تجمع قروب(والله وتحقق منايا) لمده 3 اشهر من 90 الى 70 كيلوو

[سماء الحسين]

السلااام عليكم:eh_s:

اليوم كان حافل من كل النواحي مشيت ساعة كاملة و آخر عشر دقايق منها خليتها مشي مع أثقال..

مع إني ما تغديت لكن كثرت بالعشاء .. فرضيت عن يومي لما تمرنت 50 دقيقة تمارين عضلات و إسترخاء و شربت ماي مع نصف ملعقة خل و 4 شاي أخضر .. شربت اثنين و باقي لي اثنين


أحلى عيوون تصدقين انحرجت منج وتخيلتج جدامي لما كثرت بالعشاء مع إنه معظمه أكل صحي

فقلت ألعب 50 دقيقة كتعويض وأشرب 4 شاي أخضر وماي مع خل عشان أرضى عن نفسي و عشانج انتي و مجهودج معانا و متابعتج


جذيه الإلتزااام لازم يكون .. ما في وقت من شبابنا يستحق نضيعه


لازم نثابر ونكافح كل يوم بيومه عشان نوصل..


هذا أول قروب أشترك فيه عشان جذيه ماعرف أسولف وايد

لكن الحمد لله مرتاحه حيل بالتجمع و أحس التجمع طاقاته إيجابية



ثنكس بنات ع تواجدكم و باقة ورد كبييرة لأحلى عيون :eh_s(7): :eh_s:

 

[سماء الحسين]

سلااام

إييه بعد نسيت أقولكم إني طوول ما أنا أتمرن أدعي ربي لي ولكم عشان يوفقنا..

و بعد أقول : الحمد لله كما هو أهله عشان الله يزيد إرادتي و يقويها

عشان الآية (( لئن شكرتم لأزيدنكم ))

يعني كل ما شفتي شي حلو و زين قاعده تسوينه شكري الله عليه عشان يزيد ..

مثلاً تمرين .. حب للرياضة .. زهد عن الأكل .. يوم حلو و صحي وجذيه..

و الدعاء للبنات الثانيين عشان يصير لج مثله

 

[ام عفاف الكويت]

اليوم يومي حافل
قعدت من النوم والمنتدى ماشتغل قلت هااااااااااااااااا
ام عفاف دام ممنوعه من الرياضه في حلول ثانيه
سويت لي شاي رجل الاسد وشربته وبعدين مسكت مطبخي وعزلته كله وخدامتي قعدي ماما انا يسوي
قلت لا خلي لكم المطبخ الرئيسي بس اللى صوب غرفتي حقي صغيرون
وانظف الكبتات واشيل واغسل الصحون
تبارك الرحمن لا اله الا الله استانست
وامسح الجوله والميكرويف والثلاجه وخلصت
وكافأت نفسي اني سويت كيكه على قلب حب 6 قطع كبر كف الايد
وحده لي ووحده لبنتي ووحده لولدي والباقي للخدامتين
واكلتهم واستانست بصراحه
وغداي وعشاي جمعته مع بعض
سويت لي بيض عيون بس مو بالدهن بالزبده الخاليه الدسم اللى بالرشاش مالت الريجيم
وشربت لي شاي اخضر والحمدلله
والحين احس بدوخه لاني ماكلت شي

 

[shams2008]

بنات عقبها يت مرت اخوي عندي

كلين جم حبه مكسرات دايت وقطعه كيك سارالي صغيره
نسكافيه بالحليب تروبيكان
وبس
وليلحين قاعد مانمتت و يوعانه :080402ask_prv:


خشوفه وجنان
الله يعافيكم حبايبي تسلمووووووون

 

[انصاريه قمره]

يعت قلت حق زوجي اييب لي سلطه من ماكدونالدز اكلها مع خل

 

[انصاريه قمره]

يعطيج العافيه ام فوفااا
واكلي شي صحي مو زين عليج ترا الرجيم مو حرمات

 

[ام عفاف الكويت]

لا ماحرم نفسي وايد يابنت الخال
<< امها منكم

بس انا ماشتهي استغفر الله ليشش النوم غلط

 

[اللولو84]

صباااااااااااااااااااح الخير على احلى تجمع


(( اللهم اني أصبحت اشهدك وأشهد حملة عرشك وملائكتك وجميع خلقك .. انك انت الله وحدك لا شريك لك وان محمد عبدك ورسولك ))


انا شربت كوب حليب قليل الدسم
وقلت اطل عليكم شوي

 

[pink Engineerah]

حبايب انتو كلكم شخباركم يا اللي قاعدين

خشووووووووووووووووووفه وينج ؟

 

[أحلى عيون]

صباحكم عسل


شخباركم اخواتي الغاليات

ماشاء الله عليكم نشاط واضح بس بعض البنات يضيقون الخلق يعني لي هالدرجه ماتقاومون الاكل والله يا بنات اي وحده تحس بالجوع اشغلي نفسج او اكلي خيار او خس او اي شي حتى لو طمام بس المهم انه ما تاكلون كتكات وكاكاو ما تدرون كم السعرات الحراريه


والله يااخواتي اروح للجمعيه اول مااطول فيها حتى ربع سااعه من الاغراض اجيب واحط بالعربانه الحين والله زوجي يزهق مني لي قعدت على الغرض اشوف كم الكالوري وكم الطاقه وهل فيها صوديوم وايد لانه ممنوعه انا منه


يعني بنات حاولوا اضغطوا على نفسكم لمده 3 اشهر وبعدها ما تشوفون شر يعني الي تبي تاكل كيفهااا


ماشاء الله تبارك الرحمن والله يااخواتي كان خصري 40 تبارك الرحمن قبل كم يوم فصلت بدله لملجه حماي انصدمت انه الخصر صار 38 وكانت الارداف والله ربي شاهد 52 الحين ولله الحمد صار 48 والله مو مصدقه اقول للي تاخذ المقاسات لا هذا مو خصري تخيلواا اشتريت جينز قياسه 40 والله انصدمت امس يطيح من عند الخصر هههههههههههههه



الحين ولله الحمد والمنه قعدت البس l من بعد xxxl اقسم لكم والله اني اخذ 3 اكسات


شفتواا شلون الرشاقه حلوه

 

[أحلى عيون]

يومي اليوم مااكلت ولا شي لانه بروح للدكتوره ان شاء الله اكون نازله يارب

وبعدها بشوف شنو اكل لانه ليوم عندي الميزان والله يستر ادعولي

 

[pink Engineerah]

احلى عيون واحلى جسم باذن الله قريبا فديتج ميخالف البنات يضعفون شوي جدام الاكل بس لاحظي حرام اللي تحرقه رقص واللي شغل بالبيت

واللي ترقص واللي تمشي والله يعينهم لا تلومينهم صعب تغيرين عاداتج الغذائيه فجاه بس انا وااااثقه بيقدرون ان شاء الله


وانتي صراحه قدوه لي بمثابرتج ومقاساتج اليديده

تدرين ولا مره خذيت مقاساتي ودي اسوي هالحركه احس بتشجعني اذا شفت فرق راح اطبقها

قررت ادش نادي عشان اسرع الحرق ومن الاسبوع الياي نتايجي باذن الله مشرفه قولو امين

 

[pink Engineerah]

انا ريوقي بطل ماي صغير

والحين شربت فرنش كوفي عشان اصحصح لشغل الدوام

 

[pink Engineerah]

 

[pink Engineerah]

 

[جنان2006]

صباح الخير بنات :hjy5jewf:

اشلونكم كلكم عساكم بخير وعافية؟؟


رسيل

هلا وغلا احنا بخير الحمدلله

عليكم بالعافية الطلعة وهني وعافية إن شاءالله
وعوضي هاليوم بالرياضة ومثل ماقالت أحلى اللي اتحس انها امخربطة تشرب جاي أخضر وزنجبيل
والله يوفقج برجيم المطوع انا ماشية عليه والحمد لله يشبع ومتنوع وماتحسين بيوع وإن شاءالله تنزلين بصحة وعافية ياااارب



أنصارية قمرة

بالعافية الكت كات الجسم يحتاج شوي سكريات بكمية بسيطة ( بس بيني وبينج انا غرامي الككاو ومايشبعني اصبع واحد ودام اني بفضل الله ملتزمة بالرجيم قاطعه الككاو هالفترة على ماينزل وزني ) وزين انج حرقتيه الله يعطيج العافية


بنك

هلا وغلا والله تعودنا عليج وحبتج العافية إن شاءالله
والله يعطيج العافية وعساج عالقوة
ومشكورة عالنصايح يااااعسل


سماء

وعليكم السلام يا هلا
الله يعطيج العافية وهني وعافية إن شاءلله وأهم شي إنج مشيتي وحرقتي سعرات ، وبالعكس كافي كلامج حيل يشجع ولازم نلتزم والله يوفق الجميع ويزاج الله خير عالدعوة الحلوة جزيتي بمثل مادعيتي لنا وزيادة



أم عفاف

هلا وغلا الله يعطيج الصحة والعافية وعليكم بألف عافية إن شاءالله


شمس

الله يسلمج من الشر


اللولو

صباح الورد وهني وعافية إن شاءالله


أحلى عيون

صباح الورد والفل
احنا بخير الله يسلمج انتي اشلونج واشلون اليهال؟
صاجة أحلى بالنسبة للالتزام وإن شاءالله البنات قدها وقدود والحمدلله كل وحدة اتخربط قاعد اتحرقه بسرعه
وماشاءالله تبارك الرحمن عليج بألف عافية وإن شاءالله يارب تنزلين أكثر وأكثر وتوصلين للوزن المثالي بصحة وعافية يااااارب والله فرحت لج من قلبي:ggdw:
الله يوفقج بموعدج ويااارب اتكونين نازله

 

[جنان2006]

انا صايمة اليوم ومشيت نص ساعه عالجهاز وللحين مادري شنو فطوري:080402ask_prv:

 

[خشف الرعآبيب]

السلالالالالالالالام عليكم

صبح صبح ياعمي البرنسيسات الرشيقات :hjy5jewf:

شخباركم

انا شربت قلاصين ماي

بعدها بساعه كليتلي 5 تمرات وحليب خالي الدسم وبس

وتوني شربتلي قلاص ماي

وبستمر بشرب الماي نفس امس لين اوصل 8 اكواب

يارب ساعدني :yaaaaaarb:

حلوومه شرايج فيني من امس 8 والحين 3 ومستمره لا يوقف لايوقف لايوقف :eh_s(9)::eh_s(9)::eh_s(9): ​

 

[خشف الرعآبيب]

حبايب انتو كلكم شخباركم يا اللي قاعدين

خشووووووووووووووووووفه وينج ؟

أنا كآآآآآآآآآآآآآآآآآآآآآني

انتي اللي وينج امس كله

حرام عليج قعدت احاتيج

والله كل شوي اقول عسى المانع خير :gr4uu:​

 

[جنان2006]

هلا وغلا خشوووووفه

اشلونج عساج بخير؟

هني وعافية إن شاءالله وعفية عليج عوافي على قلبج الماي والله انا انسى أشرب مع إن جدامي