيه

باجر الميزان هااا شلون خايفين وله عاادي


انا بعد حساسه باجر اخلص ديني ان شاء الله.




ليمونه myegy

 

[Eng_7asasa]

اي ان شاء الله كويتيه لا مو خايفييين ان شاء الله ما يفشلناا الميزان ههههههه

اليوم بحطلكم سارا جسيكيا باركر امس طلبت مني علويه

اول شي تحب دايما تمشي يعني تجنب انها تستخدم السيارة وتستخدم دايما السلالم بدال الاصنصير بمعنى ثاني حركيه

وايد

ثاني شي ما تسوي تمارين متواصلة تسوي كل عشر دقايق كل ثلاث اربع مرات وهل الشي اثبتوه برياضة انه يخليج تحرقين
اكثر لانه مثل قاعد تخدعين جسمج وتخلين يعتقد انج قاعدة تسوين رياضة اكثر من 40 دقيقة متواصلة الي جانب هل الشي
تلعب يوغا و بليتس قبل

تاكل حصص صغيرة من الاكل و تستخدم ماعون صغير عشان ماتاكل وايد

وبعد تستدخ القياسات يعني تاكل لحم او ددياي بس بقياس معين وتاكل الخبر مثلا ربع خبزة وتاكل بطاط كبر كرة التنس يعني كل شي توازنة هل الشي يخدع العقل انج قاعدة تاكلين اكثر بس انتى قاعدة تاكلين اقل وتستخدمين اصناف متععددة

رجيمها يعتمد على البروتين العالي و كبروهيدرات اقل

وبس اتمنى انكم استفدتو

 

[كويتيهx5]

نفسي احب اتحرك واييد على قوله ابوي ينيه ههه واسفط سيارتي بعيد عشان امشي

يعطيج العافيه حساسه

 

[BiiShOoO]

قووووة بناااات شلونكم شخباركم


توني رادة من الدوام و قاعده اكل ستيك مشوي و سلطة

 

[Eng_7asasa]

يعافيييج كويتيه

لوو بالعافية الاستيك