Make OVERs Girls diet بشكل يديد وحماس اكثر حياكم

[FuLL.MooN]

السلام عليكم
صباح الخيير هلا والله لالا مو اخربط اخربط بس اخربط لوووول
ودي أسوي ريجيم التمر واللبن اشرايكم ؟؟ على القل أكسر ال 110 .. بس كله احاتي ارد اسمنهم بسرعة

انجل79 ترى سوري انتي سألتني عن اللعبة بس النت ماشبك تالي انا صرت وايد مشغولة اللعبة عجيبة وتحرك جسمح كله بس الخطورة بالأشعة وخريها عن وليدج

 

[Eng_7asasa]

اي لازم ولا ما تصيرين فل موون

توني كليت تفاحة

غداي دياي مشوي مع سلطة و شوية عيش

بناات ماتحسون مرات انه استغفرءالله اجبودنا لاعت من الدياي المشوي مشوي والله لازم كل رجيم دياي مشوي لحم مشوي

بدورلي طريقة كل ساعة عشان ما امل

 

[FuLL.MooN]

لوووووووووول
الله كريم اييه والله وعيب المشوي لازم حلو والله صعب تاكلينه بروح او معاه بيبسي
انزين ماقلتولي شلونكم مع ريجيم التمر واللبن

 

[Eng_7asasa]

ماسويته مره جربت اسويه بنص اليوم ماقدرت وايد ايوعج مادري انا حسيت انه بطني كل خالي

ماحبيته

 

[almassa]

السلام عليكم

تريقت الساعه 8
4بسكوتات لايت مع حليب+ عصير برتقال


الحين بتغدا
سلطه جرجير>>>بالغصب لان شعرري حيييييييييل يطيييح
مافن
موزه

شرايكم ؟؟
بعد شوي بناااام واذا قدرت بسوي رياضه اليوم 45 دقيقه ان شاءالله

 

[عليـاء]

هلا بنات
شلونكم
اخيرا استعدل النت عندي
يارب كلكم بخير وملتزمين ياحلوات
وشكرا لكل اللي دعوا لي توني اقرا الصفحات
فديتكم كلكم

فطوري
- 3 شابورة
- لبنة لايت
- شاي

الغداء
- سلطة
- تفاحة

للحين على ريجيم الخمسة اللي يعيني وأكمل يارب

 

[عليـاء]

كويتية
ايش صار على الشغل
فيه اخبار يديدة

بنات في قناة في الشو تايم
اسمها ستايل لو تشوفون القناة عمركم ماتاكلون ههههههههههههه
من كثر الرشيقات والبرامج واللبس
طول اليوم حاطته ههههههههههههههههه

 

[Eng_7asasa]

هلا الماسة بالعافية انا من راي تشيلين الموزة و المافن

وتاكليلج توسته وجبن لايت

موزة اخذيها الصبح لانه سعراتها عالية والمافن خليه سناك العصر

علوية بالعافية عليييج بس شكلة شوي فيه حرام ان شاء الله تكملين ونتايج تكون حلوة

 

[عليـاء]

هلا حساسة
الله يتمم عليج انتي بعد
اي والله الأكل شوي - بس الحمدلله
ان بالليل تاكلين فاكهة بشكل مفتوح ولازم ماي وايد
ان شاء الله اشوف نتيجة حلوة وياكم كلكم يارب

 

[Eng_7asasa]

اي امبله علويه عرفتهااا اتينين اصلن

انا من اجوف المسلسل مال 90210سمبتيك والله قمت احب اصير عصاقل هههههه احس خفيفة وطايرة

اهبلون والبشرة اتينن ويهم لا خدود ولا شي انا ويهي مافيه متن بس اعرف نفسي من ويهي تطلعلي اقزوز اصغار لمن امتن قطيعه

 

[عليـاء]

ههههههههههههههههههههههههه
اي والله انا مثلج صايرة حتى الجسم العادي مايعجبني هههههههههه
احب الجسم الضعيف كلش امس اشوف اللي اصلها فلبينة مدري وشو تقدم
برنامج اللي يغيرون فيه شكل الوحدة وهي ضعيفة وصغنون شكلها طالع ولابسه فستان ازرق فاتح
مت على الفستان هههههههههههه
ياربي يعطينا بصحة وعافية يارب

ام خدوجة
وينها ماتبين
يارب تكون بخير

 

[Eng_7asasa]

اي وحدة مارفتها اي اتحسين الضعيفة اتكوون كيووووت

ام خدوجة لاهية مع بنتها و ريليها الله يخليها اياهم ان شاء الله

 

[Eng_7asasa]

اي كويتية

اذا عندكم جريدة الوطن

منزلين وايد اليوم اعلانات حق الوظايف

اخذيهم ودقي او روحيلهيم

 

[Loving Stella]

السلام عليكم شخباركم بنات :icon30:

ان شاء الله الكل بخيييييير
بالعافيه بنات كلكم بدون استثناء و الله يتمم عليكم الاراده و الثبات اللهم آمييين

انا الحمد الله رديت لصوابي بعد تخربط الويك اند و الله الثبات من رب العالمين يا رب تعييني مااخربط و اتحرك شوي

المهم

يومياتي اليوم

خذيت لي لاتيه الصبح مع تمره و حده

و غداي كان سلطه وايد و دياي مشوي و نتفه سمج ذواقه فيليه

و بعد شوي اخذ سناكي :nbptr:

 

[om.5doja]

السلام عليكم

شخباركم ياحلوين

والله ولهانه عليكم بس شسوي والله هاليومين ظروفي بالعتني بلع لوول

بس الله كريم

انا كنت مقرره ابلش برجيم التمر واللبن بس امي ذبحتني واهي تزف علشان ارضع بنتي مع انه كله حليب ولبن عادي !!

بس يالله علشان امي قلت بغيره وماني مكملته

ورديت على نظام ال 5 ايام 5 كيلو معاج علووويه

والله يسهل علينا اللهم امين

عليكم بالف عافيه ياااااااااااااارب كلكم والله يقوي ارادتكم يارب اللهم امين

 

[Eng_7asasa]

بالعافية ستيلا الله يفكنا من التخربط

جناا الاكل بيطير والله مرات لمن اخربط احس نفسي غبية

 

[FuLL.MooN]

السلام عليكم
هلا والله انا قررت بعتزل الريجييم حدي ماكو مني فايدة بس بدش اشوف شلونكم

 

[Loving Stella]

آمييين ام خدوجه عسى الله يتمم علينا و ننزل بصحه و عافيه اللهم آمين


حساسه ... لووووووووول انا بعد احس نفسي غبيه لمن اكل كل شي بوقت واحد جنه ماكو اكل الا هاليوم

توني كليت 4 قطع كاكاو صغار و اهوا سناكي و بعد شوي اشرب النسكافيه
و الحين اشرب ماي الزعتر

 

[om.5doja]

فل موووووووووووووووووووووووووووووووووون لا لا لا لا لاتقولين جذي

والله تقدرين والله تقدرييييييييييييييييييييين

 

[Eng_7asasa]

فل مووون لي متى يعني ازف فييج


شكلج دبيتيه على الغد ؟؟؟؟؟؟؟؟؟؟؟

لي متى بظل رشاقة حلم يعني ترى مو صعبة اتحقيقنة

هلا ام خدوجة اي

انا حسيت جذي حتى لو جسمج محتاج عناصر وايد دامج اترضعييين

اي ستيلا انا بروح حولي الحين بشتريلي برنامج حق الجامعة وبشترلي الوان حق طابعتي اجوفكم عبى خير بعدهاا