:{تجمع مسافرات تركيا صيف 2010}:

[ورد وردي]

رد : :{تجمع مسافرات تركيا صيف 2010}:

شلونكم بنات

والله استفدت منكم لان معاي طفل فماني رايحة المغارة ولا الجبل حرام مايسوى علينا

بورصة شنو فيها اشياء ليهال غير الحديقة ؟

 

[أبلة كويتية]

ابلة كويتية شخبارج ؟؟
رحنا المغارة امس
اففففففففففففففففففففففففففففففففف تهد الحيل دريها شكبره وشطووووووووووووووووووووووووووله يتعب والله حيل

انا كرهت حياتي من هالدري والله ما فيني حيل اكثر من 500 طبقة امشيهم ابيييييه لا شاللي حادني ههههههههههههه


وصلنا لي نص المسافة وطالعنا فوق الا الدري الباقي طويييييييييييييييييييييل فوق 200 طبقة قلت حق ريلي لا يبا شنو اخرتها منظر من فوق؟؟

بلاااااه ما نبيه خل ننزل ونشوف مكان ثاني ابرك من هدة الحيل





وان شاءالله بالليل اعطيكم سير رحلتنا لليوم

هلا والله زيتونة

أمس قاعدة اكتب رد لج عن الجو وعن رحلتي أمس ويوم حطيت إرسال المشاركة علق النت عندهم

الشبكة هني مو شي حدها ضعيفة



المغارة مدامنها تعب ما تنفع لنا ...أبوي وأمي معانا يالله يمشون :cxxxp:


أخيييييييييييييييييييييييه على الجو العجيب يا زيتونة أمس مططططططر خيااااال


أمس رحت حق مدينة إسمها بندك pindik

رحنا لها من محطة الido من يلوا سعر الشخص للروحة 7 للكبير و 5.5 ليرة للصغير

والردة نفس السعر 7 للكبير و5.5 ليرة للصغير

يعني روحة وردة الكبير 14 ليرة والصغير 11 ليرة

المدينة ذكرتني بأحد المدن إللي زرناها في لندن نسيت إسمها

المهم في هالمدينة كل سبت عندهم بازار ,,,رووووعة بصراحة من أكبر البازارات إللي رحت لها في تركيا

وااايد أقطان حلوة عندهم وعجيييييييييييبة ...بس عيبه ززززززحمة حيل حيل

المنطقة أول ما تنزلون لها بتتفاجأون بتقولون كبيرة ومو حلوة وين نروح ؟؟...بس عادي أول ما تنزلون من العبارة إمشوا سيدة وعبرو الشارع وروحوا بين السكيك

وسألو ..بالتركي قولوا لهم ..أين جوزال ألبسه ..يعني ملابس حلوة وين نلاقيها

رووووعة المنظر هناك ...محلات ما أقولكم إنها تووووب بس يعني تلقطين منها أشياء ..أحلى شي في المنطقة قهاويهم

ومطاعهم القعدات فيها رووووعة ...وبعد إللي ساعدنا أمس الجو مطر كان حده عجيب


7

7


أقول زيتونة مت كليتي عندهم السمج بالجين ...سمج مطبوخ بالفخار ويحطون معاه مشروم وطماط وفوقه جبن ..الكشار مالهم

إسمه بالتركي كشارلك بلاك


يمي يمي يمي لذييييييييييييييييذ رووووعة يا زيتونة لا يطوفج


الله يتمم علينا بهالجو الرووووعة

بصراحة خيااااااااااااااااال

جان زين نهدي شوي منه للكويت خخخخخخخخخ:klhfl:




مع السلامة :eh_s(8):

 

[أبلة كويتية]

:cxxxp:

شلونكم بنات ان شاءالله 20 /7 سفرتي على طيران فلاي دبي بقعد لي 3/8
احنا 7 اشخاص وطفلين بقعد من 20 لي 24 باسطنول وبعدها بقعد ابورصه لي 31 وعقب برجع اسطنول
بس بغيت اعرف شلون اروح بورصه لان المكتب الي متعاملين معاه بالكويت عندهم فرع باسطنول يودونه اباص وياخذون 100 دينار بالروحه و100 بالرده جنه وايد
واذا بروح يلوا 70 دينار واذا نبي سايق يطلعنه بورصه ياخذ باليوم 120 دولار بس 12 ساعه يكون فاضي حقنا باليوم

والله يا إختي الغالية كل ما أكتب الرد لج يعلق النت عندهم هني كلش مو شي الشبكة حيل حيل ضعيييييييييييفة


شوفي يالغالية إحنا ناخذ باص كل سنة من مطار اتاتورك ياخذنا من المطار لي القرية مالتنا قريتنا قريبة من جزيرة يلوا ..وطبعا هي أقرب من بورصة ..ياخذ علينا الباص 250 إلى 270 دولار يعني تقريبا تقريبا 70 إلى 75 دينار

هذا لي يلوا ..يعني إنتو لي بورصة ابعد شوي يمكن يكون سعره زين


بالنسبة للباص داخل تركيا ياخذنا من القرية على الساعة 9 أو 10 الصبح ..يودينا لي بورصة

تخيلي المسافة بين قريتنا وبورصة تقريبا ساعتين إلى ساعة ونص وهناك في بورصة يمشينا ونرجع على ال 11 بالليل تقريبا

تدرين جم ياخذ منا ..تقريبا من ال 160 إلى ال 180 دولار الباص حق 15 إلى 18 راكب ..ويكون مكيف

والمشكلة إذا إنتو فوق الأربع أشخاص يعني ما تشيلكم السيارة الصغيرة يطلعون لكم هالباصات الكبار وعادة تشيل اكثر من 7 يعني تقريبا من 12 إلى 18 راكب


هذي أسعارهم إللي أعرفها تقريبا نفس السعر إللي عندج ...
عموما الباصات عندهم واااايد غالية عشان جذي حاولوا تعتمدون على الاندرجراوند وعلى باصات المواصلات إللي عندهم حلوة ومريحة ..
صج إنها مرات زززحمة :cxxxp:بس لا تركيبين الباص الزحمة نطري إيي لج وراه باص فاضي


موفقة يالغالية وإن شاء الله تكون رحلة سعيدة

 

[أبلة كويتية]

رد: رد : :{تجمع مسافرات تركيا صيف 2010}:

شلونكم بنات

والله استفدت منكم لان معاي طفل فماني رايحة المغارة ولا الجبل حرام مايسوى علينا

بورصة شنو فيها اشياء ليهال غير الحديقة ؟

المغارة يمكن تعب على كلام الإخت زيتونة

بس الجبل لاااااازم تروحين له

آنا برايي هو أحلى شي في بورصة


روحي بعد حق السوق المسقف عندهم إللي إسمه كبلاجارجا حلو يونس تمشي فيه

روحي حق مجمع ظفر حلو بعد يونس


وبعد عندهم مجمع كبير بس مو داخل بورصة يعني على أطراف بورصة نسيت إسمه

بس رحت له هم حلو ...


روحي زوري جزيرة يلوا وردي نفس اليوم هم وناسة وتغيير فيها قعدات وااايد حلوة على البحر

وإذا عندج وقت من يلوا إخذي باص مكتوب عليه ..termal >>>واايد حلوة فيها الحمامات المعدنية إللي فيها الماي الحار الطبيعي

سعر الشخص بالباص مالهم من يلوا لي تيرمال ليرة ونص إبلااااااااااااااش يعني تقريبا ربع دينار

والردة بعد ليرة ونص

حلوة مدينة تيرمال تغدي فيها وشوفي الماي الحار الطبيعي إللي فيها وإنتي هناك سألي عن كوكجدرا وهذ منطقة كلش لااااازقة فيها راح تشوفين فيها الخليجييين واااااااايد

وبعدها ردي لي يلوا بنفس اليوم ومنها لي بورصة



موفقة يالغالية وإن شاء الله تعالى رحلة سعيدة

 

[ورد وردي]

رد : :{تجمع مسافرات تركيا صيف 2010}:

مشكووووووووووووورة حبيبتي ابلة كويتية ماقصرتي .......... عاد حيل احاتي مادري ليش كلة اخاف ماتعجبني الديرة او ان فيها لويه وايد مادري الله يستر بس من كلامكم شكلها حلوة

 

[maryam_q8]

بنات من وين اييبون المواعين الحلوة وملابسهم الشعبية اللي يبيعونهم اهنيه البنات بالمعارض

 

[maryam_q8]

بنات شلون الجو ببورصة وابانت واسطنبول شنو ناخذ هدوم صيفية ولاشتوية واليهال ؟ وهناك في هدوم يهال حلوة حق العيد؟

 

[maryam_q8]

وجم يكفينا مصرف احنا 3اشخاص

 

[أبلة كويتية]

بنات من وين اييبون المواعين الحلوة وملابسهم الشعبية اللي يبيعونهم اهنيه البنات بالمعارض

الأشياء القديمة تلاقينها في السوق المسقف في اسطنبول أو السوق المسقف كبلاجارجا في بورصة \\ الجو في بورصة واسطنبول حر عادي بس في جبل أولداع لازم يكون معاكم جاكيتات ..يعني ييبوا معاكم جاكيتات أحسن إذا صار برد لبسوهم

المصرف لازم تييبون معاكم مبلغ راهي ترى الديرة مو رخيصة يبي لها فلوس ....خاصة الباصات يبي لها فلوس

 

[maryam_q8]

شلون سوقهم او وين القا ملابس حلوة للعيد حق اليهال

 

[¤§ زيتونة §¤]

سلام حبايبي


شخباركم



وينكم اهل تركيااااا



انا طلعت من بورصة رحنا انطاكيا يومين وبعدها بنقعد بسوريا جم يوم بالزبداني وبعدها نرد الديرة


الصراحة تركيااا تهبل من كل النواحي

بس صايرة نااااااااااااااار غالية اغلى من الكويت احيانا


والحمدلله على كل حال






انطاكيا حلوة بس ما فيها ذيك السياحة بس كافي عليها يومين تمشي وتسوق وخلاص


وسلامتكم

 

[ورد وردي]

رد : :{تجمع مسافرات تركيا صيف 2010}:

تردون بالسلامة حبيبتي زيتونة

 

[bal8es]

قوه
شونكم يابنات شخباركم ؟
انا الحين في بورصه بعد عنااااااااء طويل
طبعا عنااء لأن يينا تركيا بساره صج ونااسه ومغامرات واهم شي يوم نظيع الطريج هههههههههه بس معانا منقذتنا حوور اختي هههههههههه
ماعلينا اول شي استقرينا بسوريا 3 ايام ومنها طلعنا ع تركيا طبعا الطريج طويل يعني يوم ونص بس اهم شي المناظر كااااانت خيــــــــــال وطبيعه مو طبيعيه
استقرينا في بورصه بخووش شقه <<< لأن فيها نت ههههههههه وقبال السوق ويم الحديقه الكبيره
طبعا بدن جدول رحلات قاعدين بس انشالله راح يبدي جدولنا من بعد شوي
بنروح الحديقه الكبيره انشالله
وبااجر من حجيكم سويت لنا جدول
اول شي بنروح التلفريك وبنطلع ع الشجره العيوز وبناكل كرز لأنكم حدكم شهيتوني وما ادري وحده من البنات كاتبه اسم مطعم ما ادري اسمه يشكك ( جمال بوشنب ناغره ) اهم مافي الموضوع الشنب اخااف قاع تطنز الي عندها فكره بليز تفيدني هههههههههه ما اابي اطلع بالشينه شاده حيلي وقاع اسويلهم جدول واخر شي يطلع غلط هههههههههه
فــــديــــــتـــــكـــم
والي عندها معلومه تقدر تفيدنا فيها بخصوص منطقه oylat
وسفره سعيده للجميع وتردون بالسلامه انشالله

 

[بوووظه]

قوه
شونكم يابنات شخباركم ؟
انا الحين في بورصه بعد عنااااااااء طويل
طبعا عنااء لأن يينا تركيا بساره صج ونااسه ومغامرات واهم شي يوم نظيع الطريج هههههههههه بس معانا منقذتنا حوور اختي هههههههههه
ماعلينا اول شي استقرينا بسوريا 3 ايام ومنها طلعنا ع تركيا طبعا الطريج طويل يعني يوم ونص بس اهم شي المناظر كااااانت خيــــــــــال وطبيعه مو طبيعيه
استقرينا في بورصه بخووش شقه <<< لأن فيها نت ههههههههه وقبال السوق ويم الحديقه الكبيره
طبعا بدن جدول رحلات قاعدين بس انشالله راح يبدي جدولنا من بعد شوي
بنروح الحديقه الكبيره انشالله
وبااجر من حجيكم سويت لنا جدول
اول شي بنروح التلفريك وبنطلع ع الشجره العيوز وبناكل كرز لأنكم حدكم شهيتوني وما ادري وحده من البنات كاتبه اسم مطعم ما ادري اسمه يشكك ( جمال بوشنب ناغره ) اهم مافي الموضوع الشنب اخااف قاع تطنز الي عندها فكره بليز تفيدني هههههههههه ما اابي اطلع بالشينه شاده حيلي وقاع اسويلهم جدول واخر شي يطلع غلط هههههههههه
فــــديــــــتـــــكـــم
والي عندها معلومه تقدر تفيدنا فيها بخصوص منطقه oylat
وسفره سعيده للجميع وتردون بالسلامه انشالله

سكنكم يم سكناااااا :hjy5jewf:

وانا مطيحه بالحديقه

أقووووووووووووول طلعي راسج من الدريشه خل اشوفج :edbf4317b9:

 

[bal8es]

^
^
^
^
خوووش عيل يالله باجر انشالله الوعد بالحديقه بيكون البلوتوث تبعي بنوته من منتدى كويتيات <<< ما صدقت

هههههههه اتوقع اني شفتج امس يوم كنت بالحديقه

 

[ام شي شي]

رد : :{تجمع مسافرات تركيا صيف 2010}:

زيتوووووووووووووووووونه شصار على اوزنجول مالها طاري؟؟

 

[ورد وردي]

رد : :{تجمع مسافرات تركيا صيف 2010}:

عفية بنات عطوني فكرة عن اوزنجول انا صراحة احاتي ومتخوفة منها لان ماخذين يومين بكوخ وانا افكر شلون ومعاي طفل اقول ياربي اخاف يكون مكان مافي خدمات نحتاج شي ماشيات ...... شلون النظام عفية الي راحوا .........أمان ؟؟

ادري اذيتكم معاي بس خبركم غشيمة

 

[ورد وردي]

رد : :{تجمع مسافرات تركيا صيف 2010}:

وصج بنات صج اسطنبول تلوع الجبد؟؟؟؟؟؟؟؟ رفيجتي ماتمدحها وحتى قريت بالنت؟؟؟؟؟؟؟؟؟

وثاني شي صج بوق سواء فلوس او خطرة عاليهال؟؟؟؟؟؟؟

ا

 

[bal8es]

رد: رد : :{تجمع مسافرات تركيا صيف 2010}:

وصج بنات صج اسطنبول تلوع الجبد؟؟؟؟؟؟؟؟ رفيجتي ماتمدحها وحتى قريت بالنت؟؟؟؟؟؟؟؟؟

وثاني شي صج بوق سواء فلوس او خطرة عاليهال؟؟؟؟؟؟؟

ا

انا عن نفسي اقولج ان تركيا امااااااااان من تجربتي الحصريه امس انا واختي ظيعنا بيتنا وع فكره عمري 17 واختي 14 يعني ع قولتهم بعمر الزهور واخطر عمر يمكن بديرة غربه .. تقريبا مشينا مساافه كبيره اعتقد فيها ع الاقل 3 كيلو بس مشي واخر شي اكتشفنا ان طريجنا غلط وع طول وقفنا ريال كبير بالسن وسألنا وطبعا التركيين ما يعرفون عربي ولا e بس الحمدالله عدت ع خير ع طول دق لنا الريال ع مترجم وكلم التاكسي وساعدنا وطبعا الناس تجمهرو وساعدونا وع فكره الساعه كاانت 9 الى ربع بليل
يعني انشالله اماااااااااااان

 

[ورد وردي]

رد : :{تجمع مسافرات تركيا صيف 2010}:

مشكووووووووووورة بلقيس حبيبتي طمنتيني جزاج الله خير