نتائج رجيم دشتي

[ღ°° دلوعـ دنيتي ـة °°ღ]

مساء الخير يادشتيات

ماكو فطور

الغداء

دجاجه بالفرن + سلطه +سفن آب

كليت ملعقتين من المخلل

بس مدري مسموح ولالا

بنات المخلل مسموح بالمرحله الأولى ولالا​

 

[يمامة]

بنوته الطايف المخلل شوفي كم كارب فيه

انا كنت ساعات اكل اجار كم حبه والله

 

[يمامة]

تغذيت مسقعة وخس

واكلت حبتين فراوله صغيرة+وذقت اللبن شوي وبس هذا كان الغدا

وعلى المغرب ان شاء الله راح امشي

 

[دانوووه-qtr]

انا تريقت دانكن دونتس 4 دونات مع الكسترد

وبعدين انعزمت ريوق اكلت فطاير وورق عنب حمص


ادري خربت ابو ام جدت دشتي


لا تهاوشوني

 

[ღ°° دلوعـ دنيتي ـة °°ღ]

بنوته الطايف المخلل شوفي كم كارب فيه

انا كنت ساعات اكل اجار كم حبه والله

المشكله معرف في الكارب

بس هو مخلل فاصوليا وجزر وبزاليا

مدري كم فيه

 

[يمامة]

الجزر ممنوع حبيبتي بالنظام وحتى الفاصوليا على ما اعتقد ممنوعه بالمرحله الاولى

لا تاكلينه مره ثانيه

 

[يمامة]

دانووووووه حرام عليكي والله

لازم يكون عندك هدف توصلين له قبل نهاية السنه وشوي وشوي ما يصير

 

[ღ°° دلوعـ دنيتي ـة °°ღ]

الجزر ممنوع حبيبتي بالنظام وحتى الفاصوليا على ما اعتقد ممنوعه بالمرحله الاولى

لا تاكلينه مره ثانيه

ولا يهمك يالغلا

 

[رغــوده]

هـــــــاي صبايا شلونكم شخباركم
ماشييييييييين تمام والا في تخبيص
اليوم ما افطرت بس تغديت سلطة تووونه
وشربت من هالماي لين ما قلت امين هههههههههههه
الحين بشرب كمووون مع ليموون بجربه ههههه
يمامه ماقلتي لي متى الوزن السبت حتى الي ما كملت اسبوع ؟

 

[خوخه فوشيه]

مرحبااا بنات
من زمان عنكم,, والله وحشتوني ,,احسكم مثل خواتي وتعيشون معي في البيت هههههههه
قريت الصفحات اللي قبل على خفيف

فووشي,
والله بجد يبي لي تنانير جدد:$,الله يديم الضعف
بالنسبه للكريمه المخفوقه ,, استخدم المراعي اللي لونها ازرق وفيها فراوله

يمامه
فديتك والله,, صايره تشجعينا وتحمسينا,,الله يثبتك ويثبتنا على النظاااام

بالنسبه لي اليوم,,
جلست الصباح شربت خلطة يمامه ومويا كثير,, ورحت الجامعه 7 وجيت الساعه 3 ونص كان عندي اختبارين
ولا كلت شي
احس مالي خلق اكل

 

[خوخه فوشيه]

بناااااات
سمعوا الطامه الكبرى
اليوم صديقاتي مسوويين لي حفلة عيد ميلاد
وصار لهم ايام وهم يجهزون في الاكل
وش اسووووي ,,مابي اكل واخرب الرجيم ماصدقت اني ضعفت شوي
ولا ابي اقول لهم اني بسوي رجيم استحي
شوفوا لي حل وش اسووووي وخصوصا ان الحفله لي انا

يعني شسمه عادي اذا اكلت الليله ومن بكره اكمل رجيم؟؟ ولا يأثر ويزيد وزني <<متحطمه
ههههههههههه

 

[يمامة]

رغودة ايه كلنا نوزن يوم السبت حتى اللي ما كملت اسبوع

عشان تشجع معانا

 

[يمامة]

رغودة الكمون الليمون اشربيه قبل النوم وعلى الريق احسن

 

[يمامة]

حبيبتي خوخة الله يوفقج في اختباراتج

بالنسبه لحفلة صديقاتج اكلي في البيت شئ دسم وكثري شرب الماي لما ترووحين بيكون مالك نفس للاكل وان شاء الله ما تخربين

حطي في بالك بس تخربين لو بملعقة وحدة بتوقف عندك عمليه الحرق لمدة يومين وترى راح تلاقي صعوبه بالرجوع لنظام من جديد

 

[خوخه فوشيه]

يمااامه,,
خوفتيني
تيب اذا قالوا لي اكلي.. وش اسوييي؟
انا قلت بشوف الاكل اذا فيه لحمه ولا دجاج بلقطهم وباكلهم هههههههههههههههههه
من جد انرحم
الله يعطيك العافيه ياقلبي,, شكلي الحين بسوي لي بيتزا بس بالبيض لانها ثقيله حيل

ادعوا لي مااضعف قدام الاكل

 

[يمامة]

حبيبتي خوخة كثري اكل في البيت بالمسوح وان شاء الله ما راح تضعفين واخذي معاك دايت سفن


:nbvppw::nbvppw::nbvppw:

ونسيت اقولك كل عام وانتي بخير

:klhfl::klhfl:

 

[يمامة]

انا قاعدة اشرب نسكافيه الحين

باك

 

[خوخه فوشيه]

كل عام وانتي بصحه وسلامه :$
انتي اول وحده تهنيني بالنت هههههههه
عيد ميلادي يوم الجمعه,, بس قدمناه اليوم لان يوم السبت عندنا اختبارات:$

تسلمين ياقلبي ق1 وعقبال ماابارك لك وانتي جايبه النونو

يلا بروح اكمل الميك اب:$
سي ياااا

 

[يمامة]

حبيبتي خوخةضحكت من قلب انا جبت النونوات وخلصت الحمدالله

لووووووووووووووووول الحمدالله عندي خير وبركة

 

[فووشي]

كل عام وانتي بصحه وسلامه :$
انتي اول وحده تهنيني بالنت هههههههه
عيد ميلادي يوم الجمعه,, بس قدمناه اليوم لان يوم السبت عندنا اختبارات:$

تسلمين ياقلبي ق1 وعقبال ماابارك لك وانتي جايبه النونو

يلا بروح اكمل الميك اب:$
سي ياااا

خووخه ..

كل عااااااااااام وانتي بخير ..
تبين تصيحتي ..؟
حفلة ميلادك مرره في العمر كلي و وسعي صدرك بس مو تهدين مره ذوقي من كل شي ..
راح يتوقف الحرق يومين وبعدين كملي رجيم عااااااادي ^^ ..
بس الأهم حرام صديقاتك تعبانين ع الحفله تضعين تعبهم مره فشله ..