شركات التغذيه منو احسن فيهم وجم نزلتى

[حياة زوجي]

حياة زوجي انا مشكلتي ان زوجي فجاة يقول يلا خل نطلع
ويمووووووووووووووووووووووووووووووت على لورينزو اللي بالافينيوز و360
طايح بكيكة الكاكاو الحارة مالتهم من ايام محلهم اللي بالصالحية
عاد هذي دماااااااااااااااار
وامس رايحة مع رفيجتي الراية وطلبت جوكليت بيتزا
خوش وحده صح
والدكتورة تقولي لما تسافرين ابي ريوقج كورن فلكس النخالة مع حليب خالي الدسم والغدا صمونة توست بالجبن والخضرة
والعشا مشويات وسلطة
اطالعها واقولها بروح بلد البيتزا عقبها دولة الشوكولا وما تبيني اكل
الا باااااااااااااااااااااااااااااااكل

خخخخخخخخخخخخخخخخخخخخخ ضحكتينى :dddds::dddds:
انا بسافر الخميس الياي بروح اسبوع دبى وقاعده احاتى
بس بحاول اسكر حلجى والله يستر :eh_s(16):
وصل وزنى 67 ومابى اخرب وراى رمضان واكل رمضان
والمشكله الاستقبالات الحريم
والاهم العيد وكشخه العيد لازم نلبس
مشكلتى اهل زوجى يطالعون كل شى
لازم البنت تكون جسم وبرستيج البدله
الله وكيلج اذا الوحده فينا امتنت يطنزون ويقولون اشفيها هامله روحها
والاهم منهم زوجى العزيز يضيق خلقه اذا خربطت بالاكل ويزفنى :rgewrg:
تدرين ليش ؟؟؟؟؟؟؟؟؟؟؟؟؟؟
لانه يدفع كل شهر 200 دينار للشركه ههههههههههههههههههههه :rerrerek::rerrerek:
​

 

[حياة زوجي]

مرحبا حياة زوجي شخبارج بصراحة مرتاحة حيل مع دايت سنتر اكلهم حلو ونظيف ويشبع ولحد الآن مامشيت ومن الخوف باجر بحاول امشي على البحر لأن موعدى الأربعا انشالله وأنا جسمي صعب ينزل بسرعة ، وإنشالله لما اروح لهم بسألهم على البريد (الأيسكريم) ، تحياتي للكل واللي مترددة تشترك ولا لأ تروح تشترك وتتوكل على الله عشان تلحق قبل رمضان تنزل جم كيلو ويابنات الإهتمام مهم وبتستانسون لما تضعفون وتلقون قياسكم بالسوق بكل سهولة

كلام جميل :lolo:
وانشاء الله وزنج ينزل وتبشرينا
والله كلامج صحيح والوحده فينا اذا اضعفت والبست تستانس
حتى الملابس يصير عليج حلو
يالله بنات تحيا الرشاقه والصحه والعافيه :weight_lift::weight_lift:
آخرت السمنه امراض يكفينا الشر
ودمتم سالمين :eh_s(7):​

 

[حياة زوجي]

،



بنآت وين مكانه بالافنيوز ؟
< لو فات



؟





؟~

ماعندى فكره
انشاء الله البنات يفيدونج

 

[فنار الكويت]

هاااي باك
فنار ان شاء تكونين نازله على الاقل على الاقل 3 كيلو قولي امين
وينها طريقة الهوت جوكلت كيك الحقيني فيها تكفييييييين
واجيب لج صوغه كاكاو من سويسرا اممم لالا اخاف تمتنين
اجيب لج كرت مال اول اللي نشتريه من محلات السيفونير

هههههههه بعد قلبي عليج بالعافية وكل ماتاكلين منها ادعيلي انا اسويها حق رفيجاتي بره الكويت والحين كل مااروح عندهم يطلبونها مني وايد يحبونها واي ذكرتيني فيها احلى كيكة عندي وعليج بمية عافية يارب
ـــــــــــــــــــــــــــــــ
كيكة لورنزو لاطوفكم
__________
المقادير :

بسكوت دايجستف الحجم العادي مو الكبير
زبده
ارو 8
1 قيمر واحد كي دي دي (المربع مو المعدن)
8 كيري
- 3 بيضات
نص كوب سكر
كريمه حمرا


الطريقة:

1) اتفتتين الدايجستف وذوبين الزبده واتخلطينهم واترصينهم بقالب الجيز كيك


2) بالخلاط (3 بيضات + نص كوب سكر +8 كيري) لمه ايخلطون خلاص ترفعين
الماعون

3) بعدين بحمام مائي (7 آرو + 1 قيمر لمه ايذوب) ثم اتخلطينه مع خلطة البيض اللي بالخلاط بس عاد اتخلطينهم بقفشه وبعدين اتحطينهم بالفرن مدة ساعه لمه اتصك

4) بعدين بحمام مائي مره ثانية 1 ارو مع 3 قفاش كبار كريمه حمرا اتخلطونهم واتحطونه
فوق الطبقه

ثم واتزينينه بالفلك

ملاحظة : حطينها بالثلاجة وثاني يوم القطعة اللي بتاكلينها حطيها بالميكروويف 10 ثواني

 

[فنار الكويت]

الله يسمع منج حياة زوجي وتروحين وتردين بالسلامة ، نصيحة لاتخربطين لما تسافرين والله انا حدي مضايقة عقب ماضعفت رديت كيلوين ونص وكنت واصلة 63 كنت مستانسة والحين وزني 65 ونص والله ضايق خلقى عشان جذي الحين ملتزمة بالأكل وأحاول أعوض الأخصائية معطتني 1200 كالوري وقاعدة احاول اخذ 1100 كالوري ، بغيت اسإلج حياة زوجي مره قلتي انج بتسوين شد حق بطنج برويال حياة منو الدكتور هناك لأن كان عندي موعد عند دكتورة صبرية صالح عشان تشيلي الدهون بالجفن وتسويلي شد بالجفن وشفت وايد ناس عند دكتور التجميل بالدور 4 ياريت اللي تعرفه تفيدنا أتوقع اهو دكتور أجنبي

 

[MoonDiamond]

انا بعد وياكم..

اشتركت بدايت كير وهذا ثالث يوم وتوني اشوف موضوعكم..

وزني 79 و300 غرام

وابي اوصل ل60 حاليا

والخطه اني اشترك شهرين وكل شهر انزل 5 او 6 كيلو

عاد هالشهر بدايت كير والشهر الياي كالوري كنترول

وقاعده امشي ساعه باليوم وملتزمه بالبوكس

يا رب يتحقق حلمي وارد مثل الاول

البس اللي ابيه والحركه خفيفه

ادعولي وشجعوني ومراجعتي يوم 5-7 ونشوف جم نازله

 

[**وقفة فرس**]

مسااااااااء الخير
بنات آنا حامل والدكتور محذرني من السكر والضغط لا يرتفعون عندي وآنا موعارفة شلون أسيطر على هالشغلتين وخايفة على روحي خاصة من الضغط لأنه خطر وقت الولادة...يعني موقصدي تنقيص وزن لأ...بس ضبط طريقة التغذية فقط لاغير الوزن لاحقة عليه...تهقون هالشركات تنفعني؟؟؟؟خاصة دايت كير...

 

[فنار الكويت]

مسااااااااء الخير
بنات آنا حامل والدكتور محذرني من السكر والضغط لا يرتفعون عندي وآنا موعارفة شلون أسيطر على هالشغلتين وخايفة على روحي خاصة من الضغط لأنه خطر وقت الولادة...يعني موقصدي تنقيص وزن لأ...بس ضبط طريقة التغذية فقط لاغير الوزن لاحقة عليه...تهقون هالشركات تنفعني؟؟؟؟خاصة دايت كير...

ماتشوفين شر انشالله ويارب وتولدين بالسلامة ، سألي دكتورج عن الكركديه اللي اعرفه بمصر يشربونه عشان ضغط الدم ويقولون وايد زين وبالنسبة للضغط العالي لا تاكلين ملح قللي عشان صحتج وحاولى تمشين اذا كنتي بأواخر الأشهر ، وبالنسبة اذا الشركات تنفعج ولا لأ ماأدري بس اهم ماراح اسوولج شي اتوقع اكلي أكل صحي وابتعدي عن الأملاح حاولى تتابعين الضغط على طول احسن

 

[حياة زوجي]

الله يسمع منج حياة زوجي وتروحين وتردين بالسلامة ، نصيحة لاتخربطين لما تسافرين والله انا حدي مضايقة عقب ماضعفت رديت كيلوين ونص وكنت واصلة 63 كنت مستانسة والحين وزني 65 ونص والله ضايق خلقى عشان جذي الحين ملتزمة بالأكل وأحاول أعوض الأخصائية معطتني 1200 كالوري وقاعدة احاول اخذ 1100 كالوري ، بغيت اسإلج حياة زوجي مره قلتي انج بتسوين شد حق بطنج برويال حياة منو الدكتور هناك لأن كان عندي موعد عند دكتورة صبرية صالح عشان تشيلي الدهون بالجفن وتسويلي شد بالجفن وشفت وايد ناس عند دكتور التجميل بالدور 4 ياريت اللي تعرفه تفيدنا أتوقع اهو دكتور أجنبي

بالضبط الدكتور اجنبى وواااااااااااايد شاطر
وللاسف انا دفعت الفلوس وحددت موعد العمليه كان 20_ 6 واجلتها
والحين بسافر ولما ارجع راح احدد يوم ثانى
والدكتور اسمه كروز

 

[حياة زوجي]

انا بعد وياكم..

اشتركت بدايت كير وهذا ثالث يوم وتوني اشوف موضوعكم..

وزني 79 و300 غرام

وابي اوصل ل60 حاليا

والخطه اني اشترك شهرين وكل شهر انزل 5 او 6 كيلو

عاد هالشهر بدايت كير والشهر الياي كالوري كنترول

وقاعده امشي ساعه باليوم وملتزمه بالبوكس

يا رب يتحقق حلمي وارد مثل الاول

البس اللي ابيه والحركه خفيفه

ادعولي وشجعوني ومراجعتي يوم 5-7 ونشوف جم نازله

الطموح للوزن اللى تبينه وايد زين:rerrerek:
والخطه اللى ماشيه عليها انا أأيدج
تقريبا انتى نفس تفكيرى :eh_s(2):
انا ماحب ادوم على شركه حتى لو كان اكلها واو
انا بسرعه امل فمن جذى اذا مليت اغير الشركه
بس لى طلب عندج اذا اشتركتى بكلورى كنترول ابيج تقيمين اكلهم
انا من من عاميين تقريبا اشتركت معاهم شهر
وكان اكلهم مو ذاك الزود
بس ممكن الحين فى تطورات عندهم
فالشهر الياي بتكونين مراسلتنا من كالورى كنترول لوووووووووووووول :gr4uu:​

 

[حياة زوجي]

مسااااااااء الخير

بنات آنا حامل والدكتور محذرني من السكر والضغط لا يرتفعون عندي وآنا موعارفة شلون أسيطر على هالشغلتين وخايفة على روحي خاصة من الضغط لأنه خطر وقت الولادة...يعني موقصدي تنقيص وزن لأ...بس ضبط طريقة التغذية فقط لاغير الوزن لاحقة عليه...تهقون هالشركات تنفعني؟؟؟؟خاصة دايت كير...​

انا مع فنار الكويت كلامها صحيح
وبالنسبه لدايت كير اكلهم وااااااااااايد صحى
بس انتى دقى عليهم واستفسرى وعلميهم انج حامل وعندج ظغط وسكر
اهم راح يفيدونج اكثر منا
واذا اتصلتى عليهم علمينا شنو صار معاج​

 

[حياة زوجي]

صار لى يومين احاول ما يفتح المنتدى
بنات انا يوم الخميس مسافره وبرجع بعد اسبوع
واللى تمسك موضوعى وترد على البنات واستفساراتهم
منى لها صوغه من دبى بلاد الحى لووووووووووووووول

 

[فنار الكويت]

اول وحده ترد عليج حياة زوجي ، حتى انا المنتدي موراضي يفتح معاي صارله يومين احاول امسك موضوعج بس ان شالله ماينحاش مني ، لوووووووووووول بس شرطي الصوغة ، وانشالله المشاركات بالموضوع هم ماراح يقصرون مع أي وحده تستفسر عن الشركات
تروحين وتردين بالسلامة ادعولي بنات باجر موعدي بدايت سنتر اول مره

 

[A.A.Desiner]

سلام حبايب وبنات حيبيت اسلم وامشي واعطيكم اخباري وقت ثاني موااااااااااااااااااااااااااااه لكم

شكرا

 

[شمعة ليل]

صار لى يومين احاول ما يفتح المنتدى
بنات انا يوم الخميس مسافره وبرجع بعد اسبوع
واللى تمسك موضوعى وترد على البنات واستفساراتهم
منى لها صوغه من دبى بلاد الحى لووووووووووووووول

تروحين وتردين بالسلامه يارب

اول اخبارى مع لوفات ثانى يوم معاهم حتى الان الاكل ماشاء الله حلو نظيف ويشبع

وعندهم كاكاو هيرشى يجنن مو طبيعى شكلى عقب ماخلص اشتراكى بخرب على رجيمى من هاكاكاو :n2006107:
:yaaaaaarb: ادعولى يارب اضعف من غير شر زوجى مايشجعنى قاهرنى كله يطنز على يقول هذا ويهى اذا ضعفتى:eh_s(11): :eh_s(11):

 

[حياة زوجي]

اول وحده ترد عليج حياة زوجي ، حتى انا المنتدي موراضي يفتح معاي صارله يومين احاول امسك موضوعج بس ان شالله ماينحاش مني ، لوووووووووووول بس شرطي الصوغة ، وانشالله المشاركات بالموضوع هم ماراح يقصرون مع أي وحده تستفسر عن الشركات
تروحين وتردين بالسلامة ادعولي بنات باجر موعدي بدايت سنتر اول مره

بعد عمرى حياتى
بشرى بالعطر والبخور والزعفران هذا اهم شى بدبى :icon30:
يارب يارب تبشرينا بنزول وزنج :yaaaaaarb::yaaaaaarb::yaaaaaarb:
​

 

[حياة زوجي]

سلام حبايب وبنات حيبيت اسلم وامشي واعطيكم اخباري وقت ثاني موااااااااااااااااااااااااااااه لكم

شكرا

هلااااااااااااااااااااااااااااااااااااا ومرحباااااااااااااااااااااااااااااااااااا :hjy5jewf:
ليش اختفتى شنو سر اختفائج :080402ask_prv: :080402ask_prv:
بس ناطرينج وناطرين اخبارج الحلوه
من كثر الغيبات ياب الغنايم
واحنا ناطرينج :blueSmCLR::blueSmCLR::blueSmCLR:
​

 

[فنار الكويت]

نبي سلامتج حياة زوجي والله يسمع منج وانزل وتروحين وترجعين باااااااااااااااااااالف سلامة

شمعة ليل ذكرتيني بحلو لوفات يهبل عندج كيك الأوريو بالنعناع وعندج العثملية والكنافة وايد حلويات حلوة ناسية ، وبتضعفين معاهم حاولي تاخذين أقل من 1200 كالوري عشان تضعفين عدل .

بنات اللي تبي طريقة حلو التك مالة دايت كير عندي جربتها بالسفرة وطلعت بالضبط نفس دايت كير هذي بس اللي مدمنين على حلو التك مثلي وتحياتي للكل

 

[MoonDiamond]

حياة زوجي تروحين وتردين بالسلامه

 

[وردة النرجس]

السلام عليكم

شلونكم شخباركم

خصوصا حياة زوجي ولهت عليج ويوم شفت أخبارج وايد إستانست

مبروك مبروك وصولج الستينات

ها شنو شعورج ادري لا يوصف ليما تقولين حق الناس انج بالسيتينات او ليما إنتي تشوفين وزنج بالستينات واو

انا كنت غاطة بس رجعت معاكم

سافرت دبي إسبوع ووايد إستانست وخربطت إهناك طحتله برد ايس كريم كولد ستون

واحس العلج مانفعني وايد يمكن اول ماإستخدمته كنت احس بالفرق الحين عادي

انا قتلج اني وقفت إشتراكي بالدايت كير صارلي شهرين ووصلت 63 بس الحين زايدة كيلو اعتقد وزني الحين بين 64 و65

علشان جذي حسيت بتأنيب الظمير لأني صج خربطت وايد من هديتهم وبالسفر اكثر مع هالوجبات والسفر تحسين ماتبين تحرمين نفسج من شي

عاد قررت وعزمت وبعد التوكل على الله برد إشترك قبل دخول رمضان علشان أنزل هالجم كيلو الي صعدتهم

وباجر بإذن الله بروح اجدد إشتراكي وبخلي الوجبات يوصلولي من يوم الأحد وبسوى نظام ان بالويك أند أوف وبحاول ماأخربط

وإنشالله انزل وأشوف نتيجة مرضية

راح يكون برنامجي المينتيناس الي 3 وجبات وسناك وبخلي طبعا يكون الحلو اهو الوجبة الخفيفة يعني بدون سلطة وبدون شوربات وفواكة لأن كل هذا مقدور عليه

والله يوفقنا وإنشالله تروحين وترجعين بالسلامة من دبي وايد حلوه وإستانسنا إهناك واهم شي السوق كله تنزيلات ويونس