رجيم السوائل (للجادات فقط)

[مسس كارميلا]

مرحبا شلونج قلبوو
ام مودي بغيت اسالج سوال ولا عليج امر
ماتحسين انه رجيم السوائل يدوخ من زمان بخاطري اسوي بس احس اني بدووخ
الانه دوامي طوييل وبعده سيده اروح النادي

 

[om moOody]

اهلين مسس كارميلا

شوفي حبيبيتي اهوا على حسب الجسم وتحمله

انا عن نفسي رجيم السوائل ما تعبني ولا دوخني لاني طول الوقت اكل واشرب اللي مسموح فيه ما اخلي ساعتين اتمر من غير ما اكل او اشرب

فا جذي ما اتعب منه ودايما احس اني شبعانه

عكس رجيمات ثانيه يكون فيها اكل بس اتعبني وادوخني واتيوعني

انا ديما اقول حق اللي خايفين منه جربوه يوم واذا ما تعبتوا لا اتكملون

والاغلب كملوه عشان نتايجه حلوه بعد

جربيه يوم ما تاخسرينشي بالعكس اول يوم تنزلين كيلو

 

[qa6wa_]

اناااااا وصللللللللللت
صباح الخير قلبي
شلونكم وشخباركم
وحشتوني وحشتووني وحشتوووني
مبروك حبيبتي ام مودي على الكيلو وانشاءاالله تنزلين اكثر
فنكييا حبيبتي وينج؟.
كارميلا مره حبيبتي وينج؟
الله يوفقكم يارب

 

[om moOody]

حمدالله عالسلامه
ياجاي من السفر
وحشانا الابتسامه
وشك ولا القمر



حمدالله على سلامتج نور المنتدى

الله يبارك فيج حبيبتي وانشالله الاسبوع الياي كلنت انبدع ابنزول الوزن

فنكيا وينج انا احس هالاسبوع وزنج ابينزل عدل يلا قوليلي قبل لا اطلع

بتغدى بره اليوم

 

[qa6wa_]

ههههههههههههه
شخباري هالاغنيه
الله يسلمج حبيبتي و المنتدى منور بوجودج يا قلبي
وعليج بالعافيه
وانا بروح المزرعه نتغدا هناك يقولون هناك الجو عجيييييييييييب
وباجر معزومين عند ناس وتخيلي انه المره يعطيها عالعافيه اكلها لذيذ وخنين يعني مااقدر اقاوم
والله كريم

 

[سعودية عسل]

انا اليوم راح ابلش معك م رجيم السوائل

بس وزني ثابت مدري ليش

 

[مسس كارميلا]

وه فديتج بعد قلبوو
حمستيينييي
الاني ماشيه على البركه ما حب النظام
بجربه 3 ايام
طيب اذا انعزمتي شتسويين
<< تحاتي الزوارات لووووووووول

 

[Bs.ana]

مساء الخير

اشلونكم ياحلوين ؟

قطووه الحمدالله على السلامه منوره لكويت بوصولكم :eh_s(6):

ام مودي الف مبروك وحلو الكيلوا


انا احس بحباط جداً

وزني في تاريخ 1\11

71

وبتاريخ 13\11

67.5


ونازله كيلو ونص :0bee2e8d89:



نزولي بطيء


يارب قبل العيد اوصل لهدفي الاول 65 :0bee2e8d89:

 

[om moOody]

حبيبتي فنكيا ميروك عليج الكيلو ونص هم حلوين احسن من ولا شي )

شدي حيلج بالاكل اليوم وبالحرمان باجر

 

[Bs.ana]

يبارك فيج
والله مالي خلق احس تعبت وزني بطيء بنزوله ادري
ياله باجر رجيم رجيم بس اشويه نزولي

 

[Bs.ana]

ام مودي يارب تقرين الي بكتبه قبل ماتاكلين باجر او يارب تطلين اليوم :eh_s(6):

بسوي هالرجيم ويارب مااتعب عليه بس بحاول ابي اضعف مليت

خخخخخخخخخخخ انا كل شوي رجيم ترى عادي
بسوي اكل 3 مرات شابوره + ياجاي او حليب بس

 

[qa6wa_]

صباح الخير
شلونكم يا صبايا؟
والله حلو رجيمج فنكييا الحلوه
بس انا تواعدت مع بنات عمتي من باجر نبدي رجيم 7 في 7
واذا خلصته بسوي الي قلتي عنه فنكياا
شكرا

 

[Bs.ana]

مساء الخير

اشلونكم شخباركم ؟؟؟


لووول انا من زمان قاعده بس اكتشفت انه ماعندنا شابوره :dddds:
جان مااكل شي لي الحين وناطره شوي بروح بيت ديفا وبمر الجمعيه اشتري شابوره


ام مودي اليوم مالج حس ؟؟؟

قطوه عفيه عليج سوي بو 7 وانشاءالله بتنزلين

كرميلااا اختفت عساها بخير

 

[Bs.ana]

وناسه رحت بيت ديفا وشريتلي في شغلات حلوه والله :eh_s(6):

المهم

انا لي الحين مو ماكله شي وشريت شابوره شوي باكل شابوره مع حليب :ggdw:

 

[كراميلا مرة]

هاي بنات
اشتقت لكم مووووت
واعتذر لكم عن عدم تواجدي الفترة اللي مضت
لان جهازي مخترب ولا عندي في البيت غيره
وجلست احن على ابوي لين وداه واصطلح
وطول المدة اللي راحت قلبي معاكم
المهههم الف مبرووووووووووك النزول ام مووووودي
وفنكيا
والحمدلله على السلامة ياقطوة

وبقول لكم اني مشيت على الرجيم ونقصت وايد وامس استمريت وسويت رجيم السوائل وكنت كل يوم امشي لمدة ساعة وارقص نص ساعة
واليوم عندي فري ووزنت ووزني



مابقول الا اذا في احد موجود

 

[كراميلا مرة]

خلاص شكله ماكو احد:0bee2e8d89:
بقول انا وزني اول مابديت الرجيم 70
بعدها باسبوع 69
بعده باسبوعين 65:ggdw:

يعني نقصت هالاسبوع 4 كيلو
كلللللوووووووووووووووش
حدي مستانسة
وودي اكمل على هالرجيم مع العلم اني ماكنت اشرب بيبسي
ولا اكل ولا قطعة كا كاو

 

[مسس كارميلا]

وانا بعد باذن الله باجر مبلشه رجييم السوائل 3 تيام باذن الله
اذا شفت نتيجه وحسيت قدرت عليي كملت
المووهييم
بغيت اسالكم حبيباتيي
هل اقدر اخذ سلطه فواكه وكورن فلكس
ولاا بس سوائل مره وحده ما يدخل البطن غيرهاا
وميرسوو على الرد مقدما هههه

 

[مسس كارميلا]

عااااااااااشت السميه كرميلا مره
وانا حلوه حق المتن لووول
الف مبروووووووووووك ربي يتمم عليييج
ويرزقنا ان شاء الله
يالله سيري ونحن من ورائك

 

[Bs.ana]

انا اهنييييييييييييييييييي


توني كليت
3 شابوره + حليب قليل الدسم وبس :ggdw:


كرميلاااااااا مره
اهلين وسهلين
اشلونج ؟
والله عفيه عليج ونستيني انج مستمر
والف مبروك ياله مابقى شي وتوصلين لهدفج :ggdw: شدي حيلج


مس كرميلاا
لا مايصير كورن فلكس ولا سلطة فواكه اقري الصفحات الي قبل وبتعرفين رجيم السوائل شنو المسموح فيه
والممنوعه

 

[moony77]

يصير اسجل وياكم