~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[mn.mn]

زيون يمكن جربته اسبوعين بس وااااااااااااايد حار طعم الزعتر قوووووووي وما حصلت القرص بالنصر مريت كذا فرع

خلاص عيل نطروا ببدي من الاسبوع الياي اجربه كل يوم نص استكانه قبل النوم وبشوف جم انزل خلال الاسبوع مع مشي ورياضة

بطوط يا بعد عمري ما تقصرين اي ان شاء الله متى ما قدرت بمر اشوف لي واحد

 

[بطة رشيقة]

انشالله منمن حبيبتى ..

بنات على طارى الطلعات اللى يعنى فيها نوع من الشاعريه والرومانتيكيه بقولكم ريلى عيد ميلاده الاسبوع الياى وانا قلت بعزمه بمكان حلو وراقى وبدووون كارز يعنى عرفتوا فما ادرى وين بالضبط وودى اسوى شى حلو بعد ممكن تساعدونى

واكيد بيوم عيد ميلاده انشالله باكل وياه اول شى عشان احتفل فيه وثانى شى بيكون لى انشالله 12 يوم من الالتزام فاستحق يوم فرى انشالله يارب ربى يتمم على لى ذاك اليوم ..

بس ساعدونى ابى مطعم كشخه وياحبذا يكون اول مره ادشه ..

وابى افكار حلوه بعد ممكن

وماى الزعتر من وين احصله ..؟

 

[زيـنـه]

من من .. انا من مده شايفه القرص الدوار في النصر الرياضي اللي في حولي (الفرع الكبير) صوب مجمع العدساني .
و على ماي الزعتر .. اتخففينه بماي او عصير .. ربع الكوب منه و ثلاث ارباع من اللي بتخففين فيه .
و يقولون التركي حار و جنه عطر .. و البحريني خفيف و مقبول بس انتبهي مايكون مكتوب عليه فاتح للشهيه .

بطبط .. مطاعم مطاعم .. شكثرها بالكويت .. اكو في مارينا ويفز اللي على البحر .. مو مارينا كرسنت .. لا ويفز اللي يم قاعه سلوى الاحمد مطعم لاونج .. قعدته حلوه و رومانسيه .. و هم بنفس المكان في مطعم ايطالي صغير و طيب اكله فوق .
و المطعم الثالث اللي معاهم ماكي .. المكان حلو و مو زحمه .. و اذا الجو حلو تقدرون تقعدون بره جنكم بنص البحر .

 

[بطة رشيقة]

ممم اى والله زيونه نبهتينى على ذاك المكان عرفته اللى جنه صاير مدور وبوسط البحر بس ما كنت اعرف شنو فى مطاعم كل ما شاوف ماكى اخترع لانى مو من ربع السى فود ولا الجاينا فود ولا القباقب فود هم خوش فكره وبعد اين الباجى اسعفونى بمكان حلووووو

 

[mn.mn]

بطو جربي مطعم التميسو اللي ببرج النصار يم الشيراتون انا لي اليحن ما جربته بس يشوق من تقارير البنات بقسم السياحة

طلي شوفي واحلى شي انه بالدور مادري جم فتشوفين منظر الديرة من فوق وشكل اليتيات يشوق بس دقي حجزي وقوليلهم ابي طاولة

جهة السيتي فيو وعندي رقمهم اذا تبينه اطرش لج عالخاص دقي حجزي وقوليلهم ابي كيكة عيد ميلاد صغيرة وبس

وماي الزعتر انا ريلي يابه من الخفجي مادري اذا موجود عند الحواي

 

[زيـنـه]

بطبط .. ماي الزعتر موجود عند الحوايين و بالجمعيات .
و على ذاك المكان انا مجربة الايطالي و كان اكله حلو .
و الثاني اللي اسمه لاونج اكله مثل الكافيه ما جربته بس ناس مدحولي اياه.. قعدته حلوه اللي بره بس يبيله جو حلو .

 

[بطة رشيقة]

مممممم صح صح هم التسيمو حلو .. ايوا ايوا تعيش الافكار النيره

وعلى ماى الزعتر انشالله يارب اليوم اذا رحت الجمعيه بمر الحواى ..

 

[عنيّد]

هممممممممم

بطوط ، بالنسبه لمطعم التسيمو رايحته من قبل ؟


انا رحته ع الغدا ، هو بالدور 32 صح فوووق ، بس بالغدا المنظر حليو ، لكن يومها كان غبار خخخخ موخوش
يمكن ع العشا يكون أحلى لأنه بس ليتات الي بتبين :eh_s(3):

بس ماعجبني اكلهم ، يعني الي قريته بتقارير السياحه بالمنتدى كان زياده عليه ، وهو أكله عادي ، حتى رفيجتي الي كانت معاي قالت عادي مو مثل ماسمعنا عنه
المكان هادي ، بس الطاولات احسها قريبه من بعض :O_SHH_:

حتى عندي مطعم لونوتر الي ع البحر أحلى ، روووماااانصييي أكثر واحلى شي انه بالبحر :eh_s(22):


اي صج ، وحده بكويتيات كانت مسويه عيدميلاد ريلها هناك ، تقول ياله الجرسون وبيده صحن صغير وعليه مكتوب بالمادري شنو شي ينوكل يعني مثل الصوص ، مكتوب هابي بيرثدي وعليه رسومات وكذا ، يعني موكيكه
على قولتها تقول ذراااابه مو كيكه ، مادري ليش حسستني ان الكيكه عيب :nocommint:

 

[eng.q8]

صباااااااح الخير

 

[زيـنـه]

انوج .. صباح النور على البنور

 

[mn.mn]

بطبط ان شاء الله تلقين ماي الزعتر وان شاء الله تكون الطلعة فل الفل

توني خذيت سناك نسكافيه وكتكات سناك والغدا احتمال كبير سلطة وهمبرجر

والعصر ماكو غير نسكافيه والعشا ما قررت لي اليحين عسى بس ما اطلع مع خواتي اليوم واخورها

 

[eng.q8]

زيوووووووون شلونش؟؟

عنيد شخبارج؟؟

بطبط ان شالله يوم سعييييييييد

منمن عواااااااااااافي السناك

 

[mn.mn]

عنيد اي اتوقع قعدته بالليل احلى انا ناوية اجربه بس مادري متى ؟

انوج اهلا وسهلا والله يعافيج

 

[عنيّد]

انوووج ،، صباح الخيرااات :eh_s(6):


بطوط ،، ليييييييش ماتروحون مطعم فيلا فيروز ، ياربي هالمطعم قمةةةةة بالرومانسيه ، أحببببببببببه برشا برشا
انا ورفيجتي مره رحناه على الساعه 8 كان هاااااااااادييييييييييييييييييييييي والاضاءه خفيفه وصوت فيروز ، آخ ياسلام

 

[eng.q8]

عنيد صج فيلاااااااااا قمه بالطعم يمي يمي

بس مو رومنسي ولا حق مناسبه جذيه طال عمرج

 

[mn.mn]

عنيد صاجة فيلا فيروز حلو واكله حلو وقعدته حلوة بس مو رومانصي 100 % كله زحمة

 

[mn.mn]

لوووووووووول ما سوى عليج اقتراح عنيد

 

[زيـنـه]

عنيد .. وين الرومانسيه بفيلا فيروز ..!!؟؟
خلي هالسوالف حق اهلها .. يسلمج ... لوووول

انوج .. انا زينه .. انتي شخبارج ؟ و شهالغطه ؟

 

[عنيّد]

عنيد صج فيلاااااااااا قمه بالطعم يمي يمي

بس مو رومنسي ولا حق مناسبه جذيه طال عمرج

والله احس كل الرومانسيه فيه :eh_s(22): أصلاً ماحب اروحه مع اكثر من نفر 1 :tongue22:
وهو حلو رايق وهادي بالاخص القسم الي بدون تدخين ، أكو طاوله بين العمود والشباك ، أحلى مكان :O_SHH_:

بس بعد انتوا ادرى بهالحركات :eh_s(3):

 

[eng.q8]

لوووووووووووووووووووووووووووول