Make OVERs Girls diet بشكل يديد وحماس اكثر حياكم

[عليـاء]

هلا بنات
شلونكم
وحدة وحدة
هي أيام مباركة وأكيد الكل ماعنده وقت
ولاهين
وان شاء الله بعد العيد نرجع قروب اقوى
بس مانبي نخربها إن شاء الله

ستيلا
وحشتيني وايد
عاد لاتنقطعين ياقلبي
والله ولهانة عليج - وزين تتزكريني بشي حلو ههههههههههههه
فديتج
ولاتخربينها بليز

لوو - كويتية - حساسة - ليمونة - دندن - انصارية
الله يقويكم ويزيد من عزيمتكم
ادعو يابنات الدعوة مستجابة في هذي الايام
يارب

 

[عليـاء]

نظامي بيكون هالثلاث ايام واستعداد للعيد
- بطل ماي على الريق
- كورن فليكس الفتنس مع حليب
- خيارة
- فاكهة
- اشرب سوائل عصير أو اي حاجة
- الغدا
شوربة
- العشا
فواكة
وكله سوائل ونعناع وبقدونس

لبست فستان العيد جسمي صاير حلو وايد ماشاء الله
وابي يوم العيد حتى الكرشة الصغنونة ماتبين ابي اصقع العالم اللي عندنا هههههههههههههههه
لان الفستان ستريج وعلى جاكيت فالستريج يجي صاك على الجسم

يارب ساعدني يارب
وخفف أكلي
وقربني منك يارب
أنا وكافة المسلمين يارب

 

[عليـاء]

كان خاطري احط لكم صورة جسمي بالفستان ههههههههههه
بس عاد مدري شلون مسحت الصورة

 

[عليـاء]

تريقت
كورن فليكس وحليب
خيارة
خوخة

سويت تمارين لليد والصـدر
شربت شاي أبيض

الله أكبر
الله أكبر
لا إله إلا الله
الله أكبر
ولله الحمد
الله أكبر
كبيرا
وسبحان الله كثيرا
ولا إله إلا الله بكرة وأصيـلا .

 

[Eng_7asasa]

هلا علووويه بالعافية علييج ان شاء الله

و توصلييين لهدفج انا همن وايد متغير جسمي وقمت البس سمول فوووق حدي استانست

عاد اهدوم الشتااا اتشوق وهل السنة الازوارة عندنا الله يعينا على اللويه

 

[عليـاء]

بالعافية حساسة
ماشاء الله عليج
الله يتمم عليج يارب وتستمرين لاهدافج
على الاقل لين جانا الشتا عدل نكون خلاص رشيقات هههههههههههههه

شربت بطل ماي قبل الغدا
الغدا
شوربة جاهزة للدايت
سلطة بقدونس وخيار عليها خل تفاح وليمون

الحين اشرب ماي بس يتكون من فواكة حلو وايد
وفيه 60 كالوري ومكتوب عليه انه في شاي اخضر
واتوقع انه يخليني اروح الحمام الله يعزكم وايد

 

[عليـاء]

الله أكبر
الله أكبر
لا إله إلا الله
الله أكبر
ولله الحمد
الله أكبر
كبيرا
وسبحان الله كثيرا
ولا إله إلا الله بكرة وأصيـلا .

 

[عليـاء]

اللّهُمَ لَكَ الْحَمْدْ كَمَا يَنْبَغِي لِجَلاَلِ وِجْهِكَ وَعَظِيمْ سُلُطَانِك

 

[Loving Stella]

امين حساسه مشكوووه حبيبتي عسى الله يوفقج بالد

علووويه حتى انا والله ولهت عليج و على سوالفكم كلكم :***

و ان شاء الله بمسك نفسي و مارح اهد التحدى الي بيني و بين نفسي انى انزل وزنى بصحه و عافيه للامانه انا مو حاطه رقم معيناوصله بالدايت بس مكمله المشوار للابد لانه نظام حياه و مو بس دايت ابي اكون بصحتى حتى بعمر ال 60 و ال 80سنه اذا الله سبحانه و تعالى عطانه عمر

 

[Loving Stella]

تقبل الله طاعتكم و تقبل الله منا و منكم صالح الاعمال بإذنه

مبرووووك حساسه و علووويه عال نيو لوووك الله يتمم عليكم ان شاء الله و تنزلون بصحه و عافيه

 

[عليـاء]

هلا ستيلا
الله يعطيج الصحة والعافية
ويتمم عليج
وتتخرجين يارب وأنت رشيقة
ومثل ماقلتي نكبر واحنا بصحة يارب

انا باطلع الحين
استودعكم ربي

 

[Loving Stella]

امين مشكور حبيبتي علوويه و جزاج الله خير

و الله معاج ان شاء الله

 

[om.5doja]

السلاااااااااااااااااااااااااااااااااااااااااااااااااااااااااااام عليكم

والله اشتقتلكم حييييييييييييييييييييييل

والله ادري صارلي فتره طويله بس والله ظروفي والضغوط اللي عايشتهم استغفر الله العظيم ماعندي دقيقه احك راسي

ليمه الحين هدوم عيد ماشريت تخيلو

ولا فوق هذا وزني زايد

امبي بنات والله احباط من كل مكان

رجيم ماوقفته بس وايد اخربط وااااااااايد من النفسيه والله نفسيتي صففففففففففففففففففففر . والرجيم مادري شفيني قمت اكرهه

واي يارب قوي ارادتنا يااااااااااارب ابي اضعف والله ابي اضعف

حساسه حبيبتي بلشتي مشروعج ؟؟ الف الف الف مبروك حبيبتي وان شاءالله تتوفقين يارب

كويتيه علويه ستيلا لوو ماف راسها هنوفه الماسه انصاريه ليمونه روزي

شخباركم كلكم ؟؟؟ ان شاءالله نازلين ؟؟

دندن اهلا بالوجه الجديد ان شاءالله تضعفين بصحه وعافيه

 

[كويتيهx5]

هلا يا حلوووين
شلونكم

هلا وغلا ام خدووج شلونج وشخبارج حدنا مشتاقييين

علوي الف مبرووك

وحساسه بعد الف مبرووك

انا بعد جسمي مترتبعلى المساج صاير واوو واليوم رفيجتي شافتني على السرعه قالت اني محلوة استانت

دنون ولووو وهنوف ووستيلا الماسه وانصاريه شلونكم وشخباركم

بنات شدووا حيلكم الهمه هااااا نبي على طووول

حتى بعد ما نوصل اللي نبيه نستمر لازم

 

[Loving Stella]

كويتيه و ام خدوووج الله يسلمكم والله ولهت عليكم و على اخباركم

تقبل الله طاعتكم بنات و ان شاء الله بنزل وزنا بصحه وعافيه يارب

 

[om.5doja]

حبيبتي كويتيه والله مو اكثر مني

ومبروووووووووووووك اللوك اليديد علويه وحساسه وكويتيه وموفقين يارب

ستيلا حبيبتي منا ومنج يارب .. قوووووووووولي يااااااااارب الله يضعفنا على عافيه يارب ونصير بلوك يديد ونشوووووووفج احلى عروس

ياااااااااااارب

 

[om.5doja]

ياحلوين توني تريقت 2 توست ويه لبنه

وبروح دوامي بعد شوي ماخذه اذن

وهناك بشرب نسكافيه

وان شاءالله غداي صدر دياي مشوي ويه خضار

وموفقين

 

[عليـاء]

هلا أم خدوج
وحشتينا فديتج
الله يعطيج الصحة والعافية
أهم شي انك بخير ياقلبي

 

[كويتيهx5]

هلا ستيلا حبيبتي الله يوفقج ان شاء الله

هلا امممم خدووج اي والله مشتاقيين والله يبارك فييج وبالعافيه

بالعافيه علوي شلونج

بنوتات شلونكم كلكم شخباركم

 

[ليمونه79]

مرحبا بنات اشلونكم انا اليوم رحت لموعدي والحمد لله نازله 2كيلو ونص وغيرلتي الرجيم تريقت 3شابوره ولبنه لايت وقلاص شاي وللحين ماتغديت متى تحطون النتايج مال الاسبوع الي طاف عشان باجر الوزن صحيح وله غيرتوه