{ ...الدكتورة رشا الصفي تجيب على استفسارتكم ..} استضافة اسبوعية

[الجود90]

هلا دكتوره

فديتج بغيت اسألج عن بنتي.. عمرها الحينه سنه وخمس شهور.. واريد اعلمها تفرش اسنانها لأنها ماشاء الله تاكل حلويات وغيره واخاف تسوس اسنانها... عادي ابدا بالفرشاة والمعجون من الحينه؟؟

انا اشتريت لها فرشاة ومعجون خاص للأطفال بس المشكله اني اخاف انها تبلع المعجون

 

[د. رشــا الصفــي]

دكتوره حبيبتي

بغيت اسالج انا ولدي فيه g6pd وفيه فيتامينات يعطونه الياهل بالقطاره اسمه baby vet

حاليا ما قمت اعطيه لان كل ما اعطيه يرجع
فبعرف هذا ضروري ولي اي عمر ؟؟

وهم بعرف ما ياثر على ولدي لان الي اعرفه ان فيتامين سي مو زين حق الي فيهم تكسر بالدم واهو فيه فيتامين سي



وشغله ثانيه انا ولدي كمل ال3 اشهر في شي اقدر اعطيه غير الحليب
لان سمعت عن بسكوت فارليز
اعطيه الحين ولا تو الناس



ومشكوره مره ثانيه

الفيتامينات مو ضرورية الا اذا الطفل خديج
بس اذا تبين تعطينه لا تخافين من فيتامين سي الموجود بالفيتامينات
لأنه كمية بسيطة
الg6pd يتأذون من الكميات الكبيرة جدا من الفيتامين سي مو الكمية العادية المعطاة بالجرعات الصحيحة


بالنسبة للحليب حاليا بس حليب
لا تحطين بسكوت ولا شي بالحليب مو زين كلش
البسكوت تبدين فيه عقب الشهر السادس مو الحين
ممكن يسويله حساسية بالأمعاء اا بديتيه مبجر

جزاك الله خير دكتوره والله يحفظلك زوجك وعيالك ويشافي سعوديارب

الحمدلله ولدي تحسن ومايحتاج تنويم وحليبه خلاص هونت ماراح اغيره بقعد على السيميلاك لأنه رفض يتقبل غيره

كل عام وانتي بصحه وسلامه

و انتي بخير حبيبتي

الحمدلله على سلامة ولدج

حبيبتي دكتوره بنتي عمرها 5 شهور ولاحظت عندها بلسانها مثل الجبن باجي انظفه مايروح ومبقع ع اطراف الحلج من الداخل اظن فطريات شنو تنصحني اعطيها افضل نوع دهان واشرايج لازم مضاد وربي يوفقج ويحقق مرادج

هذي فطريات

يبيلها دوا لمدة اسبوع تقريبا

عبارة عن نقط توصف من المستوصف تستخدمين قطارة كاملة على اللسان 4 مرات باليوم و تستمرين بعد اختفاء البقع لمدة يومين زيادة

السلام عليكم يعطيج العافيه دكتوره وعيدج مبارك .....
انا بنتي عمرها سنه وشهرين وصار لها جم يوم فيها كحه واحس جنه صدرها في بلغم وخشمها مسكر ؟؟؟؟ وبالليل تزيد الكحه
وللعلم هذه اول مره يصير فيها جذي
عادي اشتريلها دوا كحه من الصيدليه ؟؟؟

لا ما انصحج
وديها الطبيب احسن علشان يعرف مصدر البلغم و الكحة من البلاعيم ولا الصدر و يوصف لها الدوا المناسب

السلام عليكم شلونج دكتورة يعطيج العافيه بنتي عمرها 5 سنوات لها اكثر من شهر او شهرين تقول بطني يعورني كان فيها التهاب البول والحمدالله هي بخير بس تشكي بطنها تقول جوعانه كل شوي تجيني تقول جوعانه وزنها ضعيف حيل انصحيني لوتشوفينهاتقولين عمرها3سنوات حيل ضعيفه كل ماناكل تجوعه اخافه عليها يمكن دودانتي شنوبتنصحيني

وديها الطبيب يسون لها تحليل خروج

ممكن يكون في بطنها دود

حسب التحليل يوصفون لها الدوا

​

 

[د. رشــا الصفــي]

مشكورة دكتورة على الموضوع المفيد


ولدي عمره شهرين واسبوع
من طاحت سرته واهي بارزة حيل
عاد وديته الطبيب قبل جم يوم وقالي فيه فتاك ومع الايام راح يدش
المهم شكل سرته يخرع وانا اخاف اجيسها

خالتي مصممة اني احط امية فلس عليها واربط سرته علشان اتدش وتقولي ان ابوه كان نفسه



وانا خايفة


ما ادري انتي شرايج

لا تحطين شي

هذا فتاق و يروح بروحه و ما منه مضرة

اخذيله موعد في ابن سينا عيادة الأطفال يتابعونه بس

و اذا ما تعدلت يسوون العملية بعد عمر سنتين تقريبا

السلام عليكم
آسفه خطأ مطبعي ....
ربتها=رقبتها
و شكرا

ما عليه

هذيلة غدد ليمفاوية طبيعية برقبة كل اليهال

اا كانت ما تعاني من حرارة ولا شهيتها ضعيفة

باختصار صحتها العامة جيدة و طبيعية لا تحاتين

و لكن اا شفتي ان معاها خرارة و حالتها تعبانة و تشتكي من الم بريولها مثلا او شفتي طفح على جسمها و صار معاها خمول عام و فقدان شهية

يعني حالتها العامة تعبانة

وديها يسوون لها تحليل دم

السلام عليكم دكتورة رشا ,,

يعطيج العافية على رحابة صدرج و تقبلج لأسئلتنا ..

دكتورة ولدي عنده موعد للتطعيم من شهر و للحين ما وديته ,, و السبب انه من شهر و هو فيه حرارة تروح و تجي و تكرمين اسهال معاه دايم لانه يسنن .. و الى الان مستمره الحالة معاه ,,

عمره سنة و ست شهور و التطعيم على ما اعتقد لشلل الاطفال

هل في خطورة عليه لانه متأخر عن موعدها ,,

لا مافي خطورة بس لا تتأخرين أكثر

و الله يعينج على هالتطعيم جايد شوية

عبارة عن ابرتين و نقط بالفم تصاحبه حرارة يومين و ما راح يقدر يمشي عليها يومين تقريبا

دكتورة وينج ؟؟؟؟

كاني

حبيبتي انا اتواجد الجمعة بس حسب ماهو موجود بأول الموضوع

مو كل يوم موجودة

دكتوورة يزاج الله خير بنتي عمرها سنة الا اسبوع فيها حرارة شوي وكله دايخة وماتاكل شي..هل هذي اعراض التسني العادية لانه بس طلعلها ضرسين تحت اللي فوق ماطلعاو؟؟!!

لازم تراجعين الطبيب يفحصها و يعرف سبب الحرارة

صعب اقول لج تسنين جي على طول

الا لما يتم فحصها بالكامل

بهالعمر في وايد اسباب للحرارة و الخمول مو بس التسنين

لازم تنفحص اول

هلا دكتوره

فديتج بغيت اسألج عن بنتي.. عمرها الحينه سنه وخمس شهور.. واريد اعلمها تفرش اسنانها لأنها ماشاء الله تاكل حلويات وغيره واخاف تسوس اسنانها... عادي ابدا بالفرشاة والمعجون من الحينه؟؟

انا اشتريت لها فرشاة ومعجون خاص للأطفال بس المشكله اني اخاف انها تبلع المعجون

ممكن تفرش اسنانها اول شي بماي بس بدون معجون

لما تتعلم تتمضمض عدل و تتفل الماي بعدين حطيلها المعجون الخاص بالأطفال بكمية قليلة جدا بحجم حبة العدس هالكمية لو تبلعها ما تضرها​

 

[وصايف الزين 2]

السلام يادكتور ولدي عمره سنتين واربع شهور مايتكلم بس ينطق بعض الكلمات ماما بابا واسم نوره وعصبي حيل وعنيد وبعض الايام يحط ايده على اذنه اذا قام يصارخ وغير كذا هو مرتين تشنج تشنج حراري والحراره تجيه مرتين بالشهر مستحيل يمر شهر من غير ماتجيه حراره

 

[د. رشــا الصفــي]

السلام يادكتور ولدي عمره سنتين واربع شهور مايتكلم بس ينطق بعض الكلمات ماما بابا واسم نوره وعصبي حيل وعنيد وبعض الايام يحط ايده على اذنه اذا قام يصارخ وغير كذا هو مرتين تشنج تشنج حراري والحراره تجيه مرتين بالشهر مستحيل يمر شهر من غير ماتجيه حراره

التشنج الحراري ماله علاقة بالعصبية و العناد
ولا بتأخر النطق

اول شي وديه حق طبيب أطفال يفحصه و يحولج اللى الأنف و الأذن و الحنجرة يقيم سمعه
و حسب تقرير السمع يكمل معاج الطبيب
ممكن تحسين انه سمعه سليم و الولد يسمع زين بس مو شرط ممكن يكون عنده سوائل ورا الطبلة ما تخليه يسمع زين
انصحج تودينه الطبيب مثل ما قلت لج

 

[@ الرسامة @]

مشكورة دكتورة على ردج
واسفة ما انتبهت انج بس تردين اليمعة

 

[وصايف الزين 2]

مشكوره يادكتوره

 

[m&m's]

د. رشا الله يعطيج الف عافيه وعافيه

على هالمجهود الاكثر من رائع

وانا وحده من الامهات اللي استفادوا من نصايحج

الله يجزاج عنا كل خير ان شاءالله

عزيزتي انا عندي بنوته عمرها 3 اشهر وجم يوم

سليمه وحلوة وامورة لله الحمد

بس ملاحظة انها ماتشد ريلها لما احاول اوقفها

دايما لما ارفعها تجفسهم واتم رافعتها عشان تفردهم ولكن بالمره

مع ان حركة ريلها واهي قاعده او منسدحه جدا طبيعية

هل هذا عادي او كسل والا اراجع الطبيب

مع العلم ان عند الولادة الدكتورة كشفت عليها ومالاحظت اي شي غريب بريولها

وبالنسبة لمنقوع التمر بسنها جم رقم اعطيها ؟؟

وحتى الماي جم رقم تحتاج تشرب ماي باليوم ؟؟

علما بانها تشرب 4 ارقام حليب

ومرة ثانية الله يرزقج كل ما تتمنين في الدنيا

والفردوس الاعلى في الاخرة وجميع المسلمين ياااااارب

سامحيني طولت عليج :eh_s(6): ​

 

[أم حيدر]

السلاااااااام عليكم دكتورة شلونج وشخبارج ؟

عندي معضلة مو مشكلة - وتفريبا يأست

بنيتي الله يحفظها عمرها ست شهور الا جم يوم - الحمدلله وبفضل من الله ارضعها طبيعي - انا موظفه دوامي 8 ساعات - بنتي رافففففضة شي اسمه ممية خيير شر تبجي بجي الله لا يراويج لما خدامتي بتعطيها الممية أثناء فترة دوامي

حاليا لجأت حق شغله بس مادري صح ولا غلط - قاعده أعطيها 3 وجبات باليوم - وجبة فواكه الصبح - وجبة خضار أو عيش مصري مع خضار الظهر- وجبة سيريلاك مع حليب وتمر بالليل

مو وايد عليها عشان صغيرونه ؟ ما ظل نوع مميات ما جربته حتى من بره طلبنالها مميات Brest flow همممممم ما كو فايدة.

شنو ممكن أسوي عشان تشرب حليب بففترة غيابي؟

 

[حلوووه وسمباتييك]

مرحبا دكتوره


دكتوره انا اخوي عمره 3 سنوات وداش السنه الرابعه الله يطول لنا بعمره

ماياكل نهائيا وهو من انولد رفض الرضاعه الطبيعيه والحين ماياكل ولا يرضع وجسمه ضعيف امي احتارت فيه



شسوي

 

[أم حيدر]

حاليا بلشنا نعطيها الحليب الصناعي بقفشة

 

[Yarayoyo]

السلام عليكم يا دكتورة

عندى مشكلة اتمنى تكون بسيطة وارجو ان تفيدينى بخبرتك فى كيفية التعامل مع هذة المشكلة ان كانت لها تواجد .
اثناء الحمل ظهر عندى ورم فى الصدر الايمن وروحت للطبيب وسوالى التحاليل والحمد لله الورم طلع حميد وكان صغير وابلغنى الدكتور انة يمكن ان اسوى عملية جراحية لكى ازيلها والعملية لا تستغرق اكثر من 3 ساعات لانة سيتم اخذ بينج كلى فسالت الدكتور هل هناك مشكلة على الرضاعة فابلغنى انة لا يوجد مشكلة حتى الادوية التى ساتناولها ليس لها اضرار فانا الحين مترددة هل اسوى العملية وارضع طبيعى عادى ....
للعلم دكتور الجراحة ابلغنى لا توجد اى خطورة على الرضاعة الطبيعية بعد اجراء العملية - واخذ الادوية ---- لكن كيف سيتم سيتم اخذ بنج كلى وادوية ولن يكون هناك اى ضرر على عملية الرضاعة الطبييعية؟؟؟ للعلم بنتى عملرها الحين 4 شهور
ارجو ان تفيدينى ماذا افعل ...

انا كل قلقى على بنتى ولا اريد ان اعطيها صناعى الحين .
اتمنى ان تأكدى لى العملية امنة على الرضاعة ؟؟(بسبب البينج والادوية التى تؤخذ فى تلك الحالة ))

الورم اسمة -فايبروادينوماfibro adenoma - وهو على سطح الجلد فى الثدى من الداخل وبعيد عن الغدد اللبنية ...كما اشار الدكتور انة يظهر فى بعض حالات الحمل ......

فى أمان الله دكتور ة.

ام يارا

 

[دمعةعين]

السلام عليكم

دكتوره عندي طفل عمره 5 سنوات من شهرين اكتشفو فيه السكري

اوصفو له ابر انسولين ...هل في علاج غير ابر الانسولين؟؟؟؟
وممكن يتشافى من هالمرض ويروح منه ولا راح يتم معاه لحد مايكبر

للعلم العائله مافيها تاريخ مرض السكري وهو حاله نادره

 

[new mother 2008]

د. رشا الله يعطيج الف عافيه وعافيه
على هالمجهود الاكثر من رائع
وانا وحده من الامهات اللي استفادوا منك فعلا الله يوفقك
دكتورة انا سالتك قبل هالمرة عن الحليب ( بنتي عمرها سنة و 3 شهور ) و ضعيييييييييييفة كتير
جربت معها حليب بروجرس اول اسبوع كان كويس بس بعدين فجأة صار معها اسهال و بعد كل كاسة حليب او وجبة مباشرة تعمل براز سائل اسهال و له رائحة كريهة صارلها يمكن اسبوعين ==>> هل هذا بسبب الحليب و لا ممكن يكون تسنين ؟؟؟؟؟؟؟
و اذا المشكلة بالحليب شو رايك اغيره بسيميلاك 3 هل كويس و بيسمن و فيه سعرات مثل البروجرس و لا لأ؟؟؟؟

مشكورة كتير

 

[دمعةعين]

ناطره الرد من الدكتوره ان شاء الله ما تتاخر علي

 

[حكاية ما احلاها]

السلام عليكم ورحمه الله وباركاته يعطيك العفيه دكتورة وجزاك الله خير
حبيت اسالك يادكتورة عن ابني عمرة سنتين و3اشهر قبل تقريبا شهرين ظهرت فيه مثل الحبه الصغير في فخضه الأيسر وكل يوم يزيد حجمها ويصير شكلها كأنه احترق حتى وصل حجمها تقريبنا 3سم مربع وبعد 3 ايام ظهرت في فخضه الأيمن حبه نفسها صغيرة وكان فيها حكه اخذته لدكتورة اخصائية في الجلد عملاتله فحص دم طلع عند التهاب في الدم قالت المفروض يكون 4 طلع عنده 10 قالت هذي مش حاجة خطيرة عطاته كريم مومينتا وصابون و مضاد حيوي اسمه كلاسيد ....بس المشكله انا ما هتميت بالمضاد الحيوي لانه ابني ماتقبل طعمه والحمدلله شفا مع المداومه على الكريم وبعد تقريبا 10 ايام ظهر له حبه في مكان ثاني من رجله اول شي صغيرة وبعدين تزيد حتى وصلت حجمها تقريبا 2سم مربع ورجعت عند الدكتورة وقلتلها اني ماعطيته المضاد الحيوي ..عاداتله الدكتورة نفس العلاج وهذي المرة اهتميت للعلاج واجد والحملله بس اثار الاماكن ظلت لونها بني داكن وشفا تماما.... مر شهر وكم من يوم ما شفت شي بس اول امس ظهرت حبتين في فخذه وبدت تكبر من جديد.... ولما رجعت لدكتورة تعجبت قالت عنكم حشرات في البيت قلتله لا وانا متاكدة .. اعاداتله فحص الدم طلع عند طبيعي ماعنده التهاب وماعطاته علاج غير كريم مومينتا وقالت اهتمي بنظافته زززين .
دكتورة هل ممكن يكون من قلت النظافة ؟ انا شكيت لان ابني عنده خدامة هي الي تسبحه واول من ظهرت هذي الحساسيه كانت الخدامه لها شهر من جاتنا وما احسها نظيفة بعض الاحيان لما يطلع من الحمام اشوف فيه بقع صابون وبعض الاحيان يكون لازال فيه اوساخ وارجع اقولها حمميه مرة ثانيه .
ارجوكي دكتورة عطيني حل والله تعبت اذا كان السبب النظافة فأمرها بيسط لاني من اليوم خلاص منعت الخدامه انها تنظفه وصارت مسؤليتي وحدي .

 

[حكاية ما احلاها]

دكتورة بعد عني استفسار ثاني ابني يحب يشرب مع الحليب شكلاته (نسكويك) ولانه متعلق في الشكلاته واجد بدلتله بيديا شور بنكهة الشوكلاته لكل رضاع حليب 225 اضيف 2 ميكيال بيدياشور لانه في فايدة اكثر..........فهل بيدياشور فيه فايده من الحليب او لا ؟ لانه في العلبه مكتوب يحضر بالماي ؟؟؟؟؟
وهل عادي انه يشرب 4 رضاعات حليب في اليوم في كل وحد 2 او 3 مكيال ؟ او راح تاثر عليه ؟
واحب اذكرك دكتورة انه ابني عمره سنتين و3 اشهر

 

[Shathawy]

شكرا دكتورة وديتها الدكتور والحمدلله مافيها شي...
انزيندكتورة بسألج بعد عن الحليب ابتاميل انا حاليا اعطيها بس رضعتين اول ما تقوم و قبل ما تنام ..الحين صارت سنة هل اقطع الحليب ابتاميل واع\يها كيدي دي العادي ولا اكمل بالابتاميل؟
وبالنسبة حق اسنانها بس طالع لها ضرسين تحت ليحين ماكو ضروس بس اذا بيططلع شكله بادي يطلع بجانب الضرسين اللي تحت فهل هذا طبيعي؟

 

[د. رشــا الصفــي]

د. رشا الله يعطيج الف عافيه وعافيه

على هالمجهود الاكثر من رائع

وانا وحده من الامهات اللي استفادوا من نصايحج

الله يجزاج عنا كل خير ان شاءالله

عزيزتي انا عندي بنوته عمرها 3 اشهر وجم يوم

سليمه وحلوة وامورة لله الحمد

بس ملاحظة انها ماتشد ريلها لما احاول اوقفها

دايما لما ارفعها تجفسهم واتم رافعتها عشان تفردهم ولكن بالمره

مع ان حركة ريلها واهي قاعده او منسدحه جدا طبيعية

هل هذا عادي او كسل والا اراجع الطبيب

مع العلم ان عند الولادة الدكتورة كشفت عليها ومالاحظت اي شي غريب بريولها

وبالنسبة لمنقوع التمر بسنها جم رقم اعطيها ؟؟

وحتى الماي جم رقم تحتاج تشرب ماي باليوم ؟؟

علما بانها تشرب 4 ارقام حليب

ومرة ثانية الله يرزقج كل ما تتمنين في الدنيا

والفردوس الاعلى في الاخرة وجميع المسلمين ياااااارب

سامحيني طولت عليج :eh_s(6): ​

اول شي احب اشكرج على هالدعاء الطيب

ثاني شي بالنسبة لريول بنتج

معروف انه في الشهر الثالث تقريبا الطفل ما يشد ريوله و هذا يعتبر رد فعل طبيعي عند الأطفال

ما يحتاج طبيب ولا فحص طالما البنت طبيعية و تحرك ريولها عادي

بالنسبة لمنقوع التمر لا تعطينها الحين

المفروض الطفل ما ياخذ شي قبل الشهر السادس

ممكن لما تكمل 4 شهور تذوقينها شي بسيط

بس مو وجبات بدل الحليب

بالنسبة للماي مافي كمية محددة عادي اللي تتقبل

بس ما تحتاج وايد

السلاااااااام عليكم دكتورة شلونج وشخبارج ؟

عندي معضلة مو مشكلة - وتفريبا يأست

بنيتي الله يحفظها عمرها ست شهور الا جم يوم - الحمدلله وبفضل من الله ارضعها طبيعي - انا موظفه دوامي 8 ساعات - بنتي رافففففضة شي اسمه ممية خيير شر تبجي بجي الله لا يراويج لما خدامتي بتعطيها الممية أثناء فترة دوامي

حاليا لجأت حق شغله بس مادري صح ولا غلط - قاعده أعطيها 3 وجبات باليوم - وجبة فواكه الصبح - وجبة خضار أو عيش مصري مع خضار الظهر- وجبة سيريلاك مع حليب وتمر بالليل

مو وايد عليها عشان صغيرونه ؟ ما ظل نوع مميات ما جربته حتى من بره طلبنالها مميات Brest flow همممممم ما كو فايدة.

شنو ممكن أسوي عشان تشرب حليب بففترة غيابي؟

هلا حبيبتي

مجرد ما تستمرين على المحاولة انكم ترضعونها بالممية راح تاخذها بالنهاية و نصيحة لا تغيرين نوع الممية

استقري على نوع واحد علشان تتعود عليه بالتدريج و هم نصيحة ثانية هذي تجربة شخصية بصراحة جربي الحلمات

اللي لونهم اصفر و ملمسهم خشن شوية مو الشفافين

انا شخصيا عيالي كانوا يتقبلون الحلمات الصفراء احسن من الشفافة اثناء الرضاعة الطبيعية

كنت استعمل لهم ماركة بيجون

و اذا رفضت ممكن تشربينها الحليب بالقفشة

بالنسبة للوجبات وايد 3 باليوم

ممكن وقت غيابج وجبتين مع حليب و بالليل ماله داعي اكل خليه بس رضاعة طبيعية

مرحبا دكتوره


دكتوره انا اخوي عمره 3 سنوات وداش السنه الرابعه الله يطول لنا بعمره

ماياكل نهائيا وهو من انولد رفض الرضاعه الطبيعيه والحين ماياكل ولا يرضع وجسمه ضعيف امي احتارت فيه



شسوي

جو وزنه و طوله لو سمحتي ؟

اذا كان الوزن طبيعي فمعناته انه الولد ياكل حاجته بس و لكن كلنا كأمهات نحب عيالنا ياكلون الكمية كلها او بالأحرى

ياكلون حسب حاجتنا و ليس حاجتهم

اما اذا كان غير طبيعي الوزن فهنا نبحث بالأسباب ممكن يكون عنده فقر دم او اي مشكلة ثانية تبين بالفحص و التحاليل

السلام عليكم يا دكتورة

عندى مشكلة اتمنى تكون بسيطة وارجو ان تفيدينى بخبرتك فى كيفية التعامل مع هذة المشكلة ان كانت لها تواجد .
اثناء الحمل ظهر عندى ورم فى الصدر الايمن وروحت للطبيب وسوالى التحاليل والحمد لله الورم طلع حميد وكان صغير وابلغنى الدكتور انة يمكن ان اسوى عملية جراحية لكى ازيلها والعملية لا تستغرق اكثر من 3 ساعات لانة سيتم اخذ بينج كلى فسالت الدكتور هل هناك مشكلة على الرضاعة فابلغنى انة لا يوجد مشكلة حتى الادوية التى ساتناولها ليس لها اضرار فانا الحين مترددة هل اسوى العملية وارضع طبيعى عادى ....
للعلم دكتور الجراحة ابلغنى لا توجد اى خطورة على الرضاعة الطبيعية بعد اجراء العملية - واخذ الادوية ---- لكن كيف سيتم سيتم اخذ بنج كلى وادوية ولن يكون هناك اى ضرر على عملية الرضاعة الطبييعية؟؟؟ للعلم بنتى عملرها الحين 4 شهور
ارجو ان تفيدينى ماذا افعل ...

انا كل قلقى على بنتى ولا اريد ان اعطيها صناعى الحين .
اتمنى ان تأكدى لى العملية امنة على الرضاعة ؟؟(بسبب البينج والادوية التى تؤخذ فى تلك الحالة ))

الورم اسمة -فايبروادينوماfibro adenoma - وهو على سطح الجلد فى الثدى من الداخل وبعيد عن الغدد اللبنية ...كما اشار الدكتور انة يظهر فى بعض حالات الحمل ......

فى أمان الله دكتور ة.

ام يارا

ادوية البنج ما تعتبر من الأدوية الممنوعة اثناء الرضاعة الطبيعية ولا المضادات الحيوية ولا مسكنات الألم

استخيري رب العالمين و توكلي على الله

و الله يكتب لج اللي فيه الخير

و لا تخافين عالبنت ما عليها شر ان شاء الله

السلام عليكم

دكتوره عندي طفل عمره 5 سنوات من شهرين اكتشفو فيه السكري

اوصفو له ابر انسولين ...هل في علاج غير ابر الانسولين؟؟؟؟
وممكن يتشافى من هالمرض ويروح منه ولا راح يتم معاه لحد مايكبر

للعلم العائله مافيها تاريخ مرض السكري وهو حاله نادره

اسأل الله العظيم رب العرش العظيم ان يشفيه

و الله كان ودي اقول لج غير هالكلام بس للأسف سكري الأطفال هذا مرض ما يروح و راح يتم معاه لمن يكبر

و حتى الأن لا يوجد علاج فعال غير الانسولين

كان بالأول عن طريق الأبر بس الحين بعض الأطفال صاروا يستخدمون القلم او المضخة اللي عن طريقهم ياخذون الانسولين بطريقة اسهل و اسرع من الابر

د. رشا الله يعطيج الف عافيه وعافيه
على هالمجهود الاكثر من رائع
وانا وحده من الامهات اللي استفادوا منك فعلا الله يوفقك
دكتورة انا سالتك قبل هالمرة عن الحليب ( بنتي عمرها سنة و 3 شهور ) و ضعيييييييييييفة كتير
جربت معها حليب بروجرس اول اسبوع كان كويس بس بعدين فجأة صار معها اسهال و بعد كل كاسة حليب او وجبة مباشرة تعمل براز سائل اسهال و له رائحة كريهة صارلها يمكن اسبوعين ==>> هل هذا بسبب الحليب و لا ممكن يكون تسنين ؟؟؟؟؟؟؟
و اذا المشكلة بالحليب شو رايك اغيره بسيميلاك 3 هل كويس و بيسمن و فيه سعرات مثل البروجرس و لا لأ؟؟؟؟

مشكورة كتير

غالبا يكون سبب الاسهال من التسنين حسب الوصف

و اذا تبين تغيرين الحليب تقدرين

و سيميلاك 3 ممتاز و يزيد الوزن بدون ما يأثر على شهية الطفل

السلام عليكم ورحمه الله وباركاته يعطيك العفيه دكتورة وجزاك الله خير
حبيت اسالك يادكتورة عن ابني عمرة سنتين و3اشهر قبل تقريبا شهرين ظهرت فيه مثل الحبه الصغير في فخضه الأيسر وكل يوم يزيد حجمها ويصير شكلها كأنه احترق حتى وصل حجمها تقريبنا 3سم مربع وبعد 3 ايام ظهرت في فخضه الأيمن حبه نفسها صغيرة وكان فيها حكه اخذته لدكتورة اخصائية في الجلد عملاتله فحص دم طلع عند التهاب في الدم قالت المفروض يكون 4 طلع عنده 10 قالت هذي مش حاجة خطيرة عطاته كريم مومينتا وصابون و مضاد حيوي اسمه كلاسيد ....بس المشكله انا ما هتميت بالمضاد الحيوي لانه ابني ماتقبل طعمه والحمدلله شفا مع المداومه على الكريم وبعد تقريبا 10 ايام ظهر له حبه في مكان ثاني من رجله اول شي صغيرة وبعدين تزيد حتى وصلت حجمها تقريبا 2سم مربع ورجعت عند الدكتورة وقلتلها اني ماعطيته المضاد الحيوي ..عاداتله الدكتورة نفس العلاج وهذي المرة اهتميت للعلاج واجد والحملله بس اثار الاماكن ظلت لونها بني داكن وشفا تماما.... مر شهر وكم من يوم ما شفت شي بس اول امس ظهرت حبتين في فخذه وبدت تكبر من جديد.... ولما رجعت لدكتورة تعجبت قالت عنكم حشرات في البيت قلتله لا وانا متاكدة .. اعاداتله فحص الدم طلع عند طبيعي ماعنده التهاب وماعطاته علاج غير كريم مومينتا وقالت اهتمي بنظافته زززين .
دكتورة هل ممكن يكون من قلت النظافة ؟ انا شكيت لان ابني عنده خدامة هي الي تسبحه واول من ظهرت هذي الحساسيه كانت الخدامه لها شهر من جاتنا وما احسها نظيفة بعض الاحيان لما يطلع من الحمام اشوف فيه بقع صابون وبعض الاحيان يكون لازال فيه اوساخ وارجع اقولها حمميه مرة ثانيه .
ارجوكي دكتورة عطيني حل والله تعبت اذا كان السبب النظافة فأمرها بيسط لاني من اليوم خلاص منعت الخدامه انها تنظفه وصارت مسؤليتي وحدي .

جربي اول شي العناية بالطفل بنفسك
و اذا تكررت الحالة
وديه يشوفه طبيب اطفال
يفحصه و ممكن يسويله تحاليل زيادة

دكتورة بعد عني استفسار ثاني ابني يحب يشرب مع الحليب شكلاته (نسكويك) ولانه متعلق في الشكلاته واجد بدلتله بيديا شور بنكهة الشوكلاته لكل رضاع حليب 225 اضيف 2 ميكيال بيدياشور لانه في فايدة اكثر..........فهل بيدياشور فيه فايده من الحليب او لا ؟ لانه في العلبه مكتوب يحضر بالماي ؟؟؟؟؟
وهل عادي انه يشرب 4 رضاعات حليب في اليوم في كل وحد 2 او 3 مكيال ؟ او راح تاثر عليه ؟
واحب اذكرك دكتورة انه ابني عمره سنتين و3 اشهر

حبيبتي ماله داعي تزيدين مكيال الحليب عن المكتوب عالعلبة راح يضرالطفل ما يفيده و خصوصا اذا تضيفينه عالحليب هالشي خطر و ممكن يزيد الأملاح و الدهنيات الضارة في جسم الطفل

المفروض تحضرينه بالماي مثل المكتوب و بنفس الكمية بالنسبة للماء و مسحوق الحليب

شي ثاني

4 رضعات باليوم لعمر ولدج كثير

المفروض بس اثنتين و بالكوب مو بالرضاعة

شكرا دكتورة وديتها الدكتور والحمدلله مافيها شي...
انزيندكتورة بسألج بعد عن الحليب ابتاميل انا حاليا اعطيها بس رضعتين اول ما تقوم و قبل ما تنام ..الحين صارت سنة هل اقطع الحليب ابتاميل واع\يها كيدي دي العادي ولا اكمل بالابتاميل؟
وبالنسبة حق اسنانها بس طالع لها ضرسين تحت ليحين ماكو ضروس بس اذا بيططلع شكله بادي يطلع بجانب الضرسين اللي تحت فهل هذا طبيعي؟

تقدرين تكملين على ابتاميل بس تاخذين لها رقم 3

و بالنسبة للأسنانها طبيعي هالشي لا تحاتين

​

 

[miss mama]

دكتورة الله يخليج سؤالي محيرني ومو عارف اطمن نفسي ولا شسوي

ولدي عمره سنه وست شهور.. لحد الان لما ناديه باسمه ما يلتفت !! مع العلم اهو واهو صغير كان معاه مشكله بالكالسيوم تعالج منها الحمدالله بس مشا متاخر وتسنينه متاخر يعني الحين عنده ضرسين فوق وضرسين تحت..وبادي يطلع له نابين ..تشوفيت هالشي طبيعي تاخره؟؟..واهو حيييل حيل ضعيف وزنه 9 كيلو مع اني استخدم له فاتح شهيه مثل pediakid ماحس فاده بشي ...

وابي اسئلج دكتوره عن الحلبه انا احط شوية حلبه في مطارة الماااي مالت ولدي و بنتي عمرها شهرين .. كل يوم احط شووي من الحلبه بالماي... هل الحلبه ممكن تضرهم؟؟ لانه من قرايتي فهمت انها تسوي سيوله بالدم ... فا شنو رايج