اللي اوزانهم فوق 115

[FuLL.MooN]

[size="5[size="6"]"]السلام عليكم
شلونكم صبايا شخباركم بشرونا عنكم
طبعا انا ما بقى قروب ما اشتركت فييه وضعفت 5 كيلوات بمدة طويلة المفروض اكثر : والأحلى تعرفت على بنات صارو خوات والله الحمد الله على الصحة والعافية
بس ابي اتحدى اللي اوزانهم من طقت وزني منها تحدي ومنها تشجيع .....
كل وحدة اتحط وزنها وطولها وكل اسبوع لازم كيلوين انبلش من يوم السبت ورمضان ما يوقفنا


الوزن 117
الطول 173 تقريبا
وموفقين انشاء الله
[/size] ا[/size]​

 

[El ba6a]

... ما اعرف شنو اقول بس .. الله يساعدج ان شاء الله ...
والحمدالله على كل حال ما حبيت ادخل وما ارد على الموضوع بس

 

[FuLL.MooN]

والله يهدينه ويهديج
وانشاء الله توصلين حق اللوزن اللي تبينه ليش لأ حياج الله وطيرين العشرة وزوود احتياط لوووووووول

 

[miss_lymoona]

شدي حيلج فل مون وكل يوم ادش اشجعج حبي اهم شي المشي وبليل ماكو عشى

 

[FuLL.MooN]

تدرين مشكلتي مو الغدا الريوق والعشا والخرابيط اللي بالنص ...
الله كريم

 

[El ba6a]

تدرين مشكلتي مو الغدا الريوق والعشا والخرابيط اللي بالنص ...
الله كريم

فـل موون .. اقري موضوعي يمكن يفيدج تووني حاطته .. ومشكوورة على الكلاام الحلوو اللي قلتيه لي :eh_s(6):

 

[sara miller]

بعد قلبي ودي اخدمج بس مالج مني الا الدعاء لج بانه يهون عليج وتصيرين رشيقه بصحه وعافيه

وحياتي انتي عرفتي مشكلتج بالخربطه طيب انشاء الله برمضان بساعدج وايد يارب تفطري وتسحري وبس

والله يوفقج

 

[El ba6a]

والله ان ما عندي سالفة مرتين ادش موضوعج وما اشجعج ... صدقيني كل يووم راح ادش الموضوع واشجعج ألىين ما تقولين وصلت للوزن المطلووب...
فــل موون ما في شي بعيد عن الله سبحاانه .. حاولي قد ما تقدرييييييييييين تغضين نظرج عن الاكل الزاايد والدهوون .. ااي صح ياا الله نسيت شنو نك اللي كاتبة الموضوع .. بس هي كانت حاطه نصاايح حلووة اقريها يمكن تفيدج وشكككرا واسفة اذا طولتها وهي قصيرة ..

 

[FuLL.MooN]

لا طولتيها ولا شي بالعكس وناسة حدة احس جذي انه ما كو شي مستحيل على رب العالمين وانكم تعطوني قوة لوووووووول عاد انا وايد خيالية : )
وسارا ما قصرتي ماكو احلى من الدعاء
بجرب التخفيف هاليومين لما ابلش اقطع وايد اشياء انشاء الله

 

[El ba6a]

يارب اعنها ولا تعن عليها
يارب تضعفيين وتصيرين احلى ووحدة بالدنيا ويقولون فل مووون ملكة جمال .. قولي امين .. << حبيت ادعي لج يعني بما انج عطيتيني الــــgreen light هههههههههههههههههههههههههههههههههههههه

 

[FuLL.MooN]

كل وحدة تقول شنو الشياء اللي تضعف طبعا مو الحبوب ولا العمليات الله يبعدنا عنه يعني اشياء طبيعية ...
وحدة ضعفت شلون ضعفت .....
انا قاعدة اقول حق البنات ابي انول كيلوين قبل رمضان لازم لو كيلوين اشناء الله

 

[حبيبت^زوجها]

احم احم .. حبوبة انا اشجعج وادش وياي بما اني مثل مشكلتج انا وزني 110 وطولي 171 .. خليني اقولج شي بما انا احنا طوال فالضعف يبين علينا بسرعه يعني لو نقط 10 كيلو جنا قاطين 20 عن جد انا نزلت من فترة 15 كيلو بس والله فرررررررررررررررررررررررقت حيل كل اللي حولي يقولون لي نازلة اكثر يالله بلشي وانا معاج

 

[sara miller]

انزين جربي تشربين قبل الوجبه لبن اكتيفيا

يسد الشهيه

يهضم


يلبدج بالحمام تكرمين

مفيد ومغذي

اخوي ماكان يعرفه وقمت اشربه اياه جذيه لاني احبه والله يقولي صارلي 5 ايام موقادر اكل وكله حمام والكل قالي اختفيت لانه رشيق

مع اني مو قاصده بس طلع كل رفيجاتي نفس الحاله لشربوه مايقدرون ياكلون

وهذا مبدئيا اشراييييييييييييييج

 

[baby johnson]

فل موووووون
حيااااااااااتي انا بدش معاااج
ومن باجر بروح اشتري حليب سلم فاست جنه اسمه في موضضوع عنه
وببدي فيييييييييه ويارب ياارب ياارب استمررررر


وزني شي و80 لووووول
وابي اووصل 75 اول شي

 

[FuLL.MooN]

ايييييييييييييه والله يالله بنات عاشوجذي الشغل ولا بلاش
خلاص لازم السبت الياي ... مو عقب باجر اللي وراه نازلين كيلوين انشاء الله تكفوون
حبيبت زوجها يرحم والديج خلاص اتفقنا ؟؟
وبيي جونسن ... يالله كيلوين اوكي
تمام صبايا

 

[El ba6a]

فل موون حبيت افييييدج ... شربي شااي اخضر بين الوجبااااات واايد واايد يسااعد .. وشكرا وكل ما اعرف معلوومة بااجي موضوعج واقولج اووكي ؟؟

 

[FuLL.MooN]

بعد عمري والله ما قصرتي اي والله
بس ترى الشاي الأخضر وايد مو زين

 

[FuLL.MooN]

يالله صبايا تصبحون على خيير

 

[FuLL.MooN]

السلام عليكم
صباح الخير صبايا شلونكم ريوقي رطبة الحمد الله والحين بسويلي بان كيك وحليب ككام وانشاء الله ما اتغدى

 

[حبيبت^زوجها]

صباح الخير فول مون اليوم قاعدة متأخر احم احم ..... فول مون اي كيلوين بننزلهم اذا مبلشة يومج بحليب كاكاو وبان كيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مايصير حليب الكاكاو بروحة في تقريبا 200 كالوري .. رفيجتي كانت تشربه عشان تمتن