السلام عليكم ورحمه الله وبركاته
جورى يا قلبى وينج مالج بينه كلش طمنينا عليج
انا امس تريقت موزه وتغديت توسته ويا خضره مشويه كانت لذيذه وشربت بيرا توت
وكنت معزومه على عشاء وقمت الاحراج اني مسويا رجيم بس الحمد الله ما تعشيت وقاومت
واليوم هم الريوق موزه وامي الله يعطيها الصحه والعافيه جايبه لي حبوب مجفف مثل الكورن الفلكس فيها( حبوب بذره الكاتان وحب شمسي وحبوب ذره حلوه وفيتامينات ) اكله مثل الكورن فليكس
والغدا انشالله عيش ابيض مشخول وروب
وما راح اتعشى او يمكن سلطه
الله يخليلج امج يارب وطولج بعمرها بصحه والعافيه وبالعافيه اللى كليتيه
سلام يا صبايا شنو أخباركم ...
أنا شكلي أمس و اليوم بديت أخرب الرجيم ... مو بعارفة ليش ...
أمس تعشيت مع أني حاطة ببالي أني خلاص ما في عشا
و اليوم تريقت 2 توست مع جبنة حلوم و خيار و جيت على الضحى كليت 2 شابورة مع حليب قليل الدسم ...
بس المأساة الأكبر كانت في الغدا
لأني كليت عيش 5 ملاعق و صدر دجاج مشوي و سلطة خضرا مع زيت زيتون مع أني مانعة نفسي عنه من فترة أسبوعين أو أكثر
فيمكن أحاول أسوي رياضة بعد العصر حتى أعوض اللي ساويته أمس و اليوم ...
الله يقدرني ... أحياناً أحس أني إرادتي عما تضعف .. و أني تمللت .... و أحياناً أحس أني متشجعة وايد
الله يقوي عزيمتنا و يوصلنا لهدفنا كلنا و نحن بصحة و عافية إن شاء الله
يا قلبى انتى شدى الهمه وانتى قاعده تسوين شى زين لنفسج مو لحد ثانى قوى عزيمتج واردتج وما عليه هالاشياء اللى تحسين فيها مو معاج بس مع الكل بس واصلى ولا تقطعين
وانا اشوف اكلج وايد حلووو ومافى تغريب وحاولى تمشين تحركين يومياااا وما عليج الا العافيه
انا راضيه عن نفسى الان وايد فرق عن الاكل اللى قبل الرجيم من غير احساب ولا ضمير ميت كلش
الحين الضمير حيااا بالنسبه للاكل وصار كل شى بحساب ومعادله والحمد الله انا راضيه انى ما انزل وايد بالشهر بس انا قاعده انزل الحمد الله
وانا مقتنعه انى قاعده انزل ولا قاعده اصعد والحمد الله على كل حال القناعه كنز لا يفنا
