وناستنا في رشاقتنا (( الجزء الثالث ))

[Ya7aLaTi]

مهمهااااااااا... أكيييييييييييد نذكرج.. شلوون ننساج فديتووج :*

يعطييج العافيه حوووبي... والحمد إنج ملتزمه بالرجيم وإن شاء الله بتقدرين عالرجيم اليديد :ggdw:

 

[mn.mn]

السلاااااااااااااااااااااااااام عليكم

اول شي يعطيكم العافية على الرسائل بخصوص الوزن وابشركم بتقرير ناااااااااااااااااااااااااااااااااري غدا بعون الله

ثاني شي اليوم كلش انا لاهية فما مداني ارد على رسايلكم فالسمووووووووووووووحة منكم

ثالث شي اليوم رحت الافنيوز وما تريقت بس شربت جاي حليب والغدا كان فتوش وصمونة شيش طاووق من كبابجي وحاولت اشيل الخبز

الزايد من الاطراف وجم حبة بطاط وودجز والعصر قعدنا بكافيه بلان طلبت قهوة تركية وشاركت ريلي بالحلو وشاركت الياهال بالبريد

ادري شوي مخبصة بس يا ربي الطلعة ما تحلى الا بالأكل وان شاء الله طول الاسبوع بلتزم عشان اعوض والحين ماراح أتعشى شربت

نسكافيه وباكل بس اناناس بعد شوي واشوفكم باجر لاني لاهية مع الياهال باجر ولدي راح يداوم وقعدت جهزت أغراضه والحين انا

بحضر حق حصص باجر لي الحين ما حضرت ولايعة جبدي مالي خلق الدوام بس الشكوى لله

مع السلامة وانتظرونا غدا بتقرير حافل بالانجازات

 

[روعة خيال]

مرحباااااااااا


توني رادة من الممشى

و تعشيت

كيوي+اناناس

مهموها شخباااارج عاش من شاف نكج

اكيد نذكرج

ام خالد اذا بتسوين التمر و اللبن انصحج لا تسوينه اكثر من اسبووع لانه متتتتتتتتتتتتتعب بس نتيجته وااااااااضحة و ان شاء الله توصلين الوزن اللي تبينه

منمون الله يعينج على هالوظيفة اللي بتدبس فيها معاج لووووووووووووول

الله يخليلج عيالج اللهم امين

و بالعافية اللي اكلتيه ما يخالف اليوم يعتبر فري

و ان شاء الله الاسبوع الياي اوعدج وزني نازل اكثر بحيل الله

 

[teenaa]

هااااااااااي بنوتات


انا رديت من الطلعه رحنا ستاربكس الي بمارينا كرسنت

شربت عصير برتقال
وجكن سيزر

ورحنا تمشينا بمركز سلطان شريت كورن فلكس فتنس تذكرت حبيبتي لا حلاتي ماادري ليش لووووووووووووووووووول

ورديت شربت شوربه خضار مسويتها امي وفاصله عليها

وبس حددددددددددددددي مغثوثه

 

[Ya7aLaTi]

روعه خيال وتينا ومنمن... علييكم بألف عااااافيه :eh_s(6):



تينااااا.... لوووووووووووووووووووول فديتوووج والله .... الحين صار الكورن فليكس يذكركم فيني ؟ :dddds:... حتى رفيجتي تقولي كورن فليكس فتنس يذكرني فيج <<<< صار الكورن فليكس مربوط فيني عندكم :dddds:... بس أشوه كورن فليكس فتنس أحسن من شي ثاني لووووووووووول :dddds:

 

[al7noona]

لووووووووووول اي والله صاجين الكورن فليكس قام يذكرنا بياحلاتي لان انتي على طول تقولين باكل كورن فليكس ههههههههه


عليكم بالف عااافيه ياحياتي كلكم

انا اليوم قعدت شربت جاي ورحت الصالون وطولت وااااااايد من الساعه 4 لي 8 صابغه شعري وتخيلووا من قعدت لي الساعه 8 وانا موماكله شي غير الجاي ولما طلعت طلبت وجبه والحين كليت تفاحه خضرا

 

[al7noona]

بنات حطوا ام بي سي بسرعه شوفوا الرابح الاكبر

 

[Ya7aLaTi]

الحنوونه.. لوووووووووووووووووووووووول هالكورن فليكس صار إدمان عندي :dddds:


وعليييج بالعااافيه حووووبي :eh_s(6):

 

[Bs.ana]

أناااااااااا باك

تابع يومي

عشاي كان
كفته بالفرن + سلطه بالصلصه الفرنسيه :ggdw:

ولعبت رياضه
30 دقيقه على الغزال الطائر + تمارين بطن ومعده وخواصر :ggdw::ggdw:

 

[Ya7aLaTi]

أناااااااااا باك

تابع يومي

عشاي كان
كفته بالفرن + سلطه بالصلصه الفرنسيه :ggdw:

ولعبت رياضه
30 دقيقه على الغزال الطائر + تمارين بطن ومعده وخواصر :ggdw::ggdw:

علييج بالعاااافيه حوووبي :ggdw:

 

[Bs.ana]

علييج بالعاااافيه حوووبي :ggdw:

يعافيج حبيبتي :eh_s(6):

 

[7googya]

مساء الخير
شلوونكم
في مجال اشارك معاكم؟؟ ولا بلشتوو ؟!

 

[sugar&spice]

قووووووووه بناااااااااااااااااااات

صارلي 3 ايام مو داشه النت ,,,,,,,,,, الخميس كان عندي ملجه وامس ما كان عندي نت واليوم كانت زواره بيت عمي

المهم خبصت بس شويه مو وايد ,,,,,,,,,, بس رحت امس مشيت نص ساعه تقريبا واليوم رحت سويت مسااااج وتعشيت سلطه من ماك وتوني اكلت تفااااااحه

وان شالله من باجر دواااااام ,,,,,, اقدر اشبك الصبح اسولف معاكم

سوالفكم حلوه بس حسافه قاعده تطوفني

وبالنسبه للوزن مانزلت ولا غراااام

 

[~ MhMh ~]

صباح الخير
توني قاعدة اطالع الرابح الاكبر ماشاء الله عليهم صج يعطونج حافز تضعفين بس جنهم مبلشين حزازيات من أول شي الظاهر من الريجيم صج يلعب بالنفسية

أنا السبت طبعا كان الغدا و العشا و ما بينهم كله فري لوووووووووووووول و ما يحتاج طبعا بدعت بالاكل


ياحلاتي و روعة و من من ماقصرتو وانا احوالي الريجيمية عال العال بس حدي مشغولة و حايسة بالدوام



ياحلاتي شهالزين جني اشوف تيكرج راد مرة ثانية للستينات ماشاء الله ان شاء الله تنزلين 3 و توصلين للي تبينه

روعه ما شاء الله شكل طالب نفع معاج و استعدي من الحين لمهنة العذاب

من من و انتي صاجه حلاة الطلعة اكل و بلعة ... نظامنا الاجتماعي كله ماشي على جذيه... ما شفتي ذاك اليوم لبنانية مع زوجها و بيبيتهم بالممشى كلهم اجسامهم سمبتيك و يمشون ... و أنا اضحك اقول لاختي و اللي يعافيج احنا ما نعرف نمشي الا لما نسوي ريجيم !!!!!! و اذا طلعنا مع ازواجنا مانطلع الا لمطاعم و الا مجمعات و الا سينمات مانعرف نسوي شي صحي و مفيد و يكون اسري لووووووول




ادري قرقت عليكم ... تصبحون على خير و هالله هالله بالريجيم

 

[oum 5ald]

انا توني رديت ..

تقدرون تقولون اني خربطت لاني اكلت كاكاو جلكسي وشربت ريد بول واكلت شويه ماك فلوري كتكات شويه اقل من النص ..

الله يستر ماكون زايده لوووول

 

[Bs.ana]

~ MhMh ~

صباح الانوار
اي اي واي يحفزووون ليمه اشوفهم بس ماحب مال العرب :dddds: ملاقه

بالعافيه عليج بس ياله نبي اتلزام :ggdw:

وانتي من اهله الله معاج



oum 5ald

واي حرام عليج ياله التزمي يبيلج زف :eh_s(14):
ماتبين تضعفين وتصيرين رشيقه شفتي اجسامتهم البنات الي بالجامعه مو تينن :dddds:
<<< يعني بتحرج

 

[oum 5ald]

لووووووووووووووووول ..

والله شفتهم

ماتشوفيني ملتزمه ..؟

وصايره يعني اذا اكلت مطعم وجبه ما اكل كاكاو واذا اكلت كاكاو ما اكل وجبات شرايج فيني ..؟

 

[Bs.ana]

لووووووووووووووووول ..

والله شفتهم

ماتشوفيني ملتزمه ..؟

وصايره يعني اذا اكلت مطعم وجبه ما اكل كاكاو واذا اكلت كاكاو ما اكل وجبات شرايج فيني ..؟

اي اي احتري والله اللبس حلو والجسم احلى واكفي يصغر العمر ويخليج ناعمه وعنونه :eh_s(6):
لوووووول اثنينهم ممنوع لازم

شوفي هالرجيم ينزل 7 كيلوا في 7 ايام عاجبني
بس بتعبني بدوامي لانه ماكو وقت اسوي وجبة الغدى

بس شوفيه اذا اناسبج وحلو فيه اكل

السبت\ جميع انواع الفواكه (برتقال،تفاح،كثرى،يوسفي،خوخ)ماعدا الموز والمنجا.

الأحد\ فطور : خيارتين،وجزرتين،وخسين.
الغداء:طبق مشكل من الخضار المسلوقة+مرقة الدجاج ماجي+كزبرة.
العشاء:طبق سلطة خضراء.

الأثنين\ الفطور:فاكهة.
الغداء:طبق خضار بدون لحم .
العشاء: طبق فاكهة مشكل أو سلطة خضراء.

الثلاثاء
الفطور:موزتان+ كأس حليب قليل الدسم.
الغداء والعشاء: 3 موزات+كأسان حليب قليل الدسم.

الأربعاء
الفطور:بيضتان مسلوقتان.
الغداء:لحم أو دجاج أو سمك مشوي.
العشاء:طبق سلطة خضراء أو فاكهة.

والخميس والجمعة
مثل يوم الأربعاء

 

[منول القمر]

مرحبا احم احم بدخل بنات بالموضوع اسمي :منول القمر وزني :60 رجيمي :نظام غذائي متكامل يعني اهم شي الفواكهة والسلطة في كل وجبةاقلل اخبز يعني بس باليل نصف او ربع خبز اماالغذاء دون رز اوخبز والفطور وسد يوعي با الفو اكهة بين الوجبات وام شي الابتعاد عن الحلويات والشبسات والغازيات طبعا كان قبل ارمضان وزني 59 وزت برمضان 3كيلو بس نقصة 3 بدية يوم ثالث العيد رياضة :امشي ساعة ونص اوربع موزع فترتين تمرن مرتين في اليوم واهم شي تمارين المعدة طولة عليكم وايد بس اصراحة ارتحت الى التجمع والمنتدى وكل واحد يستفيد من تجربة غيرة

 

[oum 5ald]

فنكيوووه .. بخاطري اسوي التمر واللبن ولهت عالقهوه لوووووووول ..

وبعدين في رجيمات سهل تطبقينها في رجيمات مادري مو واثقه فيه لووووووووول ..

يمكن عقب التمر واللبن اسوي بويومين يومين ..
وايد حلو ونزلني ..

ولا شرايج ..؟