شركات التغذيه منو احسن فيهم وجم نزلتى

[حياة زوجي]

العسل اشلون اكلهم الدايت غروب حلو والا لا..؟
لانه ودي اشترك مسوين عرض الشهر 185 مع ثلاث وجبات رئيسيه و2 سناك وتييي الاخصائيه البيت

اذا عندج رقمهم ابيه
تعبت وانا اقول حق البنات ابى رقمهم محد عبرنى :eh_s(16):​

 

[حياة زوجي]

انا بفضح نفسي لوول
قبل اسبوعين كان وزني66و900غرام
وبعد اسبوعين مع وجبات دايت كير
صرت65 بالضبط اذا مو اقل خخخ

والوزن المطلوب والمثالي53===حامض على بوزي
ولازم وزني يكون بين49 و59ونص

وهدفي اوصل 55 بس قولوووووو يااا رب

خخخخخخخخخخخخخخخخ ضحكتينى وحدج صريحه
وانا نفسج بعد بفضح نفسى وزنى 71 وودى اوصل 65
انا طولى حلو 162
وانشاء الله نوصل الهدف :ceaf32e183:
​

 

[حياة زوجي]

مرحبا بنات ، اليوم كان موعدي ونزلت كيلو ونص بـ 10 أيام نعمة وانا ماشية على البوكس بس مااكل فاكهة بصراحة مااحب وبعد اسبوعين ينتهي اشتراكي "Blue"][/color]

دام انج ما تحبين الفاكهه حرام يوصل عندج وتقطينه وخاصه انتى دافعه فلوس
كلمى الاخصائيه وتبدله لج بشى ثانى ممكن تبدله بعصير او حلو
ودمتم سالمين :stars:​

 

[Pretty Amoola]

هلا بنات ،

مبرووك للي ضعفوا ، أنا اليوم لي اسبوع من يوم ما بديت الاشتراك

ونزلت ، قولوا ما شاء الله كيلوين :stars:

بس استحي اعلن عن وزني لأن حده يفشل :O_SHH_:​

 

[حياة زوجي]

مبرووووووووووووووووووووك :lolo:
عسالله يتم عليج ويوصل وزنج اللى تبينه
وللرشاقه سر :RoadRunner:​

 

[Q8tya_GirL]

ارقام دايت غروب
24889824-97105115-66795859

 

[داريني]

خخخخخخخخخخخخخخخخ ضحكتينى وحدج صريحه
وانا نفسج بعد بفضح نفسى وزنى 71 وودى اوصل 65
انا طولى حلو 162
وانشاء الله نوصل الهدف :ceaf32e183:
​

مشاءلله لو توصلين 65 مع طولج حلو
يالله هااااااانت كلها سته كليو بقى لج

انا طول157 وانشاءلله اوصل 56 يا ربي

هلا بنات ،

مبرووك للي ضعفوا ، أنا اليوم لي اسبوع من يوم ما بديت الاشتراك

ونزلت ، قولوا ما شاء الله كيلوين :stars:

بس استحي اعلن عن وزني لأن حده يفشل _shh_:​

الله يبارك فيج
حبوبه على راحتج بس المهم نزليتي
ترا كليوين يسوون شي
انا تغيير مقاسي من 14 لبست 12
شفتي كليوين شتسوي

 

[نيرة الذهب]

السلام عليكم يا رشيقات المستقبل
امس رحت الدايت كير موعدي وحددددده ضاق خلقي
نازله بس نص كيلو
بعشر ايااااام مع المشي والرقص
مع ان بميزان البيت نازله كيلو ونص
المرة اللي طافت نزلت كيلوين ونص باسبوع مع التخربط
بموت من القهر
عاد قررت انها تنزل من الاكل 50 كالوري
عاد انا جددت معاهم اسبوع
يلا شوفو لي الدايت غرروب
مع ان اكل الدايت حيل حلو
بس نشوف ناس ينزل وزننا معاهم

 

[حياة زوجي]

بنات انا اشتركت بدايت غروب اليوم آخر يوم بالعرض
وعطيتهم التريخ آخر يوم مع دايت كير علشان اكمل مع دايت غروب
والعصر بتزورنى الاخصائيه بالبيت وتسوى لى التحاليل
وقالولى باجر ماكو عرض بصير الاشتراك 125
وانا اشتركت 185
عاد ما يندرى اشلون اكلهم الله يستر
راح اعطيكم التقارير اول باول​

 

[new^mom]

بنات انا امس اشترك بدايت غروب ويتني الاخصائيه وشافت طولي ووزني وقالتلي انتي جسمج راح ينزل 7 كليو بالشهر .. بصراحه انا عجبني منيوهم وانشالله اليوم راح اجرب اكلهم لان الغدا ناطرني بالبيت وحدييييييييييييي يوعانه يعني حتى لو الاكل مو حلو ما راح يأثر معاي لان اليوم كافر
وانشالله باجر بقولكم اشلون اكلهم .. وبعد اسبوع راح يبن جم نزلت انا الحين وزني 82 كليو وانا ابي اوصل حق 65 عشان ارتاح نفسيا لاني رديت حق وزني الطبيعي قوووولووو آمييييييين

 

[Pretty Amoola]

بنات انا امس اشترك بدايت غروب ويتني الاخصائيه وشافت طولي ووزني وقالتلي انتي جسمج راح ينزل 7 كليو بالشهر .. بصراحه انا عجبني منيوهم وانشالله اليوم راح اجرب اكلهم لان الغدا ناطرني بالبيت وحدييييييييييييي يوعانه يعني حتى لو الاكل مو حلو ما راح يأثر معاي لان اليوم كافر
وانشالله باجر بقولكم اشلون اكلهم .. وبعد اسبوع راح يبن جم نزلت انا الحين وزني 82 كليو وانا ابي اوصل حق 65 عشان ارتاح نفسيا لاني رديت حق وزني الطبيعي قوووولووو آمييييييين

نيو مام ، كم طولج؟ لأن انابودي بعد اوصل لل65 .


شرايكم بنات كل وحدة تصور وجباتها ؟ ياكثر اقتراحاتي؟ ​

 

[حياة زوجي]

انا ودى اصور الوجبات بس والله ما عرف

 

[new^mom]

انا طولي 165 ووزني الحين 82 والوزن المثالي لي 65 كيلو
والله عادي عندي اصورهم لج بس ما اعرف اعرضهم اهني.. اذا تبين ادزهم لج على الايميل انا خاضره

 

[حياة زوجي]

اليوم زارتنى الاخصائيه فى البيت
وخذت وزنى وطولى ونسبه الدهون بالجسم
وعطنى المنيو اختار لقيت شغلات حلوه وشغلات ما اعجبتنى
اللى عجبنى الكرتون شامل كل شى الريوق والغدا والعشا + 2 سلطه والفاكهه والحلو
فيه زياده عن باقى الشركات يعطونج حليب مع الريوق وزياده روب ممكن تاخذينه باى وقت
وتختارين جاى اخضر او نس كافيه وبعد ماى صحه ويحطون شوربه
هذا كل يوم مع الكرتون
واللى ما عجبنى المنيو لمده اسبوع نفس الشى ما يتغير
والاكل محدود مو متنوع نفس لو فات او دايت كير لج 3 اختيارات بس
وانا اشتركت لمده شهر والمشكله كل اسبوع نفس الاختيارات يعنى اكلهم مو متنوع وايد
على العموم لما يوصلنى راح اعلمكم اذا كان اكلهم حلو والا لأ
ودمتم سالمين

 

[فنار الكويت]

حياة زوجي انا اشتراكي الأكشن بدون الألبان والفاكهة سعر الإشتراك 199 ، يعني الفطور بس سندويشة .

 

[new^mom]

صباح الخير بنات ..
خل اقولكم اشلون كان اكلي امس
الغدا .. شوربة لسان العصفور + مشاوي(سيخ كباب -سيخ شيش طاووق -قطعت صدر) + سلطة سيزر + بطل 7اب صغير
المغرب.. نسكافيه + معمول قطعه صغيره
العشى .. نودلز + سلطه خضرى + روب + المفروض اييبون لي ماي بس ما يابو
الريوق .. كلوب سانويش (بيض -جبن - خس) + حليب + سلطة فواكهه ( ما قدرت اكلها لانها كلش ما تنبلع فيها طعم غريب لوع جبدي)
__________________________________________________________________
التعليق : الاكل لا بأس فيه مو وايد حلو يعني احسه اكل مستشفى مو اكل دايت نفس دايت كير ..
المنيو ما فيه تشكليه كبيره بالعكس الوجباة عندهم محدوده بس العرض الي كانوا امسوينه حلو ان الاخصائيه كل اسبوع اتيي لي عندي وتاخذ وزني والفحص مجاني والوجبات كامله مع السناك ب 185 د.ك
بس عن نفسي انشالله الشهر الياي ما يبيله تفكير دايت كييييييييييير وبس

 

[حياة زوجي]

وانا بعد راح اجربهم يوصلنى تاريخ 17-5
وراح اعلمكم التفاصيل عن دايت غروب

 

[new^mom]

صباح الخير يا رشيقات المستقبل
خل اكمل لكم يومياتي امس مع الدايت غروب ..
الغدا ..شوربة طماط + قطعت ستيك صغيره مع نتفة خضار سوتيه + طاسة ذره (ذره معلبات)+ قطعة اناناس بس شريحه وحده + 7اب
المغرب .. حلو اوريو كان وايد لذيذ + نسكافيه
العشا .. صمون اسمر بداخله خضار مشكل كانت حلو طعمها + سلطه خضرا + روب خالي الدسم
الريوق اليوم .. صمونه حلوم مع زعتر + حليب
و سلامتكم ..

 

[new^mom]

وين مشاركاتكم ماكو ردود

 

[reemw]

بنات ليش ماتصورون صور البوكس احسن