يوميات المشتركات((بريجيم المطوع مع ام عزيزان))

[نبض جابر]

رد: يوميات المشتركات((بريجيم المطوع برمضان مع ام عزيزان))

نبض الجابر صدقيني كل يوم تشوفيني معاقبه هههههه بس احس في وحده مخاويتني هههههههههه بعدين ليش تقولين اسماء روب مااعرفها بس تحريني من باكر ابي روب
:

ههههههههههههههههههههههههههههههههه

عسى بس ما اصير انا اللي معاج كل يوم بالعقاب :ggdw:

وبخصوص الروب ههههه ولا يهمج ابله ام عزيزان قالت المراعي بعد :ggdw:

نبض جابر انتي اليوم مضبوطه:eh_s(9):

انا الي موضبوطه اليوم وكل يوم ازفكم اليوم يبيلي زفه:krkrkr:

وبخصوص الروب الوفره احلي نوع خالي الدسم وبعد المراعي حلو..وبخصوص التبوله اوكي علي السحور لان من الانظمه السابقه حاطلي الدكتور روب وتبوله اختيارج اليوم اوكيييييييييي

احلى صفقه لنبووووض :ggdw::ggdw::ggdw:

والله مستانسه اليوم اني ملتزمه << حتى احس اني خفيفه :eh_s(6):

والتبوله والله ما نويتها .. كنت فاتحه الروب بتسحر الا جرس الباب يطق

فتحته لقيت خدامه جيرانا مطرشين لنا نقصه كبسه وتبوله وصحن فطاير

:dddds: لقيت التبوله هي الشي الوحيد اللي ممكن اكله

نبض الجابر اتخيل شكلك وانتي تقولين للمصري اكيد عرف انك مسويه رجيم

الحمد لله ماحب القيمتو

هههههههههههههههههههههههههههههههههههههههههههههه
هههههههههههههههههههههههههههههههههههههه

اي والله فشله عاد مبين على شكلي اني محتاجه ريجيم خخخخخخ

ماعليه عادي,,,,ساعات ماتلقينه بكل الحمعيات انا ماخذته من جمعية الحرس لما جيلنا لرمضان وعقب من مركز سلطان
ومره رايحه الفيحا باخذ ملافع جان اخمط جم قوطي علي طريجي,,فعلي حسب روحي جمعيه مضمون تلقين يعني جمعيه كشخخخخخخخخخخه:dddds:

لا يا قلبي عرفته

انا عبالي نفس البطل العادي بس مكتوب عليه دايت

عشان جذي كنت افرفر صوب الرف اللي فيه بطول الفيمتو وماي الورد واللقاح :dddds:

اللي تقولين عنه احصله في الثلاجات مع البيبسي وربعه << عشان جذي ما مريت هناك


عالعموووم انا ناويه اقطع الفيمتو مره وحده باذن الله ماراح اشربه في باقي ايام الشهر

نبض جابر ..

عليج بالعافيه ان شاء الله يووووومج حلوو وخفيف ..

الله يعافيج يا قلبي :tek:

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

ام عزيزان اذا انا ماابي اكل سمبوسه ولا كبه وبف باسري بقسمها 2 حبه يصير كم مسموح اكل باليوم منها كم قطعه

شوفي حبيبتي اذا تحبين البف باستري نفسي وامووووت بعد بخبز عروق((الحمدلله والشكر كل شي نحبه ابي شي ماأحبه مادري الاكل حلوووو ياناس ياهوووو))
اول شي لاتسونهم كل يوم انا جذيه الخرابيط الي تمتن ومااقدر اقاومها ماأسويها كل يوم يوم وترك كل يومين,,لانها ماردت علي الفطور ادري رايحه وراده عليها
فشوفي حبوبه علي الفطور انتي لج 6قفاش اذا مع بروتين اما اذا ماتبين بروتين,,يصيرون9 حسبي القطعه المربعه اذا صارت 2حبه كل حبه تعادل2 قفشه بحجمها
يعني اكلي 4 حبات ,,انا حسبت اللي مع التمر السمبوسه او الكبه 1 وعقب الصلاة كملي 3 يعني الثلاث=6 قفاش+اذا تحبين فول مبخر علي قولتج يعتبر بروتين اخذي 4 قفاش او 3 محسوب الفول من ضمن اللحم او الدياي يعني نص كف اليد قدري شكثر يعادل جم قفشه وعليج بالعافيه ياااقلبي

 

[شـــفـــافـــه]

رد: يوميات المشتركات((بريجيم المطوع برمضان مع ام عزيزان))

صباح الخير ياحلوييين

اليوم الخميس فقاعدة من الصبح الله يثبتني رحت الجمعيه الساعه 11 والله زحمه ماهقيتها جذي

ممم ام عزوز فكرتج حلوووة ماشي يعني انكمل بعد ارمضان على خير ان شاء الله ونستيني صج p

بنات ادعووولي تكفون اليوم يوم عسير بالنسبه لي عندنا حفلة تخرج وقرقيعان ابنفس الوقت اهئ اهئ

بحاول اكل بالبيت علشان ماخربط هناك والله كريم ان شاء الله

 

[شـــفـــافـــه]

رد: يوميات المشتركات((بريجيم المطوع برمضان مع ام عزيزان))

دمع الشوق وبقايا الليل وشيووخ يالله شدو حيلكم ان شاء الله مايعدي ارمضان الا واحنا بالخمسينات والله فقدت هالرقم

ام عزيزان انا وزني 61 مورااضي يتغير صارلي شهر انا كنت اخذ حبوب حق الشعر والبشره

وخلصت تقريبا 30 حبه ومرة وانا اقرا عنها طلع فيها نسبة فاتح شهيه ياسلااااام سلم

وانا اقووول ليش هالزيااده مونوعي اخربط واكل بيت الوجبات بس اظاهر اثر الحبوب والحين صارلي شهر قطعتها ومانزلت ولا كيلو

ان شاء الله مبدئيا ابي 57 بعدها شوي شوي انزل الله كريم

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

حبيبتي شيوخ
اعرفه هذا اشوفه مع البيبسي
انا مثل نبض احسبه بطل مكتوب عليه لايت

مسكينه يانبض والله تخيل شكلج وانت تسألين لمصري وعلامات التعجب بوجه

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

بنات في عصير
قال عنه دكتور يحرق الدهون بس تخضين كوجبه

عصير اناناس +حبة كيوي + حليب خالي الدسم
تخلطينهم بالخلاط
وتشربينهم وبالعافيه

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

فطوري
3تمرات +كوبين
بعد الصلاه
شوربا +2ملعقتين سلطه+صمونه خبز صاج صغير حيل محشيه بحمسة الدجاج =4ملاعق + 4 ملاعق جريش + 2ملعقتين عيش +سفن اب لايت

كوب اعشاب

الحمدالله ماخربطت مع ان في اشياء مغريه
بس الله يستر من اطباق الحلو
بس راح احاول امسك نفسي

ام عزيزان لاتزفيني على صمونه خبز الصاج ترا حسبتها 4 ملاعق

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

لاحبيبتي دمع الشوق شحقه ازفج انا قلتلكم من اطباق رمضان بس يكون التقدير لج جم قفشه؟؟

الله يعينا اليوم ادعوا يابنات ان مانخربط كلنا انا بحاول قد ماأقدر امسك نفسي
يومياتي..
فطوري....3 تمرات شوربا ماي+خبز عروق1
سلطه+5 قفاش عيش شبنت+كفته مدوره صغيره2
والله يتمم علينا:ggdw:

 

[ام يعقوب]

رد: يوميات المشتركات((بريجيم المطوع برمضان مع ام عزيزان))

شدعوة يبا عطوني ويه وردوا علي ..............القرع فيه سعرات وايد وإلا لا ؟؟؟؟؟؟؟؟؟؟؟

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

دمع الشوق وبقايا الليل وشيووخ يالله شدو حيلكم ان شاء الله مايعدي ارمضان الا واحنا بالخمسينات والله فقدت هالرقم

ام عزيزان انا وزني 61 مورااضي يتغير صارلي شهر انا كنت اخذ حبوب حق الشعر والبشره

وخلصت تقريبا 30 حبه ومرة وانا اقرا عنها طلع فيها نسبة فاتح شهيه ياسلااااام سلم

وانا اقووول ليش هالزيااده مونوعي اخربط واكل بيت الوجبات بس اظاهر اثر الحبوب والحين صارلي شهر قطعتها ومانزلت ولا كيلو

ان شاء الله مبدئيا ابي 57 بعدها شوي شوي انزل الله كريم

ان شاء الله شفافووو راح اشد حيلي و الله انا لازم اووصل الخمسينات بإذن الله هالشهر لوو اشووف 59 .

انا بعد مبدئياً ابي اوصل 57--58 يااارب ..

ميخالف الوزن الحين ماينزل بسرعه بعد لان راح يوصل المثالي بإذن الله شوي شوي مع التخفيف راح ينزل

وديري بالج الحبوب وااي تزيد و الله انا لوو شعري يطيح مافكر اخذ حبوب بروح شهيتي من الله مفتوحه

لووول اذا خذيت حبووب راخ تنفتح دبلات لووول ..



بقايا ليل ..

حبيبتي شيوخ
اعرفه هذا اشوفه مع البيبسي
انا مثل نبض احسبه بطل مكتوب عليه لايت

فديتج حبيبتي ..

بنات في عصير
قال عنه دكتور يحرق الدهون بس تخضين كوجبه

عصير اناناس +حبة كيوي + حليب خالي الدسم
تخلطينهم بالخلاط
وتشربينهم وبالعافيه

اي امبيه يحرررق من قلب و الله ..

انا مرات بس اتسحر رووب و يا عصير اناناس والله اقوم الصبح بطني داش داخل بس اكل يطلع لوول ..

وعليج بالعافيه ..

ام عزيزان

ان شاء الله يارب ماتخربطين اليوم ..






انا اليوم تفطرت برااااا ..


3 تمرات + كوب شوربه عدس بس ماكملتها شرب شوي ..

وبعدها ..

اقل من 6 قفاش عيش مع مرق قفشتين + شوي دياي + سلطه سيزر دياي قفشتين

3 رول بالجبن :tomato2: ..

وماراح اتسحر ادري كثرت :\

ومساع 3 لقيمات + قهوه ..

اذا يعت باكل رووب + عصير اناناس عشان احرق ..

وبلعب رياضه ستيبس 20 دقيقه بإذن الله بس بليل قبل لا انام + تمرين معده ..

 

[نبض جابر]

رد: يوميات المشتركات((بريجيم المطوع برمضان مع ام عزيزان))

شدعوة يبا عطوني ويه وردوا علي ..............القرع فيه سعرات وايد وإلا لا ؟؟؟؟؟؟؟؟؟؟؟

ام عزيزان جاوبت عليج في الصفحات السابقه

شوفي اكيد فيه سعرات حراريه << كم بالضبط ما ادري

بس القرع اتوقع نسبة السكر فيه مرتفعه لان طعمه حالي شوي

يعني حطيه بالاكله اللي تبينها بس لا تكثيرنه


والله هذا اللي اقدر اقولج وما عندي معلومات اكثر


+++

اليوم كسرت خاطر نفسي :0bee2e8d89:

حفلة القرقيعان في بيت عمي وما رحت <<< ادري بعفس الدنيا وبلعب لعب بالاكل :tomato2:

قلت اقعد في بيتنا اشرف لي

اذا على كل قطعه اكلها بالغلط 20 دقيقه مشي

شلون علي كيسة قرقيعان :dddds: خفت من العقاب وقعدت :eh_s(1):



فطوري

4 تمرات + صحن سلطه + نص قلاص فيمتو << العادي :eh_s(1): قلت بقطعه بس اشتقت له هههههه خذيت نص قلاص


الساعه 9 اخذت فنجال قهوه مع نص حبة لقيمات << طلعت متشربه دهن وايد وتركتها :ggdw:


والساعه 1

خذيت كوب شاي و قطعتين خبز أسمر فيهم جبن حلوم وطماط وخيار <<< تراهم حيل حيل صغرا مثل خبز الصاج الصغير

وحبة وحده حلى قهوه << اشتهيتها خذت حبه وحده بس صغيره



شربت ماي وااايد و مشيت ساعه عالجهاز

والحين بسوي لي منقوع الشمر

بس هذا اللي اكلته اليوم


:ggdw: المفروض اليوم اوزن بس ما قدرت اطلع من البيت

باجر ان شاء الله بوزن ويااااارب نازله 10 كيلو <<< قويه :krkrkr:

 

[ام يعقوب]

رد: يوميات المشتركات((بريجيم المطوع برمضان مع ام عزيزان))

مشكورة يانبض جابر والله انت اللي مطيبة خاطري الله يطيب خاطرج

 

[ام يعقوب]

رد: يوميات المشتركات((بريجيم المطوع برمضان مع ام عزيزان))

السموحة يأم عزيزان توني قريت الرد جعلك ذخر للمنتدى

 

[مدرسة طفشانة]

رد: يوميات المشتركات((بريجيم المطوع برمضان مع ام عزيزان))

كيف الحال يا رفيقات التجمع
حبيبتي أم عزيزان ناطره بنت الكويت عشان ترد علي بتغيير الاسم وبالنسبة حق شغل البيت والله صاجه رياضة عنيفة بعد
أما يومياتي الله يسلمكم فهي كالتالي:
تفطرت على تمرة وماي <<<<<<<<<مادري اشفيني اليوم عطشانه حدي
وبدين شربت شوربة واكلت سلطة بروب مع 3 حبات سمبوسه وفوقهم قلاص فيمتو
ونطرت لي الساعة 11 تقريبا بالزوارة اكلت سبرنغ رول الدياي مع جاي
والحين مجهزة قلاص اللبن مع التمر بيكون هذا سحوري
بس تكفين ذكريني متى لازم أوزن؟

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

اكمل لكم

ساعه 10 شاي + بيالة مكسرات

لحد لحين حلوين
بس ساعه 12
لما حطوا برياني قلبي طق و مع كل نظره مني اقترب خطوه الي صرت بسفره واكلت منه يمكن عشرين ملعقه
بس والله ماحسيت في تنيب ضمير الا لما خلصت

وخذيت كبسولة زينكال هذا اكل لما اكل شي دسم

وعقبت نفسي
ومشيت 40 دقيقه وسويت تمرين خواصر 500مره

بس ماراح تسحر خلاص يكفي

بنات لي تبي تزف تزف عادي على راحتها

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

والله نبض خير ماسويتي

لان لعقاب حيل صعب
تخيلي انا اكلت يمكن عشرين او اقل شوي جم راح يكون عقابي

:dddds::dddds::dddds::dddds::dddds:

بصراحه انا عقبت نفسي 40 دقيقه و تمرين خواصر 500 مره وتعبت منهم

بس خلاص توبه ماراح خربط لان تعبت من عقاب

 

[NaNa88]

رد: يوميات المشتركات((بريجيم المطوع برمضان مع ام عزيزان))

دمع الشوق يالظااااااالمه 20 قفشه مره وحده قلنا نزرقين وحده 2 بس مو 20 لو ام عزوز تدري شتسوي فيج شكلج بتنزفين عدل
انا فطوري اليوم تمره و3 قفاش شوربه + سمبوستين + 3 قفاش تشريب + قفشتين هريس
وببيت خالتي كليت سمبوستين بالقشطه ويا نص ستكانة جاي
والسحور والله اني كسرت خاطر نفسي وانا اتسحر السحور فبيت خالتي يشووووق يقولج غصب اكلي بس اشوه ماقص علي الشيطان قعدت وياهم عالسفره كليت خيار وربع خبزه وجبن

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

دمع الشوق يالظااااااالمه 20 قفشه مره وحده قلنا نزرقين وحده 2 بس مو 20 لو ام عزوز تدري شتسوي فيج شكلج بتنزفين عدل
انا فطوري اليوم تمره و3 قفاش شوربه + سمبوستين + 3 قفاش تشريب + قفشتين هريس
وببيت خالتي كليت سمبوستين بالقشطه ويا نص ستكانة جاي
والسحور والله اني كسرت خاطر نفسي وانا اتسحر السحور فبيت خالتي يشووووق يقولج غصب اكلي بس اشوه ماقص علي الشيطان قعدت وياهم عالسفره كليت خيار وربع خبزه وجبن

اي والله راح تزفني عدل :krkrkr:
راح تكسر راسي:23_asmilies-com::23_asmilies-com:

بس انا راح اقلل من كمية الفطور

يعني الفطور 6ملاعق راح يصيرون 4 ملاعق
لمدة خمس ايام علشان اعوض عشرين ملعقه

 

[نبض جابر]

رد: يوميات المشتركات((بريجيم المطوع برمضان مع ام عزيزان))

عافيه عليكم كل اللي كليتوووه

دمع الشوق شفتي شلون ههههههههههههههههههه خفت من العقاب وفكرت

مو مثلج ..

مره ثانيه لا فكرتي تمدين ايدج على شي .. فكري قبله بسالفة 20 دقيقه مشي


<< انا ساعه مشي وبطلعت الروووح كل شوي اقول هاااه كم باقي واخلص

الحين ازيدهم على كل شي اكله 20 دقيقه .. ياويلي اصوووم طول اليوم ابرك

:dddds::dddds::dddds:


يالله ما عليه عافيه عافيه عليج يا دمع

مطرح ما يسري يتزحلق << شرايج بدعوتي :krkrkr:

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

يعطيكم العافيه بنات التجمع,,الشطار,,الأمامييييير
اليييي يمسكون روحهم باليمعات

اقولكم باجييييييييي يوميييييي...
لمارحنا بيت حمولتي لحفلة القرقيعان..كليت 1 سمبوسه و1 كبه صغييييييييييييره,,وحلو قهوه 3 قطع صغيره
بس طبعا ماحليت بالبيت..يعني هذا حلوي
وسحوري 7 تمرات وروب الوفره:dddds::dddds:

وبشروا الي راحوا يمعات القرقيعان شهببتووووووا:dddds:


وشواااقه شدعوه شهالظلم يااالظالمه:eh_s(14):
يعني شزينج هالايام الي طافت الحين تخربينها وبعيوووووووش
علي الاقل اخذي 2او 3 يعني ليييييييييي20 قفشه وضميرج ماصحي ماأعتقد بيصحي بعد
وعقب العشرين قفشه تذكرتيييييييي,,بس العقاب مو كافي علي الي سويتيييييييييي يعني متي كنتي بتوقفين علميني:eh_s(14):
لا وتقولين ماراح اتسحر والا ناويه تسحرين بعد اهو في مكان بمعدتج عقب العشرين قفشه:eh_s(14):