مشترواتي ومشترواتكم من معرض الكتاب حياكم...

[rawona]

تشوق كتبكم .. عليكم بالعافية ..



يبيله نروح المعرض again :rerrerek:


​

 

[cup-cacke]

بنااااااات متى آخر يوم للمعرض

ومتى اوقاته

 

[7neaN]

بنات انا لقيت السجينه مكووود بس ماااااذكر اي مكتبه

اهي بقاعه 5 عند بوآبه اللي اذكره ان كان فيها كتب تويلايت وذا نيو مون مترجم رحت خذيت لاختي ولا اشوفه

سووري بس مااذكر اسم المكتبه وللأسف الجيس مال المعرض مو مالهم

write كلامها روونه وبنفس الصاله الي فيها مكتبة بلاتينيوم بوك , نفس الصاله بالضبط
و نفس ممر بلاتينيوم بعد هالمكتبه بشويه ع الجهة الثانيه يعني بلاتينيوم ع اليمين المكتبه الي تبيع الشفق
و هم السجينه تصير ع إيدج اليسار بعد بلاتينيوم .. =)

أدري قصه بس انشاالله فهمتي .. ThaNkS حبيبتي ..​

 

[Ms_sWeeTaa]

اخر يوم اتوقع 7-11

وكل يوم يفتح من 9ونص الصبح لي 1 الظهر
و4ونص العصر لي 9ونص بليل

بس اليمعة من 4ونص لي 10 بليل

 

[كلي أنوثة]

لا يطووووفكم فن البساطة تلاقونه بالعبيكان انا حطيته بردي الاولي الكتاب الي عليه صورة نبات اخضر بس طبعا اهوا مترجم والله حلوووووو حلووو لو شنو اقول يعني صج استمتعت و انا اقراه و قريت لامي هم عجبها
و آسفة تأخرت عليكم رواية طعام صلاة حب بالدار العربية للعلوم و النشر باربع دنانير بس انا استعيلت ماقلتله يسوي خصم عشان كنت مستانسة اني لقيته عسى يطلع حلو مو مديح عالفاضي
و كتاب الجمهورية المدينة الفاضلة من دار نشر اردنية اسمها الاهلية
وناسة ودي اروح مرة ثانية خاصة العبيكان فيها كتب حلوة و مو موجودة بالكويت << سويتلهم دعاية
بس صج لمن قريت كتاب فن البساطة حبيت المكتبة

 

[كلي أنوثة]

rawona أسرار سكرة مشكورين على الكلام الحلو
حسافة كنت أبي حب في زمن الكوليرا مالقيتها لقيت قصص ثانية حق غابرييل غارسيا ماركيز بس البياع مو موجود ...
شنو أحلى مؤلفاته؟ انا قريت 100 عام من العزلة عجبني وايد لو ما بعض الـ... الي مادري ليش ما حذفوهم بس حسيتها قصة عجيبة مو تقليدية، rawona خوش موضوع الله يعطيج العافية

 

[عنيّد]

هلاا

شريتهم من الدار العربية اثنينهم بـ9

:aha:

رحم الله والديج حبوبه مشكوره وماتقصرين ^_^

=============

هذي صورة حصادي من زيارتين لمعرض الكتاب _03BA:

رواية أنا وفرنسوا .. وجسدي المبعثر على العتبة
حياة الرايس
1.500 د.ك / دار الساقي / القسم اللبناني

رواية الخيميائي
باولو كويلو
ماذكر سعرها أظن 3 د.ك / دار الفارابي / القسم اللبناني

رواية خذها لا اريدها
ليلى العثمان
3 د.ك / - / القسم الكويتي

رواية الحقيقة لا تقال
خالد عاد النصرالله
3 د.ك / دار الصحوة / القسم الكويتي

رواية الحرف التاسع والعشرون
لولوة محمد صادق
3.500 د.ك / دار الصحوة / القسم الكويتي

رواية الساديّة
أحمد محمد العوضي
3 د.ك / ماذكر اسم الدار / القسم الكويتي

حول العالم في 200 يوم
أنيس منصور
6 د.ك / دار الشروق / القسم المصري

كتاب العصمة بحث تحليلي في ضوء منهج القرآن
السيد كمال الحيدري
2.500 د.ك / دار الأندلس / القسم اللبناني

كتاب أصول التعايش مع الآخر
الشيخ ياسين حسن عيسى العاملي
2.500 د.ك / دار الهادي / القسم اللبناني

كتاب قصص الأنبياء والمرسلين
الشيخ محمد جعفر الكرباسي
2 د.ك / مؤسسة آل البيت لإحياء التراث / القسم اللبناني

كتاب الصلوات مفتاح حل المشكلات
السيد علي القزويني
1 د.ك / الشركة العالمية للكتاب / القسم اللبناني

كتاب المخلوقات الخفية في القرآن
1 د.ك / دار البلاغة / القسم اللبناني

كتاب تاريخ القراءة
آلبرتو مانغويل
4 د.ك / دار الساقي / القسم اللبناني

كتاب الألعاب الشعبية الكويتية - ج.1
سيف مرزوق الشملان
1.500 د.ك / مكتبة دار السلاسل / القسم الكويتي

كتاب التعبيرات الشعبية الكويتية
غنيمة الفهد
5 د.ك / مكتبة العجيري / القسم الكويتي

أجزاء -مجانيّه- من مجلة العربي و العربي الصغير
سويت اشتراك سنوي بالمجلة من كثر ماسمعت من ناس بره الكويت ! :rerrerek:
السنة 6 د.ك ، النسخه 500 فلس ، يعني الفرق بالتوصيله للبيت بس

أخيراً ، كُتيّب و سي دي -مجّاني- من مكتب الشهيد ، فيه صور كل شهداء الكويت بالغزو العراقي


هذا كل شي لليوم ^_^
وصراحه أتوقع لي زياره ثالثه ، مع ان المعرض ما يرضي النفس بسبب كثرة الممنوعات ، ما جنه أكو اختراع اسمه نت + سفر :/
ولكن الحمدلله طلعنا بجم بهالكتب أحسن من ولا شي

 

[rawona]

رحم الله والديج حبوبه مشكوره وماتقصرين ^_^

=============

هذا صورة حصادي من زيارتين لمعرض الكتاب _03BA:

رواية أنا وفرنسوا .. وجسدي المبعثر على العتبة
حياة الرايس
1.500 د.ك / دار الساقي / القسم اللبناني

رواية الخيميائي
باولو كويلو
ماذكر سعرها أظن 3 د.ك / دار الفارابي / القسم اللبناني

رواية خذها لا اريدها
ليلى العثمان
3 د.ك / - / القسم الكويتي

رواية الحقيقة لا تقال
خالد عاد النصرالله
3 د.ك / دار الصحوة / القسم الكويتي

رواية الحرف التاسع والعشرون
لولوة محمد صادق
3.500 د.ك / دار الصحوة / القسم الكويتي

رواية الساديّة
أحمد محمد العوضي
3 د.ك / ماذكر اسم الدار / القسم الكويتي

حول العالم في 200 يوم
أنيس منصور
6 د.ك / دار الشروق / القسم المصري

كتاب العصمة بحث تحليلي في ضوء منهج القرآن
السيد كمال الحيدري
2.500 د.ك / دار الأندلس / القسم اللبناني

كتاب أصول التعايش مع الآخر
الشيخ ياسين حسن عيسى العاملي
2.500 د.ك / دار الهادي / القسم اللبناني

كتاب قصص الأنبياء والمرسلين
الشيخ محمد جعفر الكرباسي
2 د.ك / مؤسسة آل البيت لإحياء التراث / القسم اللبناني

كتاب الصلوات مفتاح حل المشكلات
السيد علي القزويني
1 د.ك / الشركة العالمية للكتاب / القسم اللبناني

كتاب المخلوقات الخفية في القرآن
1 د.ك / دار البلاغة / القسم اللبناني

كتاب تاريخ القراءة
آلبرتو مانغويل
4 د.ك / دار الساقي / القسم اللبناني

كتاب الألعاب الشعبية الكويتية - ج.1
سيف مرزوق الشملان
1.500 د.ك / مكتبة دار السلاسل / القسم الكويتي

كتاب التعبيرات الشعبية الكويتية
غنيمة الفهد
5 د.ك / مكتبة العجيري / القسم الكويتي

أجزاء -مجانيّه- من مجلة العربي و العربي الصغير
سويت اشتراك سنوي بالمجلة من كثر ماسمعت من ناس بره الكويت ! :rerrerek:
السنة 6 د.ك ، النسخه 500 فلس ، يعني الفرق بالتوصيله للبيت بس

أخيراً ، كُتيّب و سي دي -مجّاني- من مكتب الشهيد ، فيه صور كل شهداء الكويت بالغزو العراقي


هذا كل شي لليوم ^_^
وصراحه أتوقع لي زياره ثالثه ، مع ان المعرض ما يرضي النفس بسبب كثرة الممنوعات ، ما جنه أكو اختراع اسمه نت + سفر :/
ولكن الحمدلله طلعنا بجم بهالكتب أحسن من ولا شي

ماشاءالله مجموعتج وايد حلوه ..قريت الخيميائي وايد عجبتني الرواية ..


و 200 يوم حول الالم لأنيس منصور تحت قيد القراءة حالياً




كلي انوثة حبيبتي وايد اسمع عن غابريل غارسيا شنو احلى مؤلفاته ودي اقراله شي :eh_s(10):
​

 

[*سـ’ـــكـّــره*]

ياحلوه ياعنيد عليج بالعافيه خوش كتب

بس كتاب ليلى العثمان من أي دار نشر ؟؟؟

وموجوده كل اصداراتها والا لا ؟؟؟ لأني قريتلها (بلا قيود دعوني أتكلم) كانت حييييل حلوه وأسلوبها بالكتابه حلو

ماشفتلها شي لما رحت المعرض لأني روحتي كانت عالطاير

 

[*سـ’ـــكـّــره*]

- مؤلفات قماشه العليان:
- الرجل الحائط
- خطأ في حياتي

- من الروايات الأفضل مبيعا في السعوديه:
- نواح الصمت ((ابتسام عرفي))
- الملعونه ((اميره المضحي))

عليج بالعافيه حبيبتي

هالكتابين لقماشه حلويييييييييين قريتلها كل اصداراتها وكلها عجيبه الا الأخيره اسمها عيون قذره ماحبيتها

أما الملعونه قريتها السنه اللي طافت حلوه بس مو مسكته بس أحلى شي فيها تخليج تندمجين وياها حييييييييل والله كنت حزتها راده من السفر راسي بينفجر من الصداع بس ماقدرت أنام الا وانا مخلصتها آنا حزتها عشت دور كاميليا :eh_s(6):

 

[عنيّد]

ماشاءالله مجموعتج وايد حلوه ..قريت الخيميائي وايد عجبتني الرواية ..

و 200 يوم حول الالم لأنيس منصور تحت قيد القراءة حالياً
​

انا الحين بالصفحات الأخيره من الخيميائي ، فعلاً رائعه عالميه !
أما "200 يوم ..." فعيني عليييييه بقووووووه خاطري أبدا فيه بعد الخيميائي

ياحلوه ياعنيد عليج بالعافيه خوش كتب

بس كتاب ليلى العثمان من أي دار نشر ؟؟؟

وموجوده كل اصداراتها والا لا ؟؟؟ لأني قريتلها (بلا قيود دعوني أتكلم) كانت حييييل حلوه وأسلوبها بالكتابه حلو

ماشفتلها شي لما رحت المعرض لأني روحتي كانت عالطاير

الله يعافيج ^_^
همممممم ماحطيت اسم الدار لأني نسيت أكتبها ، بس اذا ماني غلطانه فهي مقابله مكتبة العجيري ، فيها اسم الكويت
واي نعم لقيت أكثر من روايه لها بس أخذت هذي الاصدار الاخير ، ماعمري قريت لليلى العثمان وهذي أول مره


والله المعرض يبيله روحه أكثر من مره ، أنا رحت مرتين وبهالمرتين قعدت على ساعتين ونص
بس عاد لا يكون اهتمامكم بس بالروايات ، أنا ضميري يأنبني لما أشتري بس روايات لأني أصلاً مو حيل مع الروايه ، وأحس الواحد مايستفيد منها كثر فايدته من قراءة كتب ثانيه ، بس صراحه الحق ينقال ، هالباولو كويلو غير نظرتي للروايه بعد قراءتي للخيميائي ، فيها معلومات حلووووووووووووووووه
عموماً ، التنويع حلو :rerrerek:

 

[rawona]

عليج بالعافيه حبيبتي

هالكتابين لقماشه حلويييييييييين قريتلها كل اصداراتها وكلها عجيبه الا الأخيره اسمها عيون قذره ماحبيتها

أما الملعونه قريتها السنه اللي طافت حلوه بس مو مسكته بس أحلى شي فيها تخليج تندمجين وياها حييييييييل والله كنت حزتها راده من السفر راسي بينفجر من الصداع بس ماقدرت أنام الا وانا مخلصتها آنا حزتها عشت دور كاميليا :eh_s(6):

انا بعد قريت كل اصداراتها .. وما عجبتني "عيون قذره" .. ما حبيتها كلش بس استمتعت بقرائتها!!


الملعونه حق قماشة بعد؟؟ وين احصلها لأني ماقريتها كلش !

​

 

[rawona]

انا الحين بالصفحات الأخيره من الخيميائي ، فعلاً رائعه عالميه !
أما "200 يوم ..." فعيني عليييييه بقووووووه خاطري أبدا فيه بعد الخيميائي



الله يعافيج ^_^
همممممم ماحطيت اسم الدار لأني نسيت أكتبها ، بس اذا ماني غلطانه فهي مقابله مكتبة العجيري ، فيها اسم الكويت
واي نعم لقيت أكثر من روايه لها بس أخذت هذي الاصدار الاخير ، ماعمري قريت لليلى العثمان وهذي أول مره


والله المعرض يبيله روحه أكثر من مره ، أنا رحت مرتين وبهالمرتين قعدت على ساعتين ونص
بس عاد لا يكون اهتمامكم بس بالروايات ، أنا ضميري يأنبني لما أشتري بس روايات لأني أصلاً مو حيل مع الروايه ، وأحس الواحد مايستفيد منها كثر فايدته من قراءة كتب ثانيه ، بس صراحه الحق ينقال ، هالباولو كويلو غير نظرتي للروايه بعد قراءتي للخيميائي ، فيها معلومات حلووووووووووووووووه
عموماً ، التنويع حلو :rerrerek:

اتصدقين عندي روايتين بعد حق باولو كويلو اهم 11 دقيقة و ساحرة بورتيللو << شي جذي ماني ذاكرة بالضبط .. عندي اياهم من زمااااااااااااااااااااااااان للحين ماقريتهم!!!


قريت الخيميائي .. وهناك على نهر بيدرا جلست وبكيت << مو متأكدة من العنوان ووحدة بعد اسمها مادري شنو البريئة!! لوول حدي مضيعة بالعناوين لأني قاريتهم من زمان ..


مشكلتي اني عندي وايد كتب شاريتهم وللحين ماقريتهم والسبب؟؟


اني اشتري وايد كتب!! يعني قبل لا اخلص الكتب اللي عندي تلاقيني اروح واشتري بعد كتب و اقرا منهم وهم قبل لا اخلصهم اشتري غيرهم وهكذا.. ادمان شراء وقراءة الكتب والود ودي اقرا كل شي !!



وبالنسبة لي وايد احب الروايات .. اما الكتب الثانية الدينية والعلمية والثقافية فأنا اقرا باستمرار بالانترنت .. يعني اي معلومه حابه اعرفة بضغطة زر وحده القاها بالانترنت و ما اشتري وايد كتب من هالنوع .. ما يمنع ان عندي بعض من هالكتب بس افضل الروايات الهادفة طبعا اكثر :balo:

​

 

[مطيريه ماركه]

السلآم عليكم

2 مشوآر لـ آلمعرض وصورت لكم حصيلة مشتريآت آليوم لأن أوّل مرة مآشريت آلآ كتآبين والآثنين خآصين بـ آلآدب العربي !



من آليمين :-

- زمن آلبوح آلتحولآت ، حمد آلحمد .

- آمرأة وظلآن ، خلود عبدآلله آلخميس .

( الروآية بآين عليهآ رومنسية قصة حب بين كآن وآلكويت آلموظف قآلي أن طبعتين نفذت من آلروآية قبل تنشر بـ آلكويت وآلكآتبة كويتية مآقآومتهآ ! )

- خآن آلخليلي ، نجيب محفوظ .

- السجينة ، سبق وقريته بـ آلنت بس حبيّت أقتنيه لأنه روعة وأكيد لـ مليكة أوفقير .

- أسرآر ممنوعة ، لـ آلمميزة سآرة الرآشد !

- آلحب تحت آلمطر ، نجيب محفوظ .

- قشتمر ، نجيب محفوظ .

- لغز آلكآريبي ، أجآثآ كريستي .

- قلب آلليل ، نجيب محفوظ .

- ميرآمآر ، نجيب محفوظ . ( أحب الفيلم )

- صبآح آلورد ، نجيب محفوظ .

- السمّآن وآلخريف ، نجيب محفوظ .

- بدآية ونهآية ، نجيب محفوظ ( فظييييعة هـ آلروآية قريتهآ ونسيتهآ لمّآ سآفرت ورديت شريتهآ )

- عصر آلحب ، نجيب محفوظ .

- آلغريبة ، مليكة أوفقير .

آلسرآب ، مليكة أوفقير .

ولي عودة لـ آلمعرض لأني مآ حست بـ آلصآلة 6 عدل دشيتهآ مرور بس

وودي أشتري كتآب أخت مليكة أوفقير شرآيكم فيه بنآت صج جريء ؟

 

[Om eL-3a9aGeeL]

انا ما فريت عدل عالسرييييع كان مالي خلق =/

امس رحت وانشالله يبيلي روحة ثانية

خذيت رواية "أطفال منتصف الليل" .. سلمان رشدي
ماذكر اسم المكتبة بس ما كان فيه الا نسخة وحدة .. هناك حسيت انه الاسلوب حلو
ولما رديت وفججتها عدل تنرفزت

وهم خذيت روايتين حق خولة القزويني :
عندما يفكر الرجل << اللي يبيع وايد مدحلي اياها !
رجل تكتبه الشمس

وبس انشالله اروح مرة ثانية

:

يعطيكم العافية

 

[وهج الحب]

اتصدقين عندي روايتين بعد حق باولو كويلو اهم 11 دقيقة و ساحرة بورتيللو << شي جذي ماني ذاكرة بالضبط .. عندي اياهم من زمااااااااااااااااااااااااان للحين ماقريتهم!!!


قريت الخيميائي .. وهناك على نهر بيدرا جلست وبكيت << مو متأكدة من العنوان ووحدة بعد اسمها مادري شنو البريئة!! لوول حدي مضيعة بالعناوين لأني قاريتهم من زمان ..


مشكلتي اني عندي وايد كتب شاريتهم وللحين ماقريتهم والسبب؟؟


اني اشتري وايد كتب!! يعني قبل لا اخلص الكتب اللي عندي تلاقيني اروح واشتري بعد كتب و اقرا منهم وهم قبل لا اخلصهم اشتري غيرهم وهكذا.. ادمان شراء وقراءة الكتب والود ودي اقرا كل شي !!



وبالنسبة لي وايد احب الروايات .. اما الكتب الثانية الدينية والعلمية والثقافية فأنا اقرا باستمرار بالانترنت .. يعني اي معلومه حابه اعرفة بضغطة زر وحده القاها بالانترنت و ما اشتري وايد كتب من هالنوع .. ما يمنع ان عندي بعض من هالكتب بس افضل الروايات الهادفة طبعا اكثر :balo:

​

السلام:
انا مثلك حبيبتي اشتري كتب وايد لان احيانا اذا قلت بارجع لها وباخذها تخلص وما تلقينها بعدين الا بطلوع الروح ..
اما بالسفر اخذها لاني ما اضمن القاها ,,
بس سوي طريقتي اخذي كتبك كلها ورقميها من 1ال الاخر وصفيها بالترتيب واخذي كتاب ولا تهدينه الا لما تخلصينه لو مهما يصير بايخ والا حد مدح لك غيره ..وهكذا اذا خلصت غيرة وبعدين بتشوفين نفسك خلصتي كل المجموعة اللي عندك ..ولا هملتي اي كتاب ..
انا ممكن اخلبص شوي يعني اخذ من ورا هذا سويته يوم دخلت المنتدى هنا اذا امدحوا كتاب ورقمة ما جا ممكن اخذه اقراه عشان اتناقش فيه بس ارجع اكمل الارقام التسلسلية ...سويها وبتشوفين

 

[Om eL-3a9aGeeL]

مط مط الله يذكرج بالشهادة ذكرتيني اسألكم عن شي

اللي تقرا لـ نجيب محفوظ
شنو احلى رواياته؟ وشنو تنصحوني اقرا ؟؟

وهم ودي اجرب اقرا حق اجاثا كريستي بس ماشالله شكثرهم اخاف انقي شي يطلع بايخ
اقتراحاتكم .. ؟

:

وايي سالفة نسيت اقولها

كنت واقفة عند رابطة الأدباء - على ماعتقد - وقاعدة اشوف الروايات
ولا وحدة ماشالله اتينن ظحكتلي جان تقولي تحبين الروايات ؟ قلتلها إي
ولا تطلع علياء الكاظمي
ماشالله نفسها حلووووة وبس مبتسمة
ما خذيت شي بس اختي شرت ورود ملونة

 

[سيدة الذوق]

ما شالله عليكم بنات... بعد مايبيله اشتري اخذ منكم ولا من مطمط فديتها هههههههههه
برب انزل اللي شريته

 

[P!Nk DreaMz]

واااااااي بنات بس لا تحرونييييييييي

ابي اروح المعرض بس محد موديني

وااااااااااااااااااع

ابي اروح ابي اروح ابي ارووووووووووووووووووووووووووووووووووح

 

[rawona]

مشكورين بنات وايد على تفاعلكم .. ومروركم على الموضوع ..



وهج الحب .. انا مو ما اقرا الكتب اللي عندي بالعكس ما احب اخلي الكتب لازم اقراها كلها .. بس مشكلتي ما اقراها بحزة الحزة وطريقتج حلو باجربها ان شاءالله ..

​

مط مط الله يذكرج بالشهادة ذكرتيني اسألكم عن شي

اللي تقرا لـ نجيب محفوظ
شنو احلى رواياته؟ وشنو تنصحوني اقرا ؟؟

وهم ودي اجرب اقرا حق اجاثا كريستي بس ماشالله شكثرهم اخاف انقي شي يطلع بايخ
اقتراحاتكم .. ؟

:

وايي سالفة نسيت اقولها

كنت واقفة عند رابطة الأدباء - على ماعتقد - وقاعدة اشوف الروايات
ولا وحدة ماشالله اتينن ظحكتلي جان تقولي تحبين الروايات ؟ قلتلها إي
ولا تطلع علياء الكاظمي
ماشالله نفسها حلووووة وبس مبتسمة
ما خذيت شي بس اختي شرت ورود ملونة

نجيب محفوظ ما احب رواياته كثر افلامه لووول .. احب اقرا اكثر لاحسان عبدالقدوس .. يوسف السباعي ..


وبالنسبة لأغاثا كريستي ..


وايد روايات حلوه لها منها ..


"جريمة على النيل"


"خطر في البيت الكبير"


"مبنى الرجل الميت"


"ضد التيار"


" جريمة في القرية"


"لغز الكاريبي"


"عدالة السماء"


"الفتاو الثالثة"



"ابزيم الحذاء"


"ذو البدلة البنية"



وااااااااااي وايد قصص انا وايد احب قصصها


" ليل لا ينتهي"


" لم يبقى احد"


"مأساة من 3 فصول"



"الستارة"


"محنة البريء"


ووايد والله :d


​