زوجي وآنا وأختي ! بنات ساعدوني ما أدري شسوي بليييز :(

[كاميليا55]

اللة يكون بعونك

 

[Gatwa]

شوفي حبيبتي خلاص الحين انتو تزوجتو
وان شاءالله اختج اييه لها الي احسن منه
ومو معقوله لمن تزوجتيه اختج لمن الحين تفكر فيييه او تبيييييه
خلاص ارضي بأمر الواقع واهوا بعد خلاااص يعني خذاج شلون بيفكر ياخذ اختج محد راح يرضا لو شنو يصير
ونظرة الناس راح تتغير
الله يهنيج ويسعدج حياتي وتمم عليج ويرزقج الذريه الصالحه
وتعايشي مع الوضع بعد شتسوين هذا نصيبج من الدنيا

 

[sa3bo0ola :P]

الله يعينج حبيبتي صج شي مو سهل... خاصتا اذا كان هل شي مع اختج
انا بقعد ادعيلج و الله يييب اللي فيه الخير ان شاء الله

 

[bad0o0ra]

الله يعينج والله ,,

 

[poisn girl]

مشكورين عالردود
رايتكم بيضة

الله يسلمكم إحنا ( آنا وزوجي ) رفضنا الموضوع حيل .. بس صارت سالفة كبيييرة حيل بالعايلة .. وما شفنا حل غير أن نتزوج
وصج هدت السالفة ..
يعني أهما غصبونا ويوم شفنا السالفة تأزمت رضينا .. بالأخير الزواج كان برضانا عشان نتجنب المشاكل والمصايب اللي كانت بتصير لو ما قبلنا .

أختي تقوللي أن خليه خل يقرب صوبج ويجيسج .. بس أحسها هم شوي متضايقة
يعني أدري أنها تحبني .. بس يعني صعبة عليها تقول حق أختها خلي حبيبي يجيسج !

زوجي هم بيراضيني .. ويدري بحالتي وعاذرني ,,

حتى أبشركم .. من بعد ما قريت ردودكم قلت ماكو غير ألين معاه شوي .. لأن مثل ما قلتو الطلاق مو حل ولا القعدة بدون شي بيننا حل ..
فاليوم العشا سويت له .. وحطيت وردة حمره يمه (;
إستانس عالوضع .. وحسيته شوي بدى يتقرب بس من بعيد لي بعيد ..
يعني قام يسألني أي دشداشة يلبس لعرس أخو رفيجه .. << كان اليوم أدعو له
يقول مو محتاجه شي ؟ تبين شي ؟ ما تبين أي شي متأكدة ؟
حتى قبل لا يطلع باسني على راسي , وقال أنه بدى يشوفني بنظرة غير أني بنت عمته

حتى آنا بديت أميل له ( من كلامكم بديت أفكر بالموضوع عدل , مشكورين )
كل ليلة كنت ألبس بجامة بو نص جم .. اليوم حفر وشورت لي الركب :d


تدرون .. أحس الأزمة اللي كنت عايشة فيها هدت شوي
مشكورييين واااايد

الله يسهلها عليكم ياارب
مشكورين

والله يفتحها بوي رفيجتي اللي دلتني عليكم

 

[om_3kash]

الحمدالله الي نورلج بصيرتج

الي سويتيييه عيين العقل وهذا الي كان لازم يصيير من زمان لانه خلاص هذا نصيبج والله يرزق اختج بالي احسن منه

و عيشي حياتج معااه طبيعي و ان شاالله نشوف عيالج و عيال عيالج

 

[احبه مووت]

خليج مع ريلج باجر بتمشي الدنيا وكل واحد بروح بنصيبه وتصير كل هذي سوالف يعني لو اختج بمكانج بتخرب حياتها اشانج طبعا لا لاتقولين اي باجر اختج بتتزوج وتنسى وانتو توكم اصغار يعني بسرعه راح تتكيفون بالوضع الجديد وخلاص لاتكرهين زوجج ترا راح يدور غيرج وما دام قام يقرب منج معناته ان بدى يتكيف مع الوضع الجديد ويمكن بعد حبج بس مومبين بس الي انا متاكده منه ان راح يحبج اكثر بعد فتره وختج طو ما اهي حاطه امل كلكم بتتعذبون قولي خلاص هذا زوجي وانا ما غلطت وانتي قاعد تقضبين ربج حرام حتى تقضبين ربج ردي الزوجج وبتحسين بمتعى بالحياه احنا متزوجات وعارفين بالي بقلبج حبي وعيلي وعيشي وتكفين طمنيني عليج على الخاص بليييييييييييييز ناطرتج حبيبتي عاى طول قولي هذا الدعاء له مفعول عجججججججججججججججججججججججب جنه سحر (فوضت امير لله ان الله بصير بالعباد )

 

[احبه مووت]

لا تنسين الدعاء (فوضت امري الي الله ان الله بصير بالعباد ) ولاتنسين اطمنيني والله دمعت عيني يوم قريت الي صار الله يجمعكم على محبه ناطرتج

 

[رهيبة قطر]

مافي حل انتوا خلاص متزوجين

واللي اعرفه انه مايجوز الرجال يتزوج اخت زوجته

وهذا نصيبكم الله اللي كاتبه لكم مايصير نعترض على حكمته ربي ادرى بعباده

بس حالولي ما اتكلمين عنه جدام اختج وهي باجر بتنسى

 

[بـدرِي عـليـــك]

آول شي يآ بنآت لا تقعدون تتحسبون على آلآهل

لان هذآ الشي مقدر ومكتوِب ونصيب مال احد فيه حيله

وبعدين يا حبيبتي هذا نصيبج الوحده مو كل يوم لهآ زوج

يعني تعآيشي معأه وانسي الموضوع ..وفهمي اختج ان اللي صآرِ مو بيدج

وان شاء الله اختج مقدرِه موقفج وحآسه ان هالشي غصباً عنج

واكيد لو تطلقون لاقدرِ الله مآراح تقدر يآخذ اختج

واثنينكم رِاح تخسرِونه ... والله يعوضهآ بالنصيب الطيب

مـوفـقيـن يآ رِب

 

[المستبــده]

اللي سويتيه صح

وخلاص اهو مرده لمن بيعيش معاج بينسى اختج
واختج راح ايي لها نصيبها اللي ينسيها ولد خالج

وصدقيني هالشي خيره من رب العالمين لكم
(عسى ان تكرهوا شيئا وهو خيرا لكم)

بس ما جاوبتي على السؤال اللي محيرنا

دام م ونتو صغار يقولون فلان لفلانه شلوون اختج حبته؟؟ المفروض كانت تحط احتمال انه ياخذج !!

 

[Om_F6OoOoma]

ما اقول غير الله يكتب الي فيه الخير لكم ثلاثتكم
موفقه ياقلبي

 

[سرهيبتي]

انت شتقولين ؟؟؟
انت الحين احق من اختج فيه خليه يحبج ياماما الريال بسرعه يحب موو مثل المراه ياحسره عليها
الواقع يقول انج لو تتطلقين منه ماراح تكسبين الا مطلقه .....والا اختج على بالج الناس والعرف بيسكتت عن القيل والقال ... محد بينضر كثرج ....................
خليه ياخذ حقهه كزوج وبتندمين على اللحظات الاولى بحياتكم الزوجيه .....
اختج بتلقى نصيبها ان شالله .....الواقع يقول جذي

 

[poisn girl]

بس ما جاوبتي على السؤال اللي محيرنا

دام م ونتو صغار يقولون فلان لفلانه شلوون اختج حبته؟؟ المفروض كانت تحط احتمال انه ياخذج !!

الكل الكل ما كان يتوقع أن يصير صج
لي وقت الـ 18 سنة بدت كلمة أنتي وريلج ( خو وقتها ما كنا متزوجين ) تخف وتخف
لين بيوم تفآجأت بأمي تقول أنه خالج خاطبج حق ولده .. قلت أي خال ! أي ولد !

قالت أن يدي ملزم علينا ..
حتى أنه يوم أول شي رفضنا أمي وخالي عصبوا علينا وصارت سالفة بايخة بيننا .. ويدي نزل ضغطه وإرتفع سكريه
لحد يوم أمي دخلت علي وقالت إذا يدج مات أنتي وعليوي بتكونون السبب !

آنا ما قدرت أتحمل إتهامات وكلمات جذي .. فتزوجته ..

وأصلاً إحنا عايلتنا ما تجبر أحد عالزواج .. هذا اللي زاد الصدمة بيني وبين زوجي ..
بس يدي الله يهداه ما أدري ليش كان ملزم وبشدة على زواجنا !

بس مثل ما قلتوا .. إن شالله تكون خيرة يارب

مشكورين عالمرور

 

[Princess Lady]

أنتي شنو !!! أنتي شنو لي باجر بقولها

شلون تبين الراحه والملائكه تلعنج !!! يقرب منج وتبتعدين وتبين الراحه والسعاده

خلاص نصيبج شبتسوين بعد .. وأختج مردها بتتزوج وبتحب ريلها وبتعيش حياتها وانتي بتمين نفس اخته

يمااا الريال يوم قرب يعني حبج لو عادج مثل أخته جآن من أول يوم قال لج بنعيش أخوان

خربتي على عمرج أحلى أيام

لا تقولين اختي مستحيل تحب // صدقيني بتحب وباتهنى بعد لان هي انثى واكيد رومانسيه وعقب انتي بتشوفين في عينج وبتقولين عاشت حياتها وأنا خربت حياتي بيدي

لا تقولين اختي تحبه وهو يحبها

مثل ما حبها بيموت عليج

 

[المدينه]

ليش من الاول ماخذا اختج مدام يحبها

 

[ســتارز]

يعني أهما غصبونا ويوم شفنا السالفة تأزمت رضينا .. بالأخير الزواج كان برضانا عشان نتجنب المشاكل والمصايب اللي كانت بتصير لو ما قبلنا .

يعني كان عقلكم براسكم واخترتم الحل الاسهل واللي يرضيكم انتوا الاثنين

خلاص وين المشكلة

الله يهنيكم

 

[مغليك قلبي]

شوفي ياااقلبي انتوا تزوجتوا مأعتقد انوا اهلك لو تطلقتي بيزوجونه اختك
وانتي قلتي انه حاول يتقرب منك يعني معنااااته الرجاااال ناوي يكمل حياااته
واكيد هو محسب اموره عدل وعارف انه لا طلقك ماراح ياخذ اختك
فأنتي لاعاد تصدينه وتابعوا حياااتكم وخليه يحبك واختك صدقيني الله بيكتب لها الخيره
وهاذي قسمتك ونصيبك عيشي حياااتك وعليك بالأستغفاااااااااااااااااااااااااااااااااااااااار والله انها مثل السحر سبحااان الله

 

[أحبه موت]

ياربي للحين في ناس الزواج عندهم غصب وين قاعدين بشريعه الغاب
الله يعينج حبيبتي وهالشي مو بيديج بيد رب العالمين ولا ذنبج انتي ضحية أهلج الي زوجوج غصب
خلاص حاولي ترضين بالامر الواقع مو حل انج اتطلقين عشان اختج الي صار صار وانتي الحين مابيدج شي غير الاستسلام
والله يكون بعونج يارب

 

[ترانيم انثى]

خلاص الحين الفأس طاح بالرأس
ومدام بديتي بخطووه حلوووة انج
سويتي العشاء وبدأ يسولف معاج
معناته خلاص بدت تنحل المشكله
وخلاااص صدقيني هوبينسى اختج
وانتي نسيه الماضي وحبيه وخليه
يحبج واختج بيجي نصيبها..والله يوفقج يارب.