بتر جكن من مطبخي (صور)

[قمه النعومه و الأنوثه]

مشكوووووووره حبيبتي على الطريقه كنت ابيها من زمان

 

[Evanescence00]

اول شي هالمقادير تكفي لجم شخص؟

المقادير تكفي ل4 اشخاص حبيبتي واذا تبين اكثر كثري صدور الدياي وبدال لا تحطين 3/4 علبه كريما حامضه حطي علبه كامله

نص اصبع زبده... شكثر يعني جم جرام ؟ لأنه اصبع الزبده اييه بأكثر من حجم

انا اقصد الحجم الوسط العادي مو العريض لا العادي اخذي نصه واهو تره على غلافه قياسات شوفي نص القياس بالضبط صراحه انا على الشوف اعرف

بالنسبه للزنجبيل .. ظروري وايد؟ عدم وجوده بيغير الطعم ؟

لا حبيبتي مو ضروري انا مرات احطه اذا موجود واذا مو موجود ما احطه بس تقدرين تحطين زنجبيل بودره تره يأدي الغرض ويعطي شوي نكهه حلوه لكن اذا ما حطيتيه هم تطلع الأكله حلوه

نفس الشي بالنسبه للكريمه ثلاث ارباع علبه... شكثر حجم العلبه اصلا؟

الكريما الحامضه تيي حجمها مثل قوطي الروب بالضبط وتره عادي اذا ما لقيتي كريما حامضه حطي روب تطلع لذيذه

فلفل العلب شنو هذا بالضبط؟

اقصد الفلفل الحار الأخضر يسمونه فلفل علوب او علب
وهم مو ضروري للي ما يحب الأكل حار

بهار التندوري هذا بهار اسويه ولا القاه ينباع بالجمعيات؟

ينباع بالجمعيه بودره مع البهارات وهم ينباع معجون ،،، المعجون تلقينه مع المخللات والزيتون المعلب والخل وهالسوالف مكتوب عليه معجون تندوري لونه احمر او برتقالي قامج اي نوع يأدي الغرض

بموضوعج تذكرين كلمة قفشه... تقصدين أي حجم بالضبط؟ ماغيرها القفشه اللي ناكل فيها؟

اي حبيبتي اقصد قفشه الأكل

بالنسبه للزيت قفشه وحده مو جنه شويه؟

لا حبيبتي مو شويه انا احط قفشه زيت بس علشان الزبده ما تحترق ويصير لونها بني مو علشان الطعم
الطعم كله بالزبده وهم تقدرين تحطين زيت عادي مو شرط زيت زيتون المهم قفشه

بالنسبه للدياي ... على طول احطه بالزيت يعني ما افوحه قبلها لمن يستوي؟

لا لا كلش ما تفوحينه انتي اساسا مقصصته مكعبات راح يستوي على طول ومع البهارات والبصل والثوم راح تروح زفرته لا تحاتين

شلون اذا بخلي كمية المرق اكثر؟

زيدي الماي والروب علشان تصير مرقه خاثره
يعني اذا زدتي الماي ولقيتي المرقه صارت خفيفه حطي عليها روب
بس الروب او الكريما الحامضه حطي عليه قفشتين ماي علشان يصير سايل وخلطيه عدل لين تحسينه صار سايل وبعدها حطيه فوق المرق وعلى فكره كل ما غليتي المرقه ويتبخر الماي وتصير خاثره بس لا تحطينها على نار عاليه عشان ما تحترق

وبالنسبه لعيشج الاصفر شنو طريقته.. شنو بهاراته

حبيبتي العيش الأصفر كلش ما يبيله شي
انا اكون مذوبه مكعبين ماجي في 3 قلاصات ماي حار ومزهبه قفشه كركم وسط
اوي شي احط دهن في الجدر واحط العيش واحوسه بالقفشه شوي وبعدها احط فوقه الماي الحار اللي مذوبه فيهم الماجي واحط عليهم ملح وبعدين كفشه الكركم واحوسه وطبعا الماي لازم يغطي العيش اذا حسيتي ان الماي مو مغطي العيش انتي زيدي ماي حار عادي عليه وحوسيه شوي وبعدها خليه على نار وسط 10 دقايق وبعدين قصري عليه وحطي تحته حديده لي مده نص ساعه الى ساعه الا ثلث وان شاء واذا تبين نكهه حلوه حطي فوق العيش جم شريحه زبده ضعيفه خير حق النكه بس

وانا حاظره لأي سؤال

مشكووووووره وايد جربتها واطلعت لذيذه وااااااايد روعه مات عليها ريلي
جربتها من دون طريقة عيشج الاصفر وقريب ان شاءالله بجرب عيشج الاصفر
بس عندي سؤال متعلق فيه
طريقتج يديده علي شوي بالعيش... يعني انتي اتحطين الدهن واتحررينه واتحطين فوقه العيش ناشف واتحوسينه وبعدها اتحطين الماي؟
وبالنسبه حل البهارات ما يحتاج غير الكركم والملح بس؟ ما احط عود دارسين وهيل مثلا ؟

 

[jenan80]

تسلم ايدج وايد حلو جربته امس والكل استانس على الطبق وانشالله بجربه على ربيان

 

[حيل احبك]

Evanescence00 حبيبيتي ممكن جم سؤال

حربيتهااا بروب والا كريماا ؟؟

حطيتي زنجبيل اولا ؟؟؟

 

[Evanescence00]

حيل احبك ... اكيد ممكن
جربتها بكريمه حامضه sour cream تلقينها بكل الجمعيات
وبالنسبه للزنجبيل حطيت بس مو زنجبيل فرش
زنجبيل بودره يصير ضمن البهارات ... روحي حق مال البهارات وقوليله ابي زنجبيل بيعطيج
والطبخه اطلعت لذيذه من غير مجامله

 

[حيل احبك]

يسلموو حبيبتي

 

[<< أزيان >>]

ماشاء الله فعلا شكله روووووووعه

تسلم ايدج حبيبتي

 

[girl_in_abottle]

i did it and it was fantastic
thanks

 

[bombo]

تسلم ايدج و راح يطبق انشالله

 

[CUTE ENGINEER]

جربتها ذاك اليوم وطلعت صج حلوة تسلم إيدج يا فناااانة

 

[*راقيه بذوقي*]

تسلم ايدج الحلوه

 

[كويتية ذهب]

يعطيج العافية

 

[اووو يامال]

وااااااااااااااااااااااااااااااااااااااي ونااااااااااااسة

شوقتيني ان شاءالله بجربها بأسرع وقت

يم يم يم

 

[أم عزيـز]

مشكووووووره وايد جربتها واطلعت لذيذه وااااااايد روعه مات عليها ريلي
جربتها من دون طريقة عيشج الاصفر وقريب ان شاءالله بجرب عيشج الاصفر
بس عندي سؤال متعلق فيه
طريقتج يديده علي شوي بالعيش... يعني انتي اتحطين الدهن واتحررينه واتحطين فوقه العيش ناشف واتحوسينه وبعدها اتحطين الماي؟
وبالنسبه حل البهارات ما يحتاج غير الكركم والملح بس؟ ما احط عود دارسين وهيل مثلا ؟

لا حبيبتي ما يحتاج تحطين هيل
بس اذا حبيبتي تضيفين شي ضيفي حبتين مسمار ومكعب ماجي مذوب في ماي حار
والحمدالله انها عجبتج وطلعت لذيذه

حيل احبك ... اكيد ممكن
جربتها بكريمه حامضه sour cream تلقينها بكل الجمعيات
وبالنسبه للزنجبيل حطيت بس مو زنجبيل فرش
زنجبيل بودره يصير ضمن البهارات ... روحي حق مال البهارات وقوليله ابي زنجبيل بيعطيج
والطبخه اطلعت لذيذه من غير مجامله

صح كلامج حبيبتي
البدوره تنفع عادي على فكره في معجون الزنجبيل تلقونه صوب المخللات والخل وخلطات التندوري والبريالني اللي تنحط في برطامات زجاج مكتوب عليه معجون الزنجبيل هذا بعد وايد حلو جنه فرش اخذي قفشه صغيره منه وحطيتها وعلى فكره في معجون الثوم حق اللي مالها خلق تدق الثوم تستخدم المعجون لوووول

وانا جربتها بالكريما وبالروب الأثنين روووووووعه ما عليهم خلاف
بس طبعا قبل لا تحطون الروب او الكريما لازم تضيفون عليهم قفشه او قفشتين ماي وتخلطونهم لين يصيرون شوي سايلين وبعدين تضيفونهم على باجر المقادير


بعد عمري بناااااااااات والله ونستوني لما جربتوها وعجبتكم
هني وعافيه على قلوبكم وانا حاظره لأي أستفسار

 

[<<لمار>>]

تسلم الايادى

 

[كولوراديه]

يسلموو

 

[Turquoiseya]

يعطيج العافية

 

[digital]

تسلم ايدج ومشكوووووووره

انا صارلي فتره احن ابي الطريقه وان شاء الله اجربهه

 

[فطـــومه]

تسلمين حياتي والله ,,
شكلها عجيييييب ,,,

 

[Queena_85]

يســلمووو