نادي %كويتيات% لهواة التصوير الفوتوغرافي

[SabaQueen]

هلا اختي فيوليت ،،
شراء كاميرا جديده ترا مو حل !!!

جربي تحطيت الإعدادات على الأوتو فوكس يمكن تضبط معاج ..

 

[SabaQueen]

شلونكم بنات النادي اشوف صخه مافي احد عسى ماشر ؟!؟! مليتوا من التصوير !!!

من جم يوم رحت وكالة الكانون بحولي عشان ابيهم يعلموني على كاميرتي الجديده قال لي البياع اختي روحي المحل اللي بالديره اهناك نعطونج دوره عليها عاد استانست و رحت المغرب عندهم ,,, ولا اللي يبيع عربي الجنسية قلت له ابي تعلمني عليها قال لي الحين انتي يايه متأخر و آنا مشغول ! قلت له خلاص انطرك ..
قعدت نطرت ،،، نطرت ،،، و الريال حاقرني و كل ما سألته عن شغله يرد علي ببروود ..
بعدين سألته عن عدسه مايكروا 100 عجيبه خياليه دشت خاطري بس غاليه ب 210 د.ك
و سألته عن عدسات اللي مرغوب فيها طالعني من فوق لي تحت باستهزاء و قال على حسب الواحد !!
انزين آنا سألت جاوب مثل الأوادم ، بعد ماله داعي هالنظرات مع الويه !!!
حسباله آنا توني بعالم التصوير !!!

المهم طلعت من المحل و آنا لايعه جبدي بغيت ادق على الإدارة و اقول لهم اهتموا بالزبائن لآن لو بخاطري اشتري عدسه منهم خلاص هونت بروح اشتري لي عدسه من سيجما من عند العجيل ابرك و احسن ..

ادري طولت علكيم بنات بس بغيت اطلع الله بقلبي لكم !!!

 

[Violetta]

وااااااي شنو هذيل يبطون الجبد لو انا مكانج جان سيدا شكوه عليهم


وبالنسبله لمشكلتي
حطيت على الاوتو هم تطلع مهتزه لانه ايدي وايد ترجف
بس بشوف هالويك اندد بقعد اجرب و يمكن لعله و عسسى اقدر
مع انه حسافه حفلة التخرج ماقدرت اصور شي

 

[supermarket]

فيوليت حاولي تتدربين على ثبات ايدج وانج تسندينها على شي


سباكوين : تصدقين عاد كل من يذم بوكيل الكانون مع انها من احسن الكاميرات

 

[aBoOoRa]

هاااااااااااي بنات شلووووووونكم

ابي اشتري كاميرا يديده وابي منكم افضل نوع والاسعار ومن وين شارينها اذا تقدرون ومشكوووووورين

 

[tagreeed]

 

[سمو]

تعبانه من الكامره احس موقادره استعملها استعمال عملي
يعني اذا صارت حفله او شي ماقدر اصور و السبه انه الصوره تطلع مهتزه لانه تعلمت على الستاند

عندكم حل حق هالمشكله ؟ والا اشتري كامره ثانيه ؟

حبيبتي بخصوص الحفلات او التصوير الداخلي .. شغلي الفلاش وان شاء الله ما تطلع معاج الصوره مهتزه .. وزيدي الشتر

 

[SabaQueen]

السلام عليكم

وينكم بنات النادي !! محد قام يشارك و يتفاعل مثل قبل

على العموم بس حبيت اسأل عن تقنية جديده هابين فيها هذه الايام بالصور عن طريق الفوتووشوب اسمها devehill
مادري في احد سمع عنها او شاف صور مطبقين عليها ؟؟

 

[سمو]

هلا سابا

وين سمعتي فيها ؟ انا ما اعرفها ممكن توضيح اكثر ؟ يعني اهي حركات بالفوتوشوب؟

 

[جاي وحليب]

سبا اتوقع تقصدين هاذي الشغله ..
تقدرين تقرين عنها درس كامل اهني كاتبه الاخ مؤيد بالقروب..
مع الشرح والتطبيق بالصور..

http://www.flickr.com/groups/muslimz/discuss/72157600208714330/


http://www.davehillphoto.com/
http://www.manipulator.com/


امثله عليها لمصورين كويتين..

المصور JA..
http://www.flickr.com/photos/jamalq8/497678184/

المصور Sulaiman_Q8
http://www.flickr.com/photos/sulaiman/502001664/

 

[جاي وحليب]

سبا اتوقع تقصدين هاذي الشغله ..
تقدرين تقرين عنها درس كامل اهني كاتبه الاخ مؤيد بالقروب..
مع الشرح والتطبيق بالصور..

http://www.flickr.com/groups/muslimz/discuss/72157600208714330/


http://www.davehillphoto.com/
http://www.manipulator.com/


امثله عليها لمصورين كويتين..

المصور JA..
http://www.flickr.com/photos/jamalq8/497678184/

المصور Sulaiman_Q8
http://www.flickr.com/photos/sulaiman/502001664/

 

[سمو]

اها قصدج طريقه الhdr مثل ما وضحت الاخت جاي وحليب

اي هذي الطريقه واايد حلوه .. احيانا عند تصوير منظر معين نجد ان هناك بعض الاماكن اضاءتها جيده ولكن بعض الاماكن بالصوره نفسها تظهر مظلمه واذا اردنا اضاءتها فيصبح عندنا مشكله اخري فالاماكن التي كانت بالسابق اضاءتها جيده ستظهر ساطعه جدا وتظهر الاماكن المظلمه سابقا اضاءتها جيده .. فما هو الحل؟! استخدام تلك الطريقه Hdr :

تاخذ الصوره الاولى بالوضعيه الصحيحه (يكون ال Brackting على الصفر )

والصوره الثانيه يكون -1 مثلا

والثالثه تكون +1 مثلا

ومن خلال برنامج الفوتوشوب مثلا نقوم بدمج الصور معا لتظهر لنا صوره جميله متناسقه الاضاءه

 

[SabaQueen]

سبا اتوقع تقصدين هاذي الشغله ..
تقدرين تقرين عنها درس كامل اهني كاتبه الاخ مؤيد بالقروب..
مع الشرح والتطبيق بالصور..

http://www.flickr.com/groups/muslimz/discuss/72157600208714330/


http://www.davehillphoto.com/
http://www.manipulator.com/


امثله عليها لمصورين كويتين..

المصور JA..
http://www.flickr.com/photos/jamalq8/497678184/

المصور Sulaiman_Q8
http://www.flickr.com/photos/sulaiman/502001664/

مشكورة حبيبتي جاي علي رابط شرح الأخ مؤيد
صج فديتي بالموضوع لان لقيت جروب اجنبي فيه الشرح لتقنية devehill بس بالانجلش و يبيه الصراحه قرايه عدل مدل

آنا كنت من قبل شايفه صور الأخ جمال و سليمان و بعد شفتها عند الفودري علشان جذي سألت و بحث عنها بالنت
ما شاء الله المصورين الكويتيين صاروا سباقين في الجديد بعالم التصوير
الله يوفقهم ان شاء الله

ودي اقعد اجربها لما انزل الفوتوشوب الجديد بجهازي ..

هذا رابط شوفيه حبيبتي :
http://www.flickr.com/groups/strobist/discuss/72157600216307805/

بالتوفيق

 

[SabaQueen]

اها قصدج طريقه الhdr مثل ما وضحت الاخت جاي وحليب

اي هذي الطريقه واايد حلوه .. احيانا عند تصوير منظر معين نجد ان هناك بعض الاماكن اضاءتها جيده ولكن بعض الاماكن بالصوره نفسها تظهر مظلمه واذا اردنا اضاءتها فيصبح عندنا مشكله اخري فالاماكن التي كانت بالسابق اضاءتها جيده ستظهر ساطعه جدا وتظهر الاماكن المظلمه سابقا اضاءتها جيده .. فما هو الحل؟! استخدام تلك الطريقه Hdr :

تاخذ الصوره الاولى بالوضعيه الصحيحه (يكون ال Brackting على الصفر )

والصوره الثانيه يكون -1 مثلا

والثالثه تكون +1 مثلا

ومن خلال برنامج الفوتوشوب مثلا نقوم بدمج الصور معا لتظهر لنا صوره جميله متناسقه الاضاءه

الغاليه سمو مشكورة على شرحج البسيط للطريقه hdr

اللي قاعده اتكلم عنها يسمونها devehill

يلا خل نشوف ابداعاتكم فيها

بالتوفيق

 

[سمو]

اسمها dave hill??

سوري اول مره اسمع عنها .. علبالي تقصدين hdr


يالله اهي معلومه :eh_s(3):

 

[سمو]

شرايج سبا :eh_s(3):

[/URL][/IMG]

 

[SabaQueen]

حبيبتي و الله سمو
شنو هذا الفن الرائع
بس جنه شويه قويتي الألوان .

بالتوفيق

 

[سمو]

هلا حبيبتي سبا

اي يمكن علشان اهي واايد فيها الوان اصلا ... خل نشوف صورج ورينا :eh_s(3):

 

[SabaQueen]

هلا حبيبتي سبا

اي يمكن علشان اهي واايد فيها الوان اصلا ... خل نشوف صورج ورينا :eh_s(3):

تفضلي الصوره حطيتها بالمرفقات
شوفيها و عطينا رايج !!

 

[جروح تبتسم]

زوجي شرالي كاميرا كانون وان شالله بصور فيها واوريكم

موضوع رووووووووووعه ...