ديوانية بيت العمر

[ريناد9]

مساء الخيرات عليكم ....


تقريبا خلصو في الارضيات الغرف باقي صالة ..وبعديها يبتدون في طابق الارضي ..

بنات انا لاحضت حجر بيتنا طلع نفس الحجر فيلا فضة قلبها ابيض اللي في مسلسل (حجر اردني طبيعي )

بس صراحة البيت طلع وايد حلو

 

[مشاعل]

يا جماعه منو جرب سنترال يورك او Ksm

ياريت الى تقدر تفيدنى لانى اليوم بروووح افتر ع التكيييف

وتشكرات

 

[moon2009]

يا جماعه منو جرب سنترال يورك او Ksm

ياريت الى تقدر تفيدنى لانى اليوم بروووح افتر ع التكيييف

وتشكرات

ماله داعي تفترين على الشركات - عندهم مندوبين ما عليك الا تدقين عليهم وتطلبين منهم عرض سعر وهم يمرونك وياخذون صورة من المخطط وبعد يوم تقريبا يعطونك عرض سعر مطبوع ويوصلونه برسم الخدمة لباب بيتكم -خليك مرتاحة لاحقة على الفرارة وادعيلي:68_asmilies-com:

 

[moon2009]

راح أنزل لك الشركات اللي عندي مع أرقام تليفوناتهم​

-نطريني:eh_s(8):

 

[مشاعل]

moon

تسلمين حبيبتى ومشكوووره

 

[moon2009]

هذي أرقام تليفونات بعض شركات التكييف
ترين -1806442
كارير-65028587
كولكس-97260520
يورك -1833433
أرقام النقال للمندوبين يجونك للبيت وياخذون التصميم ويجوبلك عرض السعر وانت معززة مكرمة في بيتكم وتشربين الشاي وتقارنين بين الأسعار ويورك مضيعة رقم المندوب بس دقي عليهم وهم يعطونك الرقم

 

[da7doo7y]

الله يوفقكم ويرزقنى
انت السابقون ونحن اللاحقون

 

[sara3]

مساكم الله بالخير

عطونى رايكم يلى بنيتو وخلصتو منو احس شركه تكيف سنترال ؟؟

هلا مشاعل

بالنسبه للتكييف احنا ماخذين هيتاشى من الغانم ولو يرجع الزمن حبه ورا اخذ ترين صج غاليه بس ثلاجة.تكيفنا 7 وحدات 7 طن و5 وحدات 8.5 طن

مثل ما قالت moon2009

اخذى عروض الشركات وشوفى اللى يناسبك اهم شى فى العمليه خدمة الصيانه بعد البيع

الصيانه المطلوبه للمكيف المركزي نوعين :

1- صيانه وقائيه وتكون في موسم توقف المكيفات عن العمل في فصل الشتاء

2- صيانة دوريه وتكون في موسم تشغيل المكيفات في فصل الصيف وتشمل الكشف على الفلاتر وعلى مضخات المياه ومجاري الهواء وضواغط الغاز الكمبريسرات وغيرها من الأمور

لا يستطيع أحد أن يتنبأ بالصيانه المطلوبه إلا عند الكشف الدوري على المكيفات .. من الافضل عمل عقد صيانة شامله مع الشركه التي تقوم بتركيب المكيفات .. جذى ترتاحين وتريحين راسك ( مع الاسف الناس ما تسوى جذى وبالتالي يتذمرون من الأعطال ويتخوفون بسببه من شيئ اسمه تكييف مركزي )

 

[sara3]

هذي أرقام تليفونات بعض شركات التكييف
ترين -1806442
كارير-65028587
كولكس-97260520
يورك -1833433
أرقام النقال للمندوبين يجونك للبيت وياخذون التصميم ويجوبلك عرض السعر وانت معززة مكرمة في بيتكم وتشربين الشاي وتقارنين بين الأسعار ويورك مضيعة رقم المندوب بس دقي عليهم وهم يعطونك الرقم

مشكوره حبيبتى فديتك والله على المشاركه اللى راح تفيد البنات

اشكرك بالنيابه عنهم

 

[sara3]

سارا

الهدم خذ له اسبوع تقريبا

والحين ندعم السرداب

والله يعين

مبروك حبيبتى وربى يوفقكم

 

[sara3]

عندي خبر لاهالي منطقة فهد الاحمد بعد كم يوم ستحال القسائم المخالفه للمحكمه وراح ينزل حكم كل متر زياده ب50 دينار

لان تصاريح المنطقه واقفه صار لها فتره .هذا للعلم والله اعلم .( من مصادر ان شاء الله انها موثوقه )

مشكوره سافانا

تنحل الامور جذى شكله العالم كلها بتخالف بس 50 دينار

 

[sara3]

مساء الخيرات عليكم ....


تقريبا خلصو في الارضيات الغرف باقي صالة ..وبعديها يبتدون في طابق الارضي ..

بنات انا لاحضت حجر بيتنا طلع نفس الحجر فيلا فضة قلبها ابيض اللي في مسلسل (حجر اردني طبيعي )

بس صراحة البيت طلع وايد حلو

بالعافيه ريناد واهم شى الواجهه والاحلى انك مقتنعه فيها وعاجبتك

 

[sara3]

الله يوفقكم ويرزقنى
انت السابقون ونحن اللاحقون

امين حبيبتى مشكوره ويلا بلشى من الحين يمعى للبيت

 

[مشاعل]

مشكوره moon

على المشاركه المفيده

وشفنا عروض skm

وبخلى ريلى يشوف ترين بعد

سارا

مشكوره حبيبتى

 

[البسايل]

السلام عليكم شلونكم بنات شخباركم فديتكم بغيت فزعتكم اختكم متوهقه بالديكورات مانى عارفه شسوى وزوجى معتمد على.......... شلون اختار انا ابى شى ناعم وغريب بنفس الوقت شوووروا على اشترى مجلة ديكورات ولا شسوى مانى عارفه شسوى

 

[البسايل]

:السلام عليكم شلونكم بنات شخباركم فديتكم بغيت فزعتكم اختكم متوهقه بالديكورات مانى عارفه شسوى وزوجى معتمد على.......... شلون اختار انا ابى شى ناعم وغريب بنفس الوقت شوووروا على اشترى مجلة ديكورات ولا شسوى مانى عارفه شسوى:lkmnkl:

 

[سافانا]

سارونه .....

اقل واحد راح يدفع مخالفه تقريبا 7000 دينار ..هذا طبعا بالنسبه لزيادة مساحة البناء ,

اما بالنسبه للتعدي على املاك الدوله غير مسموح به ماعدا الدرج الخفيف راح يتجاوزون عنه ...

الله يعين الجميع يارب ويسهل امورهم .

والقرار النهائي للتجاوزات راح يكون يوم الاحد من الاسبوع الجاي .

 

[sara3]

:السلام عليكم شلونكم بنات شخباركم فديتكم بغيت فزعتكم اختكم متوهقه بالديكورات مانى عارفه شسوى وزوجى معتمد على.......... شلون اختار انا ابى شى ناعم وغريب بنفس الوقت شوووروا على اشترى مجلة ديكورات ولا شسوى مانى عارفه شسوى:lkmnkl:

اول شى هدى وتركدي فى اختياراتك وحاو لو تشوفين ديكورات وايد ودشى بيوت حتى لو هذيله اللى للبيع وشوفى واخذى افكار

مجلة اشترى ليش لا علشان اتعرفين شنو اخر شى نازل

لازم اتعرفين من البدايه انتى وريلك شنو بتحطين كلاسيك ولا موديرن

واذا حابه تخلطين خلى كل دور نفس الشى

الحين دشى القسم ودشى النت بكبره ودورى صور سيفيهم فى ملف

خلصتى كل يوم بطلى الملف وتمقلى فيه اللى يعجبك حطيه على فلاش ممرى وديه المكتبه وسوى برنت نسختين

عطى مال الديكور وحده وحده خليها عندك

تفاهمى معاه على السعر وسوى عقد وحطى شرط ان اذا ما سوى اللى تبينه ولا فلس

لا يسوى شى على كيفه ، واى عقبه يواجها يشاور مو يكمل شغل على مزاجه

وايقولك ها اهنى فتحة التكيف ضايقتنى ولا ها ارتفاع السقف ما يساعد ترى كلهم اى نقدر

انسوى هذا التصميم يحطون الشمس بايد والقمر بايد وتتفاجئين تالى ان وين اللى تبينه واللى تنفذ

على الواقع

دورى مصمم شاطر

خلى الاستقبال اللى فيه شغل والماستر بد روم والمطبخ المفتوح لاتنسين خلى فيه شغل والمعيشه بعد خلى فيها شغل

وباقى الغرف ناعم وبسيط.بمعنى اصح الغرف الصغيرة 4 فى 4 خليها ناعمه اذا اكبر خلى

فيها ديكور فى شغل مخفى ساقط وربى يوفقك فى اختياراتك

 

[sara3]

سارونه .....

اقل واحد راح يدفع مخالفه تقريبا 7000 دينار ..هذا طبعا بالنسبه لزيادة مساحة البناء ,

اما بالنسبه للتعدي على املاك الدوله غير مسموح به ماعدا الدرج الخفيف راح يتجاوزون عنه ...

الله يعين الجميع يارب ويسهل امورهم .

والقرار النهائي للتجاوزات راح يكون يوم الاحد من الاسبوع الجاي .

يا بووووووووووووووووى هذيله كم متر ماخذين زياده:gr4uu::gr4uu: الله يكون فى

عونهم.ثانكس سافانا على التوضيح

ها بنات ترى مو كل مره تسلم الجره موكل مرة بيقولون تعالوا دفعوا

مره ثانيه بيقولون كسروا ودفعات التسليف تتاخر والبنيان يوقف:lkmnkl:

فما اكو احسن من السليم ولا يصح لا الصحيح واقتنعوا بالمساحه اللى عندكم احسن من عوار

الراس

 

[شيوخه]

صاجة سارونة اقنعوا بالموجود ولا تتجاوزون ترى تالي بتحسفون