Make OVERs Girls diet بشكل يديد وحماس اكثر حياكم

[ليمونه79]

مرحبا بنات انا اليوم تريقت قلاص حليب ةتغديت همبرجر وسلطه وبس

 

[om.5doja]

مراااحب اهلااا ليمونه

عليج بالف عافيه

ليمونه حبيبتي اذا كنتي تكتبين وماتشوفين ردودج دشي على الانتقال للوضع المتطور اللي صوب الرد

وهناك تشوفين الكلام

لانه الموقع صارله فتره يعلق

 

[Eng_7asasa]

قوة بنات شلونكم

انا صارلي يومين مادري شفيني ذاك الاسبوع ملتزمة شحلاته بس هل الاسبوع كلش مضايقة من نفسي

الجامعة عافسة كل شي

المهم ريوقي كان توسته و تركي بس كبيرة شوي من سكوند كوب مع دايت وبس ادعولي بناات الله يوفقني بدارستي واتخرج واضعف

مادري شفيني هل اليوك يمكن عشان الوي الي طااف وايد قاسي الدايت علي

 

[om.5doja]

هلا حساسه

الله يوفقج ياقلبي ويسهل عليج اللهم امين

حبيبتي اكبر غلط لما الواحد يسوي نظام واهو مايقدر عليه او انه لما يسويه يكون حارم نفسه ويقول يالله كلها جم يوم

لانه اذا خلصتي فتره هالنظام وانتي مسويته غصب ونفسج مو راضيه عليه راح تخربينها بعدها وبتضيعين الايام اللي تعبتي فيها وتردين اللي نزلتيه

اهم شي انج تسوين اللي يريحج انتي

يعني في ناس يريحهم القاسي عادي ولين ينزلون يمشون على اي نظام حياة وخلاص

وفي ناس يحبون التخفيف صج المده بطول عليهم بس عالاقل بيوصلون للوزن اللي يبونه من غير لايحسون بحرمان بداخلهم

وفي لا يبون نظام معين ويمشون عليه وبعدها عاد يحافظون على وزنهم

اللي انتي سويتيه ياقلبي حتى ستيلا نفس الشي

سويتو النظام وانتو مو راضين عنه بعدها خرتوها وحسيتو بزهقه من الرجيم

اختاريلج اللي يناسبج ياقلبي والله يوفقج يارب

الله يضعفنا على عافيه اللهم امين

وقوي ارادتنا جميعا يااااااااااااارب

 

[om.5doja]

انا تغديت صدر دياي مشوي ويه فلفل اخضر شاويته

وقبلها بساعه كنت شاربه قلاصين ماي

وبليل ان شاءالله بتعشى روب

ومن باجر التزام بالتزام بنظام ال 7 ايام اللي قتلكم عنه

 

[om.5doja]

طبعا كالعاده نايمين

المهم اللي يصحصح شوفو هالموضوع روووعه


http://q8yat.net/showthread.php?p=13751337&posted=1#post13751337

 

[Loving Stella]

السلام عليكم بنات
اول شي اشكركم وحده وحده عالتشجيع و النصايح على راسي كلكم والله
انا مادري شفيني متلخبطه اموري وعوار بطني من المسعده للحين مانزلت فا متعبتني وزايده مادري جم كيلو
معنى امشي مرات ان شاء الله ترد الامور مثل ماكانت وارد التزم مضبووط لانه هالوضع بخرب كل شغلي خلال سنه رياضه و رجيم

 

[Loving Stella]

السلام عليكم

شخباركم بنات والله اشتقتلكم بس لهيت هاليومين والله من شي لي شي الله كريم والحمدالله على كل حال

حبيبتي كويتيه والله ولهانه عليج بس والله ظروفي اقوى مني

ولهت عليكم كلكم صراحه


ستيلا ياقلبي لاتضايقين والحمدالله ترى الانجاز اللي سويتيه مو شويه والله احنا شهر شهرين وطق جبدنا اسمالله عليج الرحمن صارلج على كلامج اكثر من سنه وشوي والحمدالله كل مالج وتنزلين لاتضايقين انتي حاسه محتاجه فري اخذي واذا تحسين النظام اللي تمشين عليه مو عاجبج غيريه
واذا لاعت جبدج حاليا من الرجيم حاولي انج تقطعين العشا وتوقفين اكل من بعد الساعه 5 وقبلها كيفج طبعا مو على طول بس على الاقل فتره
ويكون احسن واحسن ياقلبي لو دوريلج نظام حلو وكل 6 ايام رجيم غير يعني مثلا سوي رجيم المطوع اول 6 ايام بعدين يوم فري كله وبعدها مثلا رجيم طالب 6 ايام وبعده فري وبعده 6 ايام دشتي ويوم فري جذي عرفتي !! علشان لاتملين بس اسمالله عليج عيني عليج بارده صج صج عليج اراده حديد ماشاءالله عليج الله يتممها عليج ياقلبي ولاتحاتين كملي مشوارج وكلنا معاج وان شاءالله توصلين للوزن اللي تبينه حبيبتي اللهم امين يارب العالمين موفقه حبيبتي

حساسه هنوفه ليمونه ماف راسها انصاريه الماسه فل مون لووو علووويه

ان شاءالله كلكم تكونون بالف خير يارب

حبيبتي خدووج والله صح كلامج و مقنع حده و صح كلامج انا اخذ فري ترفيه يوم بالاسبوع او كل اسبوعين مره عشان ما اتملل .. بس والله شعور اني اقوم من النوم خفيفه بدون عشا احلى من شعور الاكل مليون مره خلاص المعده تأقلمت على اكل قليل سبحان الله
و بإذن واحد احد انا مكمله الرجيم و الرياضه لواخذ مليون فري ماردي عالرجيم لانه صج كل كيلو ياخذ من مجهود نزول مو شويه صدقوني
و حاشتني ايام يثبت وزنى وانا ملتزمه فا والله لواكتب كتاب عن قصتى مع الرجيم ما يكفيني 300 صفخه لانه صج جهاد انج تنامين بدون عشا و جهاد انج تلعبين رياضه ونتى فيج النوم و متكسره من الدوام و ايام خاشتني اكون يايه من اسوي رياضه و انا صايمه كله بسبيل الرشاقه و ان شاء الله بنوصلها كلنا بإذن الله عز وجل :ggdw:

 

[Loving Stella]

قووووة بنااات حبايبي شلوونكم و اخيرا فتح المنتدى



ستيلا نفسسي انتي انا الحين حايشتني حالة بس ابي ابلع و قاااعده احاااول اضغط على نفسي لانه مليت من المتن


و ان شاء الله الله يسهل علينا يارب

و انا مع علياء ادعي بكل صلاة ان الله يسهل عليج و تضعفين و ان الله يحقق لج الي تبين

حبيبتي لوو اي والله انا هالحاله حاشتني من قبل بس هالمره اكثر بحيث اكل و انا مو يوعانه و هالشي غلط
و ان شاء الله ادعي ربي كل يوم انه يثبتني و انزل وزني و اوزانا بصحه و عافيه اللهم امين و نولنا ربي الي ابالنا اجمعين يارب العالمين

 

[Loving Stella]

مرحبا ستيلا تبين نصيحيتي روحي لاخصائيه تغذيه هي تنظم اكلج وتعرف احسن منه انا كنت نفسج اقول ماله داعي اخصائيه انا اسوي رجيم بروحي واسبوع انزل وعشره لا لما زهقت ورديت الي نزلته وقهرت ورجعت اسوي رجيم بس عند دكتوره ترى الي اوزانهم كبيره لازم يراجعون دكتور هو يسويلهم رجيم يناسبهم ولازم تتحركين وايد اشتركي بالنادي هذا احسن حل هشان تلتزمين بالرياضه وحاولي انج تمشين بشغلج وصعدي الدرج بدل الاسنصير لا تقولين مو فاضيه حاولي تفضين نفسج باي طريقه اذا دوامج الساعه 9 مثلا قعدي الساعه8 وسوي رياضه اي نوع تحبينه وترى الميل يبدا بخطوه وسامحيني اذا ثقلت عليج لكن انا حاسه فيج لاني مثلج بالظبط وانا ازيد منج بوايد لكن الواحد شيسوي لازم يصبر ويستمر والله يعينه

لاحبيبتي ليمونه ما ثقلتي علي ولا شي بالعكس كلامج على راسي حبيبتي
انا ان شاء الله مفكره اراجع عن طبيب تغذيه ضروري حرام تعب سنه يروح جدامي بمده قصيره و صح كلامج الرياضه تغير النفسيه و تنزل وزن اسرع
و عسى الله يثبتنا يارب و نستمر عالدرب
اللهم امين

 

[Eng_7asasa]

صح كلامج الف بالميه انا كان ودي بنظام يهز السبيعنات ببلش بنظام المطوع باجر ان شاء الله

ستيلا عادي حبيبتي بس اهم شي انج عرفتي انج قاعدة اتخربطين وقفي الحين وشربي زعتر وحاولي تمشين عشان الدورة تنزل وخلي نظامج صحي لمن تقدرين تلتزمين بنظام معين عندج المطوع احسن نظام

 

[Eng_7asasa]

عسى الله يثبتنااا والله الرجيم والرياضة مع ضغط الداراسة اتحسين تعب استغفرءالله

 

[om.5doja]

حبيبتي والله ستيلا تستاهلين كل خير والله

والله يقوي ارادتج وضعفج على عافيه اللهم امين

والله لايضيع تعبج يااااارب

 

[om.5doja]

يالله ياحلوين انا بصلي الله يتقبل منا ومنكم

وبروح النادي


اشوفكم على خير

الله يوفقج حساسه حبيبتي ووفقكم جميعا يارب ويسهل علينا وعليكم اللهم امين

والله لايضيع تعبنا اللهم امين

 

[Eng_7asasa]

الله يتقبل منج ام خدوجة

اجمعين ان شاء الله

الله يوفقنا ويسيرلنا بكل خطوة قولو امين

 

[كويتيهx5]

هلا بنات شلونكم وشخباركم

بالعافيه على الكل ان شاء الله

بنات خففوا ترى التخفيف حلووو

انصاريه المحل نسيت اسمه مع اني توني راده منه هههههه

يمكن بروح الرايه في بدله حلوة خل اروح اشوفها

 

[عليـاء]

شلونكم بنات فديتكم
اليوم جيت من الدوام طلعت على طول
قلت اتشرى قبل الزحمة لأن العصر خلاص الوقت على
طول يخلص وندخل بالمغرب ومافي وقت

كويتية
قدمت على أكثر من مكان ومافي فايدة
الحمدلله على كل الحال الواحد يحمد ربه دامني بوظيفة
امشي عمري ان شاء الله فديتج

حساسة
لاتضغطين على نفسج ومثل ماقالت ام خدوج كل إنسان يناسبه شي
وكنتي ماشية مع ريجيم المطوع فكمليه فديتج

ستيلا
الله يعينج فديتج وشربي زعتر وقرفة عشان تنزل وتفكج
والتخربط اكيد منها .

ام خدوجة - ليمونة - انصارية
بالعافية أكلكم يارب

 

[عليـاء]

بالنسبة لأكلي اليوم :
- أكلت 3 موزات على فترات الصبح
غير اني شربت قرفة وماي .
الغدا على الساعة 2
- تبولة
- حبة عرايس بالجبنة
رجعت البيت شربت زعتر وشاي أبيض وماي .

سويت شوي تمارين بطن ..

 

[انصاريه قمره]

بناااااااااااااااات انا حدي متضاااايقه اليوم كليت كرواسونه الصبح وروب
وتوني قاعده من النوم اكلت كرواسونه احس مادري مو قادره امسك نفسي من الاكل بنات عفيه زفوني لعنواا خيري قبل لا اتهوور بنات ابي احسن نظام غذائي امشي عليه هالاسبوووع ووزني مو راضي ينزل تهقون من الدوره ؟؟ تكفون بنات لحقواا علي قبل لا ىاتهووور

 

[كويتيهx5]

بنات احسن حل تريقوا وتغدوا تعشوا بس فواكه نوع واحد ترى والله طريقه حلوة واتضعف انا الحين قاعده اسويها ولا احرم نفسي من شىء ولا هم يحزنون.

بالعافيه علويه وانصاريه شدووا حيلكم