هل لديكم طفل يعاني من التوحد- خلونا نتجمع

[خشوشه المشوشه]

مشكوره اخت مشاعل علي التوضيح الهام الله يشفي ولدك وولدي قولي آمين

 

[مشاعل الشمري]

آمييييييين يا حبيبتي

 

[الأنيقهـ]

المدرسه اللي دخلتو ا عيالكم فيها شنو يعلمونهم ... يعني شنو الدروس اليوميه اللي يعطونهم اياها ..؟؟؟؟؟؟؟؟

 

[مشاعل الشمري]

المدرسه اللي دخلتو ا عيالكم فيها شنو يعلمونهم ... يعني شنو الدروس اليوميه اللي يعطونهم اياها ..؟؟؟؟؟؟؟؟

حبيبتي انا ولدي من صغير مر بعدة مدارس
كان اولها روضة الحكومة-بعدين مركز التوحد واللي فاده وايد بعدين ولله الحمد تطورت حالته للاحسن وتم تشخيصه ببطء التعلم-صفات توحد وانصحوا الاطبه بدخوله المدارس ودخلته الابريطانيه اللي بحولي ولانهم يدمجون الحالات ومافي شهاده نقلته للكويت الاهليه بالفروانيه دراسه عاديه مثل الحكومه بس مو ثقيله وتوه مداوم ادعو له:ggdw:

 

[خشوشه المشوشه]

اخت مشاعل انا الحين بودي ولدي حضانه وخايفه لا يردونه لانهم قالو راح نجربه وانا حدي خايفه هل صادفتك هذه المشكله

 

[حوري2004]

اخت خشوشه انا برد عليج
توكلي على الله ودخلي ولدج ولا تقولين لهم فيه توحد هذي نصيحة الدكتوره لي علشان يصير للولد فرصه انه يندكج مع العالم والله يعين ان شاء الله

 

[مشاعل الشمري]

بروضة الحكومه اي وديته بس اسبوعين لا اهو تقبلهم ولا اهم
مثل ما قالت لج حوري وديه وجربي يمكن ينخرط معاهم ويجتمع ويتحسن بس عاد مو اي حضانه
حياج الله يقلبي

 

[خشوشه المشوشه]

جزاكم الله الف خير ادعولي

 

[الأنيقهـ]

شنــــــــــو الدروس اللي ابتدو معاهم فيها ... وهل في تفاعل مع الدروس من قبل الطفل او بس مستمع او ما يهتم جربتوا تحفضونهم سوره من القران مثلا الفاتحه او الاخلاص ؟؟؟

 

[مشاعل الشمري]

شنــــــــــو الدروس اللي ابتدو معاهم فيها ... وهل في تفاعل مع الدروس من قبل الطفل او بس مستمع او ما يهتم جربتوا تحفضونهم سوره من القران مثلا الفاتحه او الاخلاص ؟؟؟

حبيبتي بس فسري لي شنو تشخيص ولدج؟ وكم عمره ؟اوين مدخلته؟

 

[ريمه الكويت]

Emanova مشكوره بعد عمري ماقصرتي ويارب يفرحج بوليدج ويشفي كل عيالكم يارب

 

[الأنيقهـ]

حبيبتي بس فسري لي شنو تشخيص ولدج؟ وكم عمره ؟اوين مدخلته؟

انا ولدي عمره اربع وشوي في الكي جي 1 في مدرسه خاصه مو حكوميه في البحرين بس ما ابتدو الدراسه على 1 نوفمبر وانا الحين اسوي له برنامج تاهيل في البيت وحابه اعرف الدروس علشان ما يكون شي جديد عليه لما يداوم

 

[مشاعل الشمري]

انا ولدي عمره اربع وشوي في الكي جي 1 في مدرسه خاصه مو حكوميه في البحرين بس ما ابتدو الدراسه على 1 نوفمبر وانا الحين اسوي له برنامج تاهيل في البيت وحابه اعرف الدروس علشان ما يكون شي جديد عليه لما يداوم

يا هلا والله الله يجعله عام خير عليكم
اول شي انا ولدي كان بمركز التوحد 4 سنين وكانو يدربونه على معالجة السلوك-ومخارج الحروف وكل شي ممكن يطوره
ثانيا لمه صار عمره 6 سنين بدو معاه منهج اول ابتدائي مع كل تدريب لمعالجة التوحد
ثالثا الحين تشخص ببطء التعلم عند السابعه ونقلته الحين لمدرسه تعالج بطء التعلم دراسه عاديه بمنهج وشهاده حكومي مخفف
وعلى قد مخه
الله يفتح على ولدج انشاءالله اكون فدت:ggdw:ج

 

[خشوشه المشوشه]

اختي مشاعل مدارس بطئ التعلم خاصه حق التوحد ولا اطفال عاديين والسؤوال الثاني هل كان ابنك فيه سمات توحد والان شفي منها لان انا الي اعرف ان التوحد سواء سمات او شديد اوخفيف كلهم يتعالجون ويدرسون في مكان واحد والله يا اختي انا خايفة علي مستقبله طمنيني

 

[Emanova]

ولدي مشكلته مو راضي يمسك اقلم علشان جذيه ما بلشنا معاه منهج الابتدائي المدرسه قالوا لي ان بس يمسك القلم نحولها على بطيئي التعلم بس ولدي امتنح

 

[مشاعل الشمري]

اختي مشاعل مدارس بطئ التعلم خاصه حق التوحد ولا اطفال عاديين والسؤوال الثاني هل كان ابنك فيه سمات توحد والان شفي منها لان انا الي اعرف ان التوحد سواء سمات او شديد اوخفيف كلهم يتعالجون ويدرسون في مكان واحد والله يا اختي انا خايفة علي مستقبله طمنيني

ولدي كان توحد ودرس وتأهل في مركز الكويت للتوحد وبفضل من الله ثم بالتدريب صار بطء تعلم مع صفات توحد
المدارس الاهليه تدمج بطء التعلم مع الاطفال العادييين وياخذون سمات التوحد بس بعد اجتياز الاختبار اللي يشوفونه ممكن يدمج وعنده القدره على الدراسه ولا لأ
والمنهج بسيط حكومي والشهادة معتمده من وزارة التربيه
حياج الله يقلبي

 

[مشاعل الشمري]

ولدي مشكلته مو راضي يمسك اقلم علشان جذيه ما بلشنا معاه منهج الابتدائي المدرسه قالوا لي ان بس يمسك القلم نحولها على بطيئي التعلم بس ولدي امتنح

انشاءالله الله بيفتحها عليه ظل ادع له وحفزيه وانتي تعرفين عيالنا مع التشجيع يسووون اللي تبينه:eh_s(6):
بشوف الابتسامه اللي تعطي الامل

 

[عاشقة المسك]

مشكورة عالمضوع الحلو

 

[ناني سيكرتس]

السلام عليكم يا بنات..


اشلونكم وشخباركم جميعا, ولهمت عليكم كلكم, سامحوني اذا غبت عنكم, بي والله لهيت مع ابوي الله يحفظه, وصل بالسلامه وانا موفاضيه كلش, الناس ماشاء الله كلهم يوا له برمضان وردوا يو له بالعيد وتونا خالصين..

شنو اخر الاخبار, متى يداومون اعيالنا الحلوين بالمدرسه ..؟

 

[الأنيقهـ]

الله يحفظلكم عيالكم يارب ويكبرهم