وناستنا في رشاقتنا (( الجزء الثالث ))

[Ya7aLaTi]

السلام علييييييكم :tomato2:

وحشتوووني وايد والله :eh_s(22):

ما كنت أدش بسبة النت.. مادري شفيه عندنا.. يلوع الجبد.. يشبك شوي ويفصل .. بس الحمدلله كنت ملتزمه بالرجيم :ggdw:

السبت إلي طاف وزني كان 73.500... وأمس 70.500 .. يعني نازله 3 كيلوو :eh_s(22):

بس خرته أمس واليوم خربطت :tomato2: <<< الظاهر تحسفت إنها نازله ... بس ويك أند خوو.. لازم هالتخربط

باجر إن شاء الله رجيم من يديد :ggdw:

 

[mn.mn]

هلا والله يا حلاتي انتي بعد مكانج خالي فقدناج من كل شر

عفية عليج ردي التزمي حرام والله نضيع تعبنا بس وين اللي يتعظ

انا بعد شوي بروح أطلع رجيماتي عشان ناوية ان شاء الله من باجر التزم وان شاء الله اكون عند كلمتي

 

[oum 5ald]

لا ماعلي الا العافيه لوووول ..

ان شاء الله اسويها ادعولي .. لأن يوم التزم وعشره اخربط بس الحمدلله ليلحين ملتزمه نوعا ما ..

 

[mn.mn]

موفقة حبيبتي أم خلود ديري بالج على روحج وطمنينا عليج

انا اليوم بادية التزم وربي يتمم لي نهاية الاسبوع

ريوقي كورن فليكس وحليب والسناك راح يكون نسكافيه

وان شاء الله أطل عليكم العصر أقولكم عن باجي يومياتي

 

[mn.mn]

غداي كان صمونة شيش طاووق من كبابجي وفتوش بدون خبز ودايت

والسناك راح يكون كتكات + قهوة عربية

 

[مس يو]

هلا والله مس يو عفية عليج انج مو زايدة ربي يتمم عليج وصاجة كلنا طخينا مادري شصار فينا وين ايام اول

انا ان شاء الله من باجر برد التزم برجيماتي ربي يسهل ويقوي ارادتي مثل أول يارب

هلا فيج اكثررررر... اي والله الحمدلله اني مو زايده والله ايدي على قلبي من وقفه عرفه وانا يوميا اكل عيش .. مادري شياني على العيش صرت اشتهيه حيل .. بس الحمدلله خففته الحين..

ياااااااااااااااااااارب تقوى ارادتج مثل اول.. وانتي ماشاء الله تراج الفتره الاخيره ملتزمه بس لازم وقت العطله الوحده شوي تخورها بس يالله من باجر ان شاء الله دوامات والتزام ..

انا امس خووووش وحده ..

واليوم بعد .. تريقت حليب جاي وعسل طبيعي وقشطه و2 توست اسمر محمص...

 

[مس يو]

السلام علييييييكم :tomato2:

وحشتوووني وايد والله :eh_s(22):

ما كنت أدش بسبة النت.. مادري شفيه عندنا.. يلوع الجبد.. يشبك شوي ويفصل .. بس الحمدلله كنت ملتزمه بالرجيم :ggdw:

السبت إلي طاف وزني كان 73.500... وأمس 70.500 .. يعني نازله 3 كيلوو :eh_s(22):

بس خرته أمس واليوم خربطت :tomato2: <<< الظاهر تحسفت إنها نازله ... بس ويك أند خوو.. لازم هالتخربط

باجر إن شاء الله رجيم من يديد :ggdw:

وعليكم السلام... حتى انتي وحشتينا :eh_s(6):

واااي عندنا وعندج خير المنتدى صاير مليق بالمره.. وبرااااااافوا عليج النزول الحلو :ggdw: .. استمري مو تخربطين خلاص عذرج خلص لووول << يعني العطله خلصت .. باجر دوام والتزام ان شاء الله ...

 

[مس يو]

وبالعافيه عليكم وجباتكم بنات...

 

[al7noona]

السلام عليكم .. ليش جذي التجمع صخه ...

انا الحمدلله ماشيه على التخفيف تمام صج خربطت ايام العيد شوي بس وزني ثابت الحمدددددددددددلله.. كنت حيل خايفه من انه يزيد بس الله ستر..

هلا والله مس شخبااارج وزين ماسويتي واستمري ياقلبي

قوه بنات ..
شلونكم شخباركم ..؟

عيدكم مبارك ولو انها متأخره حيل ..

اعذروني ماقمت ادش كلش وقطعت فيكم .. بس لاب توبي مكسور .. وكنت مشغوله حيل حيل ..
بصراحه ما اجذب عليكم خربطت واااااااايد ..
والنفسيه تلعب دور عندي ..
فمتنت وااااااااايد لووووووول ..

خفت اقولكم واحبطكم .. فسكت لووول .. يعني مرقعتها الحين ..

المهم اني رديت مره ثانيه عالرجيم ..
وقاعده احن ابسوي عمليه لوووول ..
ياتحويل مجرى معده يا شفط ..
فشوفو شاللي راح تطلع معاي ..
بس الحين انا ملتزمه بالرجيم الحمدلله ..

ولهت عليكم كلكم بدون استثنائات ..
وولهت عالمنتدى اكثر ..

تحسون رساله فسوري عالقرقه لووووووول ..
انا بلشت رجيمي من تاريخ 29-12
لي اليوم الحمدلله اموري تمام ..

بس البلوه الوزن زاد حيل لوووول ..

شخباركم انتو ..؟

هلا والله ام خلوووودد

ميخالف تحملي سوي رجيم انا بعد نفسج بس اتحجى اقول مليت بسوي عمليه بس راح تتعبين واييد لان ماتقدرين تاكلين كلش تخيلي تشوفين الاكل وتمشين ريحه وماتقدرين تاكلينه كذا وحده اعرفها مسوين عمليه عذاااب وحده تطلب الاكل بس تشم ريحته عن الشهوه لان ماتقدر تاكله مسكينه شيسوى عليهم مو اي شي ياكلونه ومعدتهم صارت مثل معدت البيبي وغير الرهلات فماكو الا الرجيم وييع صج بعد اهوا عذاب بس اهون من العمليه لوووول

السلام علييييييكم :tomato2:

وحشتوووني وايد والله :eh_s(22):

ما كنت أدش بسبة النت.. مادري شفيه عندنا.. يلوع الجبد.. يشبك شوي ويفصل .. بس الحمدلله كنت ملتزمه بالرجيم :ggdw:

السبت إلي طاف وزني كان 73.500... وأمس 70.500 .. يعني نازله 3 كيلوو :eh_s(22):

بس خرته أمس واليوم خربطت :tomato2: <<< الظاهر تحسفت إنها نازله ... بس ويك أند خوو.. لازم هالتخربط

باجر إن شاء الله رجيم من يديد :ggdw:

ويي احنا كله جذي ماننعطا ويه كلش من نشوف الوزن نزل قمنا خربطنا لووول بس ردي استمري ماشالله نزولج حلو

موفقة حبيبتي أم خلود ديري بالج على روحج وطمنينا عليج

انا اليوم بادية التزم وربي يتمم لي نهاية الاسبوع

ريوقي كورن فليكس وحليب والسناك راح يكون نسكافيه

وان شاء الله أطل عليكم العصر أقولكم عن باجي يومياتي

هلا والله منمن شخبارج ياعمري شمسويه

بالعافييييه الي كليتيه

انا اليوم شربت بايوجي وانشالله استمر عليه واضعف

 

[mn.mn]

مس يو بعد عمري والله انا والله محد مشجعني غيركم مادي ليش التزم فترة وارد اخربط عقبها

ان شاء الله هالمرة غير ما باجي شي على عطلة الربيع لازم انزل على الاقل واثبت روحي تحت ال 75 المفروض اوصل 72

الحنونة هلا والله يا قلبي فقدناج مكانج مبين انا والله خربطت عدل الايام اللي طافوا وان شاء الله من اليوم برد التزم خلاص مصختهاااااااااااا

والبايوجي تنصحيني اشتريه انا اخاف من هالسوالف ماتدرين شنو فيها مع ان اخت رفيجتي نزلت عليه 7 كيلوات بأقل من شهر

عشاي نص خبزة سمرة + بيضة مقلية مع فلفل وطماط + خيار وخس + جاي منعنع

 

[al7noona]

هلا والله منمن

انا نفسج مصختها واييد وخربطت وزدت كيلوين وضاق خلقي ماابي ارد للثمانينات بيصير لي سنه وانا للحين نازله بس 10 كيلو وبفترات طوييله المفروض بشهر انزل 10 كيلو الحمدالله على كل حال بس لازم ارد التزم





البايوجي اهوا من بعد الله الي نزل وزني وخله عندي اراده ولا من دونه جان انا للحين مو نازله الا كيلو يسد الشهيه وايييد وماله اضرار باذن الله انا استعملت اربع علب والحمدالله ضعفني بس انا عوبه اتركه وارد اكل المفروض استمر عليه

 

[mn.mn]

يلا ما عليه اللي فات فات وانا بعد خلال سنة نزلت بس 16 كيلو المفروض اكثر بس هم الحمد الله على الصحة والعافية

لا خلاص انا ان شاء الله راح التزم هالفترة عدل وبخلي الفري بس وجبة وحدة كل اسبوع لازم انزل نزول عدل مو هاللعب اللي قاعدين

نلعبه اسبوع نازلين اسبوع زايدين لي متى على هالحال ربي يقوي ارادتنا ويعينا ياااااااااااارب

 

[al7noona]

منمن شوفي هذا الموضوع
وحده تبيع البايوجي وكاتبه كل شي عنه

http://q8yat.net/showthread.php?t=343694&highlight=HELPFUL

 

[mn.mn]

مشكورة الحنونة ما قصرتي بشوفه وافكر بالموضوع

اخليكم الحين ونشوفكم باجر على خير

 

[mn.mn]

صباح الخير

ريوقي اليوم توست وجبن وزيتون مع خيار وطماط وجاي حليب

السناك نسكافيه 3 في 1

الغدا راح يكون تبولة وكباب امريكانا

 

[al7noona]

بالعافيه منمن

انا اليوم شربت بايوجي وعقبه عصير اناناس وبالدوام شربت عصير اناناس وكاكاو كندر


احس بيوع بس مو مشتهيه اكل شي ههههههه

 

[بطة رشيقة]

قوووووه بنات شلونكم شخباركم عساكم بخير .. انشالله كلكم بخير .. الحمدلله انا تمام وربى يتمم علينا ويوفقنا ونوصل للى نبيه .. انا ملتزمه والله كريم ..

 

[al7noona]

اهلين بطوطه شخباارج وانشالله دوم الالتزام وينج من زمان مو مبينه

 

[mn.mn]

هلا والله الحنونة بالعافية عليج انتي بعد اللي كليتيه

بطبط عسى الالتزام دوم مو يوم

انزين تبون نرد على يوم الميزان كل سبت ؟

 

[mn.mn]

مساء الخير

حسافة محد طل من الظهر

انا العصر كليت 3 قفاش من كيكة ككاو و4 حبات فطاير صغار وبس ماراح آكل شي عقبهم بس بعد شوي بسويلي كوب حليب مع زنجبيل